Tíminn Sunnudagsblað - 12.12.1965, Blaðsíða 11
Hög-gormurinn skoðar eggið í nokkrar mínútur og
bregður tungu sinni á það annað veifið.
Síðan rekur hann neðri kjálkana undir það og styður
við það með tönnunum, svo að það færist ekki undan.
>f
Höggormur sá, sem þessar myndii eru af, á heima í
Kaliforníu, og honum verður ekki skotaskuid úr því
að gleypa hluti, sem eru miklu stærri en höfuðið á
honum. Það er með fádæmum hve hann getur glennt
upp ginið, en mestu máli sklptir þó, a3 neðri kiálkarn-
ir eru þannig úr garði gerðir, að þeir gefa eftir, þegar
til þarf að taka. Þeir eru einungis tengdir saman a3
framan með teygjanlegum sinum og það verður þvi,
að höggormurinn getur gapað miklu meira en ella
myndi.
Þegar eitthvað er komið upp í höggorminn, þrýsta
hreyfanleg bein í efri kjálkanum því áfram niður í
kokið. Þetta gerist þó með mestu hægð. Höggormur
getur gleypt egg án þess að brjóta skurninn, en oft
kemur samt sem áður gat á hann, áður en eggið er kom-
ið niður í kokið. Þá bullar hvíta og rauða út um nasirn-
ar á honum.
Það fer eftir magni og hitastigi, hve höggormur er
lengi að melta það, sem hann gleypir. Stundum meltir
hann fæðuna á nokkrum klukkustundum, en stundum
þarf hann til þess nokkra daga.
TIMINM - SUNNUDAGSBLAÐ
1139