Morgunblaðið - 11.05.2004, Blaðsíða 8

FRÉTTIR
8 ÞRIÐJUDAGUR 11. MAÍ 2004 MORGUNBLAÐIÐ
Ég banna þér líka að selja banana, pjakkurinn þinn.
Heimsþing Intercoiffure
Hártíska á
heimsvísu
Heimsþing Inter-coiffure, alþjóða-samtaka hár-
snyrta, verður haldið í
Tókýó í Japan 16. til 18.
maí. Þingin eru haldin á
fjögurra ára fresti og til
skiptis í heimsálfunum.
Íslendingar hafa
löngum gert garðinn fræg-
an á heimsþingum Inter-
coiffure. Arnar Tómasson í
Salon Reykjavík, listráðu-
nautur Intercoiffure á Ís-
landi, verður á sviði í Tók-
ýó ásamt norrænum
kollegum. Elsa Haralds-
dóttir í Salon VEH, list-
ráðunautur heimssamtaka
Intercoiffure, mun stýra
kynningu á haustlínunni í
hártísku. Hún verður einn-
ig með sýningu ásamt Rob
Petom frá Hollandi. Tíu íslensk
hármódel taka einnig þátt í sýn-
ingum þingsins. Þá hefur frést að
hárgreiðslumeistarinn Dúddi, for-
seti Intercoiffure á Íslandi, verði
sæmdur einni af æðstu viður-
kenningum sem einstaklingi
hlotnast innan Intercoiffure á
heimsvísu. Hann hefur áður hlotið
L’Ordre de la Chevalerie-orðuna
og verið kosinn persónuleiki árs-
ins hjá Intercoiffure. Dúddi var
fyrst spurður hvers virði það væri
að fá viðurkenningu af þessu tagi.
„Þetta er heilmikils virði. Mað-
ur veit þá að það sem maður er að
gera í þágu samtakanna er ein-
hvers virði og að einhver tekur
eftir því. Orðan sem ég fæ nú heit-
ir Commander og er næstæðsta
viðurkenning sem Intercoiffure
veitir. Til að fá æðstu viðurkenn-
ingu þyrfti ég að starfa miklu
meira á alþjóðlegum vettvangi.
Sem forseti Intercoiffure á Ís-
landi hef ég tekið töluverðan þátt í
erlendu samstarfi, einkum með
Norðurlöndunum. Við höfum
haldið hér Norðurlandaþing Int-
ercoiffure og fleira.“
– Hvað er heimsþingið um-
fangsmikið?
„Í þessum félagsskap eru um
fimm þúsund manns frá 41 þjóð.
Allar þjóðirnar senda fulltrúa á
heimsþingið. Þetta hefur stækkað
mikið frá því Austur-Evrópa opn-
aðist. Frá Íslandi fara nú hátt í 20
manns, úr hárgreiðslunni erum
við fjögur, svo tíu módel og mak-
ar. Intercoiffure eru einu samtök-
in í heiminum sem hárgreiðslu-
meistarar og stofueigendur geta
sótt í. Þar fær maður stöðugt upp-
lýsingar um hvað er að gerast í
hártísku á heimsvísu. Maður eign-
ast nýja vini og stækkar sjón-
deildarhringinn.“
– Kemur að því að heimsþing
verði haldið á Íslandi?
„Ég býst ekki við að heimsþing
verði haldið hér í bráð. Norður-
löndin hafa ekki enn treyst sér til
að halda heimsþing sameiginlega.
Það er stefnt að því, en þetta er
mjög viðamikið.“
– Er mikið fjallað um þingin í
erlendum fjölmiðlum?
„Já, erlendir fjölmiðlar eru
mjög áberandi á svona
mótum. Frakkarnir
undrast oft hvað ís-
lenskir miðlar virðast
eiga erfitt með að birta
eitthvað um hártísku.
Það er víða svo að ef eitthvað birt-
ist um hártísku þá seljast blöðin
upp. En það virðist ekki gerast á
Íslandi! Intercoiffure gefur út
tískulínu á hverju ári og mynd-
irnar á geisladiski sem sendur er
á blöðin, en það birtist sjaldnast
nokkuð hér á landi.“
– Er mikið starf Intercoiffure á
Íslandi?
„Það er töluvert. Við höldum
fundi einu sinni í mánuði þar sem
farið er yfir það helsta sem við-
kemur hártísku, rekstri fyrir-
tækja og því sem er að gerast.
Venjulega fáum við gest sem seg-
ir frá einhverju markverðu, hvort
sem það tengist viðskiptum,
stjórnmálum eða listum. Þá höld-
um við símafundi með félögum
okkar á Norðurlöndunum. Einu
sinni á ári förum við til Parísar á
fund Intercoiffure, nema þegar
eru heimsþing þá sækjum við þau.
