Morgunblaðið - 21.12.2003, Blaðsíða 26

26 | 21.12.2003
T
il hamingju! „Þú hefur tekið stórt skref. Að flytja til nýs lands kostar
mikið hugrekki. En það býður líka upp á spennandi tækifæri og
nýtt upphaf. Ef þú tekur þér tíma til að læra hvers er að vænta – og
hvers er vænst af þér – mun það auka líkurnar á að vel gangi. Fyrsta
árið þitt á Íslandi verður bæði tilfinningaríkt og viðburðaríkt.“
Þessar hamingjuóskir er að finna á vef Alþjóðahússins en starfsemin þar byggist á
hugmyndafræðinni um fjölmenningarleg samfélög þar sem allir íbúar samfélagsins
geta notið þeirra kosta sem slík samfélög bera með sér. Nýr framkvæmdastjóri Al-
þjóðahúss var ráðinn í sumar: Einar Skúlason. Hann er með BA-próf í stjórn-
málafræði frá Háskóla Íslands og er að útskrifast þessa dagana með MBA-gráðu frá
Edinborgarháskóla.
Skemmtileg húsakynni
Alþjóðahúsið sem Einar stjórnar er einkahlutafélag í eigu Reykjavíkurdeildar
Rauða kross Íslands. Það var stofnað 2001, meðal annars í þeim tilgangi að stuðla að
virkum samskiptum milli fólks af ólíkum uppruna, en nýlega voru fjölbreytilegar
uppákomur þar sem 2 ára afmæli starfsemi Alþjóðahússins var fagnað.
Húsið stendur við Hverfisgötu og er númer 18. Það er hátt og skemmtilegt að sjá
og gluggar þess eru stórir og geta gestir á Café Kúlture verið sýnilegir og séð margt
sjálfir. Það er gott að húsið er svo sýnilegt og í miðbænum því þögnin og hulan eru
eitt sterkasta vopn kynþáttafordóma, þögn jafngildir stundum samþykki.
Einar Skúlason kemur í raun beinustu leið úr fjölmenningarlegu umhverfi því
FJÖLMENNING ER
ALMANNAHEILL
Farsæl aðlögun
innflytjenda að íslensku
samfélagi er hagsmunamál
allra, að mati Einars
Skúlasonar, framkvæmda-
stjóra Alþjóðahússins
L
jó
sm
yn
d:
G
ol
li
Eftir Gunnar Hersvein
samnemendur hans í Edinborgarháskóla voru frá fjörutíu löndum. „Í náminu var
mikið um hópastarf og þar fékk maður þjálfun í að vinna með ólíkum aðilum,“ segir
hann, „enda kom það í ljós að ekki veitti af, til dæmis þegar kom að hlutum sem
manni þykja alla jafna nokkuð einfaldir, eins og að skipuleggja fundi fólks úr ólíkum
menningarsamfélögum.“
Fundastjórn er mikil kúnst. Einar segir reyndar margs að gæta hvað fundi varðar.
Hann segir að á Íslandi teljist það góður fundur ef dagskrá hans gengur nokkuð
snurðulaust fyrir sig, svo er spjallað eftir fundinn. Í Japan er það þekkt að ákvarðanir
eru teknar á milli funda og í Venesúela eru málin rædd í hörgul með vínglas í hendi.
„Af þessu lærði ég að ekkert er sjálfgefið á fundum eða í vinnuhópum,“ segir Einar
og bætir því við að Alþjóðahúsið sé fjölmenningarlegur vinnustaður sem kunni skil á
nokkrum aðferðum.
„Fjölmenningarleg stjórnun er heil fræðigrein og felst meðal annars í því að taka
tillit til starfsmanna sem einstaklinga í stað þess að steypa þá alla í sama mót,“ segir
hann.
Straumar mætast
Einar byrjaði í fullu starfi í Alþjóðahúsinu í september eftir að hafa lokið námi í
Edinborg. Lokaritgerðin var um skilgreiningar á árangri í stjórnun vísindagarða og
hvernig hægt sé að meta hann. Fjallaði hann um enn óbyggða vísindagarða í Vatns-
mýrinni sem ætlað er að verða brú milli atvinnulífs og háskólarannsókna.
Verkefni hans í Alþjóðahúsinu eru fjölþætt, m.a. að koma starfseminni í rekstrar-