Morgunblaðið - 11.09.2004, Síða 1
Mæta samkeppni með
þróun á stafrænu sjónvarpi
NORÐURLJÓS hf. hafa keypt
34,99% hlut í Og Vodafone fyrir 5,1
milljarð króna. Seljandi er fyrirtæk-
ið CVC á Íslandi ehf. sem er í eigu
Kenneths D. Petersons. Stjórnar-
formaður Norðurljósa, Skarphéðinn
Berg Steinarsson, segir að farið
verði í samstarf við Og Vodafone
um þróun stafræns sjónvarps.
Norðurljós séu komin í samkeppni
við Símann eftir kaup hans í Skjá
einum.
Stuttur aðdragandi
Stuttur aðdragandi var að kaup-
unum að sögn Skarphéðins. Hann
segir að viðræður milli aðila hafi
hafist í fyrradag. „Í síðustu viku
breyttist umhverfið á þessum mark-
aði sem gerir að verkum að við er-
um komin í samkeppni við Símann.
Það er því útséð með það að við höf-
um mikið samstarf við hann að
óbreyttu,“ segir Skarphéðinn.
„Norðurljós eru að fara í staf-
rænt sjónvarp í haust með útsend-
ingum í gegnum loftið á Faxaflóa-
svæðinu. Það breytir því hins vegar
ekki að í framtíðinni mun verða
aukinn samgangur á milli ljósvaka-
miðla og fjarskiptafyrirtækja og við
ætlum að taka þátt í þeirri þróun
með virkum hætti og sjáum fram á
að það sé með öflugu samstarfi við
Og Vodafone. Við vonumst til þess
að við getum byggt upp stafrænt
sjónvarp í samstarfi við Og Voda-
fone,“ segir Skarphéðinn Berg.
Bjarni Þorvarðarson, fram-
kvæmdastjóri CVC á Íslandi ehf.,
segir að fyrirtækið hafi ekki verið í
þeim hugleiðingum að selja hluta-
bréf sín í Og Vodafone, en gott til-
boð hafi borist og ákveðið hafi verið
að slá til og taka því.
Norðurljós keyptu hlutabréfin í
Og Vodafone á genginu 4,2. Loka-
verð bréfanna í Kauphöll Íslands í
gær var hins vegar 3,57 og var
verðið sem Norðurljós greiddu því
tæplega 18% hærra en lokaverðið í
gær.
Norðurljós sömdu á tveimur
dögum um kaup á tæpum 35% í
Og Vodafone fyrir 5,1 milljarð
Norðurljós/12
STOFNAÐ 1913 247. TBL. 92. ÁRG. LAUGARDAGUR 11. SEPTEMBER 2004 PRENTSMIÐJA ÁRVAKURS HF. mbl.is
Listamaður í
samfélaginu
Hollenski listamaðurinn Pieter Hol-
stein opnar sýningu í Safni | Listir
Lesbók | Kristinn Hallsson söngvari Bækur um stríðsforset-
ann Bush Börn | Allt um lyktarskynið Kalvin & Hobbes Íþrótt-
ir | Hampa Eyjakonur bikarnum? Sérblað um enska boltann
NÝR forstjóri sænsku öryggislög-
reglunnar Säpo, Klas Bergenstrand,
telur að herða þurfi öryggisgæslu
hjá æðstu yfirmönnum sænska rík-
isins. „Það er ekki viðunandi að mik-
ilvægt fólk í æðstu stöðum hjá ríkinu
þurfi að velta fyrir sér eigin öryggi
næstum daglega,“ segir Bergen-
strand í samtali við Dagens Nyheter.
Bergenstrand tekur undir að sér-
staklega þurfi að huga að öryggi ut-
anríkisráðherrans, Lailu Freivalds,
eftirmanns Önnu Lindh. Utanríkis-
ráðherrans þurfi að gæta bæði í
einkalífi og á opinberum vettvangi.
Aðrir ráðherrar sem áberandi eru á
opinberum vettvangi þarfnist líka
aukinnar öryggisgæslu, en til þess
vanti Säpo meira fé.
Eftir morðið á Lindh fyrir réttu
ári var staðhæft bæði af dómsmála-
ráðherranum Thomas Bodström og
Säpo að öryggi ráðherranna yrði
tryggt hvað sem það kostaði. Þrátt
fyrir það segir Bergenstrand að líf-
verðir á vegum Säpo séu ekki nógu
margir til að tryggja öryggi allra
ráðherra sem þarf. Stefnubreyting
varð hjá Säpo eftir morðið á Önnu
Lindh og lítur öryggislögreglan nú
svo á að frægð stjórnmálamanna sé
áhættuþáttur hvað varðar öryggi
þeirra. Áður þurfti beinar hótanir til.
