NT - 29.04.1984, Blaðsíða 8
Sunnudagur 29. aprfl 1984 8
Páll Eiríksson geðlæknir
svarar spurningum lesenda
■ Ég er 46 ára gömul og þetta
sem sumir kalla bara húsmóðir.
Ég tók eftir auglýsingu frá ykkur
þar sem segir að fólk geti leitað
til blaðsins með vandamál sín og
fengið einhverjar leiðbein.ingar.
Það versta við þetta allt saman er
að ég veit eiginlega ekki hvað
gengur að mér, stundum finnst
mér allt vera í lagi og jafnvel er ég
ánægð með minn hlut en
stundum, og það er oftast þannig,
líður mér illa þó að ég viti eigin-
lega ekki út af hverju það er. Ég
reyni að hugsa með mér að það sé
allt í lagi og það sé ekkert að óttast
einhvern veginn dugar það ekki.
Ég á tvö börn sem eru 19 og 22 og
þau eru bæði flutt að heiman og
farin að búa og einhvern veginn
finnst mér að þau vilji sem minnst
hafa með okkur að gera, alla
vegana koma þau helst ekki
hingað nema þau þurfi að fá
lánaða peninga eða eitthvað ann-
að og á stórhátíðum. Maðurinn
minn segir að svona eigi þetta að
vera og að einstaklingurinn eigi
að vera sjálfstæður og mér finnst
það kannski rétt en svona var
þetta nú ekki heima hjá mér því
að við systkinin vorum svo mikið
heima og hjálpuðum mömmu og
pabba og þau voru alltaf boðin og
búin að létta undir með hjá
okkur. Maðurinn minn er mikið
að heiman, vegna vinnu sinnar,
og stundum hef ég það á tilfinn-
ingunni að hann vilji helst ekkert
koma heim og það sé bara skyldan
og kannski einhver hugulsemi við
mig að hann kemur. Þetta var þó
einu sinni ekki svona og ég man
eftir því að kunningjakonur okkar
voru alltaf að segja það við mig
hvað hann væri myndarlegur og
skemmtilegur maður. Þetta var
líka allt í lagi fyrstu árin og á
meðan krakkarnir voru litlir átt-
um við saman margar góðar
stundir en eftir því sem árin hafa
liðið hefur þetta allt saman breyst
og ég get ekki sagt að það sé nein
ást lengur í okkarsambúð. Eflaust
er þetta mér sjálfri að kenna, ég
hef enga menntun og krakkarnir
og maðurinn minn hafa öll sína
menntun og ég á erfitt með að
BARNA LEIKTÆKI
ÍÞRÓTTATÆKI
Vélaverkstæði
BERNHARÐS HANNESSONAR
Suðurlandsbraut 12. Sími 35810
Þakio sem ponr
noiðlœgt veðurfar
Snöggar hitabreytingar, snjór og ís í dag,
regn og þíöa á morgun eöa sterkt sólskin.
„PLAGAN POPULÁR1' er framleitt til aö standast
erfiöustu veðurskilyrði.
„PLAGAN POPULÁR" er meöfærilegt og
traust þak- og veggklæöningaefni úr galvaniser-
uöu stáli meö veðrunarþolinni GAULE ACRYL
húö.
O >J BYGGINGAVÖRUVERSUJN
BYKO KÓPAVOGS
HMBURSALAIM
SKEMMUVEGI 2 SÍMI:41000
halda uppi samræðum sem þeim
finnast skemmtilegar. Oft finnst
mér að þetta væri allt í lagi ef ég
væri bara ekki til og ég verð að
viðúrkenna það að stundum sækja
að mér vondar hugsanir og ég fer
að gráta af minnsta tilefni. Þegar
mér hefur liðið sem verst hefur
maðurinn minn sagt mér að leita
læknis og passa mig á því að láta
ekki krakkana verða vara við neitt
og ég er honum sammála að
auðvitað á maður ekki að vera að
íþyngja öðrum með eigin
aumingjaskap. Svona er þetta nú
og mér finnst gott að vera búin að
pára þetta niður, ég held ég hafi
aldrei almennilega hugsað um
þetta svona á skipulegan hátt.
Hvað á ég að gera eða er þetta
bara út af þeim aldri sem ég er á?
Kæra frú, þakka bréfíð.
Bréf þitt minnti mig á fyrstu
hjónin, sem ég tók hjónaviðtöl
við í Danmörku fyrir einum 13
árum. Þau voru bæði rétt undir
fimmtugu og stóðu fjárhagslega
vel að vígi. Maðurinn var há-
menntaður verkfræðingur, vinsæll
og vel metinn. Konan var „bara
húsmóðir". Þau áttu tvö börn og
höfðu einmitt nokkrum mánuðum
áður upplifað, að seinna barnið
fluttist að heiman og þau voru þá
ein í kotinu. Það hafði reyndar
ekki komið svo mikið við hann,
hann hafði vini og félaga í vinn-
unni og í ýmiskonar félögum þar
sem hann var virkur meðlimur.
Konan hafði aftur á móti helgað
sig búi og börnum, hafði lifað
fyrir og í gegnum börnin, ef svo
mætti segja. Henni fannst hún
ekkert hlutverk hafa í lífinu
lengur eftir að börnin fluttu burt.
Henni fannst hún ekkert kunna
og ekkert geta og þegar hún
varfærnislega færði þetta í tal við
bóndann, fannst henni hann ekk-
ert skilja hvað hún var að fara.
