Morgunblaðið - 11.05.2004, Blaðsíða 19
AKUREYRI
MORGUNBLAÐIÐ ÞRIÐJUDAGUR 11. MAÍ 2004 19
Innritun vegna skólaársins 2004-2005 fer
fram á skrifstofu skólans og lýkur föstudaginn
14. maí. Athugið að nemendur sem óska eftir
áframhaldandi skólavist þurfa að endurnýja
umsóknir sínar skriflega.
Tónlistarskólinn á Akureyri,
Hvannavöllum 14, 600 Akureyri.
Innritun
Nýir stjórnendur | Jakobína E.
Áskelsdóttir hefur verið ráðin í
stöðu leikskólastjóra nýja leikskól-
ans við Tröllagil en þrjár umsóknir
bárust um stöðuna. Þá hefur Kaldo
Kiis verið ráðinn aðstoðarskólastjóri
Tónlistarskólans á Akureyri en
Magna Guðmundsdóttir hefur sagt
starfi sínu, sem aðstoðarskólastjóri,
lausu.
TVÖ Íslandsmet féllu á Þrekmeistara-
mótinu sem fram fór í Íþróttahöllinni á Ak-
ureyri á laugardag. Harpa Hlín Jónsdóttir
frá Ólafsfirði bætti metið í opnum flokki
kvenna um rúma mínútu en tími hennar var
20,01 mínúta og liðsmenn Nöldurs og
Naggs frá Akureyri bættu metið í liða-
keppni karla um 27 sekúndur en tími þeirra
var 14,18 mínútur. Í opnum flokki karla
sigraði Will Whitmore frá Bretlandi á tím-
anum 17,09 mínútur sem er 8 sekúndum frá
Íslandsmetinu. Í flokki karla eldri en 39 ára
sigraði bretinn Phil McConnell á 20,11 mín-
útum.
Í liðakeppni kvenna sigruðu Kiðlingarnir
frá Ólafsfirði á tímanum 16,49 mínútur, en
þær vantaði einungis 8 sekúndur til þess að
bæta eigið Íslandsmet. Blandað lið Íslend-
inga og Breta sem fékk nafnið Svik og
Prettir náði besta tímanum í liðakeppni
karla eða 14,04 mínútur en þar sem liðið var
fjölþjóðlegt fæst tíminn ekki skráður sem
Íslandsmet. Rúmlega 80 keppendur frá 13
æfingastöðvum víðs vegar af landinu tóku
þátt í Þrekmeistaranum að þessu sinni.
Þrekmeistarinn í
Íþróttahöllinni
Tvö Íslands-
met féllu
ÁTAK til að stuðla að auknu ör-
yggi barna á reiðhjólum hófst í
gær með því að Sturla Böðv-
arsson samgönguráðherra af-
henti 6 ára börnum úr Síðuskóla
á Akureyri reiðhjólahjálma. Nú í
vikunni verður öllum 6 ára börn-
um á landinu gefnir slíkir hjálm-
ar, en þau eru um
4.200 alls. Að auki fá þau
þrautabók sem inniheldur fróð-
leik um öryggi á reiðhjóli og
þrautir.
Þetta er í fyrsta sinn sem öll
sex ára börn á landinu fá hjálm
að gjöf og að baki liggur samn-
ingur Kiwanis, Eimskips og
Flytjanda. Eimskip flytur hjálm-
ana til landsins, Flytjandi sér um
dreifinguna, og Kiwanismenn af-
henda hjálmana í skólum lands-
ins.
Rannsóknir sýna að hjálmur
sem er rétt stilltur kemur í veg
fyrir áverka á höfði í 85% tilfella
hvort heldur um er að ræða
árekstur við bifreið eða að barn-
ið detti á hjóli. Flest hjólreiðas-
lys á börnum verða við fall af
reiðhjóli án þess að ökutæki
komi þar við sögu. Í slíkum til-
fellum dregur hjálmurinn úr
högginu ef höfuð barnsins lendir
á gangstétt, kantsteini eða öðr-
um hörðum fleti.
