Pressan - 24.09.1992, Blaðsíða 30

30
FIMMTUDAGUR PRESSAN 24. SEPTEMBER 1992
f Þ R Ó T T I R
EYJAMENN
EINA SÓL-
ARLIÐIÐ
Það hefur oft tíðkast að
íslensk íþróttalið færu
til útlanda að afloknu
keppnistímabili. Eftir
handboltann í vor fóru
FH-ingar og Selfyssing-
ar til Spánar i sólina.
Það verður hins vegar
lítið um slík ferðalög
eftir knattspyrnuvertíð-
ina og eftir þvi sem
komist verður næst eru
Eyjamenn með eina
sólarliðið að þessu
sinni. Þegar Ijóst varð
að þeir höfðu mögu-
leika á að forða sér frá
falli var heitið á leik-
menn sólarferð og þeir
nældu sér i eina slíka.
Önnur lið fara hvergi,
en KR-ingar hafa þó
boðað að þeir fari lík-
lega með liðið i keppn-
isferð næsta vor. Þá
verða væntanlega ein-
hver ferðalög hjá leik-
mönnum liðanna sem
keppa í Evrópukeppn-
inni, en þau verða ekki
á vegum liðanna
sjálfra.
Gervihnattasport
13.00 Snóker Sky Sporls. Bein út-
sending frá miklu móti í
Skotlandi þar sem allar
helstu stjörnur sportsins
keppa. Yndisleg sjónvarps-
íþrótt.
18.00 Trukkakappakstur Euro-
sport. Dálítið skrýtin íþrótt
þetta. Vörubílar I kapp-
akstri og aka gríðarhratt.
20.00 Spænski fótboltinn Scrcen-
sport. 1 spænsku deildinni
eru næstmestu peningarn-
ir og þarafleiðandi l(ka
næstdýrustu leikmennirnir.
Margar stjörnur og bráð-
um Maradona.
16.00 The Boot Room Sky Sports.
Andy Gray í fótbolta-
bomsuherberginu spáir og
spekúlerar með öðrum
sérfræðingum. Sýnir brot
úr leikjum og slúðrar dulít-
ið.
18.00 Rúbbí Sky Sport. Bein út-
sending frá leik í rúbbí-
deildinni ensku. Það getur
verið gaman að því.
23.00 Frjálsar íþróttir Eurosport.
Bein útsending frá ríki Ca-
stros. Fullt af heimsfrægu
frjálsíþróttafólki reynir með
sér, margt af því hefur ekki
keppt hvað gegn öðru síð-
an á Ólympíuleikunum.
MaMaaiM’iii
12.00 íþróttir á laugardegi Sky
Sports. Fimm klukkutíma
dagskrá með ýmsum
greinum, til að mynda
snóker og fótbolta.
12.50 Tennis Eurosport. Bein út-
sending frá Davis Cup í
Genf. Svisslendingar leika
gegn Brasilíumönnum.
23.30 Hnefaleikar Sky Sports. Ólíkt
þægilegra að sitja heima í
stofu með ölið og horfa á
slagsmál en vera á þvæl-
ingi niðri í bæ að reyna að
snapa slagsmál. Jájá.
SUNNUDAGUR
12.00 Kappakstur Eurosport.
Formúla eitt- kappakstur.
Senna, Patrese og hvað
þeir heita allir þrykkja
pinnanum í botn.
13.00 Fótbolti Sky Sports. Fyrst er
tveggja tíma umfjöllun um
boltann frá öllum hliðum
en klukkan þrjú verður
bein útsending frá leik
Sheffield Wednesday og
Tottenham. Wednesday er
með feikigott lið og nú er
Chris Waddle kominn
þangað. Tottenham-menn
eru daprir núna og furðu-
legt að Guðni Bergsson
skuli ekki komast í liðið.
18.00 Snóker Sky Sports. Meðal
annars bein útsending frá
úrslitaleiknum á mótinu í
Skotlandi.
