Morgunblaðið - 12.06.2004, Blaðsíða 25

DAGLEGT LÍF
MORGUNBLAÐIÐ LAUGARDAGUR 12. JÚNÍ 2004 25
Ný
sending
af Mac
gallabuxum
Fást í 5 lengdum
Kringlunni, s. 588 1680
Seltjarnarnesi, 561 1680
Ódýrari bílaleigubílar
fyrir Íslendinga.
Bílar frá dkr. 1.975,- pr. viku.
Innifalið í verði; ótakmarkaður akstur,
allar tryggingar, engin sjálfsábyrgð.
(Afgr. gjöld á ugvöllum).
Höfum allar stærðir bíla, 5 – 7 manna
og minibus 9 manna og rútur með/án
bílstjóra.
Sendum sumarhúsaverðlista;
Dancenter sumarhús
Lalandia orlofshver ,
Danskfolkeferie orlofshver
Hótel. Heimagisting. Bændagisting.
Ferðaskipulagning.
Vegakort og dönsk GSM símakort.
Fjölbreyttar upplýsingar á heimasíðu;
www.fylkir.is
www.fylkir.is sími 456-3745
Bílaleigubílar
Sumarhús
DANMÖRKU
Við reynum að byggja matseð-ilinn okkar upp á hollu ogléttu fæði. Ég nota mikið af
kryddum í tilveruna en lítið salt
enda er saltneysla ekki talin fólki
til framdráttar,“ segir Kristín Guð-
mundsdóttir, matráðskona hjá
Medcare Flögu, sem í hópi stærri
fyrirtækja var valið fyrirtæki árs-
ins í könnun, sem VR stóð fyrir.
Að jafnaði fær Kristín um sextíu
manns í mat í hverju hádegi, en hjá
Medcare Flögu starfa 66 manns.
Hún eldar allan mat í sjálfu mötu-
neytinu, þar sem hún segir vel að
sér búið, en forðast að kaupa unn-
inn eða tilbúinn mat. „Ég set upp
matseðil fyrir viku í senn og kaupi
kjöt og fisk í kjötvinnslu og fisk-
búð. Svo fylgir ávallt salatbar með
tíu til tólf tegundum.
Ungt og svangt fólk
„Hér er mikið pælt í hollustunni
og er fiskurinn langvinsælastur. Ég
reyni því að hafa fiskmáltíðir tvisv-
ar í viku og kjötrétti jafnoft.
Starfsfólkinu finnst voða gott að fá
heita pasta- og grænmetisrétti við
og við og stundum ferðumst við um
framandi slóðir í matargerðinni og
ég býð upp á rétti með aust-
urlensku ívafi. Það er allavega
nokkuð ljóst að hér starfar bæði
ungt fólk og svangt. Meðalaldur
starfsmanna er aðeins 35 ár og eru
þeir yfir höfuð mjög meðvitaðir um
hreyfingu og íþróttaiðkun.“
Kristín hóf störf hjá Medcare
Flögu í janúar sl. eftir að fyr-
irtækið flutti sig úr Öskjuhlíðinni
og yfir í ný húsakynni við Síðu-
múla. Hún segist hafa verið viðloð-
andi matarstúss alla sína tíð. Á sín-
um yngri árum fór hún í
Húsmæðraskólann að Löngumýri í
Skagafirði og hefur síðan sótt fjöl-
mörg námskeið í matargerð. Mest
segist hún þó hafa lært af ömmu
sinni heitinni sem hafi verið besti
kokkur í heimi. Kristín segist hafa
starfað víða og m.a. rekið veitinga-
söluna í Skaftafelli í fimm sumur.
Mannvænn vinnustaður
„Medcare Flaga er mjög mann-
vænn vinnustaður og hér ríkir bæði
starfsgleði og hjálpsemi. Það er
óhætt að segja að sérstakur andi
svífi hér yfir vötnum og þegar lok-
að er á leikskólum eða í skólum
vegna starfsdaga kennara eða af
öðrum orsökum, koma menn bara
með börnin með sér í vinnuna því
hér hefur verið gert ráð fyrir því
að starfsmenn eigi börn og útbúið
hefur verið myndarlegt leik-
herbergi,“ segir Kristín, sem miðl-
ar hér með tveimur fiskupp-
skriftum til áhugasamra.
Lúðuréttur annars vegar og salt-
fiskréttur hinsvegar verða fyrir
valinu.
Lúða með sósu
(fyrir fjóra)
1 kg stórlúða, flökuð, skorin í
stykki og raðað í eldfast mót.
Krydd:
blandaður pipar,
oregano,
basilika,
steinselja
graslaukur,
Limesafi kreistur yfir
Bakað í ofni við 200° í 10-15 mín-
útur.
Köld sósa
¼ lítri léttmjólk
1 dós sýrður rjómi
hvítlauksduft
laukduft
steinselja,
limesafi
condimix (ef vill)
Hrært vel saman. Fiskurinn
ásamt sósu borinn fram með soðn-
um kartöflum.
Saltfiskréttur
(fyrir fjóra)
1 kg saltfiskur, vel útvatnaður og
léttsoðinn
1 dós marðir niðursoðnir tómatar
1 rauð paprika
1 græn paprika
2 laukar
Paprikur og laukar látið malla í
ólífuolíu þar til laukurinn er orðinn
glær. Tómötunum blandað saman
við og þessu hellt yfir fiskinn. Vel
af svörtum pipar stráð yfir ásamt
ferskum basillaufum. Gott er að
bera réttinn fram með soðnum
kartöflum eða kartöflumús.