Henni fannst hún þá engan hafa
að tala við og varð æ örvæntingar-
fyllri. Endaði það með því, að
hún reyndi að fyrirfara sér. Síðar
hefi ég oftsinnis talað við konur á
þessum aldri, sem finnst þær ekk-
ert hafa að lifa fyrir. Þær finna
fyrir aldrinum, verða fyrr þreytt-
ar. Sumar hafa mikil óþægindi af
breytingaskeiðinu og oft hafa
hjónin vaxið hvort frá öðru án
þess að taka eftir því. Hjónin,
sem ég minntist á í Danmörku
höfðu fjarlægst hvort annað.
Hann talaði við hana eins og
tölvurnar sínar, og hún þorði ekki
að trufla hann „með smámunum,
hann hafði jú nóg á sinni könnu“.
Hún hélt að honum væri sama um
sig og hann hélt að henni liði vel
í fína einbýlishúsinu þeirra. Þegar
að var gáð, þótti þeim báðum
vænt um hvort annað og hann
hætti að tala við hana eins og
tölvu (að mestu) og hún þorði
oftar að tjá sig um sínar tilfinning-
ar. Hún fór að líta í kring um sig
eftir öðrum möguleikum til þess
að nýta kraftana á en heimilinu og
varð æ virkari í félagsmálum
hverfisins, sem þau bjuggu í. Hún
varð brátt mjög virk í æskulýðs-
málum hverfisins, enda hafði hún
gengið í gegnum margt með börn-
unum sínum þótt ekki hefði hún
langa háskólamenntun. Fann hún
þarna nýtt hlutverk, grundvallað
á góðri reynslu í barnauppeldi.
Háskólamenntun er ekki allt og
gildi lífsreynslu hins daglega
amsturs má ekki vanmeta. Spurn-
ingin er frekar hvernig við nýtum
hana.
Mér heyrist þú vera óánægð
með þitt líf í dag og flest virðist
snúast um þitt hjónaband og þína
ófullnægju þar. f fljótu bragði
sýnist mér þú eiga fjögurra kosta
völ. í fyrsta lagi geturðu haldið
áfram í hjónabandinu eins og það
er, þ.e. látið þetta fljóta og vonast
til þess að einhvern veginn muni
úr rætast einhvern tímann. í öðru
lagi geturðu skilið við manninn
fengið þér vinnu og staðið á eigin
fótum. í þriðja lagi gætirðu reynt
að sætta þig við hjónabandið eins
og það er og taka „örlögum"
þínum. í fjórða lagi gætirðu
ákveðið að reyna að breyta hjóna-
Alvara lífsins
Áætlunarflug til
GRÆNLANDS
Reykjavík - Kulusuk -
Reykjavík
Til 15. júní á þriðjudögum
Frá 16. júní til 31. ágúst á
þriðjudögum og föstudögum.
LEIGUFLUG AIR TAXI —
HELGI JÓNSSON
Reykjavíkurflugvelli
S10880 Telex3015
«7
bandinu og laga að breyttum að-
stæðum ykkar hjóna. Alls ekki er
útilokað, að eiginmaður þinn hafi
á sinn hátt reynt að ná sambandi
við þig til breytinga, en ekki tekist
þar sem þið töluðuð kannski ekki
á sömu bylgjulengd. Myndi ég
leggja til, að þið hjónin settust
saman tvö ein og reynduð að
leggja niður fyrir ykkur stöðuna í
ykkar hjónabandi nú. Þið gætuð
rætt um kosti og galla þess og
reynt að sjá hvað þið hvort fyrir
sig og sameiginlega eruð ánægð
með í hjónabandinu og hverju þið
vilduð breyta. Ýmsu má auðveld-
lega kippa i lag ef um er rætt þar
sem oft hafa hjón misskilið hvort
annað vegna tjáskiptaleysis. Öðru
verður varla hnikrað og þá verða
menn að gera upp við sig hvort
þeir geti sætt sig við það eður ei.
Umræður af þessu tagi eru alltaf
erfiðar og oft sárar og verða báðir
aðilar að taka á honum stóra
sínum til þess að vel fari. Oft er
heppilegt, að umræður sem þessar
fari fram utan veggja heimilisins,
þar sem allt er í föstum skorðum.
Ýmsir hafa t.d. skroppið út fyrir
borgina á hótel yfir helgi og
blandað saman „huggulegheit-
um“ og hjónabandsátökum með
góðum árangri. Stundum takast
ekki samningar eins og stjórn-
málamennirnir segja og þarf þá
„sáttasemjara“ í málið. Því miður
hefur fólk hingað til verið alltof
hrætt við að leita til geðlækna,
sálfræðinga eða félagsráðgjafa,
sem margir hverjir hafa mikla
reynslu í að hjálpa fólki við að
takast á við eigin vandamál.
Ef ykkur hjónunum tekst ekki
sameiginlega að ná saman tilfinn-
ingalega í fyrstu umferð myndi ég
því ráðleggja ykkur að leita að-
stoðar hjá aðilum, sem vinna við
þessi vandamál til þess að reyna
að finna lausn á þessu vandamáli,
sem þið hjónin bæði getið sætt
ykkur við.
Með bestu kveðjum og gangi
ykkur báðum vel
þinn
Páll Eiríksson
LEIGUFLUG
Milli landa og innanlands.
Sjúkraflug - varahlutaflug.
Leitið tilboða í næstu ferð
S 10880
Einnig er flugkennsla í
fullum gangi.