Morgunblaðið - 09.05.2004, Qupperneq 62

AUÐLESIÐ EFNI
62 SUNNUDAGUR 9. MAÍ 2004 MORGUNBLAÐIÐ
EINN maður lést og fimm
slösuðust í vélsleða-slysi inn
af Garðsárdal í Eyjafirði á
sunnudaginn var. Óku þeir
sleðum sínum fram af
hengjum sem þar voru.
Enginn af þeim fimm sem
slösuðust var talinn í
lífshættu.
Mennirnir voru allir
þaulvanir ferðum af þessu
tagi. Maðurinn sem lést hét
Sigurgeir Einarsson. Hann
var 42 ára og lætur eftir sig
sambýlis-konu og tvær
dætur, fjögurra ára og eins
árs.
Meira en 200
björgunar-sveitar-menn komu
að björgun mannanna en
aðstæður voru mjög erfiðar.
Varð að flytja slösuðu
mennina yfir gil, skorninga og
kletta-belti í mjög vondu veðri
og myrkri.
Vélsleðaslys í Eyjafirði
Einn fórst og
fimm slösuðust
Ljósmynd/Hrannar Örn
Aðstæður á slysstað voru mjög slæmar.
AÐALSTEINN Eyjólfsson,
þjálfari Íslands- og
bikarmeistara ÍBV í
handknattleik kvenna, hættir
þjálfun ÍBV eftir leiktíðina og
tekur við þjálfun þýska
efstudeildarliðsins TuS
Weibern.
„Ég er búinn að ganga frá
tveggja ára samningi. Þetta
bar brátt að og hlutirnir hafa
kannski gerst óþarflega
hratt. Ég lít hins vegar á
þetta sem einstakt tækifæri
sem maður fær ekki á
hverjum degi á lífsleiðinni. Ég
er ungur og metnaðargjarn
og þegar mér bauðst starfið
þá var afar erfitt að hafna
því,“ sagði Aðalsteinn við
Morgunblaðið, en hann tók
við liði ÍBV fyrir þessa leiktíð.
TuS Weibern hafnaði í 10.
sæti af 12 liðum í þýsku 1.
deild kvenna sem lauk um
síðustu helgi og hyggur á
stórsókn á næstu leiktíð.
Jafnframt að þjálfa aðalliðið
stendur til að Aðalsteinn sjái
einnig um þjálfun yngri
kvennaflokka félagsins.
„Þýska deildin er
gríðarlega sterk. Þarna eru
miklir fjármunir, Það er mikil
umfjöllun um
kvennahandboltann og það
eru tvö til þrjú þúsund
áhorfendur á leik,“ segir
Aðalsteinn.
„Það verða miklar
breytingar á liðinu fyrir
næsta keppnistímabil. Það
eru hafnar viðræður við
sterka leikmenn í Þýskalandi
og þá er ég búinn að ræða
við tvo leikmenn Stjörnunnar,
Sólveigu Láru Kjærnested
og Jónu Margréti
Ragnarsdóttur. Þær
viðræður eru langt á veg
komnar og ég vonast til að
þau mál klárist á allra næstu
dögum,“ sagði Aðalsteinn.
Samningur hans við þýska
liðið tekur gildi um miðjan
júní en Aðslsteinn segist
halda utan strax að lokinni
úrslitakeppninni til að ganga
frá samningnum.
Kvennalið ÍBV missir þjálfarann
Morgunblaðið/Þorkell
Kvennalið ÍBV í handknattleik þarf nú að leita sér að
nýjum þjálfara.
Aðalsteinn á leið til Þýskalands
GEORGE W. Bush
Bandaríkjaforseti sagði í
viðtali við arabískar
sjónvarpsstöðvar á
miðvikudag að sér fyndist
framferði bandarísku
fangavarðanna í Írak
„hryllilegt“. Komið hefur í ljós
að sumir þeirra hafa beitt
íraska fanga í Abu
Ghraib-fangelsi í Bagdad
andlegum og í sumum
tilfellum líkamlegum
pyntingum.
