NT - 20.12.1984, Blaðsíða 19
fullorðinna, en þaðeransi langurtími
í I ífi barns sem er að þroskast, “ segir
Marianne Cederblad.
„Brjótumst út úr einangrun
kjarnafjölskyldunnar11
En hvað er til ráða að mati
Marianne Cederblad? „Við verðum
markvisst aðvinnaað því aðbrjótast
út úreinangrun
kjarnafjölskyldunnar,“ segir hún. Við
þurfum t.d. að skapa góð tengsl við
nágrannana, þó ekki endilega með
garðveislunum sem menn trúðu á á
8. áratugnum. Þáverðum viðaðfinna
fleiri leiðir út úr
fjölskylduvandamálum en
hjónaskilnaði," segir hún.
„Geðheilsa íslenskra
barna“
Fimmtudagur 20. desember 1984 19
Sigurjón Björnsson, sálfræðingur
Marga rekur sjálfsagt minni til að
sambærileg rannsókn hefur verið
gerð á geðheilsu reykvískra barna á
aldrinum 5-15 ára. Það var Sigurjón
Björnsson prófessor í sálarfræði við
Háskóla íslands sem hafði veg og
vanda með rannsókninni.
Niðurstöðurnar voru birtar fyrir um
fjórum árum m.a. í bókinni „Börn í
Reykjavík". Þá kom það sama í Ijós
og í Svíþjóð; fimmta hvert barn í
Reykjavík reyndist eiga við geðræna
vandamál að stríða. Hjá reykvísku
börnunum kom þetta einkum fram í
viðkvæmni, feimni og kvíða.
Erfiðleikar við að mynda tengsl við
aðra reyndust einnig vera algengt
einkenni þessa. Þá voru lestrar- og
skriftarörðugleikar allalgengir hjá
drengjum svo og óstýrlæti, þrjóska,
ósjálfrátt þvaglát og málfarstruflanir.
Yfirleitt virtust stelpur vera við heldur
betri geðheilsu en strákar skv.
íslensku rannsókninni, en marktækur
munur fannst hins vegar ekki á aldri.
Skv. rannsókn Sigurjóns
Björnssonar voru það einkum átta
þættir sem stóöu í nánum tengslum
við geðheilsu barna. Jákvæð fylgni
reyndist vera á milli geðheilsu barns
og meðaleinkunnar á barnaprófi,
menntunar föður, hlýleika móður,
greindarvísitölu barns, starfs
föðurafa, menntunar móður og starfs
föður. Neikvæð fylgni reyndist vera á
milli sinnuleysis móður og geðheilsu
barns.
„Börnin skilgetin afkvæmi
þjóðfélagsins“
Þær niðurstöður sem hér hafa verið
kynntar eru í sjálfu sér engin nýlunda,
því sambærilegar niðurstöður má
finna úr fjölmörgum erlendum
rannsóknum. Þær koma þó ansi
óþægilega við mann, því það að 20%
allra barna skuli eiga við geðræn
vandamál að stríða er mjög alvarlegt
mál.
En hvað veldur? Því fer fjarri að
hægt sé að skella allri skuldinni á
foreldra. Skólinn, fjölmiðlarnir og
leikfélagarnir eru dæmi um þætti sem
hafa veigamikil áhrif á uppeldi barna.
Sigurjón Björnsson segir í bók sinni
„Börn í Reykjavík" (bls. 159-160):
„En barn er ekki einungis háð
foreldrum, nánasta umhverfi sínu og
skóla um þroska sinn. Það er einnig
skilgetið afkvæmi þess þjóðfélags,
sem fóstrar það. Margt í fari
foreldranna, heimilislífi og skólahaldi
endurspeglar þjóðfélagið á hverjum
tíma. Foreldrar heimili og skóli eru að
vissu leyti e.k. miðill hinna fjarlægari
áhrifa, sem engu að síður eru
mikilvægari en margan grunar."
Þaðværi efni ílangagreinefgera
ætti því viðhl ítandi skil hvernig menn
telja þjóðfélagið helst hafa brugðist
börnum sínum. En höfum þetta
hugfast að lokum. Börnin eru framtíð
þjóðanna. Þau eru betri fjárfesting en
nokkuð annað sem hugsast getur.
Það er því aldrei of dýrt fyrir
þjóðfélagið að búa eins vel að
börnunum og menn hafa vit og
þekkingu til hverju sinni.
Guðbjörg Linda Rafnsdóttir -Svíþjóð
Kaupfélag
Vestur-Barðstrendinga
Patreksfirði, Tálknafirði,
Bíldudal, Krossholti, Örlygshöfn
sendir viðskiptavinum, starfsfólki svo
og landsmönnum öllum
bestu óskir um
gleðileg jól og
farsœlt komandi ár
Þökkum gott samstarf og
viðskipti á liðnum árum