Morgunblaðið - 31.07.2004, Síða 41
DAGBÓK
MORGUNBLAÐIÐ LAUGARDAGUR 31. JÚLÍ 2004 41
Óviðeigandi auglýsingar SS?
ÉG ER hættur að skilja Íslendinga.
Sláturfélag Suðurlands auglýsir nú
með SS sérsveitunum. Er ekki allt í
lagi með auglýsingamálin á þessum
bænum, hvað þá að enginn geri at-
hugasemdir við þetta? Ég fullyrði að
svona lagað myndi hvergi líðast ann-
ars staðar. Að bendla sig við ein-
hvern ógeðslegasta kafla mannkyns-
sögunnar. Það er alveg á hreinu að
ég mun ekki kaupa vörur frá SS fyrr
en þeir biðjast afsökunar og hvet ég
aðra til þess að gera það sama.
Með von um að geta keypt vörur
frá SS aftur.
Hneykslaður neytandi.
171284-3339.
Svar frá Strætó bs.
JÓNÍNA Helgadóttir, Álfheimum
28, skrifaði hinn 29. júlí í Velvakanda
um strætisvagnakerfið. Greinin
hefst á þessum orðum: „Stræt-
isvagnarnir hætta í haust að keyra
um hálfan bæinn.“
Nú stendur yfir heildarend-
urskoðun leiðakerfis Strætó bs., og
er gert ráð fyrir að nýtt leiðakerfi
taki gildi síðla hausts. Strætó bs. var
stofnað árið 2001 af sveitarfélögum á
höfuðborgarsvæðinu, og var þegar í
upphafi ákveðið að ráðast í end-
urskipulagningu leiðakerfisins.
Byggðasamlaginu er þannig ætlað
að sinna almenningssamgöngum á
öllu höfuðborgarsvæðinu með sam-
ræmdu leiðakerfi og gjaldskrá.
Nú hillir senn undir lok þessa um-
fangsmikla verkefnis. Tillagan hefur
verið kynnt rækilega undanfarna
mánuði, bæði með opnum fundum í
hverfum borgarinnar og nágranna-
sveitarfélögum, á vefsíðum strætó
o.s.frv. Í þessu kynningar- og sam-
ráðsferli hafa komið fram marg-
víslegar gagnlegar og nytsamlegar
ábendingar, sem svo sannarlega hef-
ur verið reynt að taka tillit til.
Þegar tillagan að nýju leiðakerfi
er borin saman við núverandi leiða-
kerfi kemur í ljós að ferðatíminn
styttist, og skiptingum fækkar. Í
einhverjum tilvikum kemur þetta
fram í auknum gönguvegalengdum.
Mikilvægt er þó að gera sér grein
fyrir því, að allar gönguvegalengdir
eru innan þeirra viðmiðunarmarka
sem kynnt hafa verið, og samþykkt
að skuli gilda við hönnun leiðakerf-
isins. Þjónustan mun einnig gjör-
breytast með tilkomu nýrra hrað-
leiða, s.k. stofnleiða, en þær eru sex
talsins og munu aka á 10 mínútna
fresti á álagstímum á virkum dög-
um. Þessar leiðir hafa það hlutverk
að koma íbúum fjölmennustu og
þéttbýlustu hverfanna á fljótan og
skilvirkan hátt til og frá fjölmenn-
ustu atvinnu- og þjónustusvæð-
unum.
Við hjá Strætó bs. höfum þá
reynslu eftir að hafa hitt íbúa höf-
uðborgarsvæðisins á kynningar- og
samráðsfundunum, að þegar við-
komandi hafa fengið svör við spurn-
ingum sínum og útskýringu á því
hvernig leiðakerfið er uppbyggt,
hafa þeir nánast undantekningalaust
lýst yfir ánægju sinni með hið nýja
kerfi, og gera sér grein fyrir því að
með tilkomu þess muni þjónusta al-
menningsvagna stórbatna.
Bestu kveðjur frá Strætó bs.,
Ásgeir Eiríksson, framkvæmdastjóri
H-búðin í Garðabæ
MIG vantar upplýsingar um hver
rak H-búðina sem var í Garða-
bænum fyrir um fjórum árum. Síma-
númerið er 865 3668.
Læða á vergangi í Ölfusi
ÞRÍLIT hálfstálpuð læða fannst í
Hjarðarbóli í Ölfusi. Mjög gæf og
falleg.
Upplýsingar í síma 567 4203 ef
einhver hefur áhuga á að taka hana,
þar sem líklegt virðist að einhver
hafi losað sig við hana.
Greinilegt er að um heimiliskött
er að ræða.
