Morgunblaðið - 11.09.2004, Blaðsíða 4
– kraftur til flín!
VI‹
GERUM
GOTT
BETRA
KB ÍBÚ‹ALÁN
LÆKKUM Í 4,2%
FASTA VEXTI
AFTURVIRKIR
FRÉTTIR
4 LAUGARDAGUR 11. SEPTEMBER 2004 MORGUNBLAÐIÐ
VERKFALL er ekki yfirvofandi hjá
kennurum við Hjallastefnuna eftir
samkomulag um framlengingu á
fyrri kjarasamningi Hjallastefnunn-
ar ehf. og Kennarasambandsins sem
undirritað var í gær. Samkomulagið
var undirritað með ákveðnum breyt-
ingum og er þar með kominn gild-
andi kjarasamningur fyrir grunn-
skólakennara við nýjan grunnskóla
Hjallastefnunnar, Barnaskóla
Hjallastefnunnar við Vífilsstaðaveg í
Garðabæ, og þar af leiðandi ekki
verkfall yfirvofandi hjá kennurun-
um. Er þetta fyrsti kjarasamningur-
inn sem KÍ undirritar þetta haustið
og eru bæði fulltrúar Barnaskólans
og kennarar við hann afar sátt með
hann, segir í tilkynningu frá Hjalla-
stefnunni.
Hjallastefnan komin
með kjarasamning
JÓN Baldursson endaði í 26. sæti af
52 á heimsmeistaramóti í einmenn-
ingi í brids, sem lauk í gær í Verona
á Ítalíu.
Mótið hófst á miðvikudag. Jón
byrjaði vel og var í 5. sæti eftir
fyrstu umferðina, í 9. sæti eftir 2.
umferð og í 8. sæti eftir þá þriðju.
En honum gekk ekki sem best í 4.
og síðustu umferð eins og áður
sagði og hafnaði í 26. sæti.
Sigurvegari í karlaflokki varð
Ítalinn Norberto Bocchi. Andy Rob-
son frá Bretlandi varð annar og
Daninn Jens Auken varð þriðji. Í
kvennaflokki sigraði Tobi Sokolov
frá Bandaríkjunum.
52 körlum og 28 konum var boðið
sérstaklega til mótsins.
Jón Baldursson
í miðjum hópi
á HM í brids
SIGURÐUR Snævarr borgarhagfræðingur hefur ósk-
að eftir rökstuðningi Árna Magnússonar félagsmála-
ráðherra fyrir því að hann hafi ekki verið talinn meðal
hæfustu umsækjenda um embætti
ráðuneytisstjóra í félagsmálaráðu-
neytinu. Sigurður fór formlega fram
á þennan rökstuðning í lok ágúst sl.
en hefur enn ekki fengið hann í
hendur.
Sjö umsækjendur voru um stöðu
ráðuneytisstjórans, en einn dró um-
sókn sína til baka. Félagsmálaráð-
herra skipaði, eins og kunnugt er,
Ragnhildi Arnljótsdóttur lögfræðing
í embættið til fimm ára, frá og með 15. september nk.
Sigurður segir í samtali við Morgunblaðið að allir
umsækjendurnir hafi, skv. áliti frá ráðuneytinu, verið
taldir hæfir. Þrír hafi á hinn bóginn verið álitnir hæf-
astir, þar sem þeir hafi tvisvar sinnum verið kallaðir í
atvinnuviðtal. Hinir, þ. á m. Sigurður, hafi einungis
farið í eitt slíkt viðtal.
Sigurður segir að hann viðurkenni fúslega að Helga
Jónsdóttir hafi verið hæfust umsækjenda. Hann hafi
reyndar talið fullvíst að hún fengi embættið. Hann
sjái á hinn bóginn ekki málefnalega ástæðu fyrir því
að hann hafi ekki verið talinn meðal þeirra hæfustu.
„Mér finnst því skipta máli að ráðherra upplýsi mig
um það hvaða málefnalegu ástæður voru fyrir því að
ég var ekki talinn í hópi þeirra hæfustu.“
Sigurður segir að síðustu, að sú málsmeðferð, að
tilgreina hverjir séu hæfastir, geti skapað fordæmi
fyrir því að ráðherrar dragi umsækjendur í flokka og
gefi þeim einkunnir. „Yrði sú raunin myndi enginn
sækja um starf nema vera búinn að tryggja sér stöð-
una.“
Ráðherra rök-
styðji mat á
umsækjanda
HELGA Jónsdóttir borgarritari segir að rökstuðningur
félagsmálaráðherra, Árna Magnússonar, fyrir skipan í
embætti ráðuneytisstjóra félagsmálaráðuneytisins, veki
upp fleiri spurningar en svör. „Ég
verð að segja að mér finnst spurning-
arnar verða fleiri eftir að hafa fengið
þennan svokallaða rökstuðning frá
ráðherra,“ segir hún. Hyggst hún
fara með málið til umboðsmanns Al-
þingis.
