Morgunblaðið - 11.09.2004, Page 18

MINNSTAÐUR
18 LAUGARDAGUR 11. SEPTEMBER 2004 MORGUNBLAÐIÐ
MENNTASMIÐJA kvenna á Ak-
ureyri verður tíu ára síðar í þess-
um mánuði og er nú unnið að því
að fagna áfanganum með viðeig-
andi hætti. Nýlega hófst ný önn í
Menntasmiðjunni og þar eru nú 19
konur við nám. Þá eru þessa dag-
ana að fara af stað námskeið af
ýmsu tagi, en á vegum Mennta-
smiðjunnar hefur slík starfsemi
farið vaxandi á þeim áratug sem
liðin er frá því verkefninu var ýtt
úr vör.
Þorbjörg Ásgeirsdóttir, for-
stöðufreyja Menntasmiðjunnar,
sagði aðsókn vera að aukast,
„áhugi kvenna virðist vera að
aukast, margar konur sjá þetta
tækifæri til náms sem vænlegan
kost bæði til að styrkja sig og eins
til að taka stöðuna á sjálfum sér,
styrkleikum sínum og veikleikum,“
sagði Þorbjörg. „Nám við Mennta-
smiðjuna virkar oft sem eins konar
stökkpallur út í lífið.“
Þorbjörg sagði að tilurð Mennta-
smiðjunnar mætti rekja til þess að
atvinnuleysi var mikið á Akureyri
fyrir um áratug, einkum meðal
kvenna. „Upphaflegi hvatinn að
stofnun Menntasmiðjunnar var að
atvinnuleysi meðal kvenna var í
sögulegu hámarki. Stór hluti
þeirra kvenna, sem hingað komu á
fyrstu árunum, hafði upplifað at-
vinnumissi.“
Breytingar hafa þarna orðið á að
sögn Þorbjargar, en hún sagði æ
stærri hóp kvenna sjá gildi þess í
sjálfu sér að stunda námið. „Orðs-
tírinn hlýtur að hafa spurst út,“
sagði hún. Mikið er nú um að konur
sæki í Menntasmiðjuna í kjölfar
þess að þær hugsa til breytinga í
lífi sínu, „námið getur þá oft virkað
sem fyrsta skrefið í þeim breyt-
ingum.“
Um 300 konur hafa stundað nám
við Menntasmiðjuna frá því starf-
semin hófst haustið 1994. Nokkur
undanfarin ár hefur einnig verið
boðið upp á nám af svipuðu tagi
fyrir ungt fólk og verður það í boði
í fjórða sinn nú eftir áramót. Þá er
ótalinn fjöldi námskeiða sem
Menntasmiðjan býður upp á. Þar
má nefna tungumálanámskeið,
ensku og spænsku, en það síð-
arnefnda fylltist strax. Tölvu-
námskeið fyrir konur hafa einnig
notið vinsælda og alltaf mikil sókn í
slík námskeið að sögn Þorbjargar.
Þá stendur Alþjóðastofa, sem rekin
er innan vébanda Mennta-
smiðjunnar, fyrir námskeiðum í ís-
lensku fyrir útlendinga. Þau eru
vel sótt, enda þau einu sinnar teg-
undar sem í boði eru á Akureyri.
Loks má nefna að Mennta-
smiðjan stendur fyrir námskeiðum
nú í haust sem nefnast Draumar –
auður svefnsins, Maríurnar – kven-
ímyndin í trúnni og Lífsvefurinn
sem er sjálfstyrkingarnámskeið
fyrir konur. Það fyrst talda fjallar
um hlutverk, gagnsemi og eðli
drauma og hvernig vinna má með
eigin drauma. Maríurnar fjallar um
þá kvenímynd sem birtist og þróast
í kristinni trú og hvaða áhrif hún
kann að hafa á sjálfsímynd kvenna
og stöðu þeirra í samfélaginu. Val-
gerður H. Bjarnadóttir hefur um-
sjón með þessum námskeiðum. Hún
er einnig við stjórnvölinn ásamt
Karólínu Stefánsdóttur í sjálfstyrk-
ingarnámskeiðinu Lífsvefnum, en
slík námskeið hafa verið haldin frá
árinu 1992 og hafa mörg hundruð
kvenna sótt það. Eftir nokkurt hlé
er nú boðið upp á þetta námskeið
að nýju fyrir almenning.
Menntasmiðja kvenna 10 ára nú í haust
Námið
virkar sem
stökkpall-
ur út í lífið
Morgunblaðið/Kristján
Menntasmiðja kvenna 10 ára: Nítján konur stunda nú nám við Mennta-
smiðjuna en starfsemin hefur vaxið og dafnað á liðnum áratug.
GRÍÐARLEG að-
sókn var að Sund-
laug Akureyrar í
sumar og aldrei hafa
fleiri gestir komið í
sundlaugina fyrstu
átta mánuði ársins
en nú í ár. Gestir
laugarinnar þessa
fyrstu átta mánuði
ársins voru um
270.000 talsins, eða
um 43.000 fleiri en á
sama tímabili í fyrra.
Stærsta árið til þessa
var 2001 en þá komu
tæplega 258.000
gestir í laugina á um-
ræddu tímabili, sem
er rúmlega 12.000 gestum færra
en í ár.
Gísli Kristinn Lórenzson, for-
stöðumaður Sundlaugar Akureyr-
ar, er að vonum ánægður með að-
sóknina og hann segir stefna í
mestu aðsókn á einu ári frá upp-
hafi. Hann sagði að gera mætti ráð
fyrir um 100.000 gestum á síðustu
fjórum mánuðum árins og að
heildargestafjöldinn í ár verði 370–
380 þúsund manns. Gísli Kristinn
sagði að gott veður í allt sumar
hefði haft mikið að segja varðandi
aðsókn og að einnig væri þessi
mikla uppbygging í sundlauginni
farin að skila sér. Miklar endur-
bætur og breytingar hafa verið
gerðar á Sundlaug Akureyrar síð-
astliðin 10 ár. Kostnaður við fram-
kvæmdirnar á þessum áratug er
um 550 milljónir króna og sagði
Gísli Kristinn að þeim peningum
hefði verið vel varið.
„Við höfum fengið mjög jákvæð
viðbrögð frá gestum sundlaugar-
innar og þá sérstaklega frá ferða-
fólki en einnig hafa bæjarbúar lýst
yfir mikilli ánægju með svæðið.“
Tveir laugardagar í sumar skáru
sig nokkuð úr hvað aðsókn snertir,
fyrsti laugardagur í júlí, þegar
haldin voru tvö stór knattspyrnu-
mót í bænum, Esso-mót KA og
Pollamót Þórs, og svo laugardag-
urinn um verslunarmannahelgina.
Þá daga komu um og yfir 3.000
manns í laugina. Fjölskyldugarð-
urinn á sundlaugarsvæðinu nýtur
einnig vaxandi vinsælda og þangað
kom mikill fjöldi fólks í sumar.
Nú síðast hafa verið sett upp
tæki til líkamsræktar á sundlaug-
arbakkanum og á dögunum færði
Kaupfélag Eyfirðinga Sundlaug
Akureyrar að gjöf sjálfvirkt hjart-
arafstuðtæki, sem er einfalt og
handhægt öryggistæki.
Aðsóknarmet
í Sundlaug
Akureyrar
Morgunblaðið/Kristján
Nemendur í 6. bekk í Oddeyrarskóla í nýju líkams-
ræktartækjunum í Sundlaug Akureyrar.
AKUREYRI