Morgunblaðið - 21.05.2004, Blaðsíða 44

ÍÞRÓTTIR
44 FÖSTUDAGUR 21. MAÍ 2004 MORGUNBLAÐIÐ
KEVIN Garnett hélt upp á 28 ára
afmælið sitt með eftirminnilegum
hætti í fyrrinótt. Hann gerði 32
stig, tók 21 frákast og varði fimm
skot þegar Minnesota Timberwolv-
es vann Sacramento Kings 83:80 í
sjöunda leik liðanna í undan-
úrslitum Vesturdeildarinnar í
NBA-körfunni. Þar með komst
Minnesota áfram og mætir LA
Lakers í úrslitum deildarinnar.
Úrslitin réðust ekki fyrr en á síð-
ustu sekúndubrotum leiksins.
Chris Webber átti þriggja stiga
skot um leið og flautan gall. Bolt-
inn fór ofan í körfuna en snerist
upp úr henni á ný þannig að Kings
mistókst að jafna og varð að játa
sig sigrað þriðja árið í röð í sjö-
unda leik í úrslitakeppninni.
„Ég var viss um að boltinn væri í
– og hann var það en einhvern veg-
inn snerist hann upp úr körfunni.
Ég trúði ekki mínum eigin aug-
um,“ sagði Webber eftir leikinn.
Garnett varði skot Brad Miller
undir körfunni skömmu áður en
boltinn barst til Webbers sem tók
síðasta skotið, vandlega gætt af
Garnett.
„Ég vildi ekki brjóta á honum og
passaði mig að gera það ekki. Sem
betur fer hitti hann ekki. Það var
frábært að vinna og komast áfram,
sérstaklega á afmælisdaginn sinn,“
sagði Garnett.
Doug Christie gerði 21 stig fyrir
Kings en Sam Cassell virðist komin
í stuð á ný og gerði kappinn 23
stig.
Minnesota í úrslit Vestur-
deildar gegn LA Lakers
„ÉG er mjög sáttur við jafn-
tefli hér í Eyjum,“ sagði Ingv-
ar Þór Ólason, fyrirliði Fram,
eftir leikinn í Eyjum. „Fyrri
hálfleikur var lélegur hjá okk-
ur, þeir voru sprækir og í raun
vorum við alltaf skrefinu á eft-
ir. Við töluðum saman í hálf-
leik og ákváðum að reyna að
ná í þetta stig sem við komum
með hingað og það tókst.
Seinni hálfleikur var miklu
betri hjá okkur.“ Fram situr
nú á toppi deildarinnar með
fjögur stig og er Ingvar sáttur
við byrjun Fram. „Við höfum
nú oft verið með fjögur stig
eftir fyrri umferðina þannig
að við erum sáttir.“
Héldum
í stigið
 ÞORVALDUR Makan Sigbjörns-
son skoraði 100. markið sem Fram
gerir gegn ÍBV á Íslandsmótinu í
knattspyrnu þegar hann jafnaði, 1:1,
á Hásteinsvellinum í gær. Þetta var
63. viðureign liðanna frá árinu 1926
þegar þau áttust við fyrst og hafa
Framarar unnið 25 leiki, Eyjamenn
21, en 17 hafa endað með jafntefli.
 ÞORVALDUR Makan kann greini-
lega vel við sig gegn ÍBV. Hann skor-
aði mark KA í báðum leikjunum við
Eyjamenn sumarið 2002, en báðir
enduðu 1:1, alveg eins og leikur
Fram og ÍBV í gær.
 GUNNAR Heiðar Þorvaldsson var
Frömurum erfiður sem fyrr. Hann
skoraði sitt fimmta mark gegn þeim
á þremur árum í úrvalsdeildinni.
 DAVID Beckham segist ætla að
verða áfram hjá spænska liðinu Real
Madrid, en hann hefur verið orðaður
við ýmis lið á Bretlandi að undan-
förnu. Í yfirlýsingu hans segir að fjöl-
skyldan sé að flytja til Spánar. „Ég
hef langtíma skuldbindingar gagn-
vart Real og lífi mínu á Spáni. Ég hef
verið hér í eitt keppnistímabil og mér
finnst ég ekki hafa lokið ætlunar-
verki mínu,“ segir Beckham.
 EVERTON hefur slegist í hóp
þeirra liða sem vilja fá Alan Smith,
leikmann Leeds í sínar raðir. David
Moyes, stjóri Everton, staðfesti í gær
að félagið hefði sent Leeds tilboð í
pilt.
