Morgunblaðið - 21.05.2004, Blaðsíða 8

FRÉTTIR
8 FÖSTUDAGUR 21. MAÍ 2004 MORGUNBLAÐIÐ
Er ekki hægt að fá fagmann?
Fjölskylduhjálp Íslands
Hlúum að ís-
lenskum börnum
Fjölskylduhjálp Ís-lands er líknarfélagstofnað í september
2003 af konum sem hafa að
baki yfir 70 ára reynslu af
sjálfboðastörfum í þágu
þeirra sem minna mega sín
í Reykjavík. Markmið Fjöl-
skylduhjálparinnar er að
hlúa að einstaklingum og
fjölskyldum sem búa við
lökust kjörin í landinu
hverju sinni og létta þeim
lífsbaráttuna.
Hjá Fjölskylduhjálp Ís-
lands stendur nú yfir söfn-
un sem ber yfirskriftina
„Hlúum að íslenskum
börnum“, og er ætlunin að
safna fé fyrir sumarbúðar-
dvöl barna sem koma frá
efnalitlum heimilum. Hægt
er að hringja í síma 901-
5050 og skuldfærast þá 500 krónur
af viðkomandi símreikningi. Sam-
tökin hafa þá sérstöðu að hjálpa
fólki óháð búsetu og geta lands-
menn nú með opnun vefjarins, fjol-
skylduhjalpin.net, sem er gjöf frá
DE.IS – DesignEuropA til sam-
takanna, sent inn fyrirspurnir og
beiðni um aðstoð. Talsmaður sam-
takanna er Ásgerður Jóna Flosa-
dóttir.
– Hver eru helstu verkefni Fjöl-
skylduhjálpar?
„Það sem gerir Fjölskylduhjálp-
ina öðruvísi er að til hennar geta
allir leitað óháð aldri, búsetu eða
kyni. Við höfum sett fram ákveðna
aðgerðaráætlun. Fyrsta stig henn-
ar var að hjálpa fólki með matvæli
alla þriðjudaga, sem við höfum
gert frá því í nóvember í fyrra. Við
höfum gefið hollt og gott hráefni
sem við höfum fengið að gjöf frá
fyrirtækjum. Þetta er komið í fast-
ar skorður hvað gefendur varðar.
Þá var ákveðið að vera með fatnað
og ýmsar nytjavörur sem þessi
heimili þurfa á að halda. Það er
ótrúlega mikið sem fellur til hjá ís-
lenskum heimilum sem nýtist þeim
sem kröppust kjörin hafa. Við höf-
um lagt áherslu á það að bæði fólk
og fyrirtæki komi bæði með not-
aðan og nýjan fatnað sem Fjöl-
skylduhjálpin síðan útdeilir til
þurfandi. Verkefnunum tveimur
byrjuðum við á fyrir nokkrum vik-
um undir heitinu „Hlúum að ís-
lenskum börnum.“ Það verkefni
hefur gengið ágætlega og nú hafa
milli sjö og átta hundruð manns
hringt í söfnunarnúmerið 901-
5050. Þeim fjármunum sem þarna
koma inn á eingöngu að verja til
þátttöku barna í sumarbúðum eða
þátttöku í íþróttanámskeiðum.
Vikan kostar 27 þúsund krónur í
Vatnaskógi og Vindáshlíð og það
gefur því auga leið að þeir sem
kröppust hafa kjörin hafa ekki efni
á að senda börn sín þangað. Söfn-
unarsíminn verður opinn til fram-
búðar og reglulega verður birt
bókhald í fjölmiðlum þar sem fram
mun koma hversu mikið safnaðist
og í hvað fjármununum hefur verið
varið. Við munum minna á söfn-
unina af og til í fjölmiðl-
um en til þess að anna
þeim hópi sem við vit-
um að þarf á aðstoð að
halda hefðum við þurft
að fá 15 þúsund hring-
ingar. Við erum þó ánægðar með
þann árangur sem þegar hefur
náðst í söfnuninni og ákveðinn
hluti þeirra barna, sem á þurfa að
halda, mun fá að njóta þess. Þriðja
verkefnið í aðgerðaráætlun Fjöl-
skylduhjálparinnar heitir Fót-
gönguliðinn þar sem við virkjum
skjólstæðinga okkar í þágu ann-
arra skjólstæðinga sem ekki eiga
heimangengt sökum blindu eða
hreyfihömlunar en fótgönguliðinn
fer með matvæli til þessa hóps og
hefur gengið mjög vel. Fjórða
verkefnið er að opna flóamarkað
fyrir almenning. Allir sem koma á
flóamarkað fyrir almenning greiða
fyrir fatnaðinn og styðja þar með
starfið og allt það fé sem þar mun
safnast á að fara í sjóð sem á að
nýtast til þess að hjálpa fólki við að
leysa út lyf. Öll verkefnin verða
fastir liðir í starfseminni. Þá mun-
um við setja þrjú ný verkefni í
gang á árinu.“
– Þurfa margir á stuðningi Fjöl-
skylduhjálpar að halda?
