Morgunblaðið - 11.05.2004, Blaðsíða 2

FRÉTTIR
2 ÞRIÐJUDAGUR 11. MAÍ 2004 MORGUNBLAÐIÐ
BUSH HRÓSAR RUMSFELD
George W. Bush Bandaríkja-
forseti lýsti í gær yfir fullum stuðn-
ingi við Donald Rumsfeld varnar-
málaráðherra og sagði bandarísku
þjóðina standa í þakkarskuld við
ráðherrann þar sem hann hefði unn-
ið „frábært starf“. Með ummæl-
unum virtist forsetinn vilja kveða
niður vangaveltur um að Rumsfeld
myndi segja af sér vegna misþyrm-
inga og niðurlægjandi meðferðar
bandarískra hermanna á föngum í
Írak.
Neitar sök
Eini maðurinn sem hefur verið
ákærður fyrir aðild að Skeljungs-
ráninu sem framið var í Lækjargötu
27. febrúar 1995, breytti framburði
sínum fyrir dómi í gær, og segist
saklaus af ákærunni. Maðurinn
hafði áður játað fyrir lögreglu að
hafa ásamt tveimur öðrum mönnum
rænt tvo starfsmenn Skeljungs þar
sem þeir komu með uppgjör helg-
arinnar í Íslandsbanka í Lækjar-
götu.
Goya á Akureyri
Sýning á
Kenjunum
eftir
spænska
listamann-
inn Franc-
isco de
Goya verð-
ur opnuð í
Listasafn-
inu á Ak-
ureyri á
laugardag-
inn. Hannes Sigurðsson, for-
stöðumaður safnsins, segir að Kenj-
arnar séu líklega „frægasta lista-
verk sem komið hefur til Íslands“.
Verk eftir Goya hafa ekki áður verið
sýnd hér á landi.
Breski herinn gagnrýndur
Mannréttindasamtökin Amnesty
International birta í dag skýrslu þar
sem breskir hermenn eru gagn-
rýndir fyrir að hafa skotið óvopnaða
borgara í Írak til bana án þess að
nokkur ástæða hafi verið til að ætla
að hermennirnir eða aðrir hafi verið
í hættu. Breski herinn hafi látið hjá
líða að rannsaka margar af þessum
árásum.
Boðar breytta áætlun
Ariel Sharon, forsætisráðherra
Ísraels, hefur heitið því að breyta
áætlun um að leggja niður allar
byggðir gyðinga á Gaza-svæðinu
eftir að flokkur hans hafnaði henni.
Hefur hann frestað fyrirhugaðri
ferð sinni til Washington til að fá
tíma til að breyta áætluninni.
Y f i r l i t
Í dag
Sigmund 8 Umræðan 27/32
Viðskipti 12 Forystugrein 28
Úr verinu 13 Viðhorf 32
Erlent 14/16 Minningar 33/38
Minn staður 17 Kirkjustarf 39
Höfuðborgin 18 Bréf 42
Akureyri 19 Dagbók 44/45
Suðurnes 20 Íþróttir 46/49
Austurland 21 Fólk 50/53
Landið 20/21 Bíó 50/53
Daglegt líf 22/23 Ljósvakar 54
Listir 24/26 Veður 55
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi,
orri@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir
sport@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
SAUÐBURÐUR er hafinn í Viðey. Að sögn Ragnars
Sigurjónssonar ráðsmanns í Viðey hafa fimm lömb þeg-
ar komið í heiminn og fleiri á leiðinni. Fyrsti svarti
lambhrúturinn á þessu vori var nefndur Wosi í höfuðið
á tónlistarmanninum Alfreð Washington Þórðarsyni.
Sá er að sögn Ragnars vel þekktur í Vestmannaeyjum,
heimabæ þeirra beggja. Hinn vestmanneyski Wosi er í
miklu uppáhaldi hjá Ragnari og eiginkonu hans Sigríði
Oddnýju Stefánsdóttur en þau, ásamt ársgamalli dóttur
sinni Ásthildi, eru einu mennsku ábúendurnir í Viðey.
