Morgunblaðið - 11.05.2004, Blaðsíða 1
STOFNAÐ 1913 128. TBL. 92. ÁRG. ÞRIÐJUDAGUR 11. MAÍ 2004 PRENTSMIÐJA ÁRVAKURS HF. mbl.is
Atgangur
bannaður
Gylfi Þór Orrason dæmir fyrsta
leik Íslandsmótsins | Íþróttir
Hver hlutur
á sínum stað
Aðstoðar við að koma skipulagi
á hlutina | Daglegt líf
Michael
Ignatieff
Getum tapað stríðinu gegn
hryðjuverkum | Spurt og svarað
GEORGE W. Bush Bandaríkjaforseti lýsti
yfir fullum stuðningi við Donald Rumsfeld
varnarmálaráðherra í gær og sagði hann
hafa unnið „frábært starf“.
Ummælum forsetans virtist ætlað að
kveða niður vangaveltur um að Rumsfeld
myndi segja af sér vegna mynda sem sýna
misþyrmingar og niðurlægjandi meðferð á
föngum í fangelsum Bandaríkjahers í Írak.
„Þú ferð af hugrekki fyrir landi okkar í
stríðinu gegn hryðjuverkastarfsemi,“ sagði
Bush með Rumsfeld sér við hlið eftir fund
með háttsettum embættismönnum í varnar-
málaráðuneytinu. „Þú hefur unnið frábært
starf. Þú ert öflugur varnarmálaráðherra og
þjóð okkar stendur í þakkarskuld við þig.“
„Móðgun við írösku þjóðina“
Bush viðurkenndi að myndirnar af írösku
föngunum hefðu valdið Bandaríkjamönnum
miklum álitshnekki. „Þeir sem bera ábyrgð á
þessum misþyrmingum hafa valdið skaða
sem nær langt út fyrir fangelsisveggina.
Þetta hefur gefið sumum tilefni til að draga
málstað og markmið okkar í efa.“
Bush hét því að þeir sem misþyrmdu föng-
unum yrðu dregnir fyrir rétt. Hann sagði að
„grimmileg og smánarleg meðferð á íröskum
föngum“ yrði rannsökuð rækilega og lýsti
henni sem „móðgun við írösku þjóðina“.
Öldungadeild Bandaríkjaþings samþykkti
í gærkvöldi ályktun þar sem framferði her-
mannanna er fordæmt.
Reuters
Donald Rumsfeld (t.h.) hlýðir á George W.
Bush forseta á fundi í Washington í gær.
Bush hrósar
Rumsfeld
Segir ráðherrann hafa
unnið „frábært starf“
Washington. AP, AFP.
Deilt um hvort/14
SÝNING á Kenjunum eftir
spænska listamanninn Francisco
de Goya verður opnuð í Lista-
safninu á Akureyri á laugardag-
inn. Hannes Sigurðsson, for-
stöðumaður safnsins, segir að
Kenjarnar séu líklega „frægasta
listaverk sem komið hefur til Ís-
lands“. Verk eftir Goya hafa
ekki áður verið sýnd hér á landi
en hann þykir einn merkasti
listamaður sögunnar.
Myndröðin Kenjarnar sam-
anstendur af áttatíu ætingum
frá árinu 1799 og eru aðeins örfá
frumþrykk af þessari myndröð
til í heiminum.
„Konunglega svartlistasafnið í
Madríd varðveitir allar upp-
runalegu koparplöturnar og eru
frumþrykk eftir meistara Goya,
frá fyrstu útgáfu þeirra í Madríd
árið 1799, hér til sýnis. Fyrsta
útgáfan var sú eina sem Goya
leit eftir persónulega, en þau
eintök hafa týnst nánast öll.
Þetta er auðvitað virtasta og
verðmætasta útgáfan. Þetta eru
þjóðardýrgripir enda þurfti
samþykki bæði menningar-
málaráðuneytis Spánar og út-
flutningsráðuneytisins áður en
verkin voru flutt úr landi,“ sagði
Hannes. „Þau voru svo flutt með
fylgdarliði frá Svartlistasafninu
út á flugvöll í Madríd, áfram
þannig til Kaupmannahafnar og
Keflavíkur, þar sem fulltrúi okk-
ar tók við þeim og ók af stað
norður í upphituðum bíl. Hingað
bárust verkin svo um miðja
nótt.“ Sýningin er framlag Ak-
ureyrarbæjar til Listahátíðar í
Reykjavík.
Kenjarnar eftir Francisco de Goya sýndar í Listasafninu á Akureyri
Morgunblaðið/Skapti Hallgrímsson
Hannes Sigurðsson með eitt verkið úr myndröðinni eftir Goya.
„Heimslist þarf hvorki að vera þung né fyrirferðarmikil frekar en
mannsandinn,“ sagði Hannes þegar hann sýndi blaðamanni verkin.
„Frægasta lista-
verk sem komið
hefur til Íslands“
Frumþrykk Goya/6
Akureyri. Morgunblaðið.
