Morgunblaðið - 01.09.2004, Blaðsíða 22
MINNSTAÐUR
22 MIÐVIKUDAGUR 1. SEPTEMBER 2004 MORGUNBLAÐIÐ
AKUREYRI
UMFERÐARSKILTI sem sett voru
upp í nágrenni Lundarskóla á dög-
unum hafa verið eyðilögð. Máln-
ingu var sprautað yfir skilti sem
staðsett var við Skógarlund og
skilti við Þingvallastræti neðan
Hrísalundar var brotið. Fjölmörg
skilti, þar sem á stóð Skólinn er
byrjaður, voru sett upp við grunn-
skóla bæjarins á dögunum, til að
minna vegfarendur á að sýna
fyllstu varúð í umferðinni. Gunnþór
Hákonarson yfirverkstjóri gatna-
mála hjá Akureyrarbæ sagði að
þessi skemmdarverk sýndu mikið
virðingarleysi gagnvart eigum bæj-
arins og ekki síður gagnvart börn-
unum.
En það er ekki aðeins að skilti
séu eyðilögð, því á hverju ári er
skiltum af ýmsum stærðum og
gerðum stolið, eins og fram hefur
komið í Morgunblaðinu. Ástandið
var orðið svo slæmt í sumar að
fyrirtæki og stofnanir sem nota um-
ferðarskilti og skilti við vinnu-
svæði, sáu ástæðu til að auglýsa í
staðarmiðli á Akureyri, þar sem
fólk var hvatt til þess að koma
ábendingum til lögreglu eða þeirra
sjálfra, ef það vissi af skiltum þar
sem þau ættu ekki að vera. Enn sem
komið er hefur hins vegar lítið
komið út úr auglýsingunni.
Morgunblaðið/Kristján
Skemmdarverk: Arnaldur Snorrason, starfsmaður Framkvæmdamið-
stöðvar Akureyrarbæjar, við brotið umferðarskilti og annað sem hafði
verið sprautað yfir með málningu.
Umferð-
arskilti
eyðilögð
Grindavík | Sjómannastofan Vör er
liðin undir lok og Veitingahúsið
Brim er komið í þess stað. Jóhanna
Jóhannesdóttir og Þórarinn Sig-
valdason hafa tekið við staðnum.
Veitingastaðurinn fór í hálf-
gerðan slipp því allt var hreinsað út
úr eldhúsinu og nýtt sett í þess stað
auk þess sem allur staðurinn fékk
andlitslyftingu.
Þórarinn segir að mötuneyti
verði í hádeginu og einnig matseð-
ill.
„Á kvöldin breytumst við síðan í
flottan matsölustað með góðum mat
og fjölbreyttum,“ segir Þórarinn.
Gunnar Sigvaldason er mat-
reiðslumeistari staðarins.
„Opnunarkvöldið var mjög gott
og ekki annað að sjá á gestum en að
þeir væru hæstánægðir með matinn
og þjónustuna,“ segir Þórarinn.
Morgunblaðið/Garðar Páll Vignisson
Nýr staður: Jóhanna Jóhannesdóttir og Þórarinn Sigvaldason hafa opnað
veitingastaðinn Brim þar sem Sjómannastofan Vör var til húsa.
Nýr veitingastaður
á gömlum grunni
SUÐURNES
Innri-Njarðvík | Lifandi lestur er
heiti á þróunarverkefni sem leik-
skólinn Holt í Reykjanesbæ er að
fara af stað með. Leikskólinn fékk
styrk úr þróunarsjóði leikskóla til
verkefnisins, auk þess sem foreldra-
félag skólans styrkir það með bóka-
gjöfum. „Markmið þessa verkefnis
er þríþætt. Í fyrsta lagi er að kynna
börnum bókmenntir, en verkefnið er
unnið út frá einni bók sem börnin fá
til eignar, í öðru lagi eflir verkefnið
foreldrasamstarf og í þriðja lagi er
um markvissa málörvun að ræða,“
sagði Anna Sofia Wahlström, verk-
efnisstjóri Lifandi lesturs, í samtali
við Morgunblaðið.
Verkefnið Lestrarmenning í
Reykjanesbæ hófst á vormánuðum
2003 og strax um haustið hófst verk-
efni í leikskólanum Holti þar sem
bókin var í brennidepli. Að sögn
Kristínar Helgadóttur leik-
skólastjóra var um að ræða forvinnu
þróunarverkefnisins Lifandi lestur.
„Við reyndum þetta verkefni á
tveimur elstu árgöngunum síðastlið-
inn vetur og notuðum söguna um
Gilitrutt. Foreldrafélag leikskólans
gaf börnunum eitt eintak af bókinni
til eignar og við báðum foreldra
þeirra að skoða hana með þeim
heima, t.d. eina blaðsíðu eða opnu og
ræða um innihaldið. Þannig urðu
foreldrar virkir og meðvitaðir um
hvað átti sér stað í leikskólanum og
heimilið varð vettvangur fyrir barn-
ið að ræða og dýpka þekkingu sína á
viðfangsefninu. Í leikskólanum var
síðan haldið áfram með þær umræð-
ur og unnið úr spurningum
barnanna og það sama verður gert
nú,“ sagði Kristín í samtali við blaða-
mann.
Anna Sofia Wahlström verkefn-
isstjóri sagði að unnið væri út frá
hugmyndafræði könnunaraðferðar
sem skiptist í þrjú stig. „Það fyrsta
er að finna út hversu mikið börnin
vita um viðfangsefnið, síðan er að
rannsaka viðfangsefnið í raun með
athugunum, tilraunum, umræðum,
lestri, vettvangsferðum og heim-
sóknum og að endingu að koma
vinnunni á framfæri við aðra,“ sagði
Anna Sofia.
Sauðkindin er rannsökuð
sérstaklega
Hún nefndi sem dæmi söguna af
Gilitrutt þar sem sauðkindin var sér-
staklega rannsökuð með könnunar-
aðferðinni. Rætt var um líkamshluta
sauðkindarinnar, farið í verslun og
athugað hvað væri á boðstólum mat-
arkyns úr sauðkindinni og það rann-
sakað og borðað eftir matreiðslu.
Börnin fengu að kynnast ullinni og
fengu sjálf að meðhöndla hana, auk
þess sem eitt foreldri gaf gæru af
nýslátruðu, sem rannsökuð var
gaumgæfilega og hún síðan send í
sútun. Þá voru tröll einnig sér-
staklega tekin fyrir.
Að sögn Kristínar og Önnu Sofiu
er þetta verkefnið komið til að vera í
leikskólanum. „Við munum notast
við bókmenntir meðan lestrarmenn-
ingarverkefnið er í gangi, en þetta er
í raun hægt að framkvæma með einu
afmörkuðu viðfangsefni. Kannski
eigum við alltaf eftir að nota bók-
menntir, það á bara eftir að koma í
ljós.“
Verkefnið var kynnt á foreldra-
fundi sl. mánudag og því formlega
hrundið í framkvæmd þennan vet-
urinn. Foreldrum gafst kostur á að
kynna sér þær bækur sem starfs-
menn verkefnisins höfðu forvalið og
taka þátt í vali á einni ákveðinni bók
fyrir hvern árgang, en öll 3–6 ára
börn á leikskólanum munu taka þátt
í því.
Lesið um Gilitrutt
Morgunblaðið/Svanhildur Eiríksdóttir
Verkefni: Lifandi lestur er hafinn á leikskólanum Holti. Hér eru Kristín
Helgadóttir leikskólastjóri og Anna Sofie verkefnisstjóri í bókakróknum.
ALLS voru 34 á biðlista eftir hjúkr-
unar- eða þjónusturými á Akureyri
um síðastliðin mánaðamót að því er
fram kemur í yfirliti sem lagt var
fram á fundi félagsmálaráðs nýlega.
Fram kemur í yfirlitinu að af þess-
um 34 einstaklingum séu 6 nú þeg-
ar í þjónusturými og 7 teppa rými á
Fjórðungssjúkrahúsinu á Akureyri
eða Kristnesi. Heldur hefur fækkað
á biðlistanum, en um áramótin síð-
ustu voru 42 á biðlista eftir rými.
Á fundinum var einnig rætt um
viðbyggingu við Dvalarheimilið
Hlíð og kom fram að hönnun bygg-
ingarinnar er ekki lokið. Jarðvegs-
skipti vegna bílastæða og fleira
hafa hins vegar verið boðin út og
gert ráð fyrir að framkvæmdir
hefjist fljótlega.
