Morgunblaðið - 11.05.2004, Blaðsíða 18
HÖFUÐBORGARSVÆÐIÐ
18 ÞRIÐJUDAGUR 11. MAÍ 2004 MORGUNBLAÐIÐ
Laugavegi 32 sími 561 0075
Seltjarnarnes | Þeim fjölgar stöð-
ugt sem synda í sjónum sér til
heilsubótar. Fyrir um tveimur ár-
um kom Seltjarnarnesbær upp ein-
faldri aðstöðu á vestursvæðinu þar
sem sundmenn geta skipt um föt
og þurrkað sér. Við það batnaði
aðstaðan til muna og síðan þá hafa
sjósundmenn fundið fyrir vaxandi
áhuga á sjósundi.
Seltirningurinn Björn Rúriksson
er einn af frumkvöðlum sjósunds
meðal íslensks almennings í seinni
tíð og hefur sjálfur stundað það í
ríflega sex ár. Hann telur vinsæld-
ir sjósunds ekki síst til komnar
vegna þess hversu heilsubætandi
það sé. Segist hann hafa heyrt af
fjölda fólks sem hefur fengið bót
meina sinna eftir að það fór að
stunda sjósund. „Það eru uppi
ákveðnar kenningar um að sjóböð í
kaldari sjó bæti ónæmiskerfi lík-
amans, sem geri honum kleift að
vinna betur sjálfur úr sínum mál-
um,“ segir Björn, sem fór að
stunda sjósund eftir að hafa
hrjáðst af slæmum asma frá ung-
lingsaldri. „Ég varð strax var við
algjöra byltingu í líðan minni og
kenni mér nánast ekki neins meins
lengur. Mér datt þetta í hug í ein-
hverju bríaríi að fara að synda í
sjónum. Þessi hugmynd kom bara
úr lausu lofti og ég saup nú hveljur
í fyrsta skipti sem ég synti í sjó,
en það var í Hvalfirði.“
Kostar ekkert nema skýluna
Hiti sjávarins er breytilegur eft-
ir árstíðum og er frá því að vera
mínus tvær gráður á tímabili upp í
tólf til þrettán gráður. Björn mælir
hitastigið þegar hann syndir og
segist hafa mest mælt 18 gráða
hita í Seltjörn við Gróttu. „Á góð-
um sumardögum hitnar Seltjörnin
mjög mikið, enda er hún grunn og
lokuð af gagnvart öldum frá hafinu
nema á háflæði,“ segir Björn og
bætir við að eftir sundið geti fólk
skotist í sundlaugina á Seltjarn-
arnesi til að skola af sér saltið.
Björn segir afar gott að byrja að
synda meðfram fjörunni í Seltjörn,
þar sé góður sandbotn og hættulít-
ið að synda.
Fjölmargir klúbbar eru starfandi
í kringum sjósund á Seltjarnarnesi,
í Nauthólsvík og víðar og fólk sem
hefur áhuga á að reyna, getur sett
sig í samband við þá ef það vantar
stuðning til að byrja. Björn segir
heldur ekkert kosta að synda sjó-
sund, „nema bara skýluna sem
maður syndir í. Þetta er bara
heilsusamlegt og góð ögrun í að
taka á sínum líkama og sinni sál.
Mér heyrist víða frá að sjósund sé
að færast mjög í vöxt. Bæði hef ég
heyrt um að starfsmenn fyrirtækja
syndi saman og einnig um ein-
staklinga sem hafa myndað sund-
klúbba saman,“ segir Björn. Hon-
um þætti kjörið ef Nauthólsvíkin
gæti orðið heilsársbaðstaður fyrir
þá sem hafa áhuga á sjósundi og
veitt yrði volgu í tjörnina sem þar
er allt árið. Marga hryllir eflaust
við þeirri tilhugsun að synda í ís-
köldum sjó, en Björn segir flest
venjulegt fólk þróa með sér gott
þol gegn kuldanum og lítil sem
engin hætta sé á ofkælingu, sé var-
lega farið. Hann segir þó mik-
ilvægt að fólk sem ekki er visst um
sína heilsu ráðfæri sig við lækni.
