Morgunblaðið - 11.05.2004, Blaðsíða 20
SUÐURNES
20 ÞRIÐJUDAGUR 11. MAÍ 2004 MORGUNBLAÐIÐ
Hólmavík | Stór sögunarvél fyrir
rekavið hefur um nokkurra vikna
skeið verið staðsett skammt frá
Hvalsárhöfða við Steingrímsfjörð á
Ströndum. Þegar fréttaritara bar að
garði var Pétur Guðmundsson frá
Ófeigsfirði staddur þar og var að
saga stóra rekaviðardrumba fyrir
landeigandann, Björn Pálsson á
Þorpum. Búið var að stafla borðum í
mismunandi stærðum í nokkrar
stæður og úrgangurinn hafði verið
tekinn til hliðar og staflað snyrtilega
upp.
Sögunarvélina flutti Pétur inn til
landsins fyrir tíu árum og greiddi
fyrir nokkrar milljónir. Síðan hefur
hann ferðast um allt landið með vél-
ina á vagni og sagað fyrir hlunninda-
bændur á Ströndum, Langanesi og
víðar. Að þessu sinni var vélin knúin
áfram af gamalli dráttarvél af gerð-
inni Massey Ferguson. Vélin er
þannig útbúin að einn maður getur
séð um að saga í henni ef annar sér
um að bera viðinn að og frá vélinni.
Náttúruleg fúavörn
Viðurinn sem þeir Pétur og Björn
voru að saga er einkum ætlaður til
klæðningar utan á skemmu á Þorp-
um og einnig í þaksperrur á sama
mannvirki. Þá er rekaviður töluvert
notaður í girðingarstaura en sem
söluvara nýtur hann harðnandi sam-
keppni innfluttra staura og raf-
magnsgirðingar.
Athygli vakti stór saghrúga sem
myndast hafði neðan við plaströr
sem tengt var vélinni og sá um að
blása saginu frá. Að sögn Björns og
Péturs átti ekki að hirða sagið, þrátt
fyrir að það megi vel nýta undir
hesta. Afganginn af rekaviðnum má
svo gjarnan kurla og nýta til eldivið-
ar eða í göngustíga. Góðan rekavið
má nota í nánast hvað sem er og
miklu máli skiptir að flokka hann eft-
ir gæðum um leið og sagað er, en
rekinn er til á öllum gæðastigum.
Pétur segir dæmi um hús norður á
Ströndum með hundrað ára gamalli
rekaviðarklæðningu sem aldrei hef-
ur verið fúavarin en stenst þó vel
tímans tönn. Eftir að hafa velkst í
sjónum í nokkur ár er viðurinn orð-
inn gegnsýrður af söltum sjó og hef-
ur þannig öðlast náttúrulega fúa-
vörn.
Íbúðarhúsið á Þorpum er byggt
fyrir rúmum áratug og er alfarið úr
rekaviði, en drumbar af lerkitrjám
voru sérvaldir til byggingarinnar. Þá
hefur Ómar Pálsson, bróðir Björns,
notað rekaviðinn talsvert, en hann er
húsasmiður á Hólmavík. Þá eru enn
nokkur dæmi um að rekaviður sé
nýttur til húshitunar.
Samkvæmt vefnum bondi.is er tal-
ið að reki sé á 725 jörðum hérlendis
og finnist að einhverjum jörðum í
flestum landshlutum, nema á jörðum
við innanverðan Breiðafjörð. Rekinn
Ferðast um og sagar
reka fyrir bændur
Morgunblaðið/Kristín Sigurrós
Drumbarnir sagaðir: Pétur Guðmundsson við vélina skammt frá Hvalsár-
höfða við Steingrímsfjörð.
LANDIÐ
HÓPUR atvinnulauss fólks af Suð-
urnesjum, 30 til 40 manns, er að hefja
tveggja mánaða bóklegt nám á starfs-
menntunarbrautum. Að því loknu tek-
ur við þriggja mánaða starfsþjálfun í
fyrirtækjum. Fólkið heldur atvinnu-
leysisbótum á meðan á náminu stend-
ur.
Félagsmálaráðherra og Vinnu-
málastofnun settu á fót starfshóp fyrr í
vetur til að hafa yfirumsjón með átaki
gegn langtímaatvinnuleysi og atvinnu-
leysi ungs fólks. Skipaðir hafa verið
samstarfshópar aðila vinnumarkaðar-
ins, sveitarfélaga og menntastofnana
um slíkt átak í nokkrum héruðum en
starfið virðist komið lengst á Suð-
urnesjum. Þar hefur Johan D. Jónsson
verkefnisstjóri unnið að undirbúningi
málsins í tvo mánuði.
