Morgunblaðið - 11.09.2004, Blaðsíða 19
MINN STAÐUR
MORGUNBLAÐIÐ LAUGARDAGUR 11. SEPTEMBER 2004 19
Grindavík | Kristbjörg Her-
mannsdóttir hefur sett á stofn
fyrirtæki KHER í Grindavík sem
sérhæfir sig í hönnun og fram-
leiðslu á textílvörum. Í upphafi
er lögð áhersla á alls kyns vörur
úr þæfðri ull en markmiðið er að
auka vöruúrvalið eftir því sem
aðstæður leyfa.
Kristbjörg er þarna á heima-
velli en hún er einmitt útskrifuð
frá Haandarbejds Fremme Sem-
inarium sumarið 2002 og vinnur
sem textílmenntakennari við
Grunnskóla Grindavíkur. „Það
má eiginlega segja að þessi áhugi
minn á handmennt hafi byrjað
snemma og ég eignaðist mína
fyrstu saumavél 10 ára – þá var
ég búsett í Stykkishólmi en þar
er ég fædd og uppalin,“ segir
Kristín.
Fyrirtækið fékk fljótt nokkra
athygli. Þannig færði Kristín for-
setafrúnni, frú Dorrit Mouss-
aieff, herðaslá að gjöf í sumar.
„Hún hafði séð herðaslá sem ég
var með í 30 ára afmæli Grinda-
víkur í apríl og hrósaði mér mik-
ið fyrir hana. Ég kom því gjöf til
hennar í gegnum Hörð Guð-
brandsson, forseta bæjarstjórnar
hér í Grindavík,“ segir Krist-
björg.
Heimasíða fyrirtækisins er
www.kher.is.
Morgunblaðið/Garðar Páll Vignisson
Hönnun: Kristín Hermannsdóttir framleiðir alls kyns slár og sjöl úr
ull. Hér sýna ungar fyrirsætur hluta fatnaðarins.
Framleiðir tískuvörur úr þæfðri ull
Fékk fyrstu sauma-
vélina tíu ára gömul
Reykjanesbær | Meginhluti lóða í
hinu nýja Tjarnahