Morgunblaðið - 21.05.2004, Blaðsíða 16
LISTIR
16 FÖSTUDAGUR 21. MAÍ 2004 MORGUNBLAÐIÐ
Hlíðasmára 17, Kópavogi,
sími 564 6610
www.allirkrakkar.is
Nýjar
vörurEitt mesta úrval landsins
af barnarúmum.
Nýju litirnir í vögnum,
kerrum og bílstólum frá
Bébécar eru komnir.
Hjá okkur er
persónuleg þjónusta
ÞÝSKI danslistahópurinn Körper,
eða Líkamar, efnir til tveggja sýn-
inga á Listahátíð í Reykjavík á
stóra sviði Borgarleikhússins í
kvöld kl. 20 og á morgun kl. 14.
Fjórtán sólódansarar taka þátt í
sýningu Söshu Waltz sem notið
hefur mikillar hylli í hinum evr-
ópska dansheimi síðustu misseri.
Körper er sambland af leikhúsi,
dansi, myndlist og jafnvel arki-
tektúr. Sýningin er uppfull af
húmor en undirtónninn er alvar-
legur enda byggir Waltz sýn-
inguna á áhrifunum sem hún varð
fyrir þegar hún heimsótti Gyð-
ingasafnið í Berlín.
Körper fylgir stærsta leikmynd
sem nokkru sinni hefur verið flutt
til landsins, að sögn aðstandenda
Listahátíðar og kom hún sjóleiðis í
fjórum gámum.
Um er að ræða Norðurlanda-
frumsýningu á Körper.
Morgunblaðið/ÞÖK
Sýningin Körper, eða Líkamar, æfð í Borgarleikhúsinu í gær.
Líkamar á sveimi
Fólkið/4
ÓPERUKÓR Hafnarfjarðar
hélt árlega vortónleika sína í
Hafnarborg á mánudagskvöldið.
Þetta er fjórða starfsár kórsins,
en stjórnandi hans er Elín Ósk
Óskarsdóttir söngkona, sú sama
og stóð sig svo í glæsilega í Mac-
beth eftir Verdi sem sett var upp
í Íslensku óperunni í fyrravetur.
Af tónleikunum í Hafnarborg að
dæma á hún auðvelt með að láta
aðra syngja fallega líka, því kór-
inn hennar var að flestu leyti til
mikillar fyrirmyndar. Söngurinn
var þéttur, kvenraddirnar kraft-
miklar án þess að vera skerandi
og tenórarnir ekki með þennan
vandræðagang sem plagar svo
marga íslenska kóra. Bassarnir
voru líka verulega öflugir og
með fallegan lit í röddinni.
Vissulega heyrði maður örlitla
hnökra hér og þar, t.d. átti einn
tenórinn það til að syngja sterk-
ar en allir hinir; innkomur voru
líka stundum ekki alveg ná-
kvæmar og einstöku sinnum
voru karlarnir dálítið loðnir.
Þetta var þó smávægilegt við
hliðina á fyllingunni í heildar-
hljómnum, auk gleðinnar og
frískleikans sem einkenndi söng-
inn í heild.
Best voru íslensku lögin, en
sum þeirra voru hreint út sagt
frábær í meðförum kórsins, sér-
staklega Fyrirlátið mér úr
Galdra-Lofti Jóns Ásgeirssonar
og lokakórinn úr Hátíðarkantötu
Páls Ísólfssonar. Í síðarnefnda
atriðinu söng Elín Ósk einsöng
og gerði það sérlega vel eins og
hennar er von og vísa.
Dagskrá tónleikanna var tví-
þætt, annars vegar íslensk lög;
hins vegar vinsæl atriði úr
þekktum óperum eftir Verdi og
Mozart. Nokkrir kórfélagar
sungu einsöng og gerðu það
ágætlega miðað við að þetta eru
ekki reyndir einsöngvarar.
Píanóleikur Peters Maté var
prýðilegur, breiður eins og heil
hljómsveit þegar við átti, en ann-
ars tær, agaður og hugljúfur.
Þetta voru skemmtilegir tón-
leikar með fínum kór; megi hann
halda áfram að gleðja okkur um
ókomna tíð.
Jónas Sen
Glaður kór
TÓNLIST
Hafnarborg
Óperukór Hafnarfjarðar undir stjórn
Elínar Óskar Óskarsdóttur. Tónlist eft-
ir Verdi, Mozart, Pál Ísólfsson, Jón Ás-
geirsson, Atla Heimi Sveinsson og
fleiri. Einsöngvarar voru Kjartan Ólafs-
son, Björn Björnsson, Hörn Hrafns-
dóttir, Svana Berglind Karlsdóttir,
Margrét Grétarsdóttir, Stefán Arn-
grímsson og Elín Ósk Óskarsdóttir.
Peter Maté lék undir á píanó. Mánu-
daginn 17. maí.
