NT - 11.05.1984, Blaðsíða 13
Lít
Föstudagur 11. maí 1984 13
Útvarp laugardag kl. 19.35:
Réttlætingarsaga
þeirra á sósíalnum
- útvarpsþættir eftir Matthías Johannessen
Sveinn Einarsson stýrir
■ Sl. laugardag var fluttur
fyrsti þáttur af útvarpsþáttaröð
eftir Matthías Johannessen,
sem hefur heildarnafnið Guðs
reiði. Hver þáttur ber sérstakt
heiti og kailast sá, sem fluttur
verður nú, „Úr Týhúsi í vax-
myndasafn“. Stjórnandi út-
varpsflutningsins er Sveinn
Einarsson og við báðum hann
um að segja okkur aðeins frá
þessu. í Ijós kom, að hér er um
forvitnilegt og nýstárlegt efni
og framreiðslu að ræða.
Þættina kvað Sveinn bæði
leikna og lesna, eiginlega
hvorki leikrit né sögu, heldur
eitthvað svona mitt á milli.
Það slær saman bæði ólíkum
persónum og ólíkum tíma á
svolítð skemmtilegan hátt og
á bak við þetta verk liggur
heilmikil sagnfræðileg stúdía“,
sagði hann.
Önnur aðalpersónan er
Kristján konungur, sem að
vísu er dauður og búinn að
vera dauður í næstum 400 ár,
en virðist þó fjarri því að „vera
dauður úr öllum æðum“. Hann
rekumst við á í formi hinna og
þessara stytta hingað og
þangað, m.a. þar sem hann
situr á hestbaki á torgi. Þar
hittir hann íslenskur sagn-
fræðingurj þegar hann er að
álpast þarna um, og þeir taka
tal saman. Sagnfræðingurinn
er uppi í nútímanum og lifir á
sósíalnum. Hann gerir það til
þess að ná sér niðri á Dönum
og fá til baka svolítið af því fé,
sem hann álítur að Danir
skuldi honum. í tali þeirra eru
þeir einmitt að rifja upp þessa
sögu, sem er réttlætingarsaga
þeirra á sósíalnum!
Þarna rifjast upp mikið af
samskiptum þessara tveggja
þjóða í dálítið gamansömu
ljósi. Sérkennilegar vitnaleið-
slur fara fram, þar sem m.a.
koma fram Jón Indíafari, séra
Jon þumlungur og Leónóra
Krístín, dóttir konungs, svo og
sögumaður, sem heldur þessu
öllu saman.
Einkum og sér í lagi þykir
kóngi til koma vitnisburðar
Jóns Indíafar, sem hefur góð
orð um kóng vegna þess að
hann leysti Jón úr Týhúsinu.
Kristjáni veitir ekki af að fá
góð orð úr ýmsum áttum, því
að honum til mikillar furðu eru
eftirmælin um hann ekki öll á
einn veg, eins og hann hafði
þó álitið sig góðan kóng! Hann
■ ...Matthías Johannessen.
getur því alls ekki skilið af
hverju „guðs reiði" hvílir yfir
honum.
Sveinn notar tónlist frá tím-
um Kristjáns k mungs, s.s. eins
og Bjarni sálugi bróðir minn
o.ll.
Svo sem sjá má af ofan-
sögðu, er hér forvitnilegt út-
varpsefni á boðstólum, enda
sagðist Sveinn hafa heyrt það
á viðbrögðum fólks eftir flutn-
ing fyrsta þáttarins, að fólk var
bæði undrandi og hafði haft
mikið gaman af.
Þættirnir eru alls 4.
Útvarp laugardag kl. 11.20:
Sjónvarp laugardag kl. 22.10:
Frumsamin
saga 11 ára
stúiku
meðal
efnis í
Hrímgrund
■ Hrímgrund, útvarp barn-
anna, er á dagskrá hljóðvarps
á laugardagsmorgun kl. 11.20
að venju. Að þessu sinni er
það Sólveig Halldórsdóttir,
sem stjórnar þættinum, og er
þetta síðasti þátturinn, sem
hún stýrir að sinni. Aðrir
stjórnendur Hrímgrundar eru
sem kunnugt er Sigríður Ey-
þórsdótir og Vernharður
Linnet.
Sólveg sagði okkur að meðal
efnisins í þessum þætti væru
ýmsar heimsóknir. Tveir 13
ára strákar úr starfsklúbbi í
Fellahelli koma og segja frá
starfsemi klúbbsins í vetur og
ferðalagi, sem krakkarnir fóru
í, auk þess sem þeir flytja
skemmtiatriði. Þá kemur hópur
úr leiklistarkennslu í Haga-
skóla og flytur líka skemmti-
atriði.
Harpa Þorláksdóttir, 11 ára
gömul, fjallar um bókina úti-
gangsbörnin eftir Dagmar Gal-
in, en hún er sannsöguleg og
segir frá tveimur Indíánastelp-
um frá Kólumbíu, sem flytjast
Woody Allen vaknar eftir200ára dá>
svefn og þá færist líf í tuskurnar!