Velvakandi
Svarað í síma 5691100 frá 10–12
og 13–15 | velvakandi@mbl.is
Um helgina verður boðið upp á fjölbreyttadagskrá í Árbæjarsafni fyrir þá semætla að njóta þess sem Reykjavík býð-ur upp á þessa mestu ferðahelgi ársins,
að sögn Gerðar Róbertsdóttur deildarstjóra sýn-
inga- og fræðsludeildar safnsins.
Hvers vegna hvetur þú fólk til að líta inn í Ár-
bæjarsafn um helgina?
„Hér í safninu er svolítið annar taktur, ró og
friður, því Árbæjarsafn er hálfgerð sveit í borg.
Hérna getur fólk losnað undan stressi, rölt um og
börnin leikið sér. Við erum einnig með nestisbekki,
þannig að fólk getur komið með nesti ef það kýs
það. Við reynum að búa til þannig umhverfi að öll
fjölskyldan geti átt ánægjulega samverustund, og
oft eru afar og ömmur í för með fjölskyldunum.
Þannig verður oft til skemmtilegt spjall milli kyn-
slóða meðan fólk röltir milli húsanna og kynnist lið-
inni tíð. Það er ákaflega gaman að verða vitni að
því.“
Hvernig hljóðar dagskráin?
„Laugardagurinn 31. júlí er helgaður börnum.
Þá er skipulögð leikjadagskrá sem hefst kl. 14 en
einnig er teymt undir börnum milli kl. 13 og15.
Grænmetismarkaður verður í gangi og einnig eru
handsaumuð dúkkuföt til sölu sem og útsaumaðir
vettlingar. Í Árbæ verða saumaðir roðskór og
mjaltir eru kl. 16.30.
Sunnudagurinn 1. ágúst ber hjá okkur yfirskrift-
ina Pósturinn kemur. Þá fer póstlest um svæðið og
gestir fylgjast með póstinum færa íbúum gömlu
húsanna bréf. Húsfreyjan í Árbænum býður póst-
inum, ferðalöngum og öðrum gestum upp á nýbak-
aðar lummur og handverksfólk saumar roðskó og
spinnur.
Mánudagurinn 2. ágúst, frídagur versl-
unarmanna, er tileinkaður leikjum og leikföngum
fyrrum. Þá er sérstök barna- og fjölskyldudagskrá,
ratleikur verður í boði, farið verður í gamla og góða
hópleiki og leikið með leggi og skeljar, stultur,
húlahringi, sippubönd og fleira. Hestvagn verður á
ferð um safnsvæðið og hressir krakkar geta tekið
þátt í kappakstri á kassabílum. Leiðsögumenn
kenna börnum að nota Völuna og fræða börn og
fullorðna um leikföng og leiki fyrrum, eins og að
stökkva yfir sauðarlegg og að reisa horgemling.
Einnig er vert að minna á skepnurnar í safninu,
hér er að finna kýr og kálf, hesta og folald, kindur
og lömb. Mjaltir eru kl. 16:30 alla daga og þá gefst
gestum kostur á að smakka spenvolga mjólk.
Teymt er undir börnum frá kl. 13 - 15 við Árbæinn
laugardag, sunnudag og mánudag. Í Dillonshúsi
eru auk þess ljúffengar veitingar í boði alla
helgina, auk þess sem sýning um 6. áratuginn og
þjóðbúningasýning standa nú yfir í safninu.“
Söfn | Árbæjarsafn með þjóðlega skemmtidagskrá um helgina
Spenvolg mjólk smökkuð
Gerður Róbertsdóttir
er fædd á Akureyri árið
1961. Hún lauk stúd-
entsprófi frá Mennta-
skólanum á Akureyri,
BA-prófi í sagnfræði frá
Háskóla Íslands og upp-
eldis- og kennslufræði
frá sama skóla. Gerður
stundaði einnig nám í
listasögu við Kaup-
mannahafnarháskóla.
Gerður starfaði við kennslu í Árbæjarskóla en
hefur unnið í Árbæjarsafni undanfarin sjö ár,
fyrst sem safnkennari en nú sem deildarstjóri
sýninga- og fræðsludeildar.
1. e4 e5 2. Rf3 Rc6 3. d4 exd4 4. Rxd4
Df6 5. Be3 Bc5 6. c3 Dg6 7. De2 Rxd4
8. cxd4 Bb4+ 9. Bd2 Bxd2+ 10. Rxd2
Re7 11. g3 O-O 12. Bg2 d5 13. exd5
Bg4 14. Dc4 b5 15. Dc3 Had8 16. O-O
Rxd5 17. Dc5 Db6 18. Hac1 Be6 19.
Rf3 f6 20. Hfe1 Bf7 21. a3 Hd7 22.
