Pressan - 23.07.1992, Blaðsíða 12

12
FIMMTUDAGUR PRESSAN 23. JÚLÍ 1992

ÞORSTEINN
Antonsson rithöfundur á
ádrepu vikunnar um valda-
hroka stjórnmálamanna, „ör-
yrkjabandalögin EFTA, EBE,
EES og GATT“, merkingar-
lausa milljarða og geðveikislegt
bros á vörum fulltrúa fslands á
hafréttarráðstefnu Sameinuðu
þjóðanna. Bráðsnarpir sprettir
hjá Þorsteini — verst að það
nennir lfklega enginn að lesa
þá, nema þeir sem eru að flýja
bráðniðurdrepandi úttektir
ÞÓRÐAR
Friðjónssonar, sem reyndi að
segja stjórnmálamönnum
hvað við myndum græða á að
hætta að strádrepa þorskinn.
Það var eins og þau væru
stödd á uppboði, Davíð Odds-
son, Sighvatur Björgvinsson,
Margrét Frímannsdóttir og allir
hinir sem kepptust við að segja
okkur hvað Þórður væri vit-
laus afþvf að hann gleymdi að
reikna út hvað það væri erfitt
fyrir þau að trúa honum af því
að þá yrðu einhver fyrirtæki að
fara á hausinn af því að þau
geta ekki borgað skuldirnar
sínar af því að stjórnmála-
mennirnir eru búnir að lána
þeim of mikið. Þórður þarf að
finna upp svoleiðis sársauka-
vísitölu fyrir næstu skýrslu. En
einn maður getur örugglega
borgað skuldirnar sínar. Það er
STEFÁN
Friðfinnsson, forstjóri íslenskra
aðalverktaka, sem ákvað að
byrja á framkvæmdum á Vell-
inum fyrir þrjú þúsund og sex
hundruð milljónir án þess að
vita hvort öryrkjabandalagið
NATÓ gæti eða vildi borga
honum fyrir það. Svona menn
kunna að bjarga sér og óttast
ekki kreppuna. Ogyfirmaður
Stefáns, Jón Baldvin Hanni-
balsson utanríkisráðherra er
líka búinn að fmna varalausn
fyrir Völlinn ef NATÓ skyldi
klikka. í síðustu viku byrjuðu
nefnilega viðræður um auka-
aðild fslands að VES, Vestur-
Evrópusambandinu, sem er
enn ein eymdarskammstöfun-
in og eymdarbandalag sem
veit ekki hvers vegna það er til.
En þeir sem velktust í vafa vita
núna hvers vegna Tíminn er til
ennþá. Meðal gesta í veislu for-
setans fyrir Weizsácker Þýska-
landsforseta voru nefnilega
hvorki ritstjórar Moggans né
DV, en þar var
JÓN
Kristjánsson ritstjóri Tímans.
Hann þakkaði fyrir sig með því
að birta í heild sinni ræðu
Þýskalandsforseta. Þar var
náttúrlega ekkert að finna um
bölvunina sem fylgir EES, en
þeim mun meira um ffiðar-
tíma í nýrri Evrópu. Kjarkaður
maður og höfðingjahollur,
Tímaritstjórinn.
Þorgeir Hjaltason í Listljósi hf.
REYNIR AFTUR EFTIR
TVÆR TILRAUNIR í
SKANUINAVÍU
í vetur var stofnað fyrirtækið
Lisdjós hf., sem hyggst hefja ffam-
leiðslu á nýrri gerð ljósaskilta, sem
aðstandendur þess segja byltingu í
slíkri framleiðslu. Listljós er í sam-
bandi við fyrirtæki erlendis og tel-
ur góða möguleika á að þessi vara
seljist í miklu magni á mörkuðum
ytra. Skilti þessi eru þriðja eða
fjórða kynslóð ljósaskilta sem höf-
undurinn, Þorgeir Daníel Hjalta-
son, hefur reynt að koma á kopp-
inn í tíu ár, meðal annars í Sví-
þjóð, Noregi og Danmörku, með
mjög misjöfnum árangri.
Þorgeir var lengi í samstarfi við
Guðna Erlendsson og um miðjan
síðasta áratug stóðu þeir saman
að stofnun fyrirtækisins Zignlite í
Noregi, en áður höfðu fengist þró-
unar- og bankalán í Svíþjóð til
þessarar nýsköpunar. Framleiðsla
Signlite vakti töluverða athygli og
nokkuð var fjallað um uppfínn-
ingu þeirra félaga í norskum blöð-
um. Effir tveggja ára starf í Noregi
hættu þeir hins vegar starfsemi
þar og fluttu sig um set til Dan-
merkur.
Þorgeir Daníel Hjaltason og Guðni Erlendsson á upphafsárunum í Noregi.
í Danmörku komu þeir félagar
á fót fyrirtækinu Visual Marketing
og hófu framleiðslu á endurbættri
útgáfu skiltanna, sem kallaðist
Neox. Á viðskiptasíðu DV í októ-
ber 1986 kemur ffam í viðtali við
Þorgeir að fyrirtækið sé komið yfir
byrjunarörðugleika og sé að heíja
sölu á skiltunum víða um heim.
Meðal annars kemur ffam að þeg-
ar hafi pantað skilti stórfyrirtæki á
borð við Carlsberg, Tuborg, Telef-
unken, Pepsi, Bacardi og Ikea og
fyrirtækið Waste Management í
Bandaríkjunum hyggist ganga til
samstarfs við Visual Marketing.