„Já, en við getum alls ekki annað
öllum og reynum þá að benda á
hinar og þessar hjálparstofnanir
sem við vitum að eiga peninga og
geta hjálpað til. Það er þó alvarleg-
ast að við finnum fyrir tilvistar-
doða á heimilum þeirra sem til
okkar leita. Þessir einstaklingar
hafa dottið út úr hringiðu lífsins og
ég kýs að kalla það tilvistardoða.
Þeir skjólstæðingar sem koma til
okkar eru svo þakklátir fyrir að fá
fisk og kartöflur, grænmeti, mjólk-
urvörur og hreinlætisvörur. Þetta
fólk kemur vikulega í nokkra mán-
uði á meðan það er að rétta sig við,
ef það er þá á annað borð hægt.
– Hafa margir leitað til ykkar
vegna söfnunarinnar „Hlúum að
íslenskum börnum“?
„Þeir sem vinna í hjálparstarfi
kynnast aðstæðum þessa fólks
mjög vel og það er alltaf
að verða ljósara og ljós-
ara að það er ákveðinn
hópur hér á landi sem
býr við kröpp kjör. Þau
börn sem koma frá
tekjulitlum heimilum eru hinn
þögli hópur. Þetta eru börn sem
gera engar kröfur og biðja yfirhöf-
uð aldrei um neitt vegna þess að
þau hafa alist upp við kröpp kjör
alla sína tíð. Ég minnist þess ekki
að áður hafi verið komið á fót söfn-
un sem er eingöngu til þess að hlúa
að íslenskum börnum. Þá er ég að
tala um heilbrigð íslensk börn sem
koma frá efnalitlum heimilum.“
Ásgerður Jóna Flosadóttir

Ásgerður Jóna Flosadóttir
hefur verið í hjálparstarfi sl. 10
ár og er formaður Fjöl-
skylduhjálpar Íslands. Hún er
stúdent frá máladeild Verzl-
unarskóla Íslands. Hún er með
BA í stjórnmálafræði og fjöl-
miðlafræði frá Háskóla Íslands
og stundaði sumarlangt nám við
húmanísku deildina í Kaup-
mannahafnarháskóla á Amager.
Hún hefur tekið fjölda nám-
skeiða, bæði hjá Háskólanum í
Reykjavík og Háskóla Íslands.
Ásgerður er hálfnuð í meist-
aranámi í opinberri stjórnsýslu
við Háskóla Íslands.
Börnin eru
hinn þögli
hópur
ORKUVEITA Reykjavíkur (OR)
hefur í samráði við sveitarfélagið Ölf-
us verið að undirbúa gerð frístunda-
og íbúðabyggðar á jörðinni Þurár-
hrauni í Ölfusi, skammt suður af
Hveragerði og 15 km norður af Þor-
lákshöfn. Samkvæmt tillögu, sem fyr-
irtækið Landmótun hefur unnið fyrir
OR, er gert ráð fyrir 50-60 manna
byggð með 19 húsum. Ekki stendur
til að reisa önnur mannvirki en mögu-
leiki gefinn á byggingu hesthúsa.
Guðmundur Þóroddsson, forstjóri
OR, segir þetta verkefni vera
skemmtilega nýjung og þegar sé mik-
ill áhugi fyrir hendi á íbúabyggð á
þessum stað. Hann segir að á næst-
unni verði auglýst eftir samstarfs-
aðila; fasteignafélagi eða verktaka, í
nokkurs konar útboði og vonir standi
til að framkvæmdir geti hafist þegar
á næsta ári.
Að sögn Áslaugar Traustadóttur,
landslagsarkitekts hjá Landmótun,
er þessi tillaga inni á aðalskipulagi
Ölfuss, sem er í endurskoðun, og
verði ákveðið að ráðast í þessar fram-
kvæmdir sé næsta skref að setja
byggðina inn á deiliskipulag. Áslaug
segir að ekki sé um sumarbústaði að
ræða heldur heilsárshús með sæmi-
lega stórum lóðum. Stendur byggðin
við lítið vatn er nefnist Ölfusforir og
eru þær á náttúruminjaskrá sökum
mikils fuglalífs.
