Pressan - 09.07.1992, Blaðsíða 15
FIMMTUDAGUR PRESSAN 9. JÚLI 1992
15
Áður Innkaupasamband bóksala nú IB-Blaðadreifing:
Þegar Guðmundur H. Sigmundsson, fjölskylda
og meðeigendur stofnuðu IB-Blaðadreifingu hf.
voru eignir Innkaupasambands bóksala lagðar
fram sem hlutafé. Seinna var nafni Innkaupa-
sambandsins breytt, hlutafé þess í IB-Blaða-
dreifingu selt fjölskyldunni en gamla fyrirtækið
sett eignarlaust á hausinn.
MEBSKUJI
Gamla bóka- og blaðadreif-
ingarfyrirtækið Innkaupasam-
band bóksala hf. er nú starfrækt
í Reykjavík undir nýju nafni eft-
ir að eigendur félagsins höfðu
losnað við 30 milljóna króna
kröfur með því að koma eignum
þess yfir á nýtt fýrirtæki en láta
það gamla fara á hausinn. Arki-
tekt þessarar eignatilfærslu er
Guðmundur H. Sigmundsson,
titlaður bóksali, sem sjálfur er
nýstiginn upp úr persónulegu,
en eignarlausu, þrotabúi upp á
70 milljónir króna að núvirði.
Auk gjaldþrota hans og gamla
Innkaupasambandsins hafa að
minnsta kosti þrjú önnur hluta-
félög Guðmundar farið í gegn-
um gjaldþrotameðferð að und-
anförnu; Tölvuland, Bókabúð
Braga hf. og Sigmundsson hf.
FORSPRAKKIBJÖRGUN-
ARAÐGERÐANNA SJÁLF-
UR í SKIPTUM
Innkaupasamband bóksala hf.
var upphaflega stofnað 1956, en
á síðari tímum komst það í
meirihlutaeigu Guðmundar og
fjölskyldu og tók eiginkona
Guðmundar, Ragnhildur Bend-
er, við framkvæmdastjóm fyrir-
tækisins, en bróðir hennar. Axel
Bender, varð stjómarformaður.
Þetta mun hafa verið snemrria
árs 1989. Þá var fyrirtækið illa
statt og ljóst er að nýir eigendur
tóku við miklum skuldum. Um
leið rak Guðmundur Tölvuland
og Bókabúð Braga við Lauga-
veg og gekk reksturinn þar
sömuleiðis illa.
Guðmundur var persónulega
úrskurðaður gjaldjjrota í maí
1990 og á svipuðum tíma hófust
aðgerðir til að „bjarga" Inn-
kaupasambandinu. I júní 1990
var stofnað fyrirtækið IB-
Blaðadreifing hf. í stofnsamn-
ingi kom fram að hlutaféð væri
10 milljónir og að þar af legði
Innkaupásamband bóksala hf.
4.5 milljónir. Hlutafé þetta
greiddi Innkaupasambandið
með því að leggja fram eignir
upp á 10.6 milljónir og láta nýja
félagið yfirtaka skuldir upp á yf-
ir 6 milljónir — mismunurinn
var 4.5 milljónir. Þar með var
gamla Innkaupasambandið skil-
ið eftir eignarlaust og búið að
ráðstafa hluta skulda þess til
nýja félagsins.
BIRGIMR, BÍLAR OG BÚN-
AÐUR UPP Á 10.6 MILLJ-
ÓNIR
Skuldimar sem nýja félagið
yfirtók voru 2ja milljóna króna
yfirdráttur á tékkareikningi í
Landsbankanum, 3.5 milljónir í
víxlum samþykktum til Lands-
bankans og 650 þúsunda króna
skuld við Ingvar Helgason hf.
vegna Nissan bifreiðar. Við-
skiptin í Landsbankanum munu
hafa farið fram í útibúinu í
Mjóddinni, hjá Bjama Magmís-
syni, sem PRESSAN hefur
nokkrum sinnum áður fjallað
um af öðmm tilefnum.
Eignimar, sem gamla félagið
lagði í hið nýja, voru „birgðir
erlendra blaða“, sem metnar
vom á 2.85 milljónir, sendibif-
reið og fólksbifreið upp á sam-
tals 1.6 milljónir og svo tölvur,
tæki, búnaður og dreifikerfi sem
metið var á 6.15 milljónir.
Auk þess sem Innkaupasam-
bandið gamla var með þessu
móti skráð fyrir 45 prósentum
hlutafjár í nýja félaginu var
Hilditr Guðmundsdóttir, tvítug
dóttir Guðmundar, skráð fyrir
1.2 milljónum eða 12 prósent-
um og Ragnhildur Bender, eig-
inkona Guðmundar, skráð fyrir
300 þúsundum eða 3 prósent-
um. Þá var samstarfsfólk Guð-
mundar, Hörður Reginsson og
Margrét Ragnarsdóttir skráð
fyrir samtals 1.8 milljónum
króna eða 18 prósentum.
Hvorki Ragnhildur, Hildur,
Hörður né Margrét lögðu fram
krónu til íyrirtækisins í reiðufé.
Þeirra framlag var allt metið í
búnaði eða þekkingu. Ragnhild-
ur lagði þannig fram hugbúnað
og tæki, Hildur skrifstofuáhöld,
tæki og búnað, Hörður skrif-
stofuáhöld, tæki og búnað og
Margrét lagði fram „markaðs-
ráðgjöf og erlend viðskiptasam-
bönd.“
FJOLSKYLDAN OG
LAGAR KEYPTU
FÉ GAMLA
FÉLAGSINS
Síðari hluta sama
árs vom þijú hlutafé-
lög tengd Guðmundi
og Ragnhildi úrskurðuð
gjaldþrota; B. Braga hf„
Tölvuland hf. og Sigmund
hf. Á meðan þrotabú Guð-
mundar og hlutafélaganna
þriggja vom til meðferðar vom
fleiri breytingar í undirbúningi
hjá hjónunum.
