Pressan - 30.07.1992, Blaðsíða 11

FIMMTUDAGUR PRESSAN 30. JÚLÍ 1992
11
Þrotabú íslensks nýfisks, fyrirtækis Björgvins Guðmundssonar
DEILT UM VIXLA
OG RANNSÖKIÍ
HAFIN Á 800J
týnduiiM
FISKKQÍ
Björgvin Guðmundsson,fyrrum
aðaleigandi islensks nýfisks og
framkvæmdastjóri Marvers á
Stokkseyri, nú fulltrúi í viðskipta-
deild ráðuneytis flokksbróður
síns. Telur að allt að 600 fiskkör
hafi verið tekin traustataki.
komið ásakanir
umaðekki séallt
meðfelldu
varðandi
uppgjörsmál
og víxla-
viðskipti.
Vjð gjaldþrotameðferð á þrota-
búi íslensks nýfisks, fyrirtækis
Björgvim Guðmundssonar og fjöl-
skyldu, sá Steinunn Guðbjartsdótt-
ir skiptastjóri ástæðu til að rita
Rannsóknarlögreglu ríkisins bréf
og óska eftir opinberri rannsókn á
því hvað orðið hefði um tilteknar
eignir þrotabúsins. Björgvin taldi
fyrirtækinu til eignar 600 til 800
ftskkör, á bilinu 7 til 13 milljóna
virði, en einungis um 20 fiskkör
skiluðu sér við meðferð hins nær
80 milljóna króna þrotabús. Þá
hefur fengist staðfest að einn
kröfuhafa, Valdimar Elíasson í
samnefndri fiskverkun í Reykja-
vík, hafi sent eða hyggist senda
RLR beiðni um opinbera rann-
sókn vegna viðskipta hans við ís-
lenskan nýíisk og fýrirtækið Mar-
ver á Stokkseyri, þar sem Björgvin
var til skamms tíma hluthafi,
stjórnarmaður og framkvæmda-
stjóri með prókúru.
HVAR ERU FISKKÖR AÐ
VERÐMÆTI7 TIL13
MILLJÓN KRÓNA?
Islenskur nýfiskur, sem að fullu
var í eigu Björgvins og fjölskyldu
hans, var tekinn til gjaldþrota-
skipta í janúar síðastliðnum og
rann kröfulýsingafrestur út í lok
mars. Við meðferð málsins lýsti
Björgvin því yfir að fyrirtækið ætti
600 til 800 fiskkör. Þau munu vera
í notkun víða, meðal annars er-
lendis. Samkvæmt heimildum
PRESSUNNAR er verðmæti slíkra
fiskkara á milli 10 og 20 þúsund
krónur stykkið, þannig að áætla
má heildarverðmæti 600 til 800
kara á bilinu 7 til 13 milljónir
króna. Steinunn Guðbjartsdóttir
skiptastjóri tók þá ákvörðun að
gera búið upp en fela RLR að
rannsaka hvað orðið hefur urn
þessi kör.
Kröfur í búið reyndust umtals-
verðar, eða nær 70 milljónir í ís-
lenskum krónum, sem svarar 8,5
milljónum í sænskum krónum og
sem svarar 700 þúsund krónum í
dönskum kónum. Lýstar kröfur í
heild námu 78 milljónum króna,
en engin afstaða var tekin til rétt-
mætis almennra krafna.
Stærstu kröfurnar átti Lands-
bankinn með samtals 16,3 millj-
ónir, fslandsbanki með 13,6 millj-
ónir, Marver með 13,4 milljónir,
danska fyrirtækið NST Fiskeex-
port með 8,5 milljónir, Búnaðar-
bankinn með 7 milljónir og Valdi-
mar Elíasson með 4,8 milljónir.
Forgangskröfur, aðallega frá
Lífeyrissjóði Dagsbrúnar, voru
upp á 875 þúsund krónur og tókst
að fá liðlega 52 þúsund krónur
upp í þær.