Áform um sumarhúsabyggð við
Hvammsvík og Úlfljótsvatn
Að sögn Guðmundar er Orkuveitan
einnig að undirbúa frístundabyggð,
eða sumarhús, við Hvammsvík í
Hvalfirði og Úlfljótsvatn, þar sem
fyrirtækið á jarðir.
Í fréttabréfi OR segir að mikil og
aukin ásókn sé í byggingarland í Ölf-
usi og þá bæði fyrir frístunda- og
íbúðabyggð. Í náinni framtíð megi
búast við því að sífellt fleiri kjósi að
hafa búsetu utan þéttbýlis. Þróunin
verði örust á svæðum sem eru innan
eins og hálfs tíma aksturs frá höfuð-
borgarsvæðinu og auknir möguleikar
á fjarvinnslu muni vinna með þessari
þróun. Orkuveitan á jörðina Þurár-
hraun, sem áður var hluti af Eystri-
Þurá, en einnig nálægar jarðir,
Bakka og Núp.
Orkuveitan
undirbýr 50–
60 manna
byggð í Ölfusi
Tölvumynd/Landmótun
Tillaga að frístunda- og íbúðabyggð í landi Þurárhrauns í Ölfusi, sem unn-
in var fyrir Orkuveitu Reykjavíkur. Stefnt er að 50–60 íbúa byggð.
FYRSTI útskriftarhópur nýrrar
námslínu við Lögregluskóla ríksins í
samvinnu við Endurmenntunarstofn-
un HÍ heldur kynningu á lokaverk-
efnum sínum í Endurmenntunar-
stofnun við Dunhaga 7 í dag kl. 10.
Um er að ræða sjö verkefni í sér-
hæfðu námi á háskólastigi fyrir
stjórnendur í lögreglunni og liggur að
baki tveggja anna nám 42 lögreglu-
manna sem hófst í mars 2003. Að
sögn Eiríks Hreins Finnbogasonar,
yfirlögregluþjóns hjá lögregluskólan-
um, hefur það gríðarlega mikið gildi
fyrir vinnubrögð lögreglunnar að
hafa menntaða stjórnendur innan
lögreglunnar til lengri tíma litið. „Við
teljum að námið sé lyftistöng fyrir
lögregluna en það hefur verið í und-
irbúningi í nokkur ár. Landssamband
lögreglumanna hefur stutt málið með
mjög virkum hætti og sömuleiðis
Sýslumannafélagið, dómsmálaráðu-
neytið, ríkislögreglustjóri og Endur-
menntunarstofnun.“
Fyrir nokkru var gerð starfsum-
hverfiskönnun hjá lögreglunni sem
mældi m.a. upplifun lögreglumanna á
stjórnendum sínum, segir Eiríkur.
„Við viljum síðan gera aðra slíka
könnun eftir nokkur ár til að kanna
hvort stjórnunin hafi breyst og hvort
fjárfestingin í stjórnendanáminu hafi
skilað sér í skilvirkari stjórnun,“ seg-
ir hann.
Rannsóknir á umferðar-
slysum meðal verkefna
Þau verkefni sem kynnt verða í dag
spanna vítt svið lögreglunnar og
byggjast á þáttum eins og vinnusál-
fræði, mannauðsstjórnun, rannsókn-
um og réttarfari. Hver kynning tekur
um 30 mínútur og síðan gefast 20
mínútur fyrir umræður og fyrir-
spurnir.
Fyrsta verkefnakynningin fjallar
um hverfislögreglustöðvar og
grenndarlöggæslu, önnur um sam-
einingu lögregluliða á höfuðborgar-
svæðinu og þriðja um starfsmanna-
handbók lögreglunnar. Fjórða
kynningin er um starfsmannastjórn-
un, sú fimmta um rannsóknir umferð-
arslysa og sjötta um fækkun umferð-
arslysa á Norðurlandi. Síðasta
kynningin fjallar um skilgreiningar á
starfsmönnum lögreglunnar.
„Þetta er í fyrsta skipti sem lög-
reglan hefur hefur kafað ofan í þessi
viðfangsefni og við erum mjög
spenntir að sjá útkomuna,“ segir Ei-
ríkur.
42 lögreglumenn í fyrsta útskriftarhópi nýrrar námslínu
Lögreglumenn kynna loka-
verkefni í nýju stjórnunarnámi