19.00 Frjálsar íþróttir Eurosport.
Úrslit í ýmsum greinum í
beinni frá Kúbu. Allt eins
von á heimsmetum frá
stjörnunum.
Markaskorun eykst
þegar reglum er breytt
Á nýloknu keppnistímabili í
knattspymu voru skoruð 274
mörk eða 3,04 mörk að meðaltali í
Ieik. Þetta er mesta skor á íslands-
móti síðan 1985 en þá voru skor-
uð 276 mörk sem gerir 3,06 mörk
íleik.
Við sögðum frá því í síðasta
blaði að markaskorun hefði aukist
mjög eftir að nýju markmanna-
reglurnar tóku gildi. Það er at-
hyglisvert, ef markaskorun síð-
ustu tíu ára er skoðuð, að flest
mörk em skomð á þeim tímabil-
um sem breytingar á reglum eiga
sér stað. Árið 1985 voru skoruð
276 mörk, eins og áður sagði, en
það var einmitt fyrsta tímabilið
sem spilað var eftir þriggjastiga-
reglunni svokölluðu; þrjú stig
voru gefin fyrir sigur í stað tveggja
áður. Það voru skoruð 250 mörk
árið 1984 eða 27 mörkum færri en
á fyrsta tímabili eftir breytinguna.
f fyrra voru skoruð 267 mörk í
deildinni eða 2,96 mörk að meðal-
tali. Aukningin nú er ekki eins
mikil og var 1985, aðeins sjö
mörlC en hins ber að gæta að ekki
var spilað eftir nýju reglunum
nema í fjóram síðustu umferðun-
um. Fram að fimmtándu umferð
voru skoruð 2,7 mörk í leik en í
fjórum síðustu umferðunum vom
hinsvegar skomð 4,25 mörk í leik.
Þetta er aukning um hvorki meira
né minna 57 prósent. Meiri
reynsla á vissulega eftir að komast
á nýju reglurnar, en verði fram-
haldið svipað er ljóst að þær skila
sér í aukinni markaskorun og
fj öragri leikjum.
Markaskorun í 1. deild í knattspyrnu siðustu 10 ár
ÁR SKORUÐMÖRK MEÐALTAL (LEIK
1983 230 2,55
1884 250 2,77
1985 276 3,06
1986 249 2,76
1987 261 2,9
1988 244 2,83
1989 228 2,53
1990 256 2,84
1991 267 2,96
1992 274 3,04
Tvíburarnir
hlið Metgod
og Whitschg
Tvíburabræðurnir af Akranesi,
Arnar og Bjarki Gunnlaugssynir,
em án efa þeir leikmenn sem hvað
mesta athygli vöktu af íslenskum
knattspymumönnum í sumar. Og
það ekki bara hér innanlands, því
erlend stórlið eru þegar farin að
bera víurnar í þá bræður.
Þar á meðal er hið fræga hol-
lenska félag Feyenoord, en með
því leika menn eins og Rob Whit-
schge og hinn hárlitli Johnny
Metgod, sem er fyrirliði liðsins.
Metgod er nú orðinn þrjátíu og
fjögurra ára og segja sumir að
hann hafi aldrei leikið betur en nú.
Hann kemst þó ekki í hollenska
landsliðið og hefur ekki leikið
landsleik í tíu ár. Metgod er ís-
lenskum knattspyrnuáhuga-
mönnum að góðu kunnur, en
hann lék með Nottingham Forest
og Tottenham á Englandi fyrir
nokkrum árum. Hann þótti leika
sérlega vel með Nottingham For-
est og Rinus Michels, sem þá var
landsliðsþjálfari Hollendinga,
valdi hann í landsliðshóp sinn. Þá
var haft eftir Metgod í blöðum að
hann teldi sig eiga skilið fast sæti í
hollenska landsliðinu og svoleiðis
yfirlýsingar voru Michels ekki að
skapi og hann sendi Metgod ein-
faldlega heim. Metgod sagði að
rangt hefði verið eftir
sér haff en enginn virð-
ist hafa tekið mark á
þeim vitnisburði því
Metgod hefur ekki
komist í landsliðið síð-
an, en hann hefur ekki
leikið nema 21 leik fyr-
ir Hollands hönd.
