Morgunblaðið - 25.05.2004, Qupperneq 12
VIÐSKIPTI/ATHAFNALÍF
12 ÞRIÐJUDAGUR 25. MAÍ 2004 MORGUNBLAÐIÐ
Eru blindir punktar í þínu útsýni?
Áætlanagerð fyrirtækja
hugbúnaðarhús
Skeifunni 8
108 Reykjavík
www.ax.is
ax@ax.is frumkvæði / áreiðanleiki / samvinna
betri yfirsýn, bætt stjórnun og betri vinnuferlar
Hvað þurfa stjórnendur fyrirtækja
að hafa til að geta tekið markvissar
ákvarðanir sem skila árangri í
rekstri? Svarið er einfalt: Yfirsýn.
Cognos hugbúnaðurinn veitir
stjórnendum nútímans skýlausa
yfirsýn. Gríptu tækifærið og kynntu
þér kosti Cognos á ráðstefnunni.
Skráning á www.ax.is
og í síma 545 1000
Ráðstefna Nordica Hótel
27. maí 2004
FÉLAG í eigu KB banka og fyrrverandi stjórn-
enda hjá T&S-verslununum, sem heitir Lancelot,
lagði í gær fram 60 milljóna punda (tæplega 7,9
milljarða króna) tilboð í bresku hverfisverslana-
keðjuna Londis og er það jafnhátt tilboði írsku
Musgrave-keðjunnar sem stjórn Londis hefur
mælt með við hluthafa.
Með tilboði Lancelot fengi hver hluthafi í Lond-
is 31 þúsund pund í sinn hlut (um 4 m.kr.) en tilboð
Musgrave-keðjunnar hljóðar einnig upp á 60 millj-
ónir punda eða 31.266 punda (um 4,1 m.kr.)
greiðslu til hvers hluthafa. Munurinn á tilboðunum
felst í því að Musgrave eignast öll hlutabréf í
Londis en með tilboði Lancelot er gert ráð fyrir að
hluthafarnir fái greitt bæði í peningum og hluta-
bréfum. Þeir muni þannig áfram vera meirihluta-
eigendur í félaginu, eiga u.þ.b. 60% hlutafjár.
Formlegt tilboð frá Musgrave í vikunni
KPMG sér um söluna á Londis og hefur þegar
hafnað tilboðinu og stjórn Londis hefur þegar
mælt með því, fyrir mánuði, við hluthafana að þeir
taki tilboði Musgrave-keðjunnar en gengið verður
til atkvæða um tilboð þeirra í lok næsta mánaðar.
Tilboðið þarf 75% atkvæða til að verða samþykkt.
Formlegt tilboð með nánari útfærslum þess hefur
hins vegar ekki enn borist hluthöfum en reiknað er
með að það verði í lok vikunnar. Hópur óánægðra
hluthafa í félaginu skoraði hins vegar á aðra hlut-
hafa fyrr í mánuðinum að hafna þessu tilboði írsku
keðjunnar.
Það eru fyrrverandi stjórnendur hjá hverfis-
verslanakeðjunni T&S, sem Tesco keypti árið
2002, sem standa með aðstoð KB banka að tilboð-
inu sem lagt var fram í gær. Í því er lagt til að þeir
taki við stjórnun fyrirtækisins, reki Londis-versl-
anirnar sem eru 2.200 talsins, og hafi umsjón með
fjárfestingaráætlun félagsins. Fjórir yfirstjórn-
endur hjá Londis sögðu nefnilega upp störfum ný-
lega, þar á meðal forstjórinn, eftir að hluthafar
höfnuðu fyrra tilboði Musgrave-keðjunnar sem
var 20 milljónum punda (2,6 milljörðum króna)
lægra. Hver hluthafi hefði samkvæmt því tilboði
fengið 10.139 pund (um 1,3 m.kr.) í sinn hlut en
stjórnendurnir fjórir hefðu fengið 21 milljón
punda (2,75 milljarða). Það tilboð féll ekki í góðan
jarðveg né heldur hversu fast stjórnendurnir sóttu
að því yrði tekið. Gerðir voru um 2 milljóna punda
(262 m.kr.) starfslokasamningar við þá.
