Heimilistíminn - 07.05.1975, Qupperneq 19

Hann rændi elskunni
VANIA frá Búlgaríu og Mario frá Chile
héldu páskana saman, en til þess að geta
það, urðu þau að ganga i gegn um miklar
raunir.
— Saga okkar er einföld. Við elskuðum
hvort annað, en faðir hennar vildi mig
ekki fyrir tengdason, svo ég rændi henni,
segir Mario, 24 ára verkfræðinemi við há-
skólann I Sofiu. Stúlkan, sem hann rændi
var Vania, 21 árs rússneskunemi við
sama háskóla.
— I Búlgariu kemur ekki til greina
hjónaband milli Búlgara og manneskju
frá auðvaldslandi, segir Vania, — og siðan
Allende lézt, er Chile auðvaldsland. Faðir
minn, sem er yfirmaður i búlgarska hern-
um, neitaði mér um að hitta Mario, en ég
hlustaði ekki á hann og við héldum áfram
að hittast. Þegar hann komst að þvi, tók
hann af mér öll skilriki. Ég strauk að
heiman og svaf aldrei tvær nætur á sama
stað, til að lögreglan ætti erfiðara með að
sinni
finna mig. Þegar pabbi fann mig að lok-
um og ógnaði mér með byssu, ákváðum
við að yfirgefa landið.
Mario fór til V-Þýzkalands og keypti
Volkswagen. Fyrir aftan aftúrsætið útbjó
hann felustað, 85 cm langt og 35 cm hátt
skot... Hann fór siðan afturtil Búlgariu og
dag nokkurn i desember sl. skreið Vania.
inn i skotið, Mario fór og sótti vini sina og
þeir settust i aftursætið, án þess að vita,
aö þeir sætu á vinkonu félaga sins. An
nokkurra vandræða komust þau yfir
landamærin til Feneyja.
— Þetta var hræðilegt ferðalag, segir
Vania. — Það var snjókoma i Júgóslaviu
og ég varð rennblaut. Það var ekki fyrr en
við komum til Feneyja, að ég gat rétt úr
mér. En ég varð aldrei hrædd.
Fjörutiu og átta stundum eftir flóttann
frá Sofiu, komu þau til Menton i Frakk-
landi. t Nice var þeim báðum lofað búsetu
og vinnu og takmark þeirra nú er að safna
nægum peningum til að komast til Chile
og gifta sig. En i Búlgariu situr faðir
Vaniu frávita af reiði.
19