Ljósmyndir af föngunum,
sem teknar voru fyrir
nokkrum mánuðum, hafa
vakið mikla reiði víða um
heim, ekki síst meðal araba.
Voru þeir niðurlægðir með
ýmsum hætti, meðal annars
voru naktir karlmenn látnir
vera í stellingum sem minntu
á kynlífsathafnir. Múslímar
hafa mikla andstyggð á því
að bera líkama sinn frammi
fyrir ókunnugu fólki.
Ekki bætir úr skák að
Abu-Ghraib-fangelsið var í tíð
Saddams Husseins alræmt
fyrir að vera ein helsta
miðstöð pyntingameistara
hans. Er ráðist var inn í Írak í
fyrra var umheiminum meðal
annars sagt að markmiðið
væri að stöðva grimman
harðstjóra sem beitti þjóð
sína pyntingum.
Bush hét því að málið yrði
rannsakað og vörðum sem
reyndust sekir yrði refsað.
Þjóðaröryggisráðgjafi Bush,
Condoleezza Rice, sagði að
Bandaríkjamenn bæðust
„innilega fyrirgefningar á
þessum atburðum öllum“.
Nú er orðið ljóst að
yfirmenn Bandaríkjahers
komust á snoðir um málið
þegar um áramótin og var
hershöfðingi sem bar ábyrgð
á fangavörðunum rekinn í
janúar. Lítið var þó gert úr því
hve alvarlegt það væri fyrr en
ljósmyndunum var lekið í
fjölmiðla. Bush gagnrýndi í
vikunni Donald Rumsfeld
varnarmálaráðherra fyrir að
hafa ekki sýnt sér
ljósmyndirnar. Sagðist
forsetinn hafa séð þær fyrst í
sjónvarpsútsendingum.
Rumsfeld hefur verið
hvattur til að axla ábyrgðina
og segja af sér. Bush baðst á
fimmtudag afsökunar á
hátterni varðanna en sagði
að hann hygðist ekki reka
Rumsfeld þrátt fyrir að hafa
gagnrýnt hann. Sagði Bush
ráðherrann vera mikilvægan
liðsmann í stjórninni.
Rumsfeld kom á föstudag
fyrir þingnefnd og svaraði þar
spurningum vegna
fangavarðamálsins.
Bush biðst afsökunar
Reuters
Bandarísk kona í Abu Ghraib-fangelsi heldur í ól sem fest hef-
ur verið við hálsinn á nöktum, íröskum karlmanni.
mánudag líka. Í
skoðanakönnun sem Gallup
gerði fyrir Norðurljós kom
fram að 64,5% segjast vera
andvíg fjölmiðla-frumvarpinu
en 24,1% sagðist vera
hlynnt því en 11,5% sögðust
hvorki hlynnt né andvíg
frumvarpinu.
UMDEILT frumvarp
ríkisstjórnarinnar um
eignarhald á fjölmiðlum er
nú til umfjöllunar í
allsherjar-nefnd Alþingis sem
leitað hefur eftir umsögnum
fjölda aðila. Nefndin muna
verða að störfum alla
helgina og væntanlega á
Fjölmiðla-frumvarp
í allsherjar-nefnd
BANDARÍSKU
gamanþættirnir Vinir
(Friends) hafa lokið göngu
sinni eftir 10 farsæl ár á
sjónvarpsskjánum.
Þau Monica, Chandler,
Ross, Rachel, Phoebe og
Joey snúa sér nú að öðrum
hlutum. Sá síðastnefndi mun
einn þeirra halda áfram að
birtast í sjónvarpinu í nýjum
þáttum sem fara af stað
næsta haust. Þar er leikarinn
ólánssami fluttur til Los
Angeles í þeim tilgangi að
freista gæfunnar í
bíóborginni Hollywood.
Áætlað er að um 50
milljónir manna í
Bandaríkjunum hafi horft á
lokaþáttinn sem sýndur var á
fimmtudaginn.
Reuters
Traustir vinir í tíu ár.
Vinirnir
kveðja