Lagt er til að Geoff Purdy, sem áður var inn-
kaupa- og markaðsstjóri hjá T&S, verði forstjóri
Londis. Reuters hefur eftir honum að þrátt fyrir
að KPMG hafi hafnað tilboði þeirra, og mæli með
sölu á fyrirtækinu í heild sinni, þá vilji
þeir að hluthafar í Londis viti að þeir
eigi annarra kosta völ. Purdy segist
ekki einu sinni hafa fengið stjórnina
til viðræðna um að hleypa honum og
félögum hans inn í slaginn. Og í vefriti
Financial Times segir hann að með
því að eiga áfram meirihluta hlutafjár
í Londis geti núverandi hluthafar
hagnast af því þegar rekstri félagsins
verður breytt til batnaðar.
Fleiri aðilar enn áhugasamir
Sem fyrr segir er gert ráð fyrir að
fyrri hluthafar eigi áfram 60% hluta-
fjár og Lancelot, sem er að hluta í
eigu KB banka, muni eiga 40%. Morg-
unblaðið fékk ekki uppgefið hversu
stór hlutur KB banka væri í Lancelot,
einungis að bankinn hefði samþykkt að aðstoða
T&S-stjórnendahópinn við að kaupa sig inn í
Londis. Þá mun ekki hafa verið tekin ákvörðun um
hvort eða hvenær bankinn fer út úr félaginu.
Nokkrir aðrir hafa sýnt áhuga á því að eignast
Londis-keðjuna. Þeirra á meðal er Co-operative
Group (Co-op) sem nýverið var tilkynnt um að
væri að hugleiða að bjóða í keðjuna 66 milljónir
punda (8,6 milljarða króna). Þá hefur Big Food
Group, sem er að fimmtungi í eigu Baugs Group,
líka verið á höttunum eftir Londis-keðjunni og
sagst mundu nálgast hluthafa Londis beint með
tilboði, þrátt fyrir að stjórn Londis hafi þegar
mælt með tilboði Musgrave. Morgunblaðið hefur
hins vegar heimildir fyrir því að Baugur tengist
ekki tilboði KB banka í Londis.
Londis samanstendur af 1.919 kaupmönnum
sem hver og einn keypti hlut í Londis fyrir 50 pund
á sínum tíma. Þeir eiga 2.200 verslanir undir
merkjum Londis og nota sameiginlegt innkaupa-
og dreifingarkerfi. Verslanirnar sjálfar munu í
báðum tilfellum verða áfram í þeirra höndum.
KB banki með tilboð í Londis
Lagt til að fyrrverandi
stjórnendur hjá T&S,
sem einnig standa að til-
boðinu, taki við stjórn-
artaumunum
Vinsæl KB banki hefur blandað sér í slaginn um bresku
hverfisverslanakeðjuna Londis.
ÞETTA HELST …
VIÐSKIPTI
● GÓÐ sala tónlistar Noruh Jones og
Coldplay jók við markaðshlutdeild út-
gáfufyrirtækisins EMI, en salan dróst
engu að síður
saman á reikn-
ingsárinu sem
lauk 31. mars síð-
astliðinn. Hagn-
aður reiknings-
ársins fyrir skatta
nam 163 millj-
ónum punda, 21
milljarði króna og
lækkaði um 9%
og var nærri
lægstu spá greinenda. Velta fyrirtæk-
isins var 2,1 milljarður punda, um
280 milljarðar króna, og dróst sam-
an um 2,5%. Stjórnarformaður EMI
segir að fyrirtækinu hafi gengið vel
miðað við erfiðar markaðsaðstæður,
en sjóræningjaframleiðsla á tónlist
sé verulegt vandamál fyrir tónlistar-
iðnaðinn. Þetta eigi bæði við um tón-
list sem hlaðið sé niður af Netinu og
geisladiska sem séu fjölfaldaðir.
