Morgunblaðið - 01.09.2004, Blaðsíða 36
MINNINGAR
36 MIÐVIKUDAGUR 1. SEPTEMBER 2004 MORGUNBLAÐIÐ
✝ Jóhann BergurSveinsson fæddist
í Vestmannaeyjum
19. september 1930.
Hann lést á Heil-
brigðisstofnun Suð-
urnesja þriðjudaginn
24. ágúst síðastliðinn.
Jóhann var sonur
Sveins Jónassonar, f.
9. júlí 1902, d. 26. des-
ember 1981 og Ragn-
hildar Jóhannsdótt-
ur, f. 14 ágúst 1904, d.
8. maí 1972. Systkini
Jóhanns eru Guð-
finna, f. 15. júní 1928,
maki Sigurður Eiríksson, f. 22.
mars 1928, Sigurður, f. 15. júlí
1929, d. 12. desember 2003, Nína,
f. 21. mars 1933, d. 30. júní 1990,
Jónas, f. 23. sept 1937, d. 13. ágúst
2000, Sveinn Víkingur, f. 11. apríl
1941, maki Jónína Helgadóttir,
f.19 maí 1947, og Hrafnhildur, f. 22
mars 1943, d. 1. febrúar 1997.
Jóhann kvæntist Júlíu Sigur-
geirsdóttur, f. 31. ágúst 1937. Þau
eiga fjögur börn, þau eru: a) Ást-
hildur Edda f. 3. október 1957, d.
31. desember 1962, b) Sigurgeir
Svanur, f. 19. desember 1958, c)
Guðfinna Bryndís, f. 19. október
1961, börn hennar eru Jóhann
Davíð Albertsson og Helena Júl-
íusdóttir og d) Kristinn Edgar, f.
20. október 1964, kvæntur Ingu
Sveinbjörgu Ásmundsdóttur, f. 12.
apríl 1970, börn
þeirra eru Bergur
Edgar og Gyða
Sveinbjörg.
Jóhann ólst upp í
Vestmannaeyjum til
17 ára aldurs er fjöl-
skylda hans fluttist
að Efri-Rotum undir
V-Eyjafjöllum. Þar
starfaði hann við hin
ýmsu sveitastörf og
einnig við múrverk.
Hann fluttist til
Keflavíkur árið 1961
þar sem hann starf-
aði í fyrstu sem verk-
stjóri í fiskverkun í Hraðfrystistöð
Keflavíkur. Hann hóf starf sem
lögreglumaður árið 1964 og var
síðar varðstjóri og gegndi því
starfi í 12 ár. Tók þá við starfi heil-
brigðisfulltrúa Suðurnesja og
starfaði sem slíkur til 70 ára ald-
urs. Jóhann var frá unga aldri
ötull áhugamaður um íþróttamál
og var formaður Íþróttafélags
Keflavíkur (ÍK) og kom einnig að
frjálsíþróttaþjálfun. Að auki starf-
aði hann að knattspyrnumálum
innan Íþróttabandalags Keflavík-
ur (ÍBK). Honum voru falin ýmis
trúnaðarstörf og var hann um
tíma í stjórn Félags heilbrigðisfull-
trúa.
Útför Jóhanns verður gerð frá
Keflavíkurkirkju í dag og hefst at-
höfnin klukkan 14.
Elskulegi, yndislegi pabbi minn,
mig langar að kveðja þig með þess-
um fátæklegu orðum. Þú ljúflings-
maðurinn, tekinn frá okkur og við
trúum varla að þetta sé að gerast.
Eina huggunin er sú að nú sértu
orðinn heill heilsu aftur og búinn að
hitta Eddu og þau hin.
Þú varst minn klettur og visku-
brunnur, allt sem þú sagðir við mig
og ráðlagðir, það var ætíð algjör-
lega pottþétt. Enda ófá skiptin sem
ég leitaði til þín eftir ráðleggingum,
minn kæri pabbi. Það er svo sárt að
hugsa til þess að þú sért farinn,
mamma búin að missa sinn lífs-
förunaut og félaga og sinn allra
besta vin í heiminum.
