Morgunblaðið - 12.06.2004, Side 57

FÓLK Í FRÉTTUM
MORGUNBLAÐIÐ LAUGARDAGUR 12. JÚNÍ 2004 57
Konunglegt bros er gervi-heimildarmynd, kallað„mocumentary“ upp áensku, raunveruleikinn
er settur á svið og svo skjalfestur.
Sem dæmi um myndir af þessu
tagi má nefna The Blair Witch
Project, Spinal Tap og Man Bites
Dog.
Að sögn Gunnars fjallar Kon-
unglegt bros um bílasalann Frikka
sem lítur á sig sem fjöltæknilista-
mann. „Hans list felst í því að láta
konur verða ástfangnar af sér,
segja þeim svo upp og taka svo
ljósmynd af viðbrögðunum. Þessa
iðju er Frikki búinn að stunda í tvö
ár. Hann er nokkuð ánægður með
sig og er meira en viljugur að
segja frá gangi verkefnisins. Hann
er meira að segja svo skipulagður
að hann heldur utan um verkefnið
með hjálp tölvuforritsins Mictosoft
Outlook,“ upplýsir Gunnar sem
leikstýrir myndinni og fer jafn-
framt með hlutverk leikstjóra
heimildarmyndarinnar í myndinni.
Gunnar segir handritið byggjast
á fjórum blaðsíðum sem hann
skrifaði um efni myndarinnar sem
hópurinn hafi svo unnið út frá.
Hann segir þá hafa verið nokkuð
trúa þessum fjórum síðum og grip-
ið í taumana þegar þeir voru komn-
ir of langt út fyrir efnið.
Handritshöfundar eru auk Gunn-
ars þeir Ottó Geir Borg, Óskar Þór
Axelsson og Friðrik Friðriksson.
„Við byrjuðum á að búa til per-
sónur myndarinnar, gefa þeim
sögu og hófum svo að taka við þær
viðtöl. Fjöldinn allur af fólki kemur
fram í myndinni. Við höfðum uppi
á æskuvinum Frikka til að fræðast
um hvernig hann hefði verið í
gamla daga og svo framvegis,“ seg-
ir Gunnar.
„Við reyndum einnig að hafa all-
ar aðstæður mjög raunsæjar. Það
skín í gegn að viðfangsefni mynd-
arinnar er algjört grín og á móti
reyndum við að hafa allt umhverfi
eins eðlilegt og hægt er. Raunveru-
leikinn er oftast fyndnastur.“
Það er Friðrik Friðriksson sem
fer með hlutverk Frikka og segir
Gunnar það meðvitað að láta þá
heita sama nafni. Reyndar heita
allar persónur myndarinnar sama
nafni og þeir sem þær leika.
Framleiðsluferli myndarinnar
tók fjögur ár – skiptist í tökur ann-
ars vegar og úrvinnslu hins vegar.
„Við tókum tvær til þrjár vikur í
senn í upptökur og klipptum svo
jafnóðum það efni sem við vorum
komnir með,“ segir Gunnar. Kon-
unglegt bros verður frumsýnd í
dag í Bæjarbíói í Hafnarfirði og er
opnunarmynd listahátíðarinnar
Bjartir dagar í Hafnafirði.
Leikhús í einu herbergi
Sem fyrr segir er Gunnar jafn-
framt formaður Leikfélags Hafn-
arfjarðar þar sem hann einnig leik-
ur, leikstýrir og sinnir öðrum
verkefnum. Hann segir félagið
vera í sífelldri þróun en hag þess
hafa vænkast talsvert á síðustu ár-
um, þá sérstaklega með tilkomu
nýrrar aðstöðu. „Við vorum í Bæj-
arbíóinu í Hafnarfirði í mörg ár en
þegar Kvikmyndasafn Íslands
flutti í húsnæðið fluttum við okkur
yfir í Hafnarfjarðarleikhúsið,“ seg-
ir Gunnar. Þar segir hann félagið
hafa haft yfir að ráða 40 fermetra
rými til að sinna starfi sínu. „Leik-
félagið var bara hægt og rólega að
deyja út þannig,“ fullyrðir Gunnar.
„Við sættum okkur ekki við þau ör-
lög og tókum okkur nokkur saman
og bjuggum til leikhús í þessu litla
rými.“
Leikfélag Hafnarfjarðar setti
upp nokkur leikrit í rýminu góða
og segir Gunnar þau hafa einbeitt
sér að sambandinu milli áhorfenda
og sýningar. „Þetta gekk mjög vel.
Við settum meira að segja upp eina
sýningu þar sem áhorfendur gengu
um rýmið og fylgdust með mis-
munandi atriðum,“ segir Gunnar
og viðurkennir að talsvert mikla
útsjónarsemi þurfi til að setja upp
sýningu í svona litlu rými.
Fyrir tilstilli Hafnarfjarðarbæjar
hefur leikfélagið nú fengið aðstöðu
í nýju leikhúsi sem er til húsa þar
sem Lækjarskóli var áður. Flutn-
ingurinn hafði vægast sagt hvetj-
andi áhrif á félagið. „Já, menn voru
orðnir svo æstir að fara að gera
eitthvað eftir að losna úr litla hús-
næðinu að við ákváðum að æða í að
setja upp fimm leiksýningar í fullri
lengd á fimm mánuðum, sirka eina
á mánuði,“ segir Gunnar. Sýning-
um á fyrsta verkinu af fimm lauk
nýverið og er það næsta vænt-
anlegt í lok júní og svo koll af kolli
fram í október.
Gunnar segir um 40 manns skipa
Leikfélag Hafnarfjarðar þar sem
allir leggjast á eitt til að gera
draum sinn að veruleika. Hann
segir leikfélagið vera öllum opið og
á döfinni auk leiksýninga séu nám-
skeið og annað skemmtilegt.
Spurður um komandi verkefni seg-
ist Gunnar enn vera sestur í leik-
stjórastólinn við gerð myndarinnar
Astrópía sem þeir Ottó Geir Borg
og Jóhann Ævar skrifa handritið
að. Handritið er að sögn frágengið
og framleiðsluferlið í startholunum.
Það eru því ekki aðgerðalausir
tímar framundan hjá leikstjóran-
um, leikaranum og formanninum
Gunnari.
Raunveruleikinn
oftast fyndnastur
Morgunblaðið/Ásdís
Þúsundþjalasmiðurinn Gunnar Björn.
Konunglegt bros verður sýnd í
Bæjarbíói í Hafnarfirði í dag
klukkan 17. Auk þess verða sýn-
ingar 15. júní og 19. júní.
birta@mbl.is
Það er óhætt að segja að Gunnar Björn Guðmundsson hafi mörg
járn í eldinum. Í dag verður frumsýnd kvikmyndin Konunglegt
bros sem Gunnar leikstýrði, lék í og skrifaði handritið að. Auk þess
er hann formaður hins virka Leikfélags Hafnarfjarðar sem á
næstu fjórum mánuðum mun frumsýna jafnmargar sýningar.
Birta Björnsdóttir ræddi við Gunnar.
Kvikmyndin Konunglegt bros frumsýnd í dag