Morgunblaðið - 02.09.2004, Blaðsíða 18
MINNSTAÐUR
18 FIMMTUDAGUR 2. SEPTEMBER 2004 MORGUNBLAÐIÐ
SUÐURNES
Reykjanesbær | Fjarskipti
er heiti á fyrstu samsýn-
ingu tvíburasystranna
Gunnhildar og Brynhildar
Þórðardætra, sem haldin
verður í Fischershúsi á
Ljósanótt. Heiti sýningar-
innar á sér ákveðnar skýr-
ingar. „Við urðum samein-
aðar á ný fyrir stuttu síðan
þegar Gunnhildur kom
heim til Íslands eftir 5 ára
nám í Bretlandi. Á meðan
við vorum aðskildar not-
uðum við bæði hefðbundin
og óhefðbundin fjarskipti
til þess að vera í sam-
bandi,“ sögðu þær systur í
samtali við Morgunblaðið.
Með hefðbundnum fjar-
skiptum eiga þær við síma
og tölvu en óhefðbundnu
eiga þær við þá huglægu
tengingu sem þær sáu að
þær höfðu verið í eftir sam-
einingu. „Þegar við fórum
að skoða verk hvor annarrar kom í
ljós að við notuðum oft sömu liti í
verkum okkar og á sama tíma,“
sagði Gunnhildur og í sýningarskrá
systranna má fá sönnun fyrir því.
Gunnhildur útskrifaðist frá
Listaháskólanum í Cambridge í
október 2003 með BA-gráðu í Fine
Arts og listasögu, en fór í framhaldi
af því í mastersnám og vinnur nú að
ritgerð sinni. Brynhildur útskrif-
aðist sl. vor með BA-próf frá Lista-
háskóla Íslands í textíl- og fatahönn-
un og á sýningunni gefur að líta
stóran hluta af lokaverkefnum
þeirra beggja. Þrátt fyrir mikla og
líka litagleði systranna er ljóst að
það er meiri galsi yfir hönnunarlínu
Brynhildar sem er innblásinn af
sport mótorhjólafatnaði og ljós-
myndum af plöntum eftir Þjóðverj-
ann Karl Blossfeldt. Þær segja
ákveðna skýringu á því. „Æting-
arnar sem ég er að sýna hér eru
hluti af lokaverkefni mínu við há-
skólann í Cambrige og voru á sýn-
ingu í Jónshúsi í Kaupmannahöfn í
sumar. Þetta er Íslandsserían og
þegar ég var að vinna þessi verk var
ég með rosalega heimþrá,“ sagði
Gunnhildur og tók fram að námið í
Cambridge hefði verið strangt.
Brynhildur segir hins vegar að
andinn í Listaháskóla Íslands sé á þá
leið að námið eigi maður að nota til
þess að vera djarfur og gefa minna
fyrir markaðslögmálin. „Hins vegar
þegar maður fer að vinna fyrir sér
þarf maður að hugsa meira
um markaðinn en námið er
kjörið til að flippa og láta
vaða.“
Náttúran innblástur
Á sýningunni má glögg-
lega sjá að þó að systurnar
hafi valið sér ólíkar list-
greinar, þá eru verk þeirra
nátengd og segja þær skýr-
inguna vera þá hversu nán-
ar þær séu. „Við erum nátt-
úrulega tvíburar og við
höfum alltaf verið mjög
nánar. Við notum mjög líka
liti og sækjum okkur inn-
blástur í líka hluti,“ sagði
Gunnhildur og Brynhildur
bætir við að þær séu báðar
„organískar“ (lífrænar) í
hugsun. „Ég leita oft í eitt-
hvað „organískt“ (náttúr-
una) eftir innblæstri og veit
að Gunnhildur gerir það
líka. Við erum báðar mjög
hrifnar af sterkum litum og formum,
en grár litur er einnig ríkjandi hjá
okkur báðum. Þar er komið hafið
sem við sækjum báðar innblástur í
en liturinn táknar kannski ekki síður
grámann sem oft vill verða þegar
rignir hér á Suðurnesjum,“ sagði
Gunnhildur og þegar litið er út um
gluggann á Fischershúsi sem vísar í
átt til sjávar á rigningardegi sem
þeim sem var þegar viðtalið átti sér
stað verður skírskotunin ljóslifandi.