Feyenoord er mjög
sterkt og gott lið og þar
eru Metgod og Whit-
schge lykilmenn. í
fyrra hafnaði liðið í
þriðja sæti í hollensku
fýrstudeildinni og leik-
ur því nú í Evrópu-
keppni félagsliða.
Metgod vonast nú effir að verða í
sigurliði í Evrópukeppni, hann
hefur leikið tvo úrslitaleiki í Evr-
ópukeppni en aldrei verið í sigur-
liði; Var í liði AZ 67 Alkmaar, sem
tapaði fyrir Ipswich í úrslitaleik
Evrópukeppni félagsliða fyrir ell-
efu árum, og fyrir níu árum var
hann í liði Real Madrid, sem tap-
aði fyrir Aberdeen í úrslitaleik
Evrópukeppni bikarhafa. En allt
er þegar þrennt er og Metgod von-
ast eftir að hlutimir gangi upp í ár.
Tvíburabræðurnir eiga ef til vill
eftir að hjálpa Metgod til að láta
draum hans rætast.
Johnny Metgod var hárprúðari
fyrirtíu árum þegar hann lék
síðasta landsleik sinn fyrir Hol-
land (það má geta þess að
pabbi hans er rakari).
Hann er nú fyrirliði Fey-
enoord, liðsins sem vill fá
markabræðurna af Skag-
anum til liðs við sig, og
hefur aldrei leikið betur.
Rúnar til
hjálpar Rrann
Liðið hefur ekki orðið Noregsmeistari í 30 ár.
Norska liðið Brann hefur sem
kunnugt er áhuga á að fá KR-ing-
inn Rúnar Kristinsson til liðs við
sig. Rúnar er nú í Noregi að kynna
sér aðstæður hjá félaginu. Brann
er frá Bergen og er eitt ffægasta lið
Noregs, áhangendur Brann þykja
þeir bestu og tryggustu í Noregi
og iðulega koma tuttugu þúsund
manns á heimaleiki liðsins. Þótt
Brann sé einn stærsti klúbbur
Noregs og áhugi á fótbolta mikill í
Bergen hefur liðinu gengið bölv-
anlega að vinna norsku fyrstu
deildina; ekki orðið meistari síðan
árið 1963 eða í tæp þrjátíu ár.
Síðustu tvö keppnistímabil hef-
ur Svíinn Karl Gunnar Björklund
þjálfað liðið. Hann er nú hættur
með það og sonur Karls Gunnars,
sænski landsliðsmaðurinn Joac-
him Björklund, er sömuleiðis far-
inn ffá Bergen. Nýr þjálfari liðsins
er Norðmaðurinn Hallvar Thore-
sen, sem þjálfaði áður Stromsgod-
set í annarri deild. Hallvar og
Stromsgodset komu verulega á
óvart í fyrra, en þá vann liðið bik-
arinn og keppir því í Evrópu-
keppni í haust. „Ég stóðst ekki þá
ffeistingu að taka við Brann, þetta
er draumastarf sérhvers norsks
knattspyrnuþjálfara,“ segir Hall-
var.
Kröfumar em miklar hjá Brann
og áhangendur liðsins orðnir
óþreyjufullir og krefjast titils. ís-
lendingar em ekki ókunnir í her-
búðum Brann. Teitur Þórðarson
þjálfáði liðið á sínum tíma og Ól-
afur Þórðarson og markmaður-
inn Bjarni Sigurðsson léku með
því. Nú er Rúnar jafnvel á leið til
liðsins og hann er kannski maður-
inn sem Brann vantar til að geta
unnið titilinn. Það yrði þá í fyrsta
sinn íþijátíu ár.
VIGGÓ SIGURÐSSON
Úrskurðurinn mannréttindasigur
Úrskurðurinn setur hins vegar forráða-
menn félaganna í mikinn vanda, skyndi-
lega er„eign“þeirra (það er leikmaður-
inn) þeim einskis virði nema hann skuldi
félaginufé eða hann sé með samning um
aðfá svo ogsvo mikla peningafyrir að
leika meðfélaginu.
