Morgunblaðið - 08.07.2004, Side 28

MINNINGAR
28 FIMMTUDAGUR 8. JÚLÍ 2004 MORGUNBLAÐIÐ
Það var stór hópur eftirvæntingar-
fulla fjörmikilla krakka sem hóf
skólagöngu í Barnaskólanum á Ísa-
firði, og Rabbi var einn af þeim, prúð-
ur drengur, og þessi prúðmennska
fylgdi honum alla tíð. Við vorum ólík
mörg hver, en öll með svipaðan upp-
runa, og þessi árgangur þroskaðist
skemmtilega saman, og varð sérstak-
lega samheldinn og náinn hópur sem
haldið hefur hópinn stíft saman og
núna síðast í byrjun júní héldum við
upp á 50 árin saman hér á Ísafirði.
Það voru góðar stundir en góðs vinar
var saknað, við höfðum hlakkað til
endurfundanna enda er það svo að á
minni stöðum eins og Ísafirði, verður
hver einstaklingur stærri í liðsheild-
inni og meiri nánd á milli vina. Ekki
má heldur gleyma nálægðinni við at-
vinnulífið, bryggjurnar, bátana og
árabátana sem við fórum á bara smá
púkar. Við skólasystkinin og vinirnir
fylgdumst vel með, þegar við komum
í gaggó þegar Rabbi, Ásgeir og Mutti
stigu sín fyrstu skref i tónlistarbrans-
anum og stofnuðu skólahljómsveitina
Perluna. Þar með var ferillinn hafinn,
og það voru fleiri unglingahljómsveit-
ir á þessum tíma, en okkur þóttu
strákarnir okkar alltaf lang bestir og
flottastir, og átti það eftir að verða
lífsstarfið hans Rabba. Það voru
skemmtilegir tíma bernskuára og
bernskubreka. Þessi samheldni hóp-
ur stóð sig einarðlega vel og saman í
prakkarastrikum sem voru þó aldrei
ódrengileg, bara saklaus, eins og að
standa með englasvip og vanta bara
geislabauginn þegar rafmagnið fór af
skólanum, og enginn skyldi neitt, út
var kallaður rafvirki sem sá strax að
það hafði verið tekið öryggi úr töfl-
unni og settur smápeningur á milli,
svo það skrúfaðist ekki alveg í. Frægt
var líka þegar kladdinn týndist í 4.
bekk, hann hafði af einhverjum óút-
skýranlegum ástæðum skutlast út um
gluggann, frábærar útilegur í Birki-
hlíð skólasetrinu í skóginum, skíða-
ferðir og gisting í Skíðaskálanum.
Það hefur verið haft orð á að þessi ár-
gangur sé sá samheldnasti sem hefur
heyrst um og erum við stolt af því.
Rabbi var svo sannarlega stór hluti af
okkar tilveru, með nálægð sinni. Síð-
an tók alvara lífsins við, og við héldum
með gott veganesti út í lífið en
ákváðum þegar leiðir skildu eftir
gaggó að hittast á 5 ára fresti og höf-
um við staðið við það, Rabbi hélt
áfram í tónlistinni og var m.a. í Náð,
Ýr, Danshljómsveit Vestfjarða, síðan
Grafík, Haukum, og Bítlavinafélag-
inu.
Í gegnum tíðina hafa þeir verið
mikið með honum Ísfirðingarnir Örn
Jóns og Helgi Björns, ásamt fleirum.
Rabbi kynntist henni Deddu konu
sinni ungur, en hún er Ísfirðingur, og
hún Dedda hefur svo sannarlega ver-
ið kjölfestan hans, og var fallegt sam-
bandið þeirra, og á hún alla okkar
virðingu fyrir að hafa staðið eins og
kletturinn við hliðina á honum ásamt
sonum þeirra Agli, Ragnari og Rafni
Inga, en Rabbi átti dótturina Helgu
Rakel áður. Rabbi hafði átt við
veikindi að stríða í mörg ár, og þau
voru honum erfiðari eftir þvi sem á
leið, en það létti honum þau að hann
átti yndislega fjölskyldu, Deddu og
börnin, móður sína, systkini,
tengdafólk, frændfólk og vinahópinn
sem var stór og umvafði hann kærleik
og tryggð fram á síðasta dag. Það vill
oft verða þannig þegar veikindi eru
lengi í fjölskyldum, þá spyrja allir
hvernig sjúklingnum heilsast, en
gleymist stundum að hlúa að þeim
nánustu.
Rabbi var í hjarta sínu fyrst og
fremst Súgfirðingur og Ísfirðingur,
og í gegnum tíðina kom hann oft á ári
vestur og síðustu árin var hann flest
sumur á Súgandafirði í húsi sem fjöl-
skyldan á þar, og ræturnar voru
sterkar. Rabbi var vakinn og sofinn
fyrir fólkinu sínu fyrir vestan, og
studdi hann dyggilega ísfirska körfu-
boltafólkið og var hann svo sannar-
lega stuðningsmaður nr. 1. Hann
veitti þeim ómetanlegan stuðning og
mætti á alla leiki þeirra sem hann
komst á, og ekki má gleyma ungum
tónlistarmönnum sem hann veitti lið
og styrk.