Nokkru síðar varð Visual
Marketing gjaldþrota, að sögn
Þorgeirs einkum vegna þess að
það var ekki undir það búið að
mæta kröfum sem markaðurinn
gerði um fjöldaffamleiðslu á skilt-
unum.
Fyrir skömmu birtist svo á Stöð
2 ffétt um Listljós, sem að standa
ásamt Þorgeiri ÓmarÆgissonJón
Pálmason og fyrirtæki hans, Astro
hf. á Akureyri, og Þráinn Ingi-
mundarson hjá Auglýsingavörum
sf. Að sögn aðstandenda fór
fréttamaður glannalega með
væntanlegar sölutekjur Listljóss,
en Ómar Ægisson sagðist í frétt-
inni reikna með að fyrirtækið
veitti um hundrað manns vinnu á
næstu sex mánuðum, ef áætlanir
gengju eftir. Þá sagði hann Listljós
standa í viðræðum við fyrirtæki á
borð við Carlsberg, Clinique og
JollyCola.
I samtali við PRESSUNA sagði
Þorgeir að framleiðsla á þessari
nýju útgáfu skiltanna krefðist
mun minni fjárfestingar og minni
umsvifa en eldri gerðirnar. Hann
taldi hana eiga meiri möguleika ef
rétt væri á haldið, en sagði jafn-
framt lítinn skilning á nýsköpun
sem þessari í íslenskum peninga-
stofnunum.
Stór gjaldþrot
á Húsavik
Nýlokið er hjá skiptaráðanda
í Þingeyjarsýslu skiptameðferð á
þrotabúi fiskvinnslufyrirtækis-
ins Hreifa hf. á Húsavík, sem
tekið var til skipta í desember
síðastliðnum.
Kröfur í búið námu samtals
um 160 milljónum. Ekkert
greiddist upp i almennar kröfur,
en af um einni og hálfri milljón í
forgangskröfur greiddust 127
þúsund krónur.
Annað fyrirtæki á Húsavík,
Húsvísk matvæli hf„ hefur einn-
ig verið gert upp. Kröfur í búið
námu samtals 54 milljónum.
Upp í kröfur utan skuldaraðar
greiddust þrjár milljónir, en ekk-
ert greiddist upp í kröfur að fjár-
hæð um 51 milljón.
Gjalþrot Betri kaupa
Eiga inni
1,4 milljónir
Frá því að Neytendasamtökin
lögðu fram kæru á hendur Betri
kaupum í síðustu vikum, hafa
hrannast upp kröfur hjá samtök-
unum og skiptastjóra þrotabús-
ins, Halldóri Birgissyni. Kæran
var lögð fram í naftii 18 aðila, sem
telja sig eiga inni samtals 1.4 millj-
ónir hjá fyrirtækinu. PRESSAN
fjallaði um viðskipti fyritækisins
21. maí sl„ en þá lá fyrir fjöldi
krafna á hendur fyrirtækinu hjá
Neytendasamtökunum.
Réttur til að lýsa kröfu í búið
rennur út 19. ágúst. Öll húsgögn,
sem Betri kaup/Ódýri markaður-
inn hafði tekið í umboðssölu, en
hafa ekki verð seld, eru nú „fiyst“
inni í verslun fyrirtækisins í Síðu-
múlanum. Þeim verður öllum
skilað aftur til þeirra, sem komu
þangað með þau. Halldór segir að
þar til því sé lokið og allar kröfur
hafi komið fram, sé ómögulegt að
segja til um raunverulegt umfang
gjaldþrotsins. Ekki er víst að það
eigi nokkurn tíma eftir að koma
alveg í ljós, því mikil óreiða er á
bókhaldi fyrirtækisins. Neytenda-
samtökin hafa heldur ekki hvatt
Hjalti Úrsus og aðrir kraftlyftingamenn hafa orðið fyrir áföllum að undanförnu. Fyrst komu fram ásak-
anir um viðtæka lyfjanotkun og síðan fjárhagserfiðleikar Kraftlyftingasambandsins.
fólk til að gera kröfu í þrotabúið, Neytendasamtakanna. „Það er því
þar sem eignir þess eru engar. spuming hvort fólk nenni að gera
„Það eina sem það á eru skuldir kröfu í búið ef húsgögnin, sem
við viðskiptavini sína,“ segir Jó- það setti þangað í umboðssölu,
hannes Gunnarsson formaður hafa verið seld.“
Kraftlyftinga-
sambandið
Bjargar sér frá
gjaldþroti
Allar kröfur í þrotabú Kraftlyft-
ingasambandsins hafa verið afiur-
kallaðar og því hafa kraftlyftinga-
menn fengið búið afhent aftur til
frjálsrar ráðstöfunar.
Öll starfsemi sambandsins hef-
ur legið niðri að undanförnu
vegna fjárhagserfiðleika en nú
mun vera ráðgert að blása lífi í það
eftir að tókst að bjarga því frá
gjaldþrotinu. Það hefði þó aldrei
orðið stórt gjaldþrot þar sem lýst-
ar kröfur í búið voru ekki nema
um 660 þúsund krónur ásamt
kostnaði.
Fyrirhugað er að halda aðal-
fund sambandsins í september.
Meginverkefni hans verður leit að
fjáröflunarleiðum til að fylla tóma
kassa sambandsins fyrir bikarmót
krafflyftingamanna í nóvember.