Rd2 Dxc5 23. Hxc5 a6 24. Bh3 Hd6
25. Re4 He8 26. Hcc1 Hb6 27. Rc5
Hxe1+ 28. Hxe1 a5 29. Bg2 a4 30. f4
Hd6 31. Rb7 Hd7 32. Rc5 Hd6 33.
Rb7 Hd7 34. Bh3 He7 35. Hxe7 Rxe7
36. Bd7 Bd5 37. Ra5 c6 38. Kf2 Kf7
39. Ke3 g6 40. Kd3 Bg2 41. Kc3 Rd5+
42. Kd2 Re7 43. Kc3 Rd5+ 44. Kd2
Re7
Staðan kom upp á sænska meist-
aramótinu en annar sigurvegari þess
varð Emanuel Berg (2510) sem hafði
hvítt í stöðunni gegn Tom Wedberg
(2533). 45. d5! Glæsileg peðsfórn þar
sem með því tekst hvíta kónginum að
nýta sér veilurnar á svörtu reitunum.
45...Bxd5 46. Kc3 c5 að öðrum kosti
hefði hvítur leikið Kc3-d4-c5 og unnið.
47. Bxb5 Ke6 48. Bxa4 g5 49. fxg5
fxg5 50. Rc4 h5 51. Re3 Bf3 52. Kc4
Kd6 53. Bd1 Bxd1 54. Rxd1 Rf5 55.
Kb5 Kd5 56. Rc3+ Kd4 57. a4 Rd6+
58. Kc6 Rc4 59. Re2+ Ke3 60. Kxc5
Rxb2 61. a5 Rd3+ 62. Kb5 Kxe2 63.
a6 og svartur gafst upp.
SKÁK
Helgi Áss Grétarsson | dagbok@mbl.is
Hvítur á leik.
Í HEYDALAKIRKJU í Breiðdal
verða sungin lög úr íslenskum
kirkjusöngbókum kl. 16 í dag.
Sungin verða lög úr íslenskum
kirkjusöngbókum, allt frá 16. öld til
dagsins í dag, við texta séra Einars
Sigurðssonar prests í Heydölum.
Flytjendur eru Anna Jónsdóttir
sópran, Jóhanna Ósk Valsdóttir alt,
Garðar Guðnason bassi og Bjartur
Logi Guðnason tenór en hann leik-
ur einnig á orgel á tónleikunum.
Séra Einar er best þekktur í dag
fyrir jólasálminn kunna Nóttin var
sú ágæt ein, en hann er jafnframt
eini sálmurinn eftir Einar í sálma-
bókinni. Eftir séra Einar liggja
fleiri kvæði en nokkurn annan
mann honum samtíða eða eldri.
Hann gegnir þannig viðamiklu
hlutverki í hinni opinberu sálma-
sögu Íslendinga og í Vísnabókinni
1612 er hann leiddur fram sem
fyrsta íslenska sálmaskáldið.
Auk flutnings tónlistarmannanna
mun Kári Bjarnason, starfsmaður
handritadeildar Landsbókasafns,
kynna líf og störf séra Einars.
Tónleikar til heiðurs sr. Einari í Heydölum
SÍÐASTA tónleikahelgi Sum-
artónleika í Skálholti að þessu sinni
gengur nú í garð. Dagskráin hefst
á fyrirlestri í Skálholtsskóla kl. 14 í
dag. Helga Ingólfsdóttir, listrænn
stjórnandi Sumartónleikanna frá
upphafi, flytur minningabrot úr
þrjátíu ára sögu Sumartónleika í
Skálholtskirkju. Bachsveitin í Skál-
holti flytur ítalska strengjatónlist
frá 17. öld kl. 14 undir stjórn Jaap
Schröder. Skálholtskvartettinn flyt-
ur strengjakvartetta eftir L. Bocc-
herini og J. Haydn kl. 17. Kvart-
ettinn skipa þau Jaap Schröder og
Rut Ingólfsdóttir fiðluleikarar,
Svava Bernharðsdóttir víóluleikari
og Sigurður Halldórsson selló-
leikari. Aukatónleikar verða kl. 21
með tenórnum Eyjólfi Eyjólfssyni.
Flutt verða íslensk og erlend söng-
verk frá barokktíma ásamt Hildi-
gunni Halldórsdóttur fiðluleikara
og Arngeiri Heiðari Haukssyni á
teorbu (bassalútu).
Á sunnudag verða tónleikar Eyj-
ólfs endurteknir kl. 15. Kl. 17 verð-
ur messa með þátttöku Eyjólfs og
hljóðfæraleikara. Þá verða tón-
leikar Bachsveitarinnar frá laug-
ardegi endurteknir kl. 15 á mánu-
dag.
Morgunblaðið/Jim Smart
Bachsveitin í Skálholti.
Síðasta tónleika-
helgi gengur í garð