MANNRÉTTINDASAMTÖKIN Amnesty
International birta í dag skýrslu þar sem
breskir hermenn eru sakaðir um að hafa
skotið óbreytta borgara í Írak til bana, m.a.
átta ára stúlku, án þess að nokkur ástæða
hafi verið til að ætla að hermennirnir hafi
verið í hættu.
Í skýrslunni segir ennfremur að breski
herinn hafi í mörgum tilvikum látið hjá líða
að rannsaka skotárásirnar. Breskir her-
menn séu taldir hafa orðið 37 óbreyttum
borgurum að bana í Írak frá 1. maí í fyrra
þegar því var lýst yfir að hernaðinum væri
að mestu lokið í landinu.
Amnesty
gagnrýnir
her Breta
London. AFP.
Ákveða fljótlega/16
♦♦♦
TAKMÖRKUN við að veita út-
varpsleyfi fjölmiðli sem er í eigu
markaðsráðandi fyrirtækis eða
fyrirtækjasamstæðu í markaðs-
ráðandi stöðu, skal aðeins taka til
fyrirtækis eða fyrirtækjasam-
stæðu sem veltir yfir tveimur
milljörðum króna á ári samkvæmt
breytingatillögu við frumvarp um
eignarhald á fjölmiðlum sem sam-
þykkt var í allsherjarnefnd Al-
þingis í gærkvöldi. Önnur veiga-
mikil breytingartillaga við
frumvarpið er að fyrirtæki eða
fyrirtækjasamstæður, sem eru í
markaðsráðandi stöðu og velta yf-
ir tveimur milljörðum á ári, mega
ekki eiga meira en 5% í fjölmiðli
með útvarpsleyfi. Í upphaflega
frumvarpinu máttu þau ekki eiga
neitt í fjölmiðlum. Þá er lagt til að
lögin taki gildi 1. júní 2006 í stað
þess að taka þegar gildi með
tveggja ára aðlögunartíma.
„Þetta er lending sem meiri-
hlutinn lagði til eftir að hafa farið
vandlega yfir þær athugasemdir
sem nefndinni hafa borist við með-
ferð málsins,“ sagði Bjarni Bene-
diktsson, formaður allsherjar-
nefndar, að loknum fundi. „Þessar
breytingatillögur koma að veru-
legu leyti til móts við athugasemd-
ir sem fram hafa verið færðar.“
Minnihluti allsherjarnefndar
lagði til eftir að breytingatillög-
urnar voru lagðar fram í gær-
kvöldi að þeim yrði vísað til um-
sagnaraðila. Þá lagði formaður
nefndarinnar til að málið yrði af-
greitt úr nefndinni. Gekk sú til-
laga lengra og var samþykkt.
Bryndís Hlöðversdóttir sagði í
gærkvöldi meðferð málsins tilræði
við lýðræðið í landinu. Í samtali
við Morgunblaðið sagði hún þess-
ar tillögur eyða í engu óvissu um
hvort frumvarpið bryti í bága við
stjórnarskrá og EES-samninginn.
„Nú er verið að breyta gildistöku-
ákvæðinu í 1. júní 2006 og þá hlýt
ég að spyrja hvað liggur svona á.
Af hverju má ekki fá lögfræðiálit
óvilhallra aðila um þessar alvar-
legu ásakanir sem hafa komið
fram. Við fordæmum þessi vinnu-
brögð.“
Bjarni sagði að langmest hefði
verið rætt um í nefndinni hvort
þessi lög stönguðust á við stjórn-
arskrána og evrópskar réttarregl-
ur. „Við teljum að frumvarpið í
þeirri mynd sem við tökum það út
úr nefndinni eigi að standast þau
mannréttindaákvæði sem um er
að ræða. Við vekjum þó athygli á
því í nefndaráliti að það sé í sjálfu
sér ekki hægt að útiloka það, að
lögin fari í einhverjum sérstökum
tilvikum gegn eignarréttarákvæð-
um stjórnarskrárinnar. Verði það
tilfellið, eins og segir í nefndar-
álitinu, þá þurfi að koma bætur
fyrir,“ segir formaður allsherjar-
nefndar.
Önnur umræða um fjölmiðla-
frumvarpið hefst kl. 10.30 á Al-
þingi í dag.
Allsherjarnefnd lagði fram breytingatillögur við fjölmiðlafrumvarpið
Eignaraðild fyrirtækja
verði takmörkuð við 5%
Önnur umræða um fjölmiðlafrumvarpið fer fram í dag Lögin taki
gildi 1. júní 2006 „Kemur að verulegu leyti til móts við athugasemdir“
Morgunblaðið/Golli
Bjarni Benediktsson, formaður Allsherjarnefndar, svarar fyrirspurn-
um fréttamanna að loknum þingflokksfundi Sjálfstæðisflokks í gær.
Fjölmiðlafrumvarpið/4