NT - 06.12.1985, Blaðsíða 22

22 NT Jólablað
Jólagjafirnar þurfa
ekki alltaf að kosta
mikla peninga.
Dálítið hugvit og
fagurt hjartalag er
líka falleg gjöf.
(Ljósm. Ella).
■ Hvaö gerum við þegar þaö er margt fólk sem okkur
langar til að gefa eitthvað um jólin en veskið er í þynnra
lagi. Hér á eftir koma nokkur ráð um hvernig á að finna
út gjafir handa þeim sem þér þykir vænt um án þess að
pyngjan tæmist alveg.
Áreiðanlega munu jólagjafirnar
verða færri og smærri á mörgum
heimilum um þessi jól. Kannski minn-
istu þess seinna meir að þetta voru
jólin sem við hjónin gáfum hvort öðru
ávísun upp á fullan tank af bensíni á
bílinn. Lífið getur stundum verið dálít-
ið óréttlátt. Það ætti að setja lög um
það að jólin ættu að vera verðbólgu-
laus - en það er víst of seint í þetta
skiptið. Svo hér stöndum við með
langan lista af fólki sem okkur langar
til að gefa eitthvað fallegt í jólagjöf en
höfum svo allt of lítið af peningum til
að kaupa þær fyrir.
Auðvitað er alltaf sú von að það sé
hægt að fá stóra vinninginn í happ-
drættinu, svona einu sinni til tilbreyt-
ingar. Eða að uppgötva að jóla-
sveinninn sé til í raun og veru. Þar
sem það er mjög ólíklegt að nokkuð
af þessu komi fyrir þá eru til nokkrar
aðferðir til þess að eiga góð jól eftir
alit saman.
Það er mögulegt að skera niður
kostnað við jólagjafir og gefa samt
góðar gjafir. Hyagindi og frumleiki
borga kannski ekki reikningana þína
en það nær langt þegar um jólagjafir
er að ræða. Gamla sögnin um hug-
myndina bak við jólagjafirnar er enn
í fullu gildi. Það er hugsunin á bak við
gjöfina sem gildir.
Flestir munu skilja þetta vel um
þessi jól - það eru fleiri en þú sem
þurfa að halda utan um budduna
núna.
Heimafengnar jólagjafir
Sumar bestu gjafirnar eru ekki
aðeins ókeypis.þú ert jafnvel með
margar þeirra fyrir augunum næstum
daglega. Til dæmis plötusafnið þitt.
Hvað með gömlu dansa plötuna sem
Jón frændi gaf þér í fyrra og þú hefur
ekki einu sinni sett á fóninn ennþá?
Það hlýtur að vera til einhver sem þú
þekkir sem vill hlusta á þannig músík.
Svo eru þaó bókahillurnar. Þarft þú til
dæmis að eiga tvær bækur af Stríði
og friði? Það er hægt að gefa hana
einhverjum bókaormi. Ef þú ért
steina eða skeljasafnari þá þekkirðu
áreiðanlega einhvern annan steina
eða skeljasafnara og hvers vegna
ekki að gefa honum einhvern dýrgrip-
inn. Sama gildir auðvitað um frí-
merkjasöfn. Ef þú ert frímerkjasafnari
áttu kannski í fórum þínum tvö merki
eins af einhverju sem vinur þinn á
ekki og jólagjöfin er fundin. Eða þá að
það er hægt að safna saman nokkr-
um merkjum handa ungum nýliða í
frímerkjasöfnuninni.
Þú þarft ekki að vera að fela að
þetta eru hlutir sem þú áttir áður. Þú
getur litið á það frá þvi sjónarhorni að
þú sért í rauninni að gefa eitthvað af
sjálfri þér.
Gagnlegar gjafir
Hikaðu ekki við að spyrja fólk um
hvað það vanti. Það sem kannski
þótti nauðsynlegt í fyrra er lúxus
núna og myndi þess vegna vera vel
þegið.
Það er líka hægt að gefa vinnu
sína. Er til dæmis ekki gömul vinkona
eða vinur sem býr einhversstaðar
nærri? Hvernig gengur þeim að moka
snjó af tröppunum hjá sér? Það er til
dæmis hægt að gefa þeim fallegt kort
þar sem á stendur að þú gefir þeim í
jólagjöf að þú mokir snjó af tröppun-
um til dæmis 2-5 sinnum yfir veturinn.