En nú er komið að kveðjustund.
Það var fallegt kallið hans þegar það
kom, er hann hvíldi umvafinn ást-
kærri Deddu og fjölskyldunni. Rabbi
er annar sem fellur frá í þessum ár-
gangi, en ung skólasystir úr Bolung-
arvík, Ásrún Benediktsdóttir, lést í
bílslysi. Við skólasystkinin kveðjum
nú yndislegan dreng. Guð gefi þér
frið kæri vinur, þökkum vináttu og
tryggð og fallega samveru. Er hann
spilaði i síðasta skipti á Ísafirði með
hljómsveit sinni, komum við saman
skólasystkinin og færðum honum fal-
legan tónstaf, áletraðan á þessa leið:
„Tónarnir hljóma þangað sem sólar-
geislarnir ná ekki“ og það er víst að
við munum ekki bara sakna og minn-
ast tónanna, heldur mannsins sem
flutti okkur þá, en minningarnar um
einstakan dreng munu fylgja okkur,
og erum við þakklát fyrir að hafa
fengið að njóta vináttu hans frá því í
æsku.
Umhyggju og ástúð þína
okkur veittir hverja stund.
Ætíð gastu öðrum gefið
yl frá þinni hlýju lund.
Gáfur prýddu fagurt hjarta,
gleðin bjó í hreinni sál.
Í orði og verki að vera sannur
var þitt dýpsta hjartans mál.
(Ingibjörg Sigurðardóttir.)
Elsku Dedda og börn, Ragna og
systkini, Bekka, Gummi og aðrir
ástvinir, við skólasystkinin hneigjum
höfuð hnípin, og sendum ykkur okkar
dýpstu og einlægustu samúðar-
kveðjur og biðjum að Guð gefi ykkur
styrk.
Árgangur 1954, Ísafirði.
RAFN RAGNAR
JÓNSSON
Deyr fé,
deyja frændur,
deyr sjálfur ið sama;
en orðstír
deyr aldregi,
hveim er sér góðan getur.
(Úr Hávamálum.)
Ég veit það vel, afi minn, að þú
vildir engar lofræður um þig að þér
látnum, en mér þykir þó þetta er-
indi úr Hávamálum eiga einstak-
lega vel við um þig. Það má
kannski segja að þú sért fórnar-
lamb eigin velgengni og góð-
mennsku í lífinu því ekki er annað
hægt en að bera lof á þig.
Alltaf leið mér vel í návist þinni
og ég hef oft hugsað með mér að
FRIÐÞÓR
GUÐLAUGSSON
✝ Friðþór Guð-laugsson fæddist
í Vestmannaeyjum
11. október 1926.
Hann lést á Heil-
brigðisstofnun Vest-
mannaeyja hinn 19.
júní síðastliðinn og
var útför hans gerð
frá Landakirkju 26.
júní.
þegar ég verð sjálfur
orðinn afi þá vona ég
að ég verði jafngóður
afi og þú.
Ég man sem gerst
hefði í gær öll skiptin
er við sátum saman í
köflótta hægindastóln-
um þínum og ég fékk
að strjúka skegg-
broddana þína með
lófanum og við hlógum
báðir afskaplega því
mig kitlaði svo mikið
undan broddunum. Að
því loknu var svo yf-
irleitt farið í „fagur
fiskur í sjó“ og var spennan oft
nærri óbærileg er það nálgaðist að
höndin færi að detta og svo hlóstu
mikið þegar þú náðir höndinni
minni. Þegar ég fékk að gista hjá
ykkur ömmu á Illugagötunni vorum
við tveir oft á tíðum vaknaðir eld-
snemma til að hlusta á veðurfrétt-
irnar í útvarpinu meðan þú reyktir
einn vindil. Ég man líka vel að þú
varst oft á langflottasta bíl í heim-
inum (að minnsta kosti í augum
fimm ára bíladellugaurs) og þótti
það nú ekki lítið sport að fá að sitja
með afa í rauða Skipalyftu-pallbíln-
um.
Það er mér sérstaklega minn-
isstætt er ég kom til ykkar 1995 á
Þjóðhátíð ásamt tveimur vinum
mínum og þú og amma fóruð með
okkur á rúntinn á laugardeginum.
Við vinirnir sátum þrír í aftursæt-
unum á hvíta Dodge-inum eins og
dæmdir menn og þótti okkur það
nú ekkert alltof svalt að vera 17
ára og fara á rúntinn með afa og
ömmu. Þegar við vorum svo komnir
á móts við Tangann hlupu nokkur
ölvuð ungmenni inn á akbrautina
og skvetti eitt þeirra úr bjórglasi
yfir framrúðuna á Dodge-inum.