■ Þetta er síðasti Hrím-
grundarþátturinn að sinni, sem
Sólveig Halldórsdóttir
stjórnar.
(NT-mynd Róbert)
til Frakklands. Það er líka
lesið úr bókinni. Harpa segir
líka frá því, hvað hana langar
til að gera í sumar. Ragna Sara
Jónsdóttir les sögu, sem hún
hefur samið sjálf. Hún er 11
ára eins og Harpa.
Það vekur athygli að gestir
þáttarins að þessu sinni eru
ungir og kvað Sólveig skýring-
una þá, að eldri krakkar væru
mikið í prófum þessa dagana
og því ekki gustuk að tefja þá
mikið, en þátturinn Hrím-
grund væri ætlaður krökkum
10-16 ára.
Þó að þetta sé síðasti þáttur
Sólveigar að sinni, verður samt
sem áður símatími eins og
venjulega og verður setið við
símann sem fyrr.
■ Laugardags-
myndina að þessu
sinni má kenna við
Woody Allen, sem er
höfundur hennar og
leikstjóri, og að sjálfs-
sögðu fer hann líka
með aðalhlutverkið.
Að undanförnu hafa
íslenskir sjónvarps-
áhorfendur fengið
nokkuð að kynnast
þessum sérstæða háð-
fugli og virðist satt að
segja skiptast mjög í
tvö hom um skoðanir
þeirra á honum. Ýmist
em menn yfír sig
hrifnir af Woody eða
eiga hreinlega bágt
með að þola hann!
Þessi mynd Allens hefur
hlotið nafnið Uppvakningur á
íslensku, en á frummálinu
nefnist hún „Sleeper“. Af þeim
efnisþræði, sem við höfum í
höndunum, virðist okkur ís-
lenska nafnið betra. Þar segir
frá manni, sem leggst inn á
'sjúkrahús til smáaðgerðar,
sem mistekst. Honum er
pakkað inn í tinfilmu og varð-
veittur þannig. Tvö hundruð
árum síðar vaknar hann af
■ Woody Allen fellur ekki í allra smekk, en óneitanlega eru
uppátæki hans öðru vísi en annarra manna!
dáinu og þar gefur heldur betur
á að líta!
Miles Monroe, en svo heitir
maðurinn, vaknar í heim, sem
stjórnað er af tæknivæddum
vélmennum. í þeim heimi er
lítið þekkjanlegt frá þeirri
veröld, sem Miles hafði kvatt
tveim öldum fyrr. Það er ekki
nema það alómerkilegasta og
lélegasta, sem hefur lifað af
þennan tíma, s.s. skáldskapur
stjórnmálaforningjans Rod
McKuen, sem talar í flat-
neskjulegum frösum, og
hamborgarar frá McDonald’s
keðjunni.
En allt er afstætt, og það er
ekki einungis, að Miles þyki
hann vera kominn í framandi
heim, sá heimur lítur líka á
Miles sem ókennilegt aðskota-
dýr. Yfirvöldin óttast hann og
áícveðið er að dagar hans skuli
taldir. Hann losnar þó undan
böðlum sínum, en sökum þess
að hann er hrakfallabálkur hinn
mesti, verður honum sífellt
eitthvað á í messunni, sem
vekur athygli yfirvalda á
honum.
Myndin Uppvakningur var
gerð 1973. Með hlutverk í
myndinni fara, auk Woody
Allen, Diane Keaton, John
Beck og Mary Gregory. Þýð-
andi er Þorsteinn Helgason.
Laugardagur
12. maí
7.00 Veðurfregnir. Fréttir. Bæn
Tónleikar. Þulur velur og kynnir.
7.25 Leikfimi. Tónleikar.
8.00 Fréttir. Dagskrá. 8.15 Veður-
fregnirMorgunorð-Jón Isleifsson
talar.
8.30 Forustugr. dagbl. (útdr.) Tón-
leikar.
9.00 Fréttir. Tilkynningar. Tónleikar.
9.30 Óskalög sjúklinga Helga Þ.
Stephensen kynnir. (10.00 Fréttir.
10.10 Veðurfregnir). Óskalög
sjúklinga, frh.
11.20 Hrimgrund. Útvarp barnanna.
Stjórnandi: Sólveig Halldórsdóttir
12.00 Dagskrá. Tónleikar. Tilkynn-
ingar.
12.20 Fréttir. 12.45 Veðurfregnir. Til-
kynningar. Tónleikar.
13.40 íþróttaþáttur Umsjón: Ragnar
= örn Pétursson
14.00 Listalif Umsjón: Sigmar B.
Hauksson.
15.10 Listapopp - Gunnar Salvars-
son. (Þátturinn endurtekinn kl.
24.00).
16.00 Fréttir. Dagskrá. 16.15 Veður-
fregnir.