Samdráttur hjá EMI
Norah Jones
● LAUNAVÍSITALAN hækkaði um
0,3% í apríl og hefur hækkað um 4%
síðastliðna 12 mánuði, að því er fram
kemur í frétt frá Hagstofu Íslands.
Greining Íslandsbanka segir í Morg-
unkorni sínu í gær að hækkunin í apríl
sé vegna kjarasamninga, en að
launaskrið virðist lítið. Þar segir enn-
fremur að kaupmáttur launa hafi auk-
ist um 1,8% síðastliðna 12 mánuði.
Hann hafi dregist saman á síðustu
mánuðum vegna þess annars vegar
að kjarasamningsbundnar hækkanir
komi inn síðar á þessu ári en í fyrra og
hins vegar að verðbólgan sé hærri nú.
Launavísitalan
hækkar um 0,3%
● BANDARÍSKA álfyrirtækið Alcoa
hefur í hyggju að byggja eins milljarðs
dollara álver á Trinidad, eyríki í Kar-
íbahafi norðaustur af Venesúela. Fé-
lagið verður því með tvö álver sömu
stærðar í byggingu á sama tíma, þ.e.
álver á Reyðarfirði og á Trinidad.
Álverin tvö verða þau fyrstu sem Al-
coa byggir frá grunni á síðustu 20 ár-
um. Alcoa rekur nú 28 álver víðs veg-
ar um heiminn, 9 súrálvinnslur og
tvær báxítnámur. Í athugun hjá fyr-
irtækinu eru einnig verkefni í Kína,
Brunei, Bahrain, Brasilíu og Kanada.
Álverið á Trinidad mun framleiða
250.000 tonn af áli árlega og er að
60% í eigu Alcoa og 40% í eigu
heimamanna. Heimsframleiðsla á áli
hefur vaxið síðustu fimm ár í 30,4
milljónir tonna árið 2003, sem er
20% aukning ársframleiðslu frá
1999. Álverð hækkaði um 30% á síð-
asta ári en búist er við að framboð
minnki á þessu ári og því næsta.
Alcoa byggir álver
á Trinidad
JUUKKA Ruuska, forstjóri HEX-
hluta OMHEX-kauphallarinnar, seg-
ir að kaup OMHEX á kauphöllinni í
Litháen sé áfangi á leið þeirra að því
að eignast allar kauphallir á Norður-
löndum og í Eystrasaltsríkjunum.
„Markmiðið er að halda áfram að
sameina kauphallir á Norðurlöndun-
um með því mögulega að kaupa kaup-
hallir í Danmörku, Noregi og á Ís-
landi,“ sagði Ruuska á fréttamanna-
fundi, en OMHEX á nú kauphallir í
fimm löndum, þ.e. Finnlandi, Svíþjóð,
Eistlandi, Lettlandi og Litháen. Þá
sagði Ruuska að OMHEX fylgdist
náið með einkavæðingaráformum
kauphallarinnar í Varsjá í Póllandi
með kaup í huga.
Þórður Friðjónsson, forstjóri
Kauphallar Íslands, segist kunna vel
að meta áhuga OMHEX á Kauphöll
Íslands. „Við skiljum vel að þeir hafi
áhuga á að kaupa því það hefur geng-
ið vel hjá okkur og það hefur verið
góður gangur í markaðnum,“ segir
Þórður. Hann segir að Kauphöllin
hafi hins vegar markað þá stefnu að
vinna náið með hinum norrænu kaup-
höllunum í hinu svokallaða NOREX-
samstarfi, en vera áfram sjálfstæð og
renna ekki saman við OMHEX.
Kauphöll Íslands væri ekki til sölu.
„Það veit enginn hvað framtíðin
ber í skauti sér. Það skiptir máli
hvernig markaðurinn þróast. Það
hefur einnig verið stefna kauphallar-
innar að samþættta norræna mark-
aðinn eins rækilega og hægt er, þann-
ig að gagnvart viðskiptavinum verði
þetta einn sameiginlegur markaður.