Hins vegar á þessi grámi ekkert
skylt við sýningu Gunnhildar og
Brynhildar sem fyrst og fremst ein-
kennist af mikilli litagleði.
Sýningin verður opnuð kl. 19 í
kvöld og verður opin alla Ljósanæt-
urdagana.
Hefðbundin og óhefðbundin
fjarskipti á listsýningu
Morgunblaðið/Svanhildur Eiríksdóttir
Fjarskipti: Heitið á fyrstu samsýningu systranna Gunn-
hildar og Brynhildar Þórðardætra á rætur að rekja til
samskipta þeirra í fimm ára aðskilnaði.
Grundarfjörður | „Það er einstakt tækifæri að
hefja starf í nýjum skóla og fá nemendur með
sér í að móta hann,“ segir Guðbjörg Aðal-
bergsdóttir, skólameistari Fjölbrautaskóla
Snæfellinga í Grundarfirði. Skólinn var settur
í fyrsta sinn fyrr í vikunni og var Þorgerður
Katrín Gunnarsdóttir menntamálaráðherra
viðstödd ásamt fleiri gestum.
Aðdragandinn að stofnun framhaldsskólans
er fremur stuttur sem sést best á því að skóla-
meistari var ráðinn um síðustu áramót en um
svipað leyti var byrjað grafa fyrir grunninum.
Guðbjörg er Suðurnesjakona, fædd og upp-
alin í Keflavík þar sem hún hefur lengst af bú-
ið. Hún tók á sínum tíma BA-próf í íslensku frá
Háskóla Íslands og fór síðan í kennslurétt-
indanám. Guðbjörg var kennari við Fjöl-
brautaskóla Suðurnesja. Hún hefur verið að
bæta við sig námi að undanförnu og er langt
komin með mastersnám í stjórnun við War-
wick-háskóla í Englandi. „Þetta er blanda af
fjarnámi og skólasetu í þrjú ár. Ég á bara rit-
gerðina eftir og hefði í raun átt að skila henni í
haust en fæ svolítinn frest út af tilstandinu
hér, og stefni að því að ljúka mastersprófinu
næsta vor,“ segir Guðbjörg.
Efnið sem Guðbjörg hefur valið að skrifa um
í mastersritgerð sinni er spennandi, könnun á
ástæðum brottfalls úr framhaldsskólum og
hvaða áhrif stofnanirnar sjálfar geta haft á
það. „Við þekkjum það sem snýr að nemendum
sjálfum,“ segir hún, „og það verður spennandi
að sjá hvað það er innan stofnananna sjálfra
sem hefur áhrif á brottfall nemenda.“
Guðbjörg hugsar sig örlítið um þegar hún er
spurð að því hvers vegna hún hafi sótt um
stöðu skólameistara á Snæfellsnesi. „Mig lang-
aði að breyta til en var ekki viss um hvað ég
ætti að gera. Mér fannst þessi staða strax
spennandi. Þær nýju leiðir sem verið er að fara
hér eru áskorun sem gerði það að verkum að
ég sló til. Ég hafði aldrei komið til Grundar-
fjarðar svo ég þurfti að koma í könnunarleið-
angur áður en ég sótti um og hér er ég.“
Einstaklingsmiðað nám
Hver er svo staðan þegar þú tekur við?
„Þegar ég kom að þessu var búið að vinna í
marga mánuði að undirbúningi. Hrönn Péturs-
dóttir hafði verið ráðin til þess að stýra
vinnunni. Húsnæðið var teiknað eftir hug-
myndum Susan Stuebick bandarísks arkitekts
sem sérhæft hefur sig í hönnun skóla sem
starfa eftir hugmyndum um einstaklingsmiðað
nám og opinn skóla. Mér finnst arkitektunum,
þeim Indro Candi og Sigurði Björgúlfssyni hjá
VA arkitektum, hafa tekist vel til, því hönnun
skólans gerir okkur auðvelt að beita þeim að-
ferðum sem við ætlum að nota við kennsluna.