Viðey iðar af lífi
„HEIMSBYGGÐIN hefur því miður
enn á ný verið óþyrmilega minnt á
mikilvægi þess að hafa skýrar reglur
um meðferð fanga á stríðstímum,“
sagði Halldór Ásgrímsson utanríkis-
ráðherra í ávarpi við útkomu bókar,
Genfarsamningarnir, en hún var
kynnt á Espihóli í Eyjafjarðarsveit í
gær. Genfarsamningarnir fjalla um
vernd særðra og sjúkra hermanna á
vígvelli, vernd stríðsfanga og vernd
almennra borgara á stríðstímum.
Halldór sagði fregnir af illri með-
ferð fanga breskra og bandarískra
hermanna í fangelsum í Írak hafa
verið helsta umfjöllunarefni heims-
fjölmiðla á undanförnum dögum, „og
er óhætt að segja að menn setji
hljóða yfir þeim myndum og þeim
lýsingum sem gefnar eru. Þau voða-
verk sem lýst hefur verið má á engan
hátt verja, né þá sem standa fyrir
slíku,“ sagði Halldór. Hann sagði
það skyldu yfirstjórnar herliðsins í
Írak að láta þegar í stað fara fram
opinberlega rannsókn á þeim alvar-
legu ásökunum
sem fram hafa
komið „og hinum
seku verður að
refsa“.
Utanríksráð-
herra sagði ís-
lensk stjórnvöld
hafa stutt aðgerð-
ir „til að koma
hinum illa harð-
stjóra Saddam
Hussein frá völdum. Það hefur nú
tekist. Hann ríkti yfir þjóð sinni sem
grimmur harðstjóri og miskunnar-
laus böðull, en það eru nöturlegar
kveðjur til hinnar nýfrjálsu írösku
þjóðar að ákvæði Genfarsáttmálans
séu ekki virt af herjum vestrænna
lýðræðisríkja. Það eru ekki þau
skilaboð sem íraska þjóðin á skilið og
ekki þau skilaboð sem við Íslending-
ar viljum senda frá okkur, né íbúar
Vesturlanda sem þekkja mannrétt-
indi og kosti lýðræðisins af eigin
raun og eru ekki tilbúnir til þess að
snúa aftur til þess tíma er slíkt var af
skornum skammti eða skorti jafnvel
alveg,“ sagði Halldór. Taldi hann að
seint myndu fylkingar heimsins
hætta að síga saman með ógurlegum
herópum og geystum gný, eins og
hann orðaði það. „Genfarsamningun-
um er ætlað að tryggja rétt þeirra er
verða fórnarlömb slíkra átaka.“
Íslendingar bera einnig ábyrgð
Þorsteinn Gunnarsson rektor Há-
skólans á Akureyri nefndi einnig
þær fréttir sem nýlega hefðu borist
um hryllilegar pyntingar breskra og
bandarískra hermanna á íröskum
stríðsföngum og sagði þær vekja við-
bjóð.
„Gegn þessum voðaverkum verð-
ur að berjast með því að draga valds-
menn þeirra ríkja til ábyrgðar sem
hér svo augljóslega hafa brotið gegn
ákvæðum Genfarsáttmálans. Við Ís-
lendingar berum einnig ábyrgð
gagnvart Genfarsamningunum sem
þátttakendur í alþjóðasamfélaginu
og sem bandamenn stjórnvalda
þeirra ríkja sem uppvís hafa orðið að
pyntingum og misþyrmingum á
stríðsföngum,“ sagði rektor Háskól-
ans á Akureyri. Hann benti á að okk-
ur bæri m.a. skylda til að gera Genf-
arsamningana aðgengilega fyrir
almenning og fræða lykilhópa í sam-
félaginu um efni þeirra og gildi fyrir
alþjóðleg mannúðarlög.