Hvað svo gerist í fyllingu tímans
varðandi samstarfið er kannski ekki
auðvelt að sjá fyrir.“ Þórður segir
norsku kauphöllina hafa sömu sjón-
armið, en innan dönsku kauphallar-
innar séu raddir sem hafi meiri áhuga
á samruna. „Við vitum ekkert hvað
gerist eftir 2–3 ár, það er einfaldlega
ekki forsenda til að segja mjög ákveð-
ið um framhaldið.“
Hann segir það stefnu OMHEX að
sameina kauphallir á Norðurlöndum
og í Eystrasaltslöndunum en starf-
rækja kauphallir á hverjum stað, í
stað þess að sameina allar í eina
stóra. Kauphallir á hverjum stað geti
gegnt mikilvægu hlutverki í að þjóna
minni fyrirtækjum sem séu að sækja
fram og því geti verið óskynsamlegt
að hafa öll viðskipti á einum stað.
Markaðsvirði allra fyrirtækja í
norrænu og baltnesku kauphöllunum
samanlagt er einungis um 6–7% af
markaðnum í Evrópu að sögn Þórðar.
Hann segir að kauphallirnar í Lond-
on, Þýskalandi, Ítalíu og á Spáni sem
og Euronext, hin samevrópska kaup-
höll, séu allar miklu stærri en allar
þær norrænu og baltnesku lagðar
saman. „Aðrar kauphallir í Evrópu
eru síðan með minna en 1% af mark-
aðnum og það má búast við að það
verði samrunaþróun hjá litlu kaup-
höllunum, annaðhvort eins og gerðist
með OMHEX í Svíþjóð og Finnlandi
eða þá með mjög öflugu samstarfs-
formi eins og nú er hjá norrænu
kauphöllunum sem hugsanlega leiðir
til samruna í fyllingu tímans, þótt það
sé ekki enn á dagskrá, að minnsta
kosti ekki hjá kauphöllunum í Noregi
og á Íslandi,“ segir Þórður Friðjóns-
son.
Á dögunum var tilkynnt um kaup
hóps fjárfesta undir stjórn ungverska
bankans HVB Hungary Rt. sem er í
eigu austurrískra aðila, á kauphöll-
inni í Búdapest í Ungverjalandi. Í
kaupendahópnum er einnig kauphöll-
in í Vín í Austurríki en kaupin eru
sögð skref í átt að sameiningu kaup-
hallanna tveggja. Talið er að mark-
aðsvirði skráðra félaga í sameinaðri
kauphöll yrði 100 milljarðar evra á
næstu fjórum árum, að því er fram
kemur í Budapest Business Journal.
„Kauphöll
Íslands er ekki
til sölu“
OMHEX vill eignast Kauphöll Íslands og sameina kauphallir á Norðurlöndum
Hádegisfundur um Evrópumál er
haldinn í dag kl. 12 til 13 í Norræna
húsinu á vegum Sambands íslenskra
sveitarfélaga og Evrópusamtak-
anna. Fjallað verður um hvernig
Evrópusambandið hefur, í samvinnu
við fyrirtæki og opinbera aðila, að-
stoðað við uppbyggingu sveitarfé-
laga á Írlandi. Tilkynna þarf þátt-
töku á evropa@evropa.is.
Ráðstefna um markaðsmisnotk-
un og innherjaviðskipti fer fram í
dag kl. 13 til 17 í Háskólanum í
Reykjavík en auk skólans standa Ís-
landsbanki og Kauphöll Íslands að
ráðstefnunni. Erindi halda Dr. Paul-
ina Dejmek lögfræðingur hjá Eft-
irlitsstofnun EFTA, Þórólfur Jóns-
son lögfræðingur hjá KB banka, Páll
Gunnar Pálsson forstjóri Fjármála-
eftirlits og Óttar Pálsson hdl.
Í DAG