Gerðar voru viðhorfskannanir meðal ung-
menna og fullorðinna og eftir að ég kom var
farið að athuga hvaða útfærslur væru mögu-
legar og ákveða nánar hvernig haga ætti
skólastarfinu. Það kom í minn hlut að ráða fólk
og skipuleggja innra starf skólans. En einnig
að sinna hinum formlega þætti í því að búa til
stofnun. Og ekki má gleyma sjálfu húsnæðinu
sem ég hef tekið þátt í búa þeim húsgögnum
sem þarf.“
Hvernig gekk að fá fólk til starfa?
„Það gekk mjög vel, það var auðvitað mis-
jafnt eftir greinum eins og er á þessum mark-
aði en í heildina vel. Aðsóknin að skólanum er
framar björtustu vonum, rúmlega 100 nem-
endur, en gert var ráð fyrir 50 til 60 nem-
endum og þeir bjartsýnustu nefndu töluna 75.
Sérstaða þessa skóla og nýjungar felast í
kennsluháttunum sjálfum. Í hefðbundnum
skóla, svo ég taki dæmi af algengum áfanga,
eru nemendur í fjórar klukkustundir á viku í
kennslustundum en hjá okkur er dreifnáms-
snið á þessu, tvær kennslustundir eru fastar
og hinar tvær köllum við opna tíma. Kennarnir
eru í kennslurýmunum og geta aðstoðað nem-
endur við vinnu sína. Hver og einn getur svo-
lítið ráðið hvað hann þarf mikinn tíma í hverri
grein. Sem dæmi má nefna að nemandi sem er
góður í ensku og er fljótur með verkefni sín í
henni gæti hugsanlega þurft aðeins meiri tíma
í stærðfræði. Hann getur skipulagt tíma sinn
þannig að hann fái meiri aðstoð í stærðfræði.
Þetta skapar sveigjanleika fyrir nemandann
því ef hann vinnur jafnt og þétt getur hann að
jafnaði lokið vinnu sinni í skólanum. Einnig
getur nemandinn alltaf unnið sér í haginn ef
hann er nettengdur því hann hefur allar upp-
lýsingar í Angel-kennsluumhverfinu. Þá má
geta þess að svigrúm myndast í stundatöflunni
fyrir kennarann til þess að kalla sérstaklega til
sín þá sem dragast aftur úr í náminu. Þetta
færir auðvitað ábyrgð yfir á nemendur og það
viljum við. Við gerum okkur fullkomna grein
fyrir því að þarf að halda utan um nemendur
og veita þeim aðhald og stuðning og kenna
þeim að aga sig.“
Og hvernig byrjar skólastarfið?
„Það byrjar vel, nemendur eru jákvæðir og
skemmtilegir og við hlökkum til að takast á við
þetta. Það er einstakt tækifæri að hefja starf í
nýjum skóla og fá nemendur í lið með sér að
móta hann. Okkur langar auðvitað til þess að
fá þau til að koma með tillögur og ábendingar
og að starfsfólk og nemendur vinni saman að
því að móta skólastarfið í hinum nýja Fjöl-
brautaskóla Snæfellinga,“ segir Guðbjörg
skólameistari.
Skólastarf er hafið í Fjölbrautaskóla Snæfellinga í Grundarfirði eftir fyrstu skólasetninguna
Einstakt að hefja
starf í nýjum skóla
Morgunblaðið/Gunnar Kristjánsson
Tengdir: Nemendur hafa beinan aðgang að öllum upplýsingum um námið á Netinu.
Skólameistari: Guðbjörg Aðalbergsdóttir á
skrifstofu sinni í fjölbrautaskólanum.