Hjálmar Árnason alþingismaður, formaður
verkefnisstjórnar ráðherra, segir að atvinnu-
leysi hafi verið hlutfallslega mest á Suð-
urnesjum á undanförnum árum, ekki síst meðal
ungs fólks. „Það er sárt að vita af fólki sem lend-
ir í þeirri ógæfu að vera lengi án vinnu. Rann-
sóknir sýna að það getur brotnað niður á ótrú-
lega skömmum tíma. Það verður að gera allt
sem hægt er til að byggja þetta fólk upp til
sjálfshjálpar,“ segir Hjálmar. Hann lítur á átak-
ið á Suðurnesjum sem tilraun sem hægt verði að
yfirfæra á önnur landsvæði ef vel tekst til.
80% aðeins með grunnskólapróf
Hátt í 400 manns eru á atvinnuleysisskrá á
Suðurnesjum, meirihlutinn konur. Við gagna-
söfnun og greiningu hópsins hefur komið í ljós
að um 80% fólksins er aðeins með grunnskóla-
próf, 7% hafa lokið stúdentsprófi en örfáir hafa
lokið háskólaprófi og öðru slíku námi. Johan
segir að við könnun á viðhorfum fólksins hafi
komið fram að margir höfðu áhuga á einhvers-
konar starfstengdu námi.
„Við verðum að grípa til snöggra aðgerða til
þess að þetta fólk festist ekki í atvinnuleysi,
gera því einhver tilboð,“ segir Johan. Meðal úr-
ræðanna er að bjóða þeim sem mestan áhuga
sýndu að fara í starfstengt nám. Sameiginlegt
bóklegt nám fer fram í Fjölbrautaskóla Suð-
urnesja og hjá Miðstöð símenntunar. Það stend-
ur yfir í tvo mánuði og samsvarar nítján ein-
ingum í framhaldsskóla. Í framhaldi af því fer
fólkið síðan í þriggja mánaða starfsþjálfun hjá
atvinnufyrirtækjum og er það hluti af náminu.
Sá hluti námsins getur verið mjög fjölbreyttur
og getur því svarað óskum fólksins sem eru mis-
munandi, að sögn Johans og Hjálmars.
Menntamálaráðuneytið, Fræðslu-
miðstöð atvinnulífsins og Starfsafl
koma að undirbúningi námsins og
framkvæmd.
Hópurinn hefur farið í viðtöl hjá
námsráðgjöfum og niðurstaðan er sú
að 20–30 manns, yngri en 25 ára eru að
hefja bóklega námið í Fjölbrautaskól-
anum og 13–15 eldri en 25 ára hefja
sambærilegt nám hjá Miðstöð sí-
menntunar. Hjálmar segir að þessi leið
hafi aldrei áður verið farin og því mik-
ilvægt að vel takist til. Þess vegna hafi
verið lögð áhersla á að einstaklingarnir
kæmu í námið af eigin áhuga, ekki
vegna þvingunar eða þrýstings. Það
hefði þrengt hópinn töluvert.
„Fólkið fær aðstoð til að gera átak í
lífi sínu, til að nota tímann sem það hefði annars
setið atvinnulaust heima, til að byggja sig upp
til að takast á við framtíðina. Við vonum að
þetta starf örvi unga fólkið til að fara síðan út á
vinnumarkaðinn eða til frekara náms,“ segir
Johan.
Starfshópurinn á Suðurnesjum og verkefn-
isstjórinn vinna einnig að því að Suðurnesja-
menn nýti betur ýmis úrræði sem Vinnu-
málastofnun býður upp á, svo sem starfsþjálfun
í fyrirtækjum og sérstök átaksverkefni sem
sveitarfélögin, fyrirtæki og samtök geta unnið
að og fengið til þess fólk af atvinnuleysisskrá.
Hjálmar leggur á það áherslu að þrátt fyrir
neikvæða umræðu um atvinnumál á Suð-
urnesjum sé ýmislegt jákvætt að gerast. Ný at-
vinnutækifæri verði til við margháttaða upp-
byggingu á svæðinu og aukna starfsemi í
fluginu.
Átaksverkefni samstarfshóps gegn atvinnuleysi ungs fólks á Suðurnesjum
Skipulagt: Johan D. Jónsson og Hjálmar Árnason vinna að und-
irbúningi nýrra starfsmenntabrauta fyrir atvinnulausa.