Þið tvö svo yndislega samrýnd
alltaf og góð hvort við annað, að ég
sagði vinum mínum það eins oft og
ég gat, með áköfu stolti. Maður sér
það of sjaldan hjá fólki. Þið voruð
góð fyrirmynd og ég bar djúpa
virðingu fyrir þér alla tíð. Ótal
minningar geymi ég í hjartanu um
þig, sem allar eru góðar og ljúfsárt
að rifja upp. Þú hafðir svo gaman af
því að gleðja aðra, á mannamótum
var oft horft til þín, með von um að
þú myndir koma með gullkorn í
ræðuformi, sem þú gerðir oft, tal-
aðir til heilla brúðhjónum og margt
annað sem gaman var að hlusta á.
Mjög mikið af ljóðum er til eftir
þig, og allt var þér yrkisefni. Meira
að segja þegar þú lást um stund á
St. Jósepsspítala, þá kom gullkorn
á blað, um það sem þú sást út um
gluggann hjá þér, það fannst mér
frábært, alltaf að sjá björtu hlið-
arnar á hlutunum. Þvílíkt æðruleysi
sem einkenndi þig og kom berlega í
ljós í mestu veikindunum, alltaf
varstu að reyna að koma með létt-
leika í vonlausar aðstæður, og frá
þér streymdi hlýjan, til hjúkrunar-
fólks í kringum þig og til okkar.
Þér fannst mikilvægt að okkur gæti
liðið vel, þrátt fyrir allt.
Elsku pabbi, við munum öll líta
eftir mömmu og takk fyrir að hafa
verið einmitt pabbinn minn.
Þín
Bryndís.
Jæja pabbi minn, þá er þessari
þrautagöngu lokið hjá þér. Við
héldum í þó nokkurn tíma að við
annan sjúkdóm væri að eiga, sjúk-
dóm sem hægt væri að sigrast á.
Það var svo á vormánuðum 2004
sem við fengum staðfest að sjúk-
dómurinn væri annar og alvarlegri.
Frá þeirri stundu barðist þú hetju-
legri baráttu í bardaga þar sem lík-
urnar voru þér mjög í óhag. Stuttu
eftir Jónsmessu kom svo í ljós að
bardaginn væri tapaður og mætti á
hverri stundu eiga von á að þú
kveddir þennan heim. Nú tveimur
mánuðum síðar er ég að rita til þín
þessi kveðjuorð og ég vil þakka
Guði sérstaklega fyrir að við skyld-
um hafa fengið þessa tvo aukamán-
uði með þér.
Það var alltaf svo gott að leita til
þín, pabbi minn, því þú hafðir alveg
einstakt lag á að setja hlutina í
samhengi, sjá hlutina í sínu rétta
ljósi. Aldrei neitt fum og fát heldur
sástu hlutina alltaf eins og þeir
voru í raun. Nærvera þín var ein-
staklega hlý og það var alltaf svo
gott að leita ráða hjá þér því þú
varst ákaflega réttsýnn maður.
Enda kom það á daginn að þeir
voru ófáir sem til þín leituðu eftir
ráðum um hvernig best mætti koma
fleyi sínu yfir lífsins ólgusjó. Æðru-
leysi þitt við þessar erfiðu aðstæður
sem þú varst settur í þessa síðustu
mánuði mun um alla tíð verða mér
til fyrirmyndar. Aldrei varst þú
bugaður þó svo að oft værir þú
þreyttur. Allt til hinstu stundar
hélstu í vonina um að ná örlítið
meiri þrótti til að komast aðeins
meira fram til að eiga smávegis
meiri tíma með ástvinum þínum.
Aldrei hættir þú að dreifa því sem
þú kallaðir H vítamíni þó svo að þú
sjálfur værir sá sem mest þurftir á
því að halda.
Ég kveð þig nú elsku pabbi minn
og ég þakka þér fyrir allar góðu
hlýju stundirnar sem ég átti með
þér. Ég þakka þér fyrir öll góðu
ráðin sem þú hefur gefið mér um
árin og ég þakka þér allt það góða
sem þú hefur gefið fjölskyldunni
minni. Ég mun ætíð minnast þess
hversu vel þú hélst þinni reisn og
virðingu við þessar erfiðu aðstæður
og þess æðruleysis sem þú sýndir
allt til síðast dags.