I.F.ÍTAÐ AÐ MISMUNIUPP
Á 43 MILLJÓNIR KRÓNA
Þá hefur jón Þóroddsson lög-
maður Valdimars Elíassonar stað-
fest að hjá RLR liggi beiðni um
rannsókn vegna viðskipta Valdi-
mars við fslenskan nýfisk og Mar-
ver á Stokkseyri. Jón sagði að
hann biði nú viðbragða frá Björg-
vini í máli þessu og að þau við-
brögð réðu því hvort beiðninni
yrði fylgt eftir. Hann sagðist líta
fyrst og ffemst á málið sem upp-
gjörsdeilu á milli Björgvins og
Marvers. Valdimar hefði keypt
fisk af Marveri í gegnum íslensk-
an nýfisk og nú væri Marver búið
að stefna Valdimari um greiðslu á
4,5 milljónum króna. Jón sagði að
Valdimar hefði gert full skil á
greiðslum vegna fiskkaupanna og
að fyrir því lægi yfirlýsing frá
Björgvini og enn ffemur yfirlýsing
frá honum um að íslenskur ný-
fiskur hefði greitt Marveri um-
rædda skuld. Hér væri því fyrst og
ffemst um að ræða uppgjörsdeilu
á milli Björgvins og Marvers að
Skiptastjóri þrotabús íslensks nýfisks bað RLR um að rannsaka afdrif 600
til 800 fiskkara að verðmæti um 7 til 13 milljóna króna. Beðið var um
rannsókn í deilu um hvar mismunur uppgjörs upp á 4,5 milljónir króna
hafi lent. Björgvin Guðmundsson, framkvæmdastjóri Marvers á Stokks-
eyri, er sagður hafa skrifað Marver sem ábyrgðaraðila á víxlum íslensks
nýfisks án heimildar stjórnar Marvers.
hans mati, en að öðru leyti vildi
Jón ekki tjá sig um hvað hefði orð-
ið um peningana.
Samkvæmt heimildum blaðs-
ins var fslenskur nýfiskur skráður
hluthafi í Marveri og taldist eign-
arhlutinn vera 20 prósent og var
Björgvin með framkvæmdastjórn
undir höndum. Upprunalegir eig-
endur fyrirtækisins höfðu lengi
þrýst á Björgvin að gera full skil á
hlutafjárloforði sínu, en án árang-
urs. Fór svo í október 1991 að ný
stjórn og framkvæmdastjórn var
kosin fyrir fyrirtækið og hvarf
Björgvin þá úr stjóminni, sem og
sonur hans, Rúnar Björgvinsson,
sem varastjórnarmaður, og Sig-
urður Viggó Gunnarsson tók við
stöðu framkvæmdastjóra af
Björgvini.
MARVER: EKKERT FINNST
UM GREIÐSLUR í
BÓKIIALDINU
Sigurður sagði í samtali við
PRESSUNA að ekkert kæmi ffam í
bókhaldi Marvers um að fleiri en
tvær greiðslur hefðu borist fyrir-
tækinu vegna Valdimars í gegn-
um fyrirtæki Björgvins, hvað sem
fullyrðingum Valdimars og Björg-
vins um full skil liði. Mismuninn
upp á 4,5 milljónir króna væri að
minnsta kosti ekki að finna í bók-
haldi Marvers. Þá staðfesti hann
aðspurður að Marver hefði gert
kröfu til þess að íslenskur nýfisk-
ur stæði skil á samsvarandi upp-
hæð eða 4,5 milljónum vegna um-
boðssölu íslensks nýfisks til
dansks fyrirtækis, sem aldrei
greiddi fýrir viðkomandi fisk.
Taldi Sigurður að ábyrgðin á
þessu lægi hjá Björgvini. Heildar-
krafa Marvers í þrotabú íslensks
nýfisks var sem fyrr segir 13,4
milljónir króna. Því má bæta við
þetta að 4,8 milljóna krafa Valdi-
mars í þrotabúið var ekki vegna
þessara mála, heldur eldri við-
skipta.