„Þeir sem þola vel að standa undir
kaldri sturtu ættu að geta gert
þetta skammlaust. Það er bara
mikilvægt að fara varlega í þetta
fyrst og vera ekki á óöruggum
stöðum, eins og þar sem er
straumur og öldukast eða mjög
grýttur botn. Aldrei er of varlega
farið,“ segir Björn að lokum.
Vaxandi áhugi á sjósundi meðal almennings á Seltjarnarnesi
Heilsusamlegt,
hressandi og
allra meina bót
Ljósmynd/Óskar J. Sandholt
Hraustmenni: Sjósundkappar taka vel á því í Seltjörn á Seltjarnarnesi.
Mosfellsbær | Vinnuskóli Mosfells-
bæjar verður settur 10. júní næst-
komandi og hefur umsókn-
areyðublöðum um skólavist verið
dreift til nemenda
í 8.–10. bekk í
Varmárskóla og
nemenda í 8.
bekk við Lága-
fellsskóla.
Á fréttavef
Mosfellsbæjar, www.mos.is kemur
fram að þeir sem ekki hafa enn
fengið umsóknareyðublað geti
nálgast það í félagsmiðstöðinni
Bólinu eða á vefsíðu Bólsins á
slóðinni bolid.blogspot.com.
Skilafrestur umsókna er til 14.
maí og er hægt að skila þeim til
starfsfólks félagsmiðstöðva eða í
þjónustuver Mosfellsbæjar, á
fyrstu hæð í Kjarna. Nemendum
Lágafellsskóla gefst einnig kostur
á að skila umsóknum sínum í af-
greiðslu skólans. Þeir sem skila
inn umsókninni eftir að fresturinn
er úti geta ekki vænst þess að
hefja störf við upphaf starfs-
tímabilsins en reynt verður að
tryggja öllum þeim er sækja um
einhverja vinnu.
Umsóknarfrestur í
vinnuskólann
Kópavogur | Alþjóðadagur hreyfingar var
í gær, en í tilefni hans hvatti Lýð-
heilsustöð skólastjórnendur og foreldra-
félög til að bjóða grunnskólanemum
aukastund í hressandi og skemmtilegri
útiveru og leikjum. Ljóst er að hreyfing-
arleysi og kyrrseta ásamt röngu mat-
aræði ógnar heilsu ungs fólks víða um
heim og mikilvægt er að börn temji sér
snemma heilbrigða hreyfingu og
skemmtilega leiki.
Hvort sem það var í tilefni dagsins eða
bara af því að þau hafa gaman af því,
létu þessir krakkar við Snælandsskóla
leikgleðina njóta sín í gær og skemmtu
sér hið besta í leikjum og skoppi að hætti
yngstu kynslóðarinnar.Morgunblaðið/Árni Torfason
Bætir,
hressir
og kætir
Hafnarfjörður | Sundfélag Hafnar-
fjarðar (SH), hlaut viðurkenningu
sem fyrirmyndarfélag hjá Ólympíu-
og Íþróttasambandi Íslands á föstu-
daginn var. SH er fyrsta íþrótta-
félagið í Hafnarfirði sem hlýtur
þessa viðurkenningu. Þetta þýðir að
félagið uppfyllir ákveðin skilyrði í
gæðamálum og innihaldi starfsins
jafnt í vatninu sem og á þurru
landi.
Ellert B. Schram, forseti Ól-
ympíu- og Íþróttasambands Ís-
lands, afhenti Sigurði Guðmunds-
syni, formanni SH,
viðurkenninguna við hátíðlega at-
höfn í innilauginni í Suðurbæjar-
laug í Hafnarfirði.
Ræður voru fluttar og gjafir
gefnar, m.a. hlaut félagið rausn-
arlega peningagjöf frá bæjarstjórn
Hafnarfjarðar, en það var Guð-
mundur Rúnar Árnason bæjar-
fulltrúi sem afhenti gjöf bæjar-
stjórnarinnar.
Loks var gestum boðið upp á
kaffi, samlokur og marsipantertu.
SH fyrsta fyrirmyndar-
félagið í Hafnarfirði
Ljósmynd/Hafsteinn Ingólfsson
Ellert B. Schram, forseti Ólympíu- og íþróttasambands Íslands, og Sig-
urður Guðmundsson, formaður SH, með viðurkenninguna.