Morgunblaðið - 31.07.2004, Blaðsíða 4
FRÉTTIR
4 LAUGARDAGUR 31. JÚLÍ 2004 MORGUNBLAÐIÐ
- SPENNANDI VALKOSTUR
Stangarhyl 3, 110 Reykjavík, sími 591 9000
www.terranova.is
Akureyri, sími 461 1099
Septembersól í Salou
8.000 kr.
afsláttur á mann
Salou er einn fallegasti strandbærinn í Suður-Katalóníu héraði á
Spáni, einungis um 100 km frá Barcelona. Frábær dvalarstaður fyrir
fjölskyldur og fólk á öllum aldri. Í Salou er Port Aventura, glæsileg-
asti skemmtigarður Spánar,
gott úrval veitingastaða, fjöl-
breytt næturlíf og rúmlega
kílómeterslöng aðgrunn, gullin
strönd.
Allt að 40.000 króna afsláttur fyrir fjölskylduna.
8.000 króna afsláttur á mann.
Afslátturinn gildir í
pakkaferðir með gistingu
á eftirtöldum hótelum:
• Novelty
• Larimar
• Apartamentos California
„VIÐ ætlum að byrja á því að fara
í Húnavatnssýsluna og svo er
stefnan á sólina á Akureyri,“ sagði
Þóra Kristinsdóttir þar sem hún
var að leggja í hann í gær með
dætrum sínum Helgu Dagnýju og
Ólöfu Margréti Arnarsdætrum og
vinkonu þeirra Hjördísi Eyþórs-
dóttur. Þóra sagði að spáin hefði
ráðið því hvert þær ákváðu að fara
og sagðist fullviss um að sólin yrði
fyrir norðan. „Við ætluðum í sum-
arbústað, en við nennum ekki að
hanga þar í rigningu þannig að við
ætlum bara að fara í sólina,“ segir
hún.
Þóra segir að þær ætli að kíkja á
fjölskylduhátíðina „Eina með öllu“
á Akureyri og heimsækja frænd-
fólk í leiðinni. „Við höfum aldrei
farið á útihátíð, við höfum alltaf
bara farið eitthvað svona rólegt um
verslunarmannahelgina, en ætlum
að gera það fyrir unglinginn núna
að kíkja svona aðeins,“ sagði Þóra.
Stelpurnar sögðu að sér litist vel
á að fara norður. Þær höfðu ekki
skoðað hvað verður í boði á hátíð-
inni, en voru þess fullvissar að þær
myndu skemmta sér vel. „Það þýð-
ir ekkert að fara út á land og láta
sér leiðast. Maður verður að finna
sér eitthvað skemmtilegt. Það er
alls staðar gaman ef maður ætlar
að hafa gaman,“ sagði Þóra.
Hlakka til að
heimsækja Eyjamenn
Vinkonurnar Berglind Guð-
mundsdóttir, Áslaug Heiða Gunn-
arsdóttir og Hildur Droplaug Páls-
dóttir voru á leiðinni að Bakka, en
þaðan ætluðu þær að fljúga til
Vestmannaeyja í gærkvöldi. Ár er
síðan þær ákváðu að fara á þjóðhá-
tíð í Vestmannaeyjum, þar sem
þær telja að aðalstuðið verði í Eyj-
um, og eins hafa þær gistingu í
heimahúsi og þurfa því ekki að
gista í tjaldi.
Þær hafa aldrei áður farið á
þjóðhátíð en hafa farið á útihátíð, á
Eldborg og Halló Akureyri. Þær
sögðust hlakka mest til flug-
eldasýningarinnar, brekkusöngsins
og að heimsækja heimamenn í
hvítu tjöldin í Herjólfsdal. Þær
höfðu ekki teljandi áhyggjur af
veðrinu, enda færar í flestan sjó og
vel birgar af regnfatnaði.
Vel birg af spilum og bókum
Hörður Már Harðarson, Guð-
finna Aradóttir og synir þeirra
Hlynur og Birkir voru á leiðinni á
Laugarvatn, þar sem þau ætla að
dvelja í sumarbústað. „Við ætlum
að fara í sund, golf og gönguferðir
og svona ýmislegt,“ sagði Hörður
Már.
Hann átti ekkert frekar von á
því að veðrið yrði gott. „Við erum
inni í húsi, þannig að það skiptir
ekki öllu. Það er búið að liggja nóg
í tjaldi í sumar,“ sagði Hörður.
Hann sagði að fjölskyldan væri vel
birg af spilum, bókum og dóti sem
hægt væri að dunda sér við inni við
ef veður væri leiðinlegt, þannig að
ekki mun væsa um þau þótt rigni.
Margir á faraldsfæti um verslunarmannahelgina – straumurinn virðist liggja norður
Hjördís Eyþórsdóttir, systurnar Helga Dagný og Ólöf Margrét Arnars-
dætur og Þóra Kristinsdóttir ætluðu í sólina á Akureyri.