Voðaverk sem á
engan hátt má verja
Halldór
Ásgrímsson
BALDUR Ágústsson hefur boðað til blaðamannafundar
á Hótel Holti á hádegi í dag, þar sem hann mun tilkynna
framboð sitt til forsetaembættisins í kosningunum sem
fram fara hinn 26. júní næstkomandi.
Baldur, sem er fæddur á lýðveldisárinu 1944, stofn-
aði öryggisþjónustuna Vara og var forstjóri hennar um
tíma. Síðustu ár hefur hann verið búsettur jöfnum
höndum á Íslandi og í Bretlandi þar sem hann hefur
stundað fasteignaviðskipti. Baldur er menntaður í flug-
umferðarstjórn og starfaði áður hjá Flugmálastjórn.
Hrafnhildur Hafberg hefur verið ráðin kosningastjóri Baldurs. Hún segir
að söfnun undirskrifta standi yfir og stefnt sé að því að henni verði lokið síðar
í vikunni. Hún segir að hans nánustu vinir standi að framboðinu með honum.
Baldur Ágústsson
tilkynnir forsetaframboð
Hass í póst-
sendingu
TOLLGÆSLAN í Reykjavík lagði
í síðustu viku hald á póstsendingu
sem í var 2,5 kg af hassi og var
póstsendingin stíluð á tvítugan
Suðurnesjamann. Lögreglan í
Keflavík fékk málið til rannsóknar
og sl. föstudag handtók lögreglan í
Keflavík tvo menn í heimahúsi í
Reykjanesbæ sem tóku við póst-
sendingunni.
Samkvæmt upplýsingum frá lög-
reglunni hafa þrír verið handteknir
vegna þessa máls og var einn
þeirra úrskurðaður í gæsluvarð-
hald til 25. maí nk. Málið er í rann-
sókn.
STJÓRNANDI vinnuvélar slasaðist
þegar vinnuvél hans fór á hvolf við
orkuverið á Nesjavöllum í gær. Lög-
reglan á Selfossi gaf þær upplýsing-
ar að manninum hafi tekist að kom-
ast út úr vinnuvélinni en hann var
fluttur á slysadeild Landspítalans í
Fossvogi.
Hann mun hafa rifbeinsbrotnað og
skaddast á lunga.
Vinnuvél valt
Nesjavellir
♦♦♦
FRAMKVÆMDASTJÓRI og
stjórnarmaður í einkahlutafélagi
sem rak skemmtistað við Laugaveg
voru dæmd í fjögurra mánaða fang-
elsi hvort og til greiðslu 12,1 millj-
ónar króna í sekt til ríkissjóðs fyrir
brot á lögum um virðisaukaskatt og
lögum um staðgreiðslu opinberra
gjalda.
Ákærðu voru sakfelld fyrir að
standa ekki skil á tæplega 1,9 millj-
ónum króna í virðisaukaskatt og op-
inberum gjöldum að upphæð fjórar
milljónir, allt á árunum 2001 og 2002.
Dæmd til að greiða
sjö milljónir
Hálffimmtug kona sem var stjórn-
armaður félagsins á tímabili og einn-
ig framkvæmdastjóri um skeið, var
dæmd til að greiða 7 milljónir í sekt
vegna brotanna og kemur hálfs árs
fangelsi í staðinn greiði hún ekki
sektina innan fjögurra vikna.
Framkvæmdastjórinn, tæplega
fimmtugur karlmaður, var sektaður
um 5,1 milljón og liggur 5 mánaða
fangelsi við því að greiða hana ekki á
tíma.
Fullnustu dæmdrar fangelsisrefs-
ingar var frestað um tvö ár hjá báð-
um og fellur hún niður að þeim tíma
liðnum haldi þau skilorðið. Þau voru
dæmd til að borga málsvarnarlaun
verjenda sinna, 150.000 krónur
hvort, og annan sakarkostnað óskipt.
Borguðu
ekki virð-
isauka
♦♦♦