Morgunblaðið - 30.11.2003, Síða 43
30.11.2003 | 43
Á dögunum hringdi til mín mað-ur einn sem sagði sínar farirekki sléttar. Hann kvaðst hafa
komist að því að hann væri ekki faðir
þriggja dætra sem honum og konu
hans höfðu fæðst í hjónabandi þeirra.
„Fyrst fékk ein dóttirin bakþanka
um að hún væri ekki rétt feðruð þegar
hún fór í læknisrannsókn. Þegar í ljós
kom að hún var ekki dóttir mín þá fóru
hinar dæturnar á stúfana og í ljós kom
að ég átti enga þeirra. Ég ætlaði ekki að
trúa mínum eigin eyrum, ég hafði talið
mig gæfusaman föður þriggja mynd-
arlegra dætra en var nú sviptur þeim,
ég vil að þú takir við mig viðtal, öðrum
mönnum sem víti til varnaðar, oftar en
menn vilja viðurkenna eru menn sagðir
feður að börnum sem þeir eiga svo
ekkert í.“
„Hafa stúlkurnar snúið við þér
baki?“
„Nei, þær segja að þetta breyti engu,
ég hafi alið þær upp og ég sé þannig
faðir þeirra,“ svaraði maðurinn.
„Þykir þér minna vænt um þær,“
spurði ég.
„Nei, auðvitað þykir mér enn alveg
eins vænt um þær allar. Samt er stað-
reyndin þessi. – Hvað myndir þú gera,
Guðrún, ef þú stæðir í svona sporum?“
„Mér finnst að þú ættir að láta kyrrt
liggja. Vissulega hefur konan komið illa
fram við þig og dæturnar. Gleymdu
ekki að hún hefur líka blekkt þær. Hins
vegar finnst mér ávinningur þinn við
að gera þetta viðkvæma mál heyrin-
kunnugt harla lítill miðað við það sem
þú þarft að gjalda fyrir það. Þú hefur
nú misst þá vissu að vera blóðfaðir
dætra þinna en þú hefur ekki misst ást
þeirra.“
„Nei, það hef ég sem betur fer ekki
gert og ég vil alls ekki gera neitt sem
gæti sært þær, það er konan sem ég vil
ná mér niðri á.“
„Konan þín fyrrverandi hefur vænt-
anlega þegar glatað nokkru af trausti
dætra sinna, það ætti að vera henni
næg refsing, ef hugsað er á þeim nót-
um. Þrátt fyrir allt þá ertu faðir stúlkn-
anna í þeim skilningi að þú hefur fóstr-
að þær og hafir þú gert það þannig að
þeim þykir vænt um um þig sem föður
þá munt þú uppskera í samræmi við
það. Ég myndi bíta á jaxlinn og láta
myllur Guðs sjá um konuna, þær mala
jú hægt en örugglega. Þitt lán er að eiga
þó þrjár fósturdætur sem láta sér annt
um þig, það er meira en margur á í
þessum heimi. Kannski væri ástæða til í
þínu tilviki að láta athuga með frjósem-
ina. Kannski hefur konan ekki getað
orðið ófrísk í sambandinu við þig og
gripið til þessa óyndisúrræðis. Það eru
yfirleitt til skýringar á öllu. Ef þessi
skýring væri hin rétta þá væri hún
væntanlega ekki eins sár fyrir þig. Eitt
er að kona leiti eftir að eignast barn
með öllum ráðum – annað að hún taki
sér ástmenn fyrir ástríðu sakir. Það er
skiljanlegt að fyrir geti komið ótrú-
skapur sem leiði af sér getnað barns
framhjá eiginmanni, en þrjú þannig
getin börn og ekkert getið af eigin-
manni leiðir til grunsemda um að eitt-
hvað sé eða hafi verið athugavert við
frjósemi eiginmannsins. Auðvitað af-
sakar slíkt ekki framferði kvenna sem
til slíkra ráða grípa en það gerir það
skiljanlegra, einkum þegar hugsað er til
þess að fyrr á árum voru ekki komin til
ráð eins og tæknifrjóvganir eða gjafa-
sæði.“
Álitamál
„Hinar dæturnar fóru á stúfana og í ljós kom að ég átti enga þeirra“
Guðrún
Guðlaugsdóttir
Stendur þú andspænis erfiðum aðstæðum? Guðrún Guðlaugsdóttir veltir upp möguleikum í stöðunni | gudrung@mbl.is
Dálítið undarleg en í alvörunni frábær blanda, sem verður að prófa.
Handa 4
1x1,5 kg lífrænn kjúklingur
salt og nýmalaður, svartur pipar
115 g smjör
ólífuolía
½ kanelstöng
1 hnefi ný salvía, bara blöðin
börkur af tveimur sítrónum
10 hvítlauksrif, óafhýdd
565 ml mjólk
Hitið ofninn í 190°C og takið fram pott, sem rétt passar utan um kjúklinginn.
Piprið hann og saltið rækilega og steikið hann í smjöri og ögn af ólífuolíu. Snúið
honum svo hann steikist jafnt og verði gullinn. Takið pottinn af hitanum, setjið
kjúklinginn á disk og hendið fitunni úr pottinum. Þá er eftir allt mögulegt gott í
botninum sem gefur gott karamellubragð á eftir. Setjið kjúklinginn aftur í pottinn
með afganginum af hráefnunum og látið sjóða í heitum ofninum í 1½ klukkustund.
Ausið vökvanum yfir þegar þið munið eftir því. Sítrónubörkurinn skilur sósuna,
sem gerir hana alveg frábæra. Berið kjúklinginn fram með því að skipta honum á
diskana og ausið ríkulega yfir af sósunni í pottinum. Berið fram með snöggsoðnu
spínati eða grænmeti og kartöflustöppu. Sæludagar með Jamie Oliver, PP-Forlag, 2003.
Kjúklingur í mjólk
Jamie Oliver