LANDIÐ
Reykjanesbær | „Mikil samkennd
hefur verið meðal bæjarbúa vegna
Ljósanætur síðustu árin en aldrei
sem nú. Um helgina voru til dæmis
margir eigendur húsa við Hafnargöt-
una að mála hús sín og fegra um-
hverfið í tilefni hátíðarinnar,“ segir
Steinþór Jónsson, formaður undir-
búningsnefndar Ljósanætur, menn-
ingar- og fjölskylduhátíðarinnar sem
hefst í Reykjanesbæ í dag og stendur
fram á sunnudag.
Steinþór segir að mikið sé lagt í
dagskrána eins og áður og nýir við-
burðir verði alla dagana auk þess sem
haldið sé í það besta frá fyrri árum.
Ljósanótt verður sett við athöfn
við Myllubakkaskóla kl. 13 í dag. Þar
verður sjónum beint að því fjölmenn-
ingarsamfélagi sem ríkir í Reykja-
nesbæ. Um kvöldið verður hagyrð-
ingakvöld í félagsheimilinu Stapan-
um og er það nýjung á dagskránni,
eins og fjölmenningarhátíðin.
Föstudagurinn einkennist af tón-
list og myndlist. Fjöldi tónlistar-
manna kemur fram á ýmsum stöðum
í bænum. Meðal annars verður Guit-
ar Islancio með tónleika í Duushús-
um og Páll Rósinkrans og félagar
með dagskrá til heiðurs Eric Clapton.
Myndlistarsýningar verða opnaðar í
öllum sýningarsölum og fjöldi fyrir-
tækja og vinnustofur opnar. Meðal
annars verður opnuð sýning Ásu
Ólafsdóttur í Listasafni Reykjanes-
bæjar. Þá verða Helga Braga og
Steinn Ármann með forsýningu á
Vodkakúrnum í Frumleikhúsinu.
Flugsýning á laugardag
Laugardagurinn er sem fyrr að-
alhátíðisdagurinn. Fjölbreytt dag-
skrá, meðal annars fyrir börnin, er
um allan bæinn. Flugsýning verður
við Ægisgötu í Keflavík, kl. 13 til 15.
Þar verður listflug, fallhlífarstökk,
þyrlur, fis og flugmódel og þotur
fljúga yfir. Síðdegis verður gullald-
arlið Keflavíkur í 1964–1973 heiðrað
með því að hella til minningar um af-
rek knattspyrnumannanna verður
sett í Hafnargötuna við hlið stjörnu-
spors Hljóma sem afhjúpað var fyrir
ári.
Hápunktur hátíðarinnar er á
kvölddagskrá sem fram fer á útisviði
við Hafnargötu á laugardagskvöldið
og hefst kl. 20. Þar kemur fram svo
kallað Bæjarstjórnarband, Védís
Hervör Árnadóttir syngur Ljósanæt-
urlagið, kveikt er á lýsingu Bergsins
og flugeldum skotið á loft.
Ljósanæturhátíðinni lýkur síðan á
sunnudag.
Hafnargatan er aðalsvið Ljósa-
nætur. Síðustu árin hefur verið unnið
að endurbótum á götunni og lýkur
þeim formlega fyrir helgina.
Ljósanótt sett með
fjölmenningarhátíð
STEINÞÓRI Jónssyni, formanni
Ljósanæturnefndarinnar í Reykja-
nesbæ, er nú sem fyrr falið að sjá
um veðrið á há-
tíðinni um
helgina enda er
hann talinn hafa
góð sambönd á
því sviði eins og
fleirum. Hefur
oft ræst úr veðr-
inu á Ljósanótt
þrátt fyrir slæma
spá.
Steinþór segir
að spáin fyrir helgina sé ekki slæm
en hún mætti vera betri. „Það er til-
tölulega lítið mál að koma því í lag,
miðað við annað. Það verður gert,
það er loforð,“ segir hann.
Veðrinu komið í lag
Steinþór Jónsson