KÓRTÓNLEIKAR
AÐALFUNDUR Myndstefs, sem
haldinn var á dögunum, beinir þeim
eindregnu tilmælum til dómsmála-
yfirvalda og ríkislögreglustjóra að
hraðað verði rannsókn á meintu
misferli söluaðila listaverka á skil-
um á innheimtum fylgiréttargjöld-
um.
Fundurinn leggur áherslu á að
innheimta þessara gjalda sé grund-
völluð á skýrum lagaákvæðum og
brot á þeim hafi í för með sér refs-
ingu fyrir þá aðila sem kunna að
verða dæmdir sekir.
„Hér er um tilfinnanlegt fjár-
hagstjón að ræða, bæði fyrir sam-
tök myndhöfunda og ekki síður fyr-
ir einstaka myndlistarmenn og
erfingja þeirra.
Það er von aðalfundarfulltrúa að
hið allra fyrsta takist að koma þess-
um málum í eðlilegt horf m.a. með
lögbundinni aðstoð lögregluyfir-
valda.
Að lokum minnir fundurinn á að
hér er um verulegar fjárupphæðir
að ræða,“ segir í ályktun fundarins.
Aðalfundurinn skorar einnig á
menntamálaráðherra að beita sér
fyrir breytingum á höfundalögum
þannig að heimilt verði að gera
dæmd fölsuð málverk upptæk með
dómi, eða eftir atvikum að afmá
falsaðar höfundamerkingar af verk-
unum.
„Slík lagabreyting yrði bæði til
að vernda höfundaheiður lista-
manna og jafnframt að stuðla að ör-
yggi á listaverkamarkaði,“ segir í
ályktun.
Ályktun aðalfundar Myndstefs
Hraðari rannsókn
á meintu misferli
UNDANFARIN ár hefur leik-
félagið Hugleikur í Reykjavík sýnt
fjöldann allan af einþáttungum sem
eru skrifaðir af félagsfólki eins og
öll önnur verk þeirra. Meðal þeirra
þátta eru tveir af þeim þáttum Þór-
unnar Guðmundsdóttur sem fjalla
um Sigga og kleinurnar og féllu þeir
áhorfendum vel. Nú hefur Þórunn
skrifað þrjá þætti í viðbót um þenn-
an ágæta mann og eru þeir allir
fimm fluttir í Kaffileikhúsinu um
þessar mundir.
Dómur um dauðan hvern var
þátturinn sem fyrst varð til og er
hann um misskilning sem verður
þegar kona Sigga er nýlátin, voveif-
lega, og manneskja sem Siggi álítur
prest kemur í heimsókn. Þarna er
Siggi fjörgamall maður. Næsti þátt-
ur, Jólakleinur, gerist þremur árum
fyrr og sýnir Sigga og konu hans
Gunnu taka á móti þjóðfræðinema
sem er að gera könnun á jólahaldi
fyrr á tímum. Því næst kemur nýr
þáttur, Rímþrautir, sem gerist tutt-
ugu árum þar á undan og segir frá
því er Siggi reynir að yrkja vísur til
konu sinnar vegna tuttugu ára sam-
veru þeirra og fær til sín hagyrðing
sem jafnframt er rafvirki. Þá sjáum
við þáttinn Máltöku sem segir frá
fyrstu kynnum Sigga og Gunnu en
hann kemur til hennar til þess að
taka mál af líki móður hennar. Að
lokum er svo þátturinn Níu nóttum
fyrir jól en hann gerist fimm árum
fyrr og er endurlit á uppvöxt Sigga
og hvernig hann lendir hjá ömmu
sinni sem elur hann upp en í honum
er einnig innskot sem á að skýra
betur bakgrunn og persónuleika
Sigga. Innskotið sýnir hann sem
ungling á tali við unga stúlku en það
verður að segjast eins og er að þetta
þyngdi sýninguna sem óþarfa bak-
grunnsupplýsingar og hefði hæg-
lega getað komið fram með öðrum
þætti. Leikstjórnarlega var innskot-
ið líka slitið úr samhengi með því að
setja það út í horn en að öðru leyti
var miðja sviðsins aðeins notuð, inni
á heimili Sigga.
Síðasti þátturinn var einnig sístur
að því leyti að í honum er fyrst mjög
lifandi frásögn af því hvernig Siggi
kom til ömmunnar en síðan er kraft-
urinn dreginn úr innlifun áhorfenda
með því að leika atriðið. Með því að
segja frá því í leikskrá hve langur
tími líður milli þáttanna fæst nokk-
uð skýr mynd af lífshlaupi Sigga,
þessa ofur venjulega Íslendings sem
hefur lifað einföldu og fábrotnu lífi
og dagar uppi í gömlum fötum með
gamlar og harðar kleinur fyrir rest.
Þættirnir eru flestir vel skrifaðir,
með bráðfyndnum samtölum en
Þórunn er sérstaklega góður texta-
smiður auk þess að vera vel hag-
mælt. Hún hefur einstakt lag á því
að birta á hljóðlátan og fyndinn hátt
þann fábrotna heim sem allir Ís-
lendingar þekkja en er óðum að
hverfa. Kleinurnar sem flæða gegn-
um alla þættina eru táknið fyrið hið
einfalda líf sem einu sinni var, með
einföldum sveitamat og litlum íburði
hjá þorra fólks.