Samtökin skipta heiminum í átta
deildir og Norðurlöndin eru ein
deild. Við ákveðum sameiginlega
hvað við viljum leggja áherslu á
og leggjum það fyrir þing Interco-
iffure.“
– Hver er staða háriðna á Ís-
landi miðað við önnur lönd?
„Við erum í hópi þeirra
fremstu. Tískan á Íslandi kemur
alls staðar að. Við vinsum það
besta úr og búum þannig til okkar
eigin línu. Íslenski kúnninn er líka
mjög kröfuharður og meðvitaður
um hvernig hann vill vera. Það
heldur okkur við efnið.“
– Er hárið misjafnt eftir þjóð-
um?
„Já, okkur þykir íslenska hárið
vitanlega best. Norðurlandabúar
eru yfirleitt með fíngerðara hár
og Suður-Evrópubúar með
dekkra, grófara og liðaðra. Við er-
um með sléttara hár og sveipi,
sem er ekki algengt sunnar í Evr-
ópu. Okkur finnst íslenska hárið
auðvelt viðureignar, enda er hár á
Íslendingum yfirleitt mjög gott.“
– Er mikil ásókn í
nám í háriðn?
„Já, það er alltaf
meira framboð en eft-
irspurn eftir nemum.
Skólarnir kenna ákveð-
inn grunn, sem er sá sami og ég
lærði á sínum tíma. Það mætti
kannski aðeins þróa námsefnið
því áherslurnar hafa breyst í fag-
inu.“
– Er framtíðin björt í háriðn?
„Já, það er mjög bjart framund-
an. Það er eins með hárgreiðslu
og annað. Ef maður fylgist með þá
þarf maður ekki að hafa neinar
áhyggjur af þróuninni.“
Guðbjörn Sævar
 Guðbjörn Sævar, betur þekkt-
ur sem Dúddi, er Reykvíkingur,
fæddur á Framnesveginum og
því Vesturbæingur. Hann lærði
hárgreiðslu hjá Guðfinnu Breið-
fjörð og Dúu í Lótus. Hann rekur
nú Hárgreiðslustofuna hjá
Dúdda í Listhúsinu, Engjateigi
17 í Reykjavík.
Dúddi var kjörinn forseti Int-
ercoiffure á Íslandi 1995. Ís-
landsdeild Intercoiffure var
stofnuð 1980.
Dúddi er giftur Ólöfu Ingþórs-
dóttur og saman eiga þau sjö
dætur og einn son.
Íslenski kúnn-
inn er mjög
kröfuharður
FORMAÐUR Prestafélags Íslands, sr. Ólafur Jóhanns-
son, segir það neikvætt að verið sé að bæta við aukagjaldi
eins og líkhúsgjaldi við útfararkostnaðinn. Sá kostnaður
sé orðinn töluverður og fyrir marga muni heilmikið um
tíu þúsund krónur til viðbótar. Talið er að lágmarks-
kostnaður við útför sé nú í kringum 160 þúsund krónur
og segir Ólafur dæmi um allt að 500 þúsund króna útfar-
arkostnað.
Eins og fram kom í Morgunblaðinu í gær hafa Kirkju-
garðar Reykjavíkurprófastdæma innheimt 10 þúsund
króna líkhúsgjald frá 1. maí sl., sem og Kirkjugarðar Ak-
ureyrar. Slíkt gjald hefur einnig verið innheimt í Borg-
arnesi og Ólafsvík undanfarin ár, að sögn forstjóra
Kirkjugarða Reykjavíkur. Annars staðar eru líkhús víð-
ast rekin af heilbrigðisstofnunum.
Áhyggjur af auknum kostnaði
Ólafur segir kirkjugarðana vera að fara þessa leið sök-
um skerðingar á kirkjugarðsgjaldinu og því sé eðlilegra
að hækka það gjald frekar en að grípa til sérstakrar inn-
heimtu af aðstandendum. Til að standa straum af kostn-
aði við rekstur líkhúsa þurfi afar litla hækkun á kirkju-
garðsgjaldinu. „Prestar finna fyrir áhyggjum fólks af
auknum útfararkostnaði. Í vissum tilvikum er möguleiki
á styrkjum frá stéttarfélagi eða jafnvel lífeyrissjóði, en
það dugar stundum ekki til. Í gamla daga vildi fólk eiga
fyrir sinni útför og það er ríkt í fólki að vilja hafa þessa
hluti á hreinu. Nægt er álagið sem fylgir því að missa ást-
vin og ekki á bætandi að hafa áhyggjur af því fjárhags-
lega. Þetta er óþægileg viðbót á viðkvæmum stundum
lífsins,“ segir Ólafur.
Neikvætt að bæta líkhús-
gjaldi við útfararkostnað
Morgunblaðið/Jim Smart
Prestar finna fyrir áhyggjum fólks af auknum útfar-
arkostnaði, segir formaður Prestafélagsins.
Munar heilmiklu fyrir
marga, segir formaður
Prestafélagsins