Eða þá að þú veist um einhverja eldri
ættingja sem mundu glaðir vilja halda
smáboð en treysta sér ekki til að
baka eða elda fyrir það. Hvernig væri
að gefa þeim þá gjöf að þú sjáir um
boðið fyrir þá? Svo er það yngra
fólkið með ung börn, sem alltaf er í
erfiðleikum með barnfóstru ef það
langar til að bregða sér út að kvöld-
inu. Það er hægt að gefa þeim loforð
um barnagæslu í eitt eða fleiri kvöld.
Merktar gjafir
Eitthvað sem er merkt með fanga-
marki viðkomandi er alltaf vel þegið.
Til dæmis handklæði, húfur, vettling-
ar og annað því líkt. Þar að auki er
svo alltaf hægt að búa til ódýra hluti
og merkja þá laglega með fanga-
merki eins og poka undir óhreinan
þvott, ágætis gjöf handa þeim sem er
á heimavistarskóla, frænku á elli-
heimilinu og svo handa þeim sem
ferðast mikið. Svo er hægt að mála
upphafsstafi eða jafnvel heil nöfn
með glermálningu á glærar
niðursuðukrukkur. Fyllið þær með
kökum eða góðu hlaupi, bindið
fallega slaufu um krukkuna og þar er
komin ágætis jólagjöf.
Pökkun
Það eru óteljandi aðferðir við að
pakka inn. Það er til dæmis hægt að
nota venjulegan hvítan eða brúnan
pappír og skrifa orðið „jólagjöf" og
„gleðileg jól“ nokkur hundruð sinnum
með mismunandi litu bleki hingað og
þangað um pappírinn. Þaö er líka
hægt að skrifa eitthvað annað sem
tengist jólunum.
Stundum pakka verslanir inn í
gjafapappír og þá er sjálfsagt að nota
sér þá þjónustu. Bættu svo við ein-
hverju persónulegu utan á pakkann.
Síðan er allur pappírinn sem hægt er
að endurnýta. Ef gengið er vel frá
honum tekur hann ekki upp svo mikið
pláss.
Nokkrar gjafir
1) Kaupið eitthvað úr viði. Hann er
frábriigöinn flestum efnum í því að
flestir hafa ennþá ráð á honum.
Salatskálar, bretti og salatskeiðarúr
viöi eru alltaf fallegar og vel þegnar
gjafir í eldhúsið eða borðstofuna.
2) Hlutir úr basti eða strái eru líka oft
ódýrir og fallegir. Til dæmis lítil fléttuð
strábox, veski, innkaupatöskur og
svo framvegis.
3) Allsherjarskál til dæmis úr stáli er
mjög nytsamleg. I henni er hægt að
baka eða halda heitum mat í ofni.
Það er líka hægt að bera fram í henni
ávexti og hnetur og svo hræra brauð
eða kökur.
4) Oft er erfitt að fá reglulega góðan
tappatogara, svo að ef þú veist um
stað þar sem hann fæst kauptu hann
þá.
5) Hefur þú látið þér detta í hug að
gefa einhverjum allsherjarvasahníf?
Það er hægt að fá vasahnífa með
ótrúlegustu fylgihlutum.
6) Ef þú átt vini langt í burtu þá er
hægt að gefa þeim fallegan bréfa-
pappír og umslög. Og auðvitað von-
astu eftir bréfi fljótlega.
7) Fallegir myndarammar eru líka
hlutur sem fæstir eiga nóg af. Ef þú
tekur mikið af myndum getur þú látið
mynd fylgja með.
8) Aðeins fyrir matreiðslumeistara
fjölskyldunnar: Skrifaðu upp vin-
sælustu uppskriftirnar þínar í fallega
lausblaðamöppu. Límdu til dæmis
framan á hana myndir sem tilheyra
matreiðslu.
9) Gefðu eitthvað sem þú átt. Pakk-
aðu til dæmis inn styttunni sem
Hanna frænka er svo hrifin af og
gefðu henni hana. Hún veröur áreið-
anlega ánægð.
10) Gefðu heimatilbúið jólatréskraut.
Þú getur gert það að árvissri venju að
gefa einhverjum vini þínum mismun-
andi heimatilbúið jólaskraut á hverju
ári.