Leikstjórinn Þorgeir Tryggvason
er einn Hugleikaranna og með
nokkur leikstjórnarnámskeið og
reynslu sína og innsæi að vopni
stýrir hann þáttum Þórunnar vel og
örugglega. Hann er bestur í ná-
kvæmum tímasetningum með hluti
en kleinurnar og mjólkin eru hér í
forgrunni. Rauða kleinudósin sem
beyglast og máist með tímanum
tengir líka þættina vel. Atriðið í
Máltöku, þegar Siggi og Gunna eru
komin vel á veg með að kynnast
með því að borða kleinur og drekka
mjólk, var óborganlega fyndið á
frumsýningunni og samleikur þeirra
Sævars Sigurgeirssonar og Huldu
B. Hákonardóttur með ólíkindum
góður. Sævar er auðvitað stjarna
sýningarinnar en hann leikur Sigga
á öllum aldursskeiðum. Sævar er
einn færasti leikari Hugleiks og
sýndi hann hér hvers hann er megn-
ugur með því að vera aldrei degi
yngri eða eldri en hann átti að vera;
hann lék lítinn dreng, ungan mann,
miðaldra og fjörgamlan; allt saman
jafn eðlilega. Hulda er ekki síðri
leikari en Sævar, hún var alveg sér-
staklega fyndin sem gömul kona,
eðlilega sjálfhverf og minnislaus en
var líka makalaust hlægileg sem
unga konan og með sama afkáralega
göngulagið og í fyrsta þætti. Aðrir
leikarar voru prýðilegir en sérstak-
lega verður að nefna Strandamann-
inn Sigurð Atlason sem var mjög
fyndinn í hlutverki hagmælta raf-
virkjans og er Hugleikur heppinn að
hafa fengið hann til liðs við sig.
Í kleinuþáttum Þórunnar er Hug-
leikur í essinu sínu. Á frumsýning-
unni kunnu áhorfendur mjög vel að
meta hið góðlátlega grín sem gert
var að þjóðareðlinu. Vonandi fá
fleiri tækifæri til þess að hlæja sig
máttlausa að fyndni Þórunnar í leik-
stjórn Þorgeirs sem er svo heppinn
að hafa tvo af bestu áhugaleikurum
landsins í liði sínu.
Kleinur með ískaldri mjólk
LEIKLIST
Hugleikur
Höfundur: Þórunn Guðmundsdóttir. Leik-
stjóri: Þorgeir Tryggvason. Útlitshönnun:
Hrefna Friðriksdóttir. Ljósahönnun: Valdi-
mar G. Þórarinsson. Frumsýning í Kaffi-
leikhúsinu 7. maí.
KLEINUR
Hrund Ólafsdóttir
Kaffi Tár, Bankastræti Gunnar I.
Guðjónsson myndlistarmaður sýnir
þessa dagana myndröð og nefnir
sýninguna fjögur portrett; Af Wera
Ouckama-Knopp og samanstendur
hún af fjórum fígúratívum til-
brigðum við andlit ungrar konu.
Gunnar hefur starfað að myndlist
um liðlega þriggja áratuga skeið og
haldið fjölmargar sýningar hér
heima og erlendis. Sýningin stendur
til 17. júní.
Í DAG
SIGURRÓS Stefánsdóttir myndlist-
armaður sýnir nú málverk hjá flug-
félaginu Erni. Sýningin er í tilefni
þess að ný flugvél hefur bæst í flug-
flota Ernis.Verk Sigurrósar eru
máluð með olíu á striga og hafa skír-
skotun í línur og form úr landslag-
inu. Línurnar eiga að tákna hinar
ýmsu myndir sem hægt er að sjá í
landslaginu þegar flogið er yfir stór-
brotna náttúru Íslands. Yfirskrift
sýningarinnar er Hljómur hafs og
heiða.
Sigurrós Stefánsdóttir hefur sett
upp nokkrar einkasýningar vítt um
landið og einnig hefur hún tekið þátt
í nokkrum samsýningum. Hún nam
myndlist í Myndlistaskólanum á Ak-
ureyri og útskrifaðist úr mál-
unardeild vorið 1997.
Sigurrós Stefánsdóttir með eitt
verka sinna við hina nýju flugvél
flugfélagsins Ernis.
Málverkasýn-
ing hjá Erni
Hljóð og stafir – lestur, skrift, rétt-
ritun, Hljóð og stafir – æfingar,
Lestrarátak nefnast nýjar lestr-
arbækur eftir Helgu Sigurjóns-
dóttur. Tvær fyrrnefndu bækurnar
eru handa þeim sem eru að hefja
lestrarnámið en Lestrarátak handa
börnum og fullorðnum sem þurfa að
æfa sig betur í hljóðgreiningu og
réttritun.
Helga stofnaði Lestrarskólann í
Kópavogi árið 2000. Hún er með há-
skólapróf í íslensku og sálfræði.
Lestur