Næsta verkefni á dagskrá var
að breyta nafni gamla fyrirtæk-
isins til að halda gamla nafninu
og viðskiptavildinni að baki
þess í ömggri höfn. Það var gert
í desember 1990 og þá var nafn-
inu breytt úr Innkaupasambandi
bóksala hf. í Innkaup og sala hf.
í september 1991 barst hluta-
félagskrá yfirlit um hlutafé í IB-
Blaðadreifing hf. Þá kom í ljós
að 4.5 milljóna króna hlutur
Innkaupasambandsins gamla
var horfinn og hann ekki skráð-
ur á nafn Innkaupa og sölu. 3
milljóna króna hlut hafði eignast
Raymond Darking Barwick, 700
þúsunda króna hlut Amtek hf„
sem stofnað var í mars 1990
meðal annars af Tölvulandi, 300
þúsunda króna viðbótarhlut
hafði Hildur Guðmundsdóttir
eignast og sömuleiðis Hörður
Reginsson og loks hafði nýja fé-
lagið sjálft bætt við sig 200 þús-
unda kióna hlut.
Eftir því sem næst verður
komist er Raymond þessi lög-
fræðingur í Englandi og eigin-
maður Margrétar, en hún er
skráð til heimilis í Englandi. Þá
er Hörður í fjölskyldutengslum
við Guðmund og Ragnhildi, er
með sama heimilsfang og þau.
Hildur, Hörður og Ragnhildur
em nú til samans með 33 pró-
sent í fyrirtækinu og Margrét og
Raymond með 36 prósent.
FIMM ÞROTABÚ OG
KRÖFUR Á ANNAÐ
HUNDRAÐ MILLJÓNIR
I janúar 1991 urðu skiptalok í
persónulegu þrotabúi Guð-
IB-Blaðadreifing er starfrækt á jarðhæðinni á Suðurlands-
braut 32. Þegar starfsmenn urðu Ijósmyndara Preesunnar
varir var í skyndi dregið fyrir glugga fyrirtækisins.
mundar H. Sigmundssonar og
fundust engar eignir upp í kröf-
ur sem verða að teljast háar þeg-
ar um einstakling er að ræða.
Þær vom á upphafsdegi skipta
63,1 milijónir króna eða um 70
milljónir að núvirði.
I kjölfarið fylgdu skiptalok í
þrotabúum hlutafélaganna þrig-
gja, sem áður vom talin upp. I
engu tilfellanna fundust eignir
upp í kröfur. Þær vom tæpar 4
milljónir að núvirði í bú Tölvu-
lands, og tæplega 20 milljónir í
bú B. Braga hf. en vegna þess
að allt er í hers höndum á sýslu-
mannsskrifstofunni í Reykjavík
tókst ekki að afla upplýsinga um
heildarkröfur í þrotabú Sig-
mundssonar hf.
En þar með var gjaldþrota-
hrinunni ekki lokið, því enn var
eftir að afgreiða gamla Inn-
kaupasambandið, sem nú hét
Innkaup og sala hf. Það hlutafé-
lag var úrskurðað til gjaldþrota-
skipta í febrúar 1992 og tók það
Sigríði Logadóttur bústjóra ekki
langan tíma að klára dæmið.
Aðeins 4 mánuðir liðu að
skiptalokum og þá var ljóst að
engar eignir voru fyrir hendi
upp í heildarkröfur upp á 30
milljónir króna.
Nú er fyrirtækið IB-Blaða-
dreifing hf. rekið á Suðurlands-
braut 32 og mun reksturinn
ganga vel, enda óþægilegar
skuldir horfnar. I sama húsnæði
er rekstur Amtec hf. sem Tölvu-
land tók þátt í að stofna í febrúar
1990, nokkm áður en Tölvuland
var úrskurðað gjaldþrota. Til-
gangur Amtec og Tölvulands
var hinn sami; sala á tölvum og
tölvubúnaði ásamt viðgerðum
og annarri þjónustu. Stefán Ól-
afur Kárason stjórnarmaður í
Tölvulandi er nú stjórnarfor-
maður og framkvæmdastjóri
Amtec.
Friðrik Þór Guðmundsson
uuuruarcibm
17.05.83: Tölvuland hf.
stofnað.
15.01.88: B. Braga hf.
stofnað.
15.10.88: Sigmundsson hf.
stofnað.
21.04.89: Nýr meirihluti
Guðmundar í Innkaupasam-
bandinu.
21.05.90: Guðmundur
Sigmundsson úrskurðaður
gjaldþrota.
28.06.90: IB-Blaðadreif-
ing hf. stofnað.
23.10.90: B. Braga hf. úr-
skurðað gjaldþrota.
20.12.90: Tölvuland hf.
úrskurðað gjaldþrota.
20.12.90: Sigmundsson hf.
úrskurðað gjaldþrota.
31.12.90: Innkaupasam-
bandið gamla breytist í Inn-
kaup og sölu ht'.
??.09.91: Eignarhalds-
breytingar á IB-Blaðadreif-
ingu hf.
29.01.91: Skiptalok í
þrotabúi Guðmundar Sig-
mundssonar.
13.09.91: Skiptalok í
þrotabúi Tölvulands hf.
19.09.91: Skiptalok
þrotabúi B. Braga hf.
20.11.91: Skiptalok f
þrotabúi Sigmundsson hf.
03.02.92: Innkaup og sala
hf. úrskurðað gjaldþrota.
09.06.92: Skiptalok í
þrotabúi Innkaupa og sölu hf.