Svipað og á síðasta keppnis-
tímabili er upphaf íslandsmóts-
ins í handbolta með þeim blæ að
varla er það til að auka hróður
handboltans. Deilur um verð-
mæti leikmanna sem ætla að
skipta um félög eru allsráðandi.
Það er skrýtið mat hjá forráða-
mönnum félaganna að félögin
hafi alræðisvald en réttur leik-
mannsins sé alls enginn. Því er
úrskurður dómstóls Handknatt-
leikssambands fslands í vikunni,
þess efhis að skuld- og samnings-
laus leikmaður geti skipt óhindr-
að um félag, viss sigur fyrir leik-
menn, og segir okkur að þeir eigi
jú að njóta almennra mannrétt-
inda þó svo þeir hafi áhuga á að
stunda handbolta í frístundum
sínum.
Úrskurðurinn setur hins vegar
forráðamenn félaganna í mikinn
vanda, skyndilega er „eign“
þeirra (það er leikmaðurinn)
þeim einskis virði nema hann
skuldi félaginu fé eða hann sé
með samning um að fá svo og
svo mikla peninga fyrir að leika
með félaginu. Einhvern vitrænan
botn verður að fá í þessi mál.
Það er engin spurning að
handboltinn er á uppleið á Is-
landi. Deildin verður örugglega
jöfn og spennandi í vetur. Nýlið-
arnir, IR og Þór, ætla ekki að láta
neinn kaffæra sig og byrja deild-
ina með stæl. Ljóst er að fyrir lak-
ari liðin er mikilvægt að byrja vel,
birgja sig upp fyrir veturinn, því
hvert stig kemur til með að verða
hvngdar sinnar virði í gulli þegar
á líður. Góð byrjun gefur liðum
eins og ÍR og Þór blóð á tennurn-
ar. Það yrði saga til næsta bæjar
að sjá eitthvert hinna liðanna
falla í aðra deild. Liðin eru að
finna taktinn og erfitt er að sjá
skýrar línur ennþá í leik þeirra.
Miklir peningar em í húfi og ör-
uggt að þjálfarar munu þurfa að
starfa undir mikilli pressu. Það
gildir jú ekkert nema sigur.
Fyrirkomulag fslandsmótsins
er það sama og heppnaðist svo
vel í fyrra. Fólk vill spennu — að
hver einasti leikur skipti máli.
Það sýndi sig í fyrra að það var
ekki dauður punktur í öllu mót-
inu nema kannski rétt í byrjun.
Sannarlega spennandi vetur
ffamundan.
Hötundur er hondknattleiksþjálfarí.
fslendingar hafa staðið sig vel
hjá Brann og nú vilja forráða-
menn liðsins fá Rúnar Kristins-
son til liðs við félagið. Tvíbur-
arnir af Skaganum, Arnar og
Bjarki Gunnlaugssynir, eru hins
vegar á ieið til Hollands og ætla
að skoða aðstæður hjá Feyeno-
ord og síðan ætla þeir til Þýska-
landsmeistara Stuttgart.
Sænski varnarmaðurinn og fyrr-
um fyrirliði sænska landsliðsins,
Glenn Hysen, má muna fífilsinn
fegurri. Gamli varnarjálkurinn
fór frá Liverpool til Gautaborgar-
liðsins GAIS og hafi hann haldið
að hann ætti náðuga daga fram-
undan þar i vörninni miðað við
árin i Englandi var það mesti mis-
skilningur. Nýlega tapaði QAIS
fyrir Öster með níu mörkum gegn
engu, leikmenn Öster léku Hysen
oft grátt, fífluðu hann á alla
kanta og gamli maðurinn vissi
ekki hvaðan á sig stóð veðrið.
„Þetta er það versta sem ég hef
lent i á öllum minum ferli—
hræðileg martröð,"sagðiHysen
eftir leikinn.