Helga var einn umsækjenda um
stöðuna, en ráðherra skipaði, eins og
kunnugt er, Ragnhildi Arnljótsdóttur,
lögfræðing, í embætti ráðuneyt-
isstjóra til fimm ára frá og með 15. september nk. Óskaði
Helga í framhaldinu eftir rökstuðningi ráðherra fyrir
þeirri skipan. Fékk hún rökstuðninginn í hendur í fyrra-
dag.
Helga sagði í samtali við Morgunblaðið í gær, að það
góða í málinu, eins og hún orðaði það, væri það að í rök-
stuðningnum kæmu fram, eftir á, skilgreiningar ráð-
herra á því hvaða hæfniskröfur ætti að gera til starfsins.
„En auðvitað hefði verið rétt að þær kæmu fram í aug-
lýsingunni,“ bætir hún við.
Helga segir að í rökstuðningnum komi líka fram stað-
festing á því að þau sjónarmið, sem ákvörðun um að veita
embættið byggist á, verði að vera málefnaleg, þ.e. byggj-
ast á menntun, starfsreynslu og hæfni.
„Mér finnst sorglegt að með þessum svokallaða rök-
stuðningi fylgja engin gögn eða neinar skýringar sem
hægt er að byggja þessa niðurstöðu á. Og fyrst ég fæ
ekki slík gögn og ekki slíkar skýringar þá hlýt ég að vísa
spurningunni áfram til þess aðila sem skv. íslenskum
lögum er til þess bær að kalla eftir gögnum og afla skýr-
inga og það er umboðsmaður Alþingis.“
Fer með málið
til umboðs-
manns Alþingis
FRAM KOM í máli Halldórs Ásgrímssonar, formanns
Framsóknarflokksins og utanríkisráðherra, á fundi með
framsóknarmönnum í Borgarnesi í gær, að mikilvægt
væri að ræða kosti og galla aðildar Íslands að Evrópu-
sambandinu (ESB). Sagði hann jafnframt að framsókn-
armenn ættu að hafa forystu í þeirri umræðu. Aðild Ís-
lands kæmi þó vart til álita meðan núgildandi
sjávarútvegsstefna ESB væri við lýði.
„Ég hef oftsinnis í ræðu og riti rætt kosti og galla þess
að Ísland verði aðili að þessu sambandi. Og það er hluti
af framtíðinni að ræða þessi mál,“ sagði Halldór og bætti
því við að það þýddi ekkert að vera í stjórnmálum og
segja að óþægilegt væri að ræða þessi mál. „Við verðum
bara að hugsa um það að takast á við það sem blasir við.
Ég hef sagt að sá dagur muni renna upp að við sjáum
hagsmunum okkar best borgið þar innan dyra.“ Sagði
hann að framsóknarmenn yrðu að fara í þá vinnu að
ræða málin. „Og við eigum að hafa forystu í þeim efn-
um.“
Halldór vísaði til aðildarumsóknar Norðmanna og því
að þeir hefðu hafnað aðild í atkvæðagreiðslum og sagði
síðan: „Ég vil ekki að við stöndum í sömu sporum og
Norðmenn; að við stöndum allt í einu frammi fyrir því að
við verðum að sækja þarna um – algjörlega óundirbúin.
Ef það verður, þá erum við algjörlega að bregðast hlut-
verki okkar í stjórnmálum.“
Ekki útilokað að við sækjum um aðild
Halldór sagði ennfremur að ekki væri skynsamlegt að
sækja um aðild að ESB upp á von og óvon. „Ef við sækj-
um þarna einhvern tíma um verður það að vera ljóst að
við ætlum okkur að fara þar inn.“ Við ættum ekki, sagði
Halldór, að sækja um, bara til að prófa og finna út hvað
kæmi út úr því.
Að lokum ítrekaði hann að grundvallaratriðið í þessum
efnum sneri að auðlindum Íslands í hafinu og að miðað
við núverandi sjávarútvegsstefnu kæmi aðild Íslands
vart til álita. „Það er því miður margt sem bendir til þess
að ekki sé mikið að breytast hjá Evrópusambandinu,“
sagði hann. „En það er hins vegar mikilvægt að við
förum yfir þetta og ræðum þetta. Og við eigum alls ekki
að útiloka að það geti komið sá dagur, að við sækjum
um.“
Halldór fjallaði um meira en Evrópumál. Hann fjallaði
m.a. um nýja skýrslu nefndar viðskiptaráðherra um
stefnumótun íslensk viðskiptaumhverfis. Sagði hann
skýrsluna vel unna og að hún yrði gott veganesti í vetur.
„Ég tek undir það með nefndinni að tillögur hennar ættu
að styrkja íslenskt efnahagslíf.“ Sagði hann jafnframt að
skýrar samkeppnisreglur og skilvirkt eftirlit ættu að
gera fyrirtækjum kleift að keppa á eðlilegum viðskipta-
legum forsendum. Sú samkeppni væri besta trygging
viðskiptavina þeirra.
