Morgunblaðið - 30.11.2003, Blaðsíða 27
30.11.2003 | 27
H ver og einn verður að finna sinn farveg og læra að njóta sín. Ég er sem bet-ur fer svo heppin að vera ánægð með það sem ég er að fást við,“ segir ljós-hærða konan í svörtu dragtinni og ljósa frakkanum sem gengur rösklega
við hlið mér. Við erum að ganga í átt til jeppabifreiðar hennar og ummælin eru eins
og lokapunkturinn á samtali sem við höfum átt um hana sjálfa og starf hennar. Ragn-
hildur er af nýrri kynslóð íslenskra kvenna sem hefur náð langt í krafti hæfileika og
menntunar. Hún er ein af fjórum framkvæmdastjórum hjá Icelandair sem er stærst
dótturfélaga Flugleiða, jafnframt eina og fyrsta konan sem er framkvæmdastjóri hjá
Flugleiðum.
Í samræðum okkar tók hún hins vegar fram að hún teldi að velgengni hennar til
þessa byggðist fyrst og fremst á mikilli vinnu. „Ekkert kemur án fyrirhafnar, hvorki í
námi né vinnu. Ég náði góðum árangri í skóla enda lagði ég líka hart að mér við nám-
ið. Ég tel mig ekki hafa fórnað neinu fyrir þennan árangur sem ég hef náð vegna þess
að ég hef alltaf haft mjög mikinn áhuga á því sem ég hef verið að fást við.“
Ragnhildur er vélaverkfræðingur frá Háskóla Íslands og með tvær meistaragráður
frá University of Wisconsin í Madison, aðra í iðnaðarverkfræði og hina í viðskipta-
fræði. Hún er fædd í Bandaríkjunum þar sem faðir hennar, Geir Gunnlaugsson, for-
stjóri Sæplasts, var í framhaldsnámi í vélaverkfræði. Móðir hennar, Kristín Ragnars-
dóttir, meinatæknir á Landspítala – háskólasjúkrahúsi, var þá heimavinnandi enda
Ragnhildur ekki ein á ferð þegar hún kom í heiminn. Hún á tvíburabróður, Arnar,
sem er í námi í skurðlækningum í Bandaríkjunum. Fjölskyldan fluttist til Íslands
tveimur árum eftir að tvíburarnir fæddust. Að öðrum tveim árum liðnum fæddist svo
systirin Heiður Rós sem stundar nám í Kennaraháskóla Íslands.
Góður árangur í námi
Fljótlega eftir að fjölskyldan kom heim frá Bandaríkjunum settist hún að í Hlíð-
unum og þegar Ragnhildur hafði aldur til fór hún í Hlíðaskóla sem var hinum megin
við götuna. Þegar hún minnist skólagöngunnar þar tekur hún fram hlæjandi: „Einn
minn helsti galli er óstundvísi og ég kenni því um að ég fór aldrei af stað í skólann fyrr
en á síðustu stundu, þegar ég heyrði skólabjölluna hringja.“
Á næsta götuhorni var Menntaskólinn við Hamrahlíð og þar var Ragnhildur á eðl-
isfræðibraut. „Stærðfræði og raungreinar hafa alltaf legið vel fyrir mér. Metnaðurinn
hefur líka drifið mig áfram en ég hef alltaf verið metnaðargjörn og gert kröfur til
sjálfrar mín,“ segir hún hreinskilnislega þegar við ræðum saman á heimili hennar
vestur í bæ. Það kemur fram að ekki er langt síðan hún festi kaup á þessari íbúð og
hefur hún verið að koma sér fyrir. Veggirnir eru málaðir hvítir, gegnheil eik er á gólf-
um og húsgögnin nútímaleg. Sjálf hreiðrar hún um sig í djúpum leðurstól.
Þeir sem þekkja Ragnhildi best segja að hún hafi ákveðnar skoðanir á hlutunum og
vilji oft hafa þá eftir eigin höfði. Strax sem ungabarn þurfti pelinn hennar alltaf að
liggja eins, ef ekki gaf hún vandlætingu sína til kynna með því að berja fætinum í
rúmið uns búið var að stilla pelanum rétt upp. Heimili hennar er lýsandi dæmi um
þennan eiginleika, þar ræður smekkvísi og allt er í röð og reglu og ekkert óþarfa dót.
RÁÐA Á Í STÖRF EFTIR HÆFILEIKUM
Ragnhildur Geirsdóttir, 32 ára, hefur á skömmum tíma komist í eina af æðstu stöðum Icelandair
L
jó
sm
yn
di
r:
G
ol
li
Eftir Hildi Einarsdóttur