Íslendingaþættir Tímans - 13.04.1983, Blaðsíða 4

Íslendingaþættir Tímans - 13.04.1983, Blaðsíða 4
Sigríður Jóhannsdóttir Fædd 10. maí 1894 Dáin 29. mars 1983 „Verður skyggn að sólu sestri sál er losnar holds við ok sljarnan skœra skín í vestri skoða ég hana í vökulok" C.T. Óvíða er jafn víðsýnt og frá Arnarhóli í V-Landeyjum. í norður blasir við fagur fjalla- hringur með Heklu í öndvegi, í austri gnæfa Eyjafjalla- og Mýrdalsjökull, en til suðurs blasa við Vestmannaeyjar og hin ómælanlega vídd Atlantshafsins, þar sem öldurnar eilíflega berja Landeyjasand. Á þessum bæ ól mestan sinn aldur heiðurskonan Sigríður Jóhannsdóttir. Hún fæddist 10. maí 1894 og lést 29. mars 1983. Foreldrar hennar voru Katrín Jónsdóttir og Jóhann Tómasson og voru þau merkishjón. Einn albróður átti Sigríður, Halldór og tvo hálfbræður, Böðvar og Vilmund, frá fyrra hjónabandi Katrínar. Einnig ólu þau Katrín og Jóhann upp tvö fósturbörn, Ingileif og Kristinn. Öll eru þau nú látin. Sigríður var fönguleg kona, vel greind, víðlesin og afar vel verki farin. Henni féll aldrei verk úr hendi á tneðan hún var einhvers megnug. Trygg- lynd var hún og frændrækin með eindæmum. Það var sólskinsdagur þegar Magnþóra Magn- úsdóttir, nýfædd. var tekin inn á heimilið að Arnarhóli. Ekki var það þó sólskinsdagur í lífi' móður Magnþóru og hennar sex systkina, en þá fyrr um daginn hafði Magnús faðir Magnþóru hítist úr lungnabólgu. Ekki var ætlunin að Magnþóra yrði á Arnarhólí til langdvalar, en forlögin höguðu því þannig að hún ílentist þar og féll það að mestu í hlut Sigríðar Jóhannsdóttur að sjá um uppeldi Magnþóru, þai' sem foreldrar Sigríðar voru þá allnokkuð við aldur. Sigríður eignaðist ekki eigin börn, en hún tók miklu ástfóstri við Magnþóru og var ávallt mjög kært með þeim. Undirrituð dvaldi á Arnarhóli átta sumur sem barn og var mín mesta tilhlökkun að komast þangað sem fyrst á vorin og dvelja þar fram á haust. Eru mér þessi sumur ógleymanleg og það, að fá að kynnast sveitalífinu eins og það var þegar hesturinn enn var þarfasti þjónninn var ekki lítið uppeldisatriðí. Sigríður var mér mjög góð og ekki voru þeir fáir aukabitarnir sem hún stakk að mér. Mér er minnisstætt hve vel hún tók á móti þeim sem minna máttu sín og komu til skammrar dvalar að Arnarhóli. Gekk hún þá úr rúmi fyrir þeim og hlynnti að þeim á allán hátt. Þegar að því kom að Magnþóra giftist Guðjóni Helgasyni og þau stofnuðu sitt heimili í Reykjavík leið.ekki á löngu þar til Sigríður og Jóhann faðir hennar urðu heimilisföst á heimili Magnþóru og Guðjóns, en þá var Katrín látin. Á heimilinu ríkti góður andi á milli hinna eldri og yngri og var Sigríður fimm börnum Magnþóru og Guðjóns Jón Þórður Guðmundsson Bræðraborgarstíg 24A Fæddur 13. september 1897 Dáinn 2. febrúar 1981 Minningarljóð frá eiginkonu Ég fór til þín um þjáninganna leið. Ei þarf að spyrja hve sú leið er greið. Þú gast ei talað, ekkert gengið, þó þú allt það barst með þínni miklu ró. Ég þakka þeim, sem alltaf voru þér sem bestu systur meðan dvaldist hér. Sá guð sem vakir ávallt yfir mér mun finna leið svo geti ég fylgst með þér Þú áttir konu, sem í átján ár var alltaf veik, en samt þú tilbaðst þá. Þú reyndist þar. sem alltaf áður hér, svo undur góður henni - og líka mér. Laginn varstu í öllu. elsku Nonni minn. Gamán var að sjá þig flaka fiskinn um sinn. Eins var það með orfið. er þú snertir hér. ' Aldrei hef ég séð fallegri slátt en hjá þér. Ég þakka fyrir umhyggjuna, sem þú sýndir mér. Þegar ég var lasin og leið illa hjá þér. Mér gafst einhver kraftur að vera heima hér. þegar þú varst veikur. Guð, ég þakka þér. Lilja Gísladóttir

x

Íslendingaþættir Tímans

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Íslendingaþættir Tímans
https://timarit.is/publication/303

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.