Amma hljóðaði upp yfir sig en við-
brögð þín voru lýsandi fyrir þig og
skapgerð þína. Það eina sem þú
gerðir var að setja rúðuþurrkurnar
á án þess að sýna minnstu svip-
brigði og tala félagar mínir sem
voru í bílnum með okkur enn þá
um þetta í dag og eftir þetta fannst
okkur bara nokkuð svalt að rúnta
með afa. Það var ekkert sem gat
sett þig úr jafnvægi.
Minningarnar eru margar um
þig, afi minn, og eru þær allar góð-
ar.
Þessi orð mín um þig eru ansi fá-
tækleg miðað við allt það sem þú
hefur gefið mér og er ég mjög rík-
ur að eiga allar minningarnar um
þig.
Ég kveð þig nú, elsku afi minn,
en ég veit að aðskilnaðurinn er að-
eins tímabundinn.
Einn morgun vakna ég snemma,
ég anda að mér vorinu.
Ég horfi á flauelsmjúka skugga,
sem fagna sólarkomunni.
Ég stend á skýi í algleymi.
Ég stend á skýi í alheimi.
Og ég mun opna mitt hjarta
og baða mig í dögginni
og rísa upp sem nýr maður.
Ó, ég hef fundið sjálfan mig.
Ég stend á skýi í algleymi.
Ég stend á skýi í alheimi.
(Helgi Björnsson.)
Sofðu rótt, Friðþór afi.
Þinn
Sigurður J. Stefánsson (Bíla-Jó).
Ástkær eiginmaður minn og faðir,
ÁRNI ÓLAFSSON
frá Hlíð,
Mímisvegi 6,
Reykjavík,
lést á heimili sínu mánudaginn 28. júní.
Jarðarförin hefur farið fram samkvæmt ósk
hins látna.
Erna Ragnheiður Sigurgrímsdóttir,
Sigurgrímur Ingi Árnason.
Frænka okkar,
SIGRÍÐUR GUÐJÓNSDÓTTIR,
Hlíð í Skaftártungu,
lést á hjúkrunar- og dvalarheimilinu Klausturhólum mánudaginn 28. júní.
Jarðsett verður frá Grafarkirkju í Skaftártungu laugardaginn 10. júlí kl. 14.
Systrabörn og aðrir aðstandendur.
Ástkær eiginkona, móðir okkar, tengdamóðir
og amma,
GUÐRÚN EYÞÓRSDÓTTIR,
Hrafnistu,
Hafnarfirði,
andaðist á Hrafnistu í Hafnarfirði þriðjudaginn
29. júní.
Útför hefur farið fram í kyrrþey að hennar ósk.
Guðjón Guðjónsson,
Guðjón Guðjónsson, Hervör Hallbjörnsdóttir,
Kristín María Guðjónsdóttir,
Guðjón Elmar Guðjónsson, Jórunn Helga Steinþórsdóttir,
Hallbjörn Sigurður Guðjónsson.
Móðursystir mín,
SVANA ARINBJARNARDÓTTIR,
Birkimel 10B,
Reykjavík,
lést dvalar- og hjúkrunarheimilinu Grund laugar-
daginn 3. júlí.
Útförin fer fram frá Grafarvogskirkju mánu-
daginn 12. júlí kl. 13.30.
Arnheiður Guðmundsdóttir.
Elskulegur faðir minn, tengdafaðir, afi, langafi
og bróðir,
BERGÞÓR MAGNÚSSON,
Garðvangi,
Garði,
áður Hátúni 28, Keflavík,
lést á hjúkrunarheimilinu Garðvangi þriðju-
daginn 29. júní.
Jarðarförin fer fram frá Keflavíkurkirkju föstudaginn 9. júlí kl. 11.00.
Anna Kristín Runólfsdóttir, Brad Zeuge,
barnabörn, barnabarnabörn
og systkini.
Ástkær móðir mín, tengdamóðir og amma,
INGIBJÖRG LILJA BJÖRNSDÓTTIR,
Norðurbrún 1,
Reykjavík,
lést á Landspítalanum í Fossvogi þriðjudaginn 22. júní.
Hún var jarðsungin í kyrrþey að eigin ósk.
Innilegar þakkir fyrir auðsýnda samúð og hlýhug.
Guðbjörg Richter, Guðmundur Magnússon,
Guðný Guðmundsdóttir,
Margrét Guðmundsdóttir,
Brynjólfur Guðmundsson.
Ástkær móðir okkar, tengdamóðir, amma
og langamma,
HELGA ÓLÍNA ARADÓTTIR,
Móbergi,
Langadal,
verður jarðsungin frá Holtastaðakirkju laugar-
daginn 10. júlí klukkan 14.
Ari Hermann Einarsson, Halla Björg Bernódusdóttir,
Björgólfur Stefán Einarsson, Jónína Lilja Guðmundsdóttir,
Halldór Björgvin Einarsson, Bylgja Angantýsdóttir,
Björg Einarsdóttir, Njörður Sæberg Jóhannsson,
barnabörn og barnabarnabörn.