Í umferðarlögum segir að
börnum yngri en 15 ára sé skylt
að nota hjólreiðahjálm við hjól-
reiðar. Átaksverkefni Kiwanis,
Eimskips og Flytjanda, er til
þess gert að tryggja að öll sex
ára börn eigi hjálm, sem þeim
beri að nota þegar þau fara út
að hjóla.
Hápunktur átaksins verður
fjölskyldudagur sem haldinn
verður um allt land 15. maí
næstkomandi.
Átak til að auka öryggi
barna á reiðhjólum
Átakið hafið: Sturla Böðvarsson samgönguráðherra afhendir börnum
úr Síðuskóla á Akureyri fyrstu hjálmana.
ÚTGERÐARMENN Súlunnar EA
buðu eldri borgurum á Akureyri í
siglingu um Eyjafjörð sl. sunnudags-
morgun. Ferðin var liður í kynningar-
og fræðsludögum um öldrunarmál
sem nú standa yfir, undir yfirskrift-
inni „Litríkt vor – virkir eldri borg-
arar.“ Um 70 manns þáðu boð þeirra
Bjarna Bjarnasonar skipstjóra og
Sverris Leóssonar útgerðarmanns, í
ágætis veðri. Aldraðir voru þar í mikl-
um meirihluta en fólk á öllum aldri
fór með í siglinguna. Tveir aldraðir
heiðursmenn voru með hljóðfæri sín
um borð og léku á harmonikku og
trommur. Gestirnir um borð tóku
lagið og sumir þeirra stigu dansspor
á dekkinu, að sögn Bjarna, sem var
hinn ánægðasti með hvernig til
tókst. „Ég held að gamla fólkið hafi
haft gaman að þessu og þá er til-
ganginum náð. Fólkið skoðaði tæki
og tól um borð og spurði mikið,“
sagði Bjarni. Siglt var út undir Gás-
eyri og á leiðinni var gestum boðið
upp á kaffi og meðlæti.
Eldri borgurum boðið í siglingu með Súlunni EA
Sungið og stiginn
dans á dekkinu
Morgunblaðið/Kristján
Ánægjuleg ferð: Gestir ganga frá
borði Súlunnar EA eftir siglingu
um Eyjafjörð.
SÝSLUMAÐURINN á Akureyri,
Björn Jósef Arnviðarson, dró ný-
lega úr réttum lausnum í spurn-
ingakeppni Pokasjóðs sem efnt var
til í tengslum við sýninguna „Allar
heimsins konur“ í Listasafninu á
Akureyri, þar sem áhorfendur voru
spurðir spjörunum úr. Sýningunni
lauk um helgina og voru verðlaunin
afhent með viðhöfn í safninu í fyrir
helgi. Þetta er ekki í fyrsta sinn
sem
Listasafnið fyrir norðan ýtir
þannig undir þátttöku áhorfenda,
en
spurningakeppnir og skoðana-
kannanir hafa ekki verið stundaðar
með slíkum hætti hjá öðrum söfn-
um landins, segir í fréttatilkynn-
ingu frá Listasafninu.
Í verðlaun voru 12 glæsileg lista-
verk, svokölluð Mithila-málverk.
Þessi tegund myndlistar á sér
margra alda sögu innan indverskra
alþýðulista. Lengst af voru þau ein-
ungis unnin á veggi og eingöngu
konur sáu um að mála þau. Þau
prýddu svokallaðar kvennadyngjur,
eða þá staði á heimilinu þar sem að-
eins konur höfðu aðgang. Hlutverk
málverkanna er að hreinsa, göfga
og blessa heimilin og undirbúa þau
fyrir margvíslegar trúarathafnir.
Veggmálverkin eru með marg-
brotnum mynstrum helgisiða og
trúarlegra tákna og eru upprunnin
í fornu menningarhéraði sem náði
frá Bihar á norðurvestur Indlandi
til Suður-Nepal.
Sem fyrr segir lauk sýningunni
„Allar heimsins konur“ á sunnudag
en það er Pokasjóður sem var að-
alstyrktaraðili sýningarinnar.
Listasafnið á Akureyri og Pokasjóður
Glæsileg verðlaun
í spurningakeppni