Íslendingaþættir Tímans - 01.03.1973, Blaðsíða 8

Arngrímur Jónsson
skólastjóri
F. 5. sept. 1926.
I). 2. febr. 1973.
Fáeinar linur langar mig til aö láta
fylgja mynd þessa frænda mins, er
kallaður var burt af þessum heimi
langt um aldur fram og jarðsettur i
dag. Fylgdi honum fjöldi manns til
grafar, svo að sjá mátti að hann var
mikilsvirtur, og að honum var mikil
eftirsjá.
A Flateyri var hann fæddur, og
Vestfirðir áttu hann, þótt væri hann
eyfirzkur i móðurkyn. Kom móðir
hans norðan úr Svarfaðardal á minum
vegum meðan ég var skólakennari á
Flateyri, Svanbjörg Arngrimsdóttir,
„horsk mær og hjartahrein” af góðu
bergi brotin. Hún giftist siðar Jóni
Þorbjarnarsyni, einum af nemendum
minum á Flateyri, úrvalsdreng, sem
einnig varð skammlifur. Þau eignuð-
ust tvo syni, Arngrim og Hjört, sem
verið hafa augasteinar móður sinnar
og fjölskyldan jafnan sem eitt kær-
leiksheimili, og er nú stórt skarð fyrir
skildi, þegar Arngrimur er I val fall-
inn.
Föðurforeldrar Arngrims eru mér
minnisstæðir, þau Þorbjörn Guð-
mundsson og Kristin Sigmundsdóttir,
hann hægur jafnan og mikið prúð-
menni, en hún skörungskona og
vikingur til vinnu. Enda eru frá
Sigmundi bónda i Hrauni á Ingjalds-
sandi komnir ýmsir dugmiklir at-
hafnamenn. Og móðurfólk hans úr
Svarfaðardalnum, þótti einnig
dugnaðarfólk, sem ekki lét sinn hlut
eftir liggja. Má i þvi sambandi nefna
ingigerði ömmu hans, sem á sextugs-
aldri, og 7 barna móðir, tókst i starfs-
keppni að ganga með sigur af hólmi,
þótt langelzt væri keppendanna. Og ég
hefði vel getað trúað föðurömmu hans
til hins sama. Slikt fólk stóð honum
næst. Og allt var það vel gefið
mannkostafólk. Og sjálfur var hann
lika starfsins maður, vel gefinn mann-
kostamaður og fylginn sér.
Veikindi á unga aldri stöðVuðu nám
hans hvað eftir annað, en tókst ekki að
buga kjark hans og sálarþrek. Hann
hóf nám i Menntaskólanum á Akur-
eyri, og hefði eflaust lokið þar
stúdentsprófi, ef veikindi hefðu ekki
stöðvað hann. En kennaraprófi lauk
hann siðar með prýði, og að kennslu-
störfum gaf hann sig, kenndi fyrst
börnum en siðar unglingum, og lét það
starf vel. A Núpi i Dýrafirði varð hann
kennari og siðar skólastjóri, þegar sr.
Eirikur J. Eiriksson lét þar af stjórn.
Vann hann þar mikið verk, lét byggja
og bæta hag skólans að miklum mun,
og hefir sr. Eirikur dáð hann, sem
mikinn starfsm. og góðan dreng, svo
sem verðugt var. En Arngrimur átti
fleiri áhugaefni og var stórhuga um
margt, er að atvinnumálum laut i
heimasveit hans á Flateyri. Þar lagði
hann fram mikla starfsorku til úrbóta
og þau hyggindi, er i hag komu. Og
bæði þeir og margir aðrir þar vestra
sýndu honum trúnað á ýmsan hátt er
hann rækti þannig að hans er nú sakn-
að, og munu þeir æðimargir, sem
þykjast eiga honum gott að gjalda.
En nú hafði Arngrimur sagt skilið
við Núpsskólann, eftir langa og dygga
þjónustu, og flutzt hingað suður. Hafði
hann á sl. hausti tekið við stjórn Fella
skólans fyrir Reykjavikurborg, sem er
nýr skóli, þar sem móta þurfti alla
starfshætti og koma mörgu á laggir.
Og það reynir á kraftana, ekki sizt hins
kappsama og ósérhlifna manns, sem
ekki gekk alveg heill til skógar. Þvi aö
fyrir nokkru hafði hann kennt þess
sjúkleika er margan leggur nú að velli.
Og á starfsakrinum féll hann aðeins 46
ára gamall.
Arið 1952 kvæntist Arngrimur Jóns-
son góðri konu, Þýri Jensdóttur, frá
Patreksfirði, er reynzt hefur manni
sinum traustur llfsförunautur og búið
honum heimili, sem þekkt er að rausn
og myndarbrag. Eru börn þeirra tvö,
og hin mannvænlegustu. Sendi ég öll-
um ástvinum Arngrims innilegustu
samúðarkveðjur, þakka honum öll
okkar kynni, flyt honum kveðjur að
norðan, og bið honum eilifrar blessun-
ar.
12/2’73.
Snorri Sigfússon.
f
Mig setti hljóðan við tilkynningu i
útvarpinu föstudagskvöldiö 2. þ.m
Arngrimur Jónsson skólastjóri hafði
andazt þann dag. Mér var aö visu
kunnugt um, að hann hafði átt við
nokkra vanheilsu að búa undanfarin
ár. Hafði fengið hjartaköst. Gerist nú
titt, á þessum miklu streitutimum, að
menn falli á miðjum aldri fyrir hjarta-
sjúkdómum. Alagið er oft mikið, ekki
siztá þeim mönnum, er gegna ábyrgð-
arstörfum. Það hlaut Arngrimur að
reyna. Hann var skólastjóri fjölmenns
heimavistarskóla um alllanga hriö. Fá
störf reyna meira á taugar manna en
stjórn á fólki, og þá ekki sizt ungling-
um á erfiðu aldursskeiði.
Arngrimur Jónsson fæddist 5. sept.
1926 á Flateyri við önundarfjörð.
Foreldrar hans voru Jón Þorbjarnar-
son verkamaður þar og kona hans
Svanbjörg Asgrimsdóttir frá Jarðbrú i
Svarfaðardal. Hafði hún komið vestur
á Flateyri til Snorra Sigfússonar, en
hann gerðist skólastjóri á Flateyri á
öðrum áratug þessarar aldar. Ég kann
litil skil á æsku og uppvexti Arngrims,
en veit, að hann mun hafa stundað sjó
á æskuárum frá Flateyri. Að visu var
heilsa hans tæp á æskuárum. Þannig
lá hann lengi og bar þess menjar alla
ævi. Heilsuleysi þetta yfirsteig lifs-
orkan, og nú var að þvi hugað að heyja
hér einhvern þann lærdóm, er að gagni
Framhald á 7. siðu.
8
islendingaþættir