Viðbyggingin við Hlíð er ætluð
fyrir 60 hjúkrunarrými og stoðrými
vegna þeirra, en byggingin verður
um 3.600 fermetrar að stærð. Fyrr
á árinu var tilboði frá VST og Arki-
tektur.is í hönnun byggingarinnar
tekið og á henni að vera lokið nú í
september næstkomandi.
Samningar náðust við ríkið um
viðbygginguna við Hlíð vorið 2003,
en til að flýta fyrir samningagerð-
inni buðust heimamenn til að greiða
30% af kostnaði í stað 15% eins og
venja er. Tafir hafa orðið á því að
framkvæmdir hefjist og til að mæta
bráðum vanda voru endurbætur
gerðar á Skjaldarvík í Hörgár-
byggð þar sem eitt sinn var rekið
dvalarheimili fyrir aldraða. Það var
tekið í notkun í apríl í vor og þar er
rými fyrir 15 manns. Heimilið í
Skjaldarvík verður rekið til bráða-
birgða í tvö ár, en stefnt er að því
að opna nýja viðbyggingu við Hlíð
vorið 2006.
34 bíða eftir hjúkrunarrými
Sænsku konungs-
hjónin í heimsókn
SÆNSKU konungshjónin og krón-
prinsessan koma til Akureyrar í
næstu viku, fimmtudaginn 9. sept-
ember. Þau verða í fylgd með forseta
Íslands og fylgdarliði.
Í tilefni af heimsókninni heldur ut-
anríkisráðherra Svía, frú Laila Frei-
valds, fyrirlestur í Oddfellowhúsinu
sem nefnist „Swedish Arctic Policy“.
Fyrirlesturinn er hluti af árlegum
minningarfyrirlestri Vilhjálms Stef-
ánssonar sem að þessu sinni er tví-
skiptur. Í síðari hlutanum flytur
Sverker Sörlin erindið „The Humar
Arctic: Stefansson, Ahlmann, and
the Quest for an Arctic within
History“. Prófessor Ahlman var
þekktur sænskur landfræðingur og
jöklafræðingur sem m.a. stundaði
rannsóknir á Vatnajökli með Jóni
Eyþórssyni og Sigurði Þórarinssyni.
Fyrirlesturinn hefst klukkan 11 og
er öllum opinn meðan húsrúm leyfir.
Konungshjónin og krónprinsessan
lenda um morguninn á Akureyrar-
flugvelli ásamt forsetahjónunum þar
sem skólabörn munu taka á móti
þeim ásamt bæjarstjóra. Þau staldra
ekki lengi við, því síðdegis verður
haldið í Mývatnssveit.
NORÐURORKA hefur tekið upp á
þeirri nýbreytni að leigja lista-
verk, hengja þau upp á veggjum í
húsakynnum fyrirtækisins og
bjóða gestum og gangandi að
skoða.
Franz Árnason forstjóri Norð-
urorku sagði að ætlunin væri að
sýna verk eftir listamenn búsetta
á Akureyri og taka þannig þátt í
að kynna list þeirra. „Við leigjum
verkin í tiltekinn tíma, minnst þrjá
mánuði,“ sagði Franz, en nú hafa
fyrstu verkin verið hengd upp hjá
Norðurorku. Þau eru eftir Jónas
Viðar, tvö verk, bæði úr seríu sem
hann nefnir Myndir af Íslandi.
Annað af Skógarfossi og hitt Eyja-
firði, frá nokkuð óvenjulegu sjón-
arhorni, 2.800 feta hæð yfir
Grímsey og inn fjörðinn. Þetta eru
akrílmálverk, unnin með aðferð
sem listamaðurinn hefur þróað.
„Það er að mínu mati afar jákvætt
að fyrirtæki sjái sér fært að styðja
við bakið á listamönnum með þess-
um hætti,“ sagði Jónas Viðar. „Ég
er þakklátur.“
Norðurorka
kynnir
listamenn
Morgunblaðið/Kristján
Jónas Viðar sýnir verk sín í hús-
næði Norðurorku á Akureyri.