Sænskra
ráðamanna
gætt betur
Morgunblaðið/Ómar
Laila Freivalds í Íslandsheimsókn
sinni í síðustu viku.
Gautaborg. Morgunblaðið.
Svíar minnast/15
FJÁRRÉTTIR standa nú sem hæst um landið og í gær
var réttað í Hrunaréttum í Hrunamannahreppi. Þessir
vösku sveinar létu sig ekki muna um að hlaupa upp
brekkuna á undan gangnamönnum er þeir komu með
safnið skammt frá bænum Hruna. Fólk og fénaður verð-
ur víða á ferðinni um helgina því réttað er á tólf stöðum.
Morgunblaðið/RAX
Sprettharðir gangnamenn
ÍSLÖMSKU samtökin Ansar al-Zawahiri, sem
halda tveimur ítölskum konum í gíslingu í Írak,
boða nú að Danir verði þeirra næsta skotmark.
Telur danska leyniþjónustan, að því er fram
kemur í Jyllands-Posten, að hótunin beinist
fyrst og fremst gegn Dönum sem séu í Írak.
Ansar al-Zawahiri birti yfirlýsingu á vefsíð-
unni www.islamic-minbar.com í gær þar sem
ítölskum stjórnvöldum var gefinn sólarhringur
til að sleppa öllum múslímakonum sem í haldi
væru í Írak. Er í staðinn heitið upplýsingum um
afdrif ítölsku kvennanna, sem rænt var í Bagd-
ad fyrr í vikunni.
Í yfirlýsingu samtakanna, sem talin eru tengj-
ast al-Qaeda-hryðjuverkasamtökunum, og draga
nafn sitt af Ayman al-Zawahiri, hægri hönd
Osama bin Ladens, kom hins vegar einnig fram
að „nú væri komið að Danmörku að hljóta refs-
ingu líkt og Ítalía og Rússland“ og var þar
væntanlega verið að vísa til tíðra hryðjuverka í
Rússlandi undanfarnar vikur og rána á Ítölum í
Írak.
Lars Findsen, yfirmaður dönsku leyniþjón-
ustunnar, átti fund með stjórnmálaleiðtogum og
yfirmönnum danska hersins vegna hótananna í
gær. Hann telur ekki ástæðu í bili til að breyta
viðbúnaði í Danmörku sjálfri vegna hugsanlegr-
ar hættu á hryðjuverkum þar en það er mat
leyniþjónustunnar að hótunin beinist sennilega
fyrst og fremst gegn fimm hundruð manna her-
liði sem Danir halda úti í Suður-Írak.
Segja Dani sitt næsta skotmark
Saka Bandaríkjamenn/14
FORSVARSMENN samvinnufélags
bænda í Hollandi hafa farið fram á
heimild frá landbúnaðarráðuneytinu
til að sprauta tabasco-sósu, sem
margir nota til að krydda matinn
sinn, á nytjaplöntur í því skyni að
koma í veg fyrir að meindýr eyðileggi
uppskeruna.
Hérar, kanínur, krákur og dúfur
fara oft illa með uppskeru hollenskra
bænda, enda matarlyst þessara dýra
afar góð. „Sumir umbjóðenda okkar,
bændur í Brabant, hafa notað tab-
asco-blöndu til að verja uppskeru sína
og vegna þess hversu góða raun það
hefur gefið höfum við farið fram á
þetta leyfi af yfirvöldum,“ segir Ton
Hendrickz, talsmaður samvinnu-
félagsins CZAV.
Hendrickz segir þessa lausn hafa
ýmsa kosti, m.a. þann að hún sé afar
ódýr. Þá líst dýraverndunarsam-
tökum einnig vel á hugmyndina þar
sem bændur þyrftu fyrir vikið ekki að
skjóta dýr í stórum stíl þar sem þau
væru að gæða sér á uppskeru þeirra.
Tók Hendrickz fram að tabasco
yrði aðeins sprautað á nytjaplöntur
snemma á vaxtartíma þeirra þannig
að ekki yrði um það að ræða að græn-
metisuppskeran yrði logandi heit, líkt
og sósan umrædda.
Tabasco-
sósa gegn
meindýrum
Haag. AFP.
Lesbók, Börn og Íþróttir í dag