Þinn sonur
Kristinn Edgar Jóhannsson.
Elsku besti afi minn, þá er búið
að taka þig frá okkur mjög svo
óverðskuldað, þvílík ósanngirni og
ég bara kemst ekki yfir það hve
ósanngjarnt og skyndilegt þetta líf
getur verið! Þú áttir svo sannarlega
ekki að fara svona fljótt frá okkur.
En úr því sem komið er, er lítið
hægt að gera og óska ég bara þess
að þú munir hafa það alveg rosa-
lega gott hinum megin við móðuna
miklu og ég bið þig um að koma og
heilsa uppá mig við tækifæri, mig
langar svo að vita hvernig lífið er
þarna hinum megin og hvað bíður
þín og hvort þú getir ekki notið þín
eins og þú átt skilið og skemmt þér
og öðrum eins og þér er einum lag-
ið.
Ég get bara aldrei fullþakkað þér
fyrir allt sem þú hefur gert fyrir
mig, þú hefur algjörlega verið mín
stoð og stytta og á tímum hefði ég
bara hreinlega ekki meikað meira
ef það hefði ekki verið fyrir þig! Þú
hefur kennt mér muninn á góðu og
illu og það er þér að þakka að ég er
mun betri að innan en annars væri
og kem fram við fólk af þeirri virð-
ingu sem það á skilið og kann betur
að meta fólk í eldri kantinum því ég
átti svo og á ennþá frábæran afa,
þú ert ekki farinn frá mér þó svo að
ég sjái þig ekki hérna lengur á
hverjum degi, ég veit að þú munt
vaka yfir mér og tryggja að ég
lendi ekki í neinni vitleysu og að ég
verði öruggur og mér muni ganga
allt í haginn, því þannig maður ert
þú alltaf hjálpandi öllum í kringum
þig! Það er alveg ótrúlegt hvað þú
hefur gert mikið fyrir mig og ég er
svo gífurlega þakklátur fyrir það og
eins er ég alveg svaðalega stoltur
yfir því að þú sért afi minn.
Ég veit það vel að þú munt ekki
lesa þessa minningargrein hérna í
Mogganum, en ég hef lúmskan
grun að þú gægist örlítið yfir öxlina
á mér er ég rita þessi orð.
Jóhann Davíð Albertsson.
Jákvæðni, manngæska, dugnað-
ur, léttleiki, hollusta eru orð sem
mér dettur í hug, þegar mér verður
hugsað til Jóhanns. Ég kynntist Jó-
hanni fyrir nokkrum árum þegar
hann og Júlía eiginkona hans komu
á leikfiminámskeið til mín. Jóhann
átti stóran þátt í að gera nám-
skeiðin eins skemmtileg og þau
voru, því hann sá um að létta lund
okkar í lok hvers tíma með því að
segja okkur góðan brandara, gátu
eða vísu. Hann slapp ekki út úr
tíma nema koma með eitthvað gott
í vegarnesti fyrir næstu daga. Ég
hafði mikið gaman að því hversu
duglegur Jóhann var við æfingar,
oft var hann mættur töluvert fyrir
tímann og var þá búin að hita sig
upp í tækjum eða jafnvel boxa. Í
lok hvers námskeiðs fór hópurinn
og fékk sér heitt kakó og vöfflur
með rjóma á, þá var öruggt að Jó-
hann mætti dragfínn og vel greidd-
ur og með eitthvað í pokahorninu.
Einu sinni mætti hann með góða
vísu sem hann gaf mér, sem ég
mun geyma vel.
Jóhann var einstakur nemandi,
sem mér þótti mikið vænt um.
Hann var svo hlýr og athugull. Allt-
af sýndi hann manni áhuga á því
sem maður var að fást við hverju
sinni, hvort sem það var að hrósa
manni fyrir góðan tíma eða músík,
spyrja mig um litlu prinsessuna
mína eða annað. Auðséð var hversu
vænt honum þótti um Júlíu sína og
hversu góð þau voru saman.
