Tíminn Sunnudagsblað - 30.06.1973, Síða 12

ALLIR vita hvar Kjarvalsstaðir eru, nýja myndlistarhúsið
á Miklatúni. Hitt vita sjálfsagt færri, að i næsta húsi þar
fyrir ofan og sama megin Flókagötu er kappsamlega unnið
að listsköpun (nánar tiltekið á Flókagötu 54), en þar býr
listakonan Matthea Jónsdóttir ásamt fjölskyldu sinni og
þar hefur hún vinnustofu. Þangað er ferðinni heitið að þessu
sinni til að fræðast um störf hennar og aðstöðu í listinni.
Matthea hefur tvivegis hlotið viðurkenningu fyrir verk
sin á sýningum evrópskra málara i Oostende i Belgiu en
sýningar þessar voru haldnar að tilhlutan Evrópuráðsins.
— Hvað um myndlistarnám?
— Að loknu skólanámi byrjaði ég þegar skrifstofustörf og
stundaði jafnframt nám i kvölddeildum Myndlista og hand-
iðaskólans, veturna 1954 - ’55 og svo i Myndlistaskólanum
við Mimisveg 1960 - '61. Að öðru leyti er ég sjálfmenntuð i
listinni. Það er svo 1966, að ég geri mynd, sem fer á sam-
sýningu og árið 1967 legg ég i það aðsýna sjálfstætt.
Hve margar einkasýningar hefur þú haldið og hvað um
þátttöku þina i öðrum sýningum?
Ég hef haldið tvær sjálfstæðar sýningar, fyrri sýningin i
Asmundarsal 1967 og seinni i Bogasal Þjóðminjasafnsins
1970. Þá hef ég tekið þátt i samsýningum Félags isl. mynd-
listarmanna nokkrum sinnum, fyrst i Listamannaskálanum
gamla v/Kirkjustræti 1966 og 1967 og i nýbyggingu Iðn-
skólans 1969 og i myndlistarhúsinu nýja á Miklatúni á Lista-
hátið 1970. Ég tók þátt i samsýningu Isl. myndlistarkvenna
að Hallveigarstöðum v/Túngötu 1967, en sú sýning var
haldin i tilefni opnunar hússins.
— Telur þú verk þin flokkast. aðallega undir eina stefnu?
— Þótt ýmsir hafi heiðrað mig með þvi að flokka verk min
til ákveðinnar liststefnu, verð ég að viðurkenna, að ég fylgi
raunverulega engri. Ég stend utan þess garðs i minni': eigin
sérvizku, og vil vera frjáls og engum háð. Að visu get ég
ekki borið á móti þvi, að i listmótuninni sé ýmislegt, sem
mér hentar að nota úr einni og annarri myndgerð, eitthvað
til að koma þvi verki, sem ég vinn að,á ákveðið stig, list-
fræðilega séð, en mér finnst að listamaður megi aldrei
verða sliku haður, hann verður þrátt fyrir slik atriði að vera
hann sjálfur og enginn annar.
Listin er hugsjón, tjáð
og sett fram í hugmynd
Rætt við Mattheu Jónsdóttur listmálara.
Frú Matthea Jónsdóttir við vinnu sina i málarastofunni. Verkiö, sem hún vinnur að er mjögeinkennandi fyrir liststil
hennar.
540
Sunnudagsblað Timans