 MATARKISTAN| Fiskurinn er lang vinsælastur en stundum eru grænmetisréttir á borðum
Lúða og saltfiskur
Morgunblaðið/Sverrir
Hollusta: Mikið er hugsað um hollustuna hjá starfsmönnum Medcare Flögu.
Morgunblaðið/Sverrir
Matráðskonan: Fjölbreytni er ráðandi hjá henni Kristínu Guðmundsdóttur,
sem hér býður upp á ljúffengan lúðurétt úr ofni.
join@mbl.is
NÝVERIÐ komu til landsins
sænsku sérfræðingarnir Marie Ås-
berg og Åke Nygren, prófessorar
við Karolinska institutet í Stokk-
hólmi. Þau hafa sérhæft sig í að
skoða hvað veldur því að veikinda-
fjarvistir hafa aukist til muna á
undanförnum árum. Þau rannsök-
uðu m.a. vinnutengda álagsþætti
og hvaða áhrif þeir hafa á líf fólks.
Þar kom fram að æ fleiri ein-
staklingar, sem jafnan hafa verið
við góða heilsu, greinast með dep-
urð, kvíða, vefjagigt og jafnvel
þunglyndi.
Þegar fólk var spurt
hvað það teldi valda þess-
ari vanlíðan vildu mjög
margir tengja það vinnu-
umhverfi sínu. Þar sem of
miklar kröfur væru gerðar
til einstaklinga eða þeir
sjálfir uppteknir af starfs-
frama og sjálfsvirðingin
væri metin eftir vinnu-
framlagi, væri meiri hætta
á langvarandi veikindum. Þegar
vinnan situr í fyrirrúmi, og jafnvel
námi bætt ofan á fulla vinnu,
verða aðrir hlutir óhjákvæmilega
út undan.
Sá sem leyfir vinnunni að
gleypa alla sína krafta einangrast
meira og meira frá vinum og fjöl-
skyldu. Í fyrstu hættir ein-
staklingurinn að gefa sér tíma til
að halda matarboð fyrir vinina eða
mæta í boð. Leikhús- og bíóferð-
um fækkar eða afleggjast. Lík-
amsræktin skiptir ekki máli leng-
ur. Samverustundum með maka
fækkar. Börnin fá minni
tíma sem aftur þýðir að þau
fá ekki þann stuðning sem
þau þurfa við nám og leik og
eiga þannig á hættu vanlíðan
sem getur leitt þau inn í heim
fíknarinnar.
Vaknað upp við vondan draum
Allt í einu vaknar svo ein-
staklingurinn upp við vondan
draum. Hann eða hún hefur
hvorki sinnt sér né sínum. Ein-
kenni streitu gera vart við sig,
hjartsláttur, svimi, vöðvabólga,
depurð, svefnörðugleikar,
vonleysi, hjónabandið í
uppnámi, minni afköst í
vinnu. Einstaklingurinn
verður óöruggur með sig,
gefst jafnvel upp og neyð-
ist til að fara í veikindafrí
eða er kannski sagt upp.
Sumir missa fjölskyldu
sína. Síðan er erfitt að
koma sér af stað aftur og
sumir þurfa endurhæfingar við til
að koma lífi sínu aftur í lag.
Hvað er til ráða?
Við þessar aðstæður skiptir
miklu máli að horfa á lífið í heild.
Setja sér markmið í einkalífinu
jafnt og í vinnunni. Lífið er eins
konar vogarskál þar sem einka-
sjálfið er á annarri voginni og
vinnusjálfið á hinni. Við þurfum að
rækta hvort tveggja. Fjölskyldan
og vinir eru þeir sem styðja við
bakið á okkur í blíðu og stríðu.
Það eru þau sem við elskum að
hlæja með eða gráta við öxlina á.
Vinnan á hinn bóginn reynir á
hæfileika okkar og veitir okkur
fjárhagslegt öryggi, sem er for-
senda þess að við getum leyft okk-
ur ýmsa hluti. Vinnan má vera
ögrandi og reyna á en vinnuálagið
þarf að vera sanngjarnt.
Yfirmenn þurfa að vera vakandi
fyrir þeim starfsmannaauði sem
þeir ráða yfir og nota á þann hátt
að allir fái notið hæfileika sinna.
Yfirmenn eiga að vera vakandi
fyrir því að hrósa; þannig ná þeir
enn frekar því besta fram hjá
hverjum einstaklingi sem um leið
verður ánægðari í vinnu og leggur
sig betur fram.
En fyrst og síðast er það samt
einstaklingurinn sjálfur sem þarf
að horfa í eigin barm og ber end-
anlega ábyrgð á eigin heilsu.
Fórnum við heilsunni
fyrir vinnuna?
 FRÁ LANDLÆKNISEMBÆTTINU
Leikhús- og bíó-
ferðir leggjast
af, líkamsræktin
hættir að skipta
máli og sam-
verustundum
með maka og
börnum fækkar.
TENGLAR
.....................................................
www.thunglyndi.
www.landlaeknir.is
www.ged.is
Salbjörg Bjarnadóttir
verkefnisstjóri
Þjóðar gegn þunglyndi
Landlæknisembættinu
Skólavörðustíg 21, Reykjavík
sími 551 4050
Glæsileg
brúðarrúmföt
í úrvali