Kæri Jóhann, það er ekki langt
síðan ég frétti af veikindum þínum,
en mér var verulega brugðið að
heyra þær fréttir. Svona sprækur
eins og þú varst í mínum huga. Ég
var ákveðin í því að heimsækja þig
og sjá hvort ég fengi ekki að heyra
eina góða vísu eða svo, en það verð-
ur að bíða betri tíma. Ég og félagar
þínir úr leikfiminni söknuðum ykk-
ar Júlíu á síðasta námskeiði, það
vantaði þig á vinstri kantinn og Júl-
íu í bakvarðarsveitina. Ég er þó
JÓHANN BERGUR
SVEINSSON
Minningarkort
570 4000
Pantanir á netinu: www.redcross.is
Rauði kross Íslands bregst við neyð jafnt innanlands
sem utan og veitir aðstoð er gerir fólk hæfara til að
takast á við erfiðleika og bregðast við áföllum.
Þegar á reynir
Rauði kross Íslands
Eiginmaður minn, faðir okkar, tengdafaðir
og afi,
INGÓLFUR ÁRNASON
fyrrverandi rafveitustjóri
Norðurlandi eystra,
sem lést á hjúkrunarheimilinu Seli fimmtu-
daginn 26. ágúst sl., verður jarðsunginn frá
Akureyrarkirkju föstudaginn 3. september
kl. 13.30.
Þeim, sem vilja minnast hans, er bent á reikning Vinahandarinnar,
styrktarsjóð íbúa hjúkrunarheimilisins Sels, nr. 302-13-302300.
Anna Hallgrímsdóttir,
Jóna G. Ingólfsdóttir, Bjarni Þ. Jónatansson,
Hallgrímur Ingólfsson, María Jónsdóttir,
Sigríður E. Ingólfsdóttir, Gunnar Kr. Jónasson,
Árni G. Ingólfsson, Sigrún Guðjónsdóttir,
Valborg Salome Ingólfsdóttir
og barnabörn.
Elskulegur faðir okkar, tengdafaðir og afi,
HÖRÐUR SIGURVINSSON,
Safamýri 56,
sem lést fimmtudaginn 19. ágúst, verður
jarðsunginn frá Garðakirkju fimmtudaginn
2. september kl. 15.00.
Eyjólfur Harðarson, Sigþrúður Sæmundsdóttir,
Hulda Harðardóttir,
Anna Sess Harðardóttir,
Ólafur Harðarson
og barnabörn.
Móðir okkar,
GUÐNÝ SIGURBJÖRNSDÓTTIR FANNDAL
hjúkrunarfræðingur og
tónlistarkennari,
Suðurgötu 6,
Siglufirði,
lést á Heilbrigðisstofnun Siglufjarðar mánu-
daginn 30. ágúst sl.
Útförin fer fram frá Siglufjarðarkirkju laugardaginn 11. september nk.
kl. 14.00.
Blóm og kransar afþakkaðir, en þeim, sem vilja minnast hinnar látnu, er
bent á Kvenfélagið Von, Siglufirði.
Fyrir hönd aðstandenda,
Erla Jóhanna Þórðardóttir,
Sigurður Fanndal,
Sigurbjörn Fanndal.
Elskuleg eiginkona mín, systir, mágkona og
frænka,
ARNHEIÐUR GUÐFINNSDÓTTIR
ljósmóðir
frá Patreksfirði,
sem lést mánudaginn 23. ágúst, verður
jarðsungin frá Patreksfjarðarkirkju laugar-
daginn 4. september kl. 14.00.
Fyrir hönd aðstandenda,
Jón Pedersen.
Ástkær eiginmaður minn, faðir okkar, tengda-
faðir, afi og langafi,
MAGNÚS GUÐMUNDSSON,
Strandgötu 3,
Patreksfirði,
lést á Landspítalanum við Hringbraut mánu-
daginn 30. ágúst.
Útförin fer fram frá Fossvogskirkju föstu-
daginn 3. september kl. 13.30.
Valdís Viktoría Pálsdóttir,
Aron Magnússon, Kristbjörg Kristmundsdóttir,
Ingibjörg Magnúsdóttir, Björn Bragi Sigmundsson,
Anna Magnúsdóttir, Bob Tomolillo,
Flosi Magnússon,
afabörn og langafabörn.