 FALLIÐ hefur verið frá ákæru á
hendur þremur leikmönnum enska
knattspyrnufélagsins Leicester
vegna meintrar kynferðislegar árás-
ar á þrjár konur á Spáni í mars. Þetta
kom fram í yfirlýsingu frá félaginu í
gær. Leikmennirnir þrír, Paul Dick-
ov, Frank Sinclair og Keith Gill-
espie, sátu í gæsluvarðhaldi í viku á
Spáni eftir að konurnar þrjár sögðu
að hópur manna hefði ruðst inn í hót-
elherbergi þeirra.
 FRANSKI varnarmaðurinn Jonat-
han Zebina, skrifaði í gær undir
fimm ára samning við Juventus á
Ítalíu, en kappinn hefur leikið með
Roma, en var laus allra mála hjá fé-
laginu.
 FC KÖBENHAVN varð danskur
bikarmeistari í knattspyrnu í gær
með því að sigra AaB frá Álaborg,
1:0, í úrslitaleik á Parken. Það var
Morten Bisgaard sem skoraði sigur-
markið og tryggði Kaupmannahafn-
arliðinu sinn þriðja bikarmeistaratitil
en það var stofnað árið 1992 með
sameiningu KB og B1903.
 GOG varð danskur meistari í hand-
knattleik í gær með því að gera jafn-
tefli, 34:34, við Kolding á heimavelli.
GOG hafði unnið fyrri leikinn á úti-
velli, 43:36. Danskir landsliðsmenn
voru í stórum hlutverkum en Klavs
Bruun Jörgensen skoraði 6 mörk
fyrir GOG og Christian Hjermind
gerði 9 mörk fyrir Kolding.
FÓLK
Framan af leiknum réðu Eyja-menn gangi mála og áttu nokk-
ur góð færi í byrjun. Það besta fékk
þó Atli Jóhannsson á
þrettándu mínútu
þegar hann átti
hörkuskot að marki
en Gunnar Sigurðs-
son markvörður Fram varði boltann
glæsilega í slána og yfir. Tveimur
mínútum síðar átti Gunnar Heiðar
Þorvaldsson bakfallsspyrnu rétt yfir
mark Fram eftir góða sendingu frá
Ian Jeffs.
Það voru liðnar rúmar tuttugu
mínútur þegar Fram ógnaði Eyja-
markinu að einhverju ráði en þá átti
Andri Fannar Ottósson góðan sprett
en fast skot hans var varið af Birki
Kristinssyni. Það dró svo til tíðinda á
26. mínútu þegar Ian Jeffs fékk
knöttinn rétt utan vítateigs gest-
anna, tók boltann niður og renndi
honum inn fyrir vörn Fram þar sem
Gunnar Heiðar Þorvaldsson kom að-
vífandi og hamraði knöttinn í netið,
óverjandi fyrir nafna hans í marki
Fram.
Eftir markið róaðist leikurinn að-
eins en Eyjamenn voru þó mun
sterkari aðilinn. Gestirnir mættu
mun ákveðnari til leiks í síðari hálf-
leik og strax á fjórðu mínútu átti
Eggert Stefánsson hörkuskot langt
utan af velli rétt framhjá Eyjamark-
inu. Síðari hálfleikur var langt frá
því að vera eins góð skemmtun og sá
fyrri og lítið markvert gerðist fyrsta
hálftímann. Magnús Már Lúðvíks-
son komst í ágætis færi á þrítugustu
mínútu en skaut framhjá. Aðeins
tveimur mínútum síðar kom jöfnun-
armark Fram. Ríkharður Daðason
skallaði að marki ÍBV eftir horn-
spyrnu og var mikil barátta í mark-
teig Eyjamanna en að lokum fór
knötturinn af Þorvaldi Makan og í
netið.
Eyjamenn reyndu hvað þeir gátu
á síðustu mínútunum að komast aft-
ur yfir en þrátt fyrir þunga pressu
tókst þeim ekki að skapa sér nein
umtalsverð færi. Tvö rauð spjöld litu
dagsins ljós á lokamínútum leiksins,
fyrst fékk Ómar Hákonarson sitt
annað gula spjald eftir brot á Matt
Garner en nokkrum sekúndum síðar
fékk Ian Jeffs beint rautt spjald eftir
glórulaust brot á Ragnari Árnasyni.