16.20 Framhaldsleikrit: „Hinn
mannlegi þáttur“, eftir Graham
Greene II þáttur: „Percival lækn-
ir telur siga hafa fest í fisk"
Leikgerð: Bernd Lau. Þýðandi:
Ingibjörg Þ. Stephensen. Leik-
stjóri: Árni Ibsen. Leikendur: Helgi
Skúlason, Gísli Guðmundsson,
Arnar Jónsson, Ragnheiður
Steindórsdóttir, Þorsteinn Gunn-
arsson, Sigurjóna Sverrisdóttir,
Jóhann Sigurðarson, Steindór
Hjörleifsson, Gísli Rúnar Jónsson,
Rúrik Haraldsson, Erlingur Gísla-
son og Benedikt Árnason. (II þátt-
ur verður endurtekinn, föstudag-
inn 18. þ.m. kl. 21.35).
17.00 Frátónieikum Strengjasveit-
ar Tónlistarskólans í Reykjavík
að Kjarvalsstöðum 8. ágúst f
fyrrasumar. Stjórnandi: Mark
Reedman. Einleikarar: Auður Haf-
steinsdóttir og Svava Bernharðs-
dóttir. a. Chaconna í g-moll eftir
Henry Purcell. b. Fiðlukonsert (
a-moll eftir Johann Sebastian
Bach. c Holbergssvíta op 40 eftir
Edvard Grieg. d. Sorgarmúsik eftir
Paul Hindemith. e. Svíta nr. 3 eftir
Ottorino Respighi.
18.00 Miðaftann í garðinum með
Hafsteini Hafliðasyni.
18.15 Tónleikar. Tilkynningar.
18.45 Veðurfregnir. Dagskrá
kvöldsins.
19.00 Kvöldfréttir. Tilkynningar.
19.35 „Guðs reiði". Utvarpsþættir
eftir Matthías Johannessen. II.
hluti: „ÚrTýhúsi í vaxmyndasafn".
Stjórnandi: Sveinn Einarsson.
Flytjendur auk hans: Þorsteinn
Gunnarsson, Borgar Garðarsson,
Guðmundur Ólafsson oq Guð-
mundur Magnússon, sem er sögu-
maður.
20.00 Ungir pennar Stjómandi:
Dómhildur Sigurðardóttir
20.40 Norrænir nútimahöfundar 9.
þáttur: Bo Carpelan Njörður P.
Njarðvík sér um þáttinn, ræðir við
skáldið og les Ijóðaþýðingar sínar.
21.15 A sveitalfnunni Þáttur Hildu
Toriadóttur, Laugum I Reykjadal
(RÚVAK).
22.00 „Madame Baptiste“, smé-
saga eftir Guy de Maupassant
Gissur Ó. Eriingsson les þýöingu
sína.
22.15 Veðurfregnir. Fréttir. Dagskrá
morgundagsins. Orð kvöldsins
22.35 Harmonikuþéttur Umsjón:
Sigurður Alfonsson.
23.05 Létt sígild tónlist
23.50 Fréttir. Dagskrárlok.
24.00 Næturútvarp frá RÁS 2 til kl.
03.00.
Laugardagur
12. maí
16.15 Fóik é förnum vegi 25. Á
farfuglaheimili Enskunámskeið í
26 þáttum.
16.30 Iþróttir Umsjónarmaður Bjarni
Felixson.
18.10 Húsið á sléttunni. Sextén ára
Bandarískur framhaldsmynda-
flokkur. Þýðandi Óskar Ingimars-
son.
18.55 Enska knattspyrnan
19.45 Fréttaégrip á táknmáli
20.00 Fréttir og veður
20.25 Auglýsingar og dagskrá
20.35 Við feðginin. Lokaþáttur.
Breskur gamanmyndaflokkur.
Þýðandi Þrándur Thoroddsen.
21.05 Töfrandi tónar Þýskur söngva-
þáttur. Kvöldstund með grísku
söngkonunni Nönu Mouskouri og
gestum hennar. Þýðandi Kristrún
Þórðardóttir.
22.10 Uppvakningur (Sleeper)
Bandarisk gamanmynd frá 1973.
Höfundur og leikstjóri Woody
Allen, sem leikur einnig aðalhlut-
verk ásamt Diane Keaton, John
Beck og Mary Gregory. Söguhetj-
an gengst undir litilsháttar læknis-
aðgerð árið 1973 og fellur í dá. 200
árum síðar er hann vakinn til
lífsins í framandi framtiðarheimi.
Þýðandi Þorsteinn Helgason.
23.40 Dagskrárlok
KIT
Laugardagur
12. maí
24.00-00.50 Listapopp (endurtek-
inn þáttur frá Rás 1) Stjórnandi:
Gunnar Salvarsson.
00.50-03.00 Á næturvaktinni Stjórn-
andi: Kristin Björg Þorsteinsdóttir.
Rásir 1 og 2 samtengdar kl. 24.00
og heyrist þá i Rás 2 um allt land.