Að síðustu má geta orða Halldórs um einkavæðingu
bankanna og vaxtalækkana þeirra. Sagði hann að einka-
væðing bankanna hefði á sínum tíma verið mikið hitamál.
„Við vorum sannfærðir um það þá að við vorum að gera
rétt. Við töldum að í þessu myndi gefast margvísleg
tækifæri til framtíðar.“ Spurði hann síðan hvort þeir,
sem voru á móti einkavæðingu, teldu að ríkisbankarnir
væru nú að keppa um hylli neytenda með stórlækkuðum
vöxtum. „Eru menn, sem héldu því fram að ríkið ætti að
eiga þessa banka að eilífu, virkilega ennþá sannfærðir
um það að ríkisbankarnir, ef þeir væru enn til, væru að
þessu með bankastjóra eins og Sverri Hermannsson og
einhverja slíka í fararbroddi?“
Framsóknarmenn hafi for-
ystu í umræðu um Evrópumál
Halldór Ásgrímsson, formaður
Framsóknarflokksins, kom víða við í
ræðu sem hann flutti við upphaf fund-
ar þingflokks og landsstjórnar fram-
sóknarmanna með trúnaðarmönnum
flokksins í Norðvesturkjördæmi á
Hótel Borgarnesi í gær.
Halldór Ásgrímsson flytur ræðu sína í Borgarnesi.
Morgunblaðið/Guðrún Vala
„ÉG ætla að biðja hagfræðinga um
eitt: að vera frekar í hagfræði en
pólitík,“ sagði Halldór Ásgríms-
son, formaður Framsóknarflokks-
ins og utanríkisráðherra, m.a. í
ræðu sinni á fundi framsókn-
armanna í Borgarnesi í gær.
Beindi hann þar orðum sínum til
Tryggva Þórs Herbertssonar, for-
stöðumanns Hagfræðistofnunar
Háskóla Íslands.
Haft var eftir Tryggva m.a. í
Morgunblaðinu í gær að skera
þurfi niður ríkisútgjöld til að mæta
boðuðum skattalækkunum og að í
því sambandi ætti m.a. að horfa til
utanríkisþjónustunnar.
Halldór sagði í ræðu sinni að
auðvitað þyrfti að sýna aðhalds-
semi í ríkisfjármálum; auðvitað
þyrfti að spara. Síðan sagði hann:
„Hagfræðingar eru núna að benda
sérstaklega á utanríkisþjónustuna
og að þar eigi að spara. Það er
mjög gott að benda á það og við
tökum það að sjálfsögðu alvarlega.
Við höfum verið að fara yfir öll út-
gjöld utanríkisþjónustunnar og
það verður m.a. farið í það að fara
í sparnaðaraðgerðir. Til dæmis
með því að staðarráða fólk meira
erlendis, það er ódýrara, segja upp
bílstjórum sendiherra, jafnvel
selja ákveðið húsnæði og fleira. En
ég ætla að biðja hagfræðinga um
eitt: að vera frekar í hagfræði en
pólitík.“
Og áfram hélt Halldór: „Það vill
svo til að langstærsti hluti útgjalda
utanríkisþjónustunnar er erlendis
– þróunaraðstoð og kostnaður við
sendiráð. Og sparnaður á þessu
sviði hefur engin hagfræðileg
áhrif hér innanlands.“ Ítrekaði
hann síðan þá ósk að hagfræðingar
héldu sig við hagfræðina. „[...]Og
verið ekki með þetta rugl.“
Haldi sig
við hag-
fræðina
NÝ umferðarljós verða tekin í notk-
un í Reykjavík í dag klukkan 14.
Ljósin eru á mótum Sundlaugaveg-
ar, Reykjavegar og Laugalækjar.
Þar til ljósin verða gangsett verða
þau látin blikka á gulu.
Ný umferðar-
ljós í Reykjavík
ÁGÚST Einarsson, prófessor við
viðskipta- og hagfræðideild Há-
skóla Íslands, hefur ákveðið að
gefa kost á sér í embætti rektors
HÍ í rektorskjöri í mars nk. Páll
Skúlason, rektor HÍ, gefur ekki
kost á sér til endurkjörs.
„Það hafa margir skorað á mig
og ég hef ákveðið að gefa kost á
mér,“ segir Ágúst. „Ég tel að efla
þurfi baráttu fyrir hagsmunum
háskólans gagnvart stjórnvöldum
og bæta stjórn skólans, sér-
staklega í fjármálum. Ég tel einn-
ig að brýnt sé að fá meira fé til
rannsókna, auka samstarf við
samtök stúdenta og auka sveigj-
anleika í starfi háskólans og há-
skólakennara. Ég tel að Háskóli
Íslands standi á tímamótum m.a.
vegna breyttra aðstæðna hér-
lendis, þar sem fjöldi nýrra skóla
á háskólastigi hefur verið stofn-
aður, og tel að auka þurfi sam-
starf á milli þeirra.“
Gefur kost
á sér í embætti
rektors HÍ