Jafntefli niðurstaðan og bæði lið því
enn taplaus í deildinni.
Héldum ekki dampi
Bjarnólfur Lárusson miðjumaður-
inn sterki í liði ÍBV var langt frá því
að vera sáttur í leikslok. „Það er alls
ekki nógu gott að vera bara komnir
með tvö stig eftir tvær umferðir, sér-
staklega þar sem við höfum verið
sterkari aðilinn í báðum leikjunum.
Það koma kaflaskipti í leik okkar
sem við þurfum að laga, það fór mik-
ið púður í fyrri hálfleikinn hjá okkur
og við virðumst ekki ná að halda
dampi allan leikinn. Við spiluðum vel
í sjötíu mínútur og getum verið sáttir
við það en þurfum að klára leikina,
ekki hleypa andstæðingnum inn í
leikinn síðustu tuttugu mínúturnar,“
sagði Bjarnólfur.
Ríkharður Daðason, sóknarmaður Fram, og Mark Schulte, bandaríski bakvörðurinn hjá ÍBV, heyja
háloftabardaga í viðureign félaganna í Vestmannaeyjum í gær.
Aftur jafntefli hjá
Eyjamönnum
ÍBV og Fram skildu jöfn í hörkuleik í Eyjum í gær. Lokastaðan var 1:1
og mega gestirnir teljast nokkuð heppnir að hafa náð í stig í leikn-
um. Þeir voru líklega ekki búnir að gleyma útreiðinni sem þeir
fengu á Hásteinsvelli í fyrra þegar Eyjamenn skoruðu fimm mörk
gegn engu marki Fram. Þetta er annað jafntefli ÍBV í jafnmörgum
leikjum því liðið gerði einnig 1:1 jafntefli í fyrstu umferðinni.
Sigursveinn
Þórðarson
skrifar
ÍBV 1:1 Fram
Leikskipulag: 4-4-2 Landsbankadeild karla,
2. umferð
Hásteinsvöllur
Fimmtudaginn 20. maí 2004
Aðstæður:
Smá gola og rigning á köflum.
Völlur góður.
Áhorfendur: 450
Dómari:
Gísli H. Jóhannsson,
Keflavík, 4
Aðstoðardómarar:
Sigurður Óli Þórleifsson,
Gunnar Gylfason
Skot á mark: 15(5) - 13(3)
Hornspyrnur: 8 - 2
Rangstöður: 2 - 1
Leikskipulag: 3-5-2
Birkir Kristinsson
Mark Schulte M
Tryggvi Bjarnason
Einar Hlöðver Sigurðsson M
Matt Garner
Jón Skaftason
(Hrafn Davíðsson 80.)
Ian Jeffs M
Bjarnólfur Lárusson M
Atli Jóhannsson M
Magnús Már Lúðvíksson
Gunnar Heiðar Þorvaldsson M
Gunnar Sigurðsson M
Eggert Stefánsson M
Andrés Jónsson
Hans Fróði Hansen
Ómar Hákonarson
Þorvaldur Makan Sigbjörnsson M
(Heiðar Geir Júlíusson 83.)
Fróði Benjaminsen
Ingvar Ólason M
Ragnar Árnason
Ríkharður Daðason M
(Viðar Guðjónsson 87.)
Andri Fannar Ottósson
(Andri Steinn Birgisson 64.)
1:0 (26.) Ian Jeffs fékk langa sendingu fram völlinn, tók boltann niður og sendi
hnitmiðaða sendingu inn fyrir vörn Fram þar sem Gunnar Heiðar Þor-
valdsson kom aðvífandi og þrumaði knettinum í bláhornið.
1:1 (78.) Andri Steinn Birgisson tók hornspyrnu frá hægri, Ríkharður Daðason
skallaði að marki og Þorvaldur Makan Sigbjörnsson kastaði sér fram
við stöngina fjær og skallaði í netið, rétt áður en Matt Garner náði að
hreinsa frá.
Gul spjöld: Ómar Hákonarson, Fram (16.) fyrir brot.  Atli Jóhannsson, ÍBV (28.) fyrir
brot.  Bjarnólfur Lárusson, ÍBV (47.) fyrir brot.  Eggert Stefánsson, Fram
(74.) fyrir brot.
Rauð spjöld: Ómar Hákonarson, Fram (89.) fyrir brot.  Ian Jeffs, ÍBV (90.) fyrir brot.