Hörður Már, Guðfinna og synirnir Birkir og Hlynur ætluðu í sumarbústað á
Laugarvatni og höfðu ekki teljandi áhyggjur af veðrinu.
Morgunblaðið/Jim Smart
Berglind, Áslaug Heiða og Hildur Droplaug ákváðu fyrir ári að fara á
Þjóðhátíð í Vestmannaeyjum. Þær höfðu nóg af regnfötum í farteskinu.
„Alls staðar gaman ef
maður ætlar að hafa gaman“
ÞÓTT verslunarmannahelgin sé ein
mesta ferðahelgi ársins kjósa
margir heldur að vera heima og
taka það rólega þessa frídaga. Þeir
sem kjósa að dvelja á höfuðborg-
arsvæðinu geta þó komist í útihá-
tíðarstemmningu á tónlistarhátíð-
inni „Innipúkanum“ í Iðnó, þar sem
ýmsir tónlistarmenn koma fram.
Eins verður boðið upp á skemmti-
dagskrá í Fjölskyldu- og hús-
dýragarðinum um helgina og er
ókeypis þangað inn á frídegi versl-
unarmanna.
„Ég ætla að vera heima. Ég er að
fara í ferðalag á miðvikudag eftir
helgi, til Spánar í þrjár vikur,“
sagði Anna Sigrún Ingimarsdóttir,
sem var í gær að leita að mynd-
bandsspólu fyrir helgina.
„Ég ætla líklega bara að vera
heima, gera ekki neitt, slaka á og
safna orku.“ Anna Sigrún segist yf-
irleitt ekki fara úr bænum um
verslunarmannahelgina. „Ég er
ekki útilegumanneskja,“ segir hún
og bætir við að nánast allar vinkon-
ur sínar verði í bænum yfir helgina.
Anna Sigrún segist þó kannski
munu lyfta sér eitthvað upp um
helgina, kíkja t.d. á Stuðmenn í
Fjölskyldugarðinum í dag.
„Ég er ekki
útilegu-
manneskja“
Anna Sigrún var að leita að góðri
spólu til að horfa á um helgina.
„ÞAÐ er alveg ljóst að það stefnir í
mikið metár hérna á Akureyri. Ég
held að elstu menn muni ekki annan
eins fjölda á tjaldstæðunum,“ segir
Bragi V. Bergmann, fram-
kvæmdastjóri „Einnar með öllu“,
fjölskylduhátíðarinnar á Akureyri.
„Á tjaldstæðunum eru a.m.k. helm-
ingi fleiri en á sama tíma í fyrra.
Straumurinn er búinn að vera
nokkuð stöðugur og er að þéttast,“
sagði hann í gærkvöld.
Bragi sagði að verið væri að slá
bletti á tjaldstæðum í nágrenni við
Akureyri, svo hægt yrði að taka á
móti öllum. Í gærkvöld taldi hann
að um 3.000 manns væru komin á
tjaldstæðin. „Það er eins konar
náttúrulegt járntjald við Stað-
arskála. Fólk keyrir í rigningu og
drullu og fer síðan inn um „gullna
hliðið“. Sunnlendingar eiga alla
mína samúð,“ sagði Bragi.
Þjóðhátíð var sett í gær í ágætu
veðri, þvert á veðurspá. Í gær-
kvöldi var kvöldvaka og brenna á
Fjósakletti. „Við getum vel við unað
því auðvitað var maður kominn
með nettan sting á fimmtudaginn
þegar ekki gaf til flugs,“ sagði Páll
Scheving, framkvæmdastjóri ÍBV, í
gær. „Það er ekki ennþá hægt að
segja til um aðsókn, en nú horfir
maður með bjartsýni til helg-
arinnar. Það er allt fullt með Herj-
ólfi og flugið ætlar að skila sínu.“
Um 2.000 manns voru komin inn
á mótssvæðið í Galtalæk í gær-
kvöld, að sögn Sigrúnar Gunn-
arsdóttur mótsstjóra. „Hér er kom-
ið þetta fína veður núna seinni
partinn og fólk að tínast inn á svæð-
ið,“ sagði hún.
Jóhann Þorsteinn Þórðarson,
mótsstjóri Neistaflugs í Neskaup-
stað, segir að stemningin sé góð.
„Það fjölgar jafnt og þétt núna. Það
hefur fjölgað þónokkuð á tjald-
svæðinu og í heimahúsum.“
Stefnir í metár á Akureyri
Morgunblaðið/Sigurgeir Jónasson
Hvít tjöld heimamanna voru farin að rísa í Herjólfsdal í gær.
Morgunblaðið/Margrét Þóra
Fjölmenni var á Ráðhústorginu í gærkvöld, þegar hátíðin var sett.