GERÐIMARVER ÁBYRGT
FYRIR VIXLUM ÁN LEYFIS
Sigurður sagði aðspurður að
árið 1987 hafi íslenskur nýfiskur
og Rækjuverksmiðjan Dögun
komið inn í Marver sem hluthaf-
ar. fslenskur nýfiskur ætlaði að
leggja fram 4 milljóna króna
hlutafé en aldrei greitt meira en
600 þúsund krónur. Hins vegar
hafi fé verið lagt inn á viðskipta-
reikninga, þar sem inneignir áttu
síðar að breytast í hlutafé, en þeg-
ar upp haft verið staðið hafi inn-
eign lslensks nýfisks verið nei-
kvæð og hafi fyrirtæki Björgvins
því aldrei í raun orðið sá hluthafi
sem ætlað var. Enda hafi Björgvin
ekki tiltekið slíka hlutafjáreign í
búskiptunum.
Samkvæmt heimildum blaðs-
ins er krafa Hafnarbakka hf„ dótt-
urfýrirtækis Eimskipafélagsins,
upp á samtals tæpar 2 milljónir
Króna, einnig í tengslum við Mar-
ver. „Ég get staðfest að eftir að fs-
lenskur nýfiskur varð gjaldþrota
fór Hafnarbakki að ganga á okkur
vegna tiltekinna víxla sem við
vissum ekkert um. Kom í ljós að
Björgvin hefði sem ffamkvæmda-
stjóri og prókúruhafi Marvers
slaifað Marver sem ábyrgðaraðila
á nokkra víxla vegna skulda ís-
lensks nýftsks við Hafnarbakka.
Þetta var án leyfis og vitundar
stjómar fýrirtækisins. Stærsti víx-
illinn er dagsettur mánuði eftir að
Björgvin hafði sagt af sér sem
framkæmdastjóri Marvers. Þetta
skilst mér þó að stafi af því að víxl-
ar fóru óútfýlltir til Hafnarbakka,
sem síðan hafi fyllt þá út“ sagði
Sigurður.
KANNAST EKKIVIÐ
BEIÐNIR UM OPINBF.RA
RANNSÓKN
Björgvin Guðmundsson sagði í
samtali við blaðið að hann kann-
aðist ekki við umræddar rann-
sóknarbeiðnir skiptastjóra og Jóns
Þóroddsonar. „í fyrsta lagi bað
skiptastjóri ekki um rannsókn,
heldur gerði ráðstafanir til að leit-
að yrði að fiskkörum sem ég
greindi frá að fslenskur nýfiskur
ætti. Fyrirtækið hafði í gegnum
tíðina keypt í kringum 600 slík
kör, en þau voru komin út um allt
land og jafnvel erlendis eins og
gengur og gerist. Sum voru merkt
okkar fyrirtæki, sum fýrirtækjum
sem við keyptum kör af og sum
ómerkt. Það er ómögulegt að geta
sér til um verðmæti þeirra og
raunveruleg afdrif, helst að ýmsir
aðilar hafi tekið þau traustataki"
sagði Björgvin.
Hann kannaðist heldur ekki við
að beðið hefði verið um rannsókn
vegna viðskipta íslensks nýfisks,
Valdimars Elíassonar og Marvers.
„Ég hef ekki heyrt um neina rann-
sóknarbeiðni, en veit að Marver
hefur stefht Valdimari og er þar á
ferðinni venjulegt innheimtumál
og uþpgjörsdeila. Þau mál komu
búskiptunum ekkert við. Úr því
þessi stefna liggur fyrir mun hið
sanna koma í Ijós með bókhalds-
rannsókn geri ég ráð fyrir, en ég
veit ekki betur en að þessi mál séu
uppgerð. Eins vil ég láta þess getið
að kröfuupphæðir í þrotabú fýrir-
tækisins eru fáránlegar og raun-
verulegar kröfur ekki nema brot
af því sem þar kemur fram.“
Björgvin sagði að hinsvegar
hefði það litla þýðingu að tjá sig
um þessi mál í íjölmiðlum.
Björgvin Guðmundsson var,
sem áður hefur komið ffam, ráð-
inn til starfa sem fulltrúi í við-
skiptadeild Utanríkisráðuneytis-
ins skömmu fýrir síðustu áramót
eða rétt áður en íslenskur nýftskur
var tekinn til gjaldþrotaskipta.
Friðrik Þór Guömundsson