Heldur bótum í fimm
mánaða starfstengdu námi
Morgunblaðið/Helgi Bjarnason
Féll af bifhjóli | Lögreglumenn á eftirlitsferð
komu að 17 ára unglingspilti sem hafði fallið af
bifhjóli á Njarðarbraut í Njarðvík í fyrradag.
Pilturinn, sem var hjálmlaus, hlaut einhverja
áverka og var fluttur á sjúkrahúsið í Keflavík
til læknisskoðunar. Hann hafði ekki réttindi til
að aka bifhjólinu sem var að auki óskráð og
ótryggt, að því er fram kemur á vef lögregl-
unnar.
Innri-Njarðvík | Unnið er af kappi við að
reisa öfluga varnargarða í Njarvíkurhverf-
unum tveimur enda ágangur sjávar þar mik-
ill. Fyrir skemmstu fór garðurinn neðan við
tjörnina í Innri-Njarðvík að taka á sig mynd
þaðan sem þessi mynd er tekin. Hægra
megin á myndinni má sjá varnargarðana tvo
sem ganga út frá hvoru Njarðvíkurhverf-
anna. Þegar hafið er hvað reiðast sést best
að markmiðið með görðunum hefur náðst.
Þá er að mestu ládauður sjór ofan við Fitj-
arnar.
Á þeim garði sem er fullkláraður (fjær)
stendur steinvera og horfir til hafs. Þetta er
ein af verum Áka Gränz málara sem hefur
fjölgað ört í Reykjanesbæ að undanförnu.
Unnið að
hleðslu
brimgarða
Morgunblaðið/Svanhildur Eiríksdóttir
Njarðvík | Kvennakór Garðabæjar og
Kvennakór Suðurnesja halda sameiginlega
tónleika í Ytri-Njarðvíkurkirkju miðvikudag-
inn 12. maí kl. 20.
Kvennakór Garðabæjar er að ljúka sínu
fjórða starfsári. Stjórnandi hans er Ingibjörg
Guðjónsdóttir sópransöngkona en píanóleikari
kórsins er Helga Laufey Finnbogadóttir.
Stjórnandi Kvennakórs Suðurnesja er Kriszt-
ina Kalló Szklenárné og píanóleikari er Geir-
þrúður Fanney Bogadóttir. Kvennakór Suð-
urnesja er elsti starfandi kvennakór landsins,
en hann hefur starfað í rúm 36 ár, eða frá árinu
1968. Kórinn er á leið í söngferðalag til Ung-
verjalands í haust.
Tónleikahald af þessu tagi er liður í að efla
samstarf kvennakóra landsins sem stöðugt eru
að sækja í sig veðrið og verða sýnilegri í menn-
ingarlífi landsmanna.
Miðasala á tónleikana verður við innganginn
og er miðaverð 1500 kr., en 1000 kr. fyrir eldri
borgara.
Sameiginlegir tónleikar
tveggja kvennakóra
Ótryggðir úr umferð | Lögreglumenn úr
Keflavík klipptu í fyrrnótt skráningarnúmer af
níu bifreiðum vegna vanrækslu á trygg-
ingaskyldu bifreiðanna. Þeir vara fólk við,
segja að eigendur bifreiða sem eru með trygg-
ingamál bifreiða sinna í ólagi megi búast við að
fá lögregluheimsókn á næstu dögum þar sem
Umferðarstofa hafi sent lögreglustöðvum lista
yfir þær bifreiðar sem eru ótryggðar.
Reykjanesbær | Fyrsti fundur Árna Sigfús-
sonar bæjarstjóra með bæjarbúum í ár verður
í kvöld í Safnaðarheimilinu í Innri-Njarðvík.
Hefst fundurinn klukkan
20. Bæjarstjóri hyggst
ræða um atvinnu, menntun
og umhverfi.
Árni hélt fimm íbúafundi
á síðasta ári og lýsti því yfir
að þeir yrðu árlega. Hann
segist ætla að fara yfir
verkefni ársins á vegum
bæjarins og það sem fram-
undan er. Þar sé af mörgu
að taka. Þá vill hann heyra
viðbrögð íbúanna og hugmyndir þeirra. Það
hafi reynst vel á síðasta ári. Oft komi íbúar
með óvæntar ábendingar um ýmis mál í hverf-
unum, meðal annars um umferðaröryggi sem
mikið hafi verið rætt á íbúafundunum.
Annar íbúafundur bæjarstjóra er í Höfnum
á morgun og sá þriðji í Njarðvík á fimmtudag.
Atvinna, menntun
og umhverfi
Árni Sigfússon