Morgunblaðið - 21.12.2003, Blaðsíða 11
H
vað er í þessum stóra pakka? er það sem hann er að hugleiða fyrir
prédikunina í Fríkirkjunni á aðfangadag. Ekki bókstaflega þeim
pakka sem er undir jólatrénu, heldur hinum, þessum sem við eig-
um öll og opnum stundum og stundum ekki. „Við erum upptekin
af umbúðum og yfirborði. En hvert er innihaldið? Hver er kjarn-
inn? Hverjar eru væntingar okkar til Guðs?“ segir hann. „Og kannski velti ég einnig
fyrir mér þessari bleiku sögu í Biblíunni af englum og fjárhirðum sem virðist eins og
fantasía eða óraunverulegt ævintýri. Er eitthvað á henni byggjandi?“
Og svarið er?
Hjörtur Magni Jóhannsson hlær. „Við þurfum ekki að taka Biblíuna bókstaflega.
Kjarni hennar er kærleikurinn, réttlætishugsjónin, umhyggjan fyrir þeim sem minna
mega sín og tengslin við almættið. Allt á það fullt erindi við okkur í dag, en hættan er að
við týnum þessu erindi í ytri umgjörðinni.“
Þegar ég spyr hann hvort erfitt sé að vera ævinlega jafn frjór og finna nýjar leiðir til að
leggja út af ritningunni svarar hann játandi. „Það getur verið viss glíma. En ég vil forðast
bókstafslestur á ritningunni. Ég lít á Biblíuna sem mjög dýnamíska bók, sem kallar á skap-
andi spennu og veldur skapandi spennu í huga þess sem les hana opnum augum. Henni
er hins vegar stundum stillt upp sem sjálfum Guði eða þá að hún er stofnunarvædd, negld
niður í trúarjátningum og úr henni tekið allt skapandi afl. Þetta hendir presta stundum.
Hér ræður miklu hvernig prestar meta hlutverk sitt. Ef okkar hlutverk er að segja það
sama aftur og aftur, ef við lítum á okkur sem fulltrúa statískrar stofnunar sem hefur það
hlutverk eitt að viðhalda sjálfri sér og ríkjandi ástandi, þá er hætt við að erfitt reynist að
finna nýjar hliðar á kjarnanum. En ef við lítum á okkur sem fólk á vegferð, á stöðugri
MAÐUR
MEÐAL
MANNA
Eftir Árna Þórarinsson
Ljósmyndir Kristinn Ingvarsson
Hjörtur Magni Jóhannsson Fríkirkjuprestur í Reykjavík vill
ekki hafa séra eða síra á undan nafninu sínu; í hans huga
eru allir menn prestar. Og gegn mismunun þjóðkirkju-
skipulagsins berst hann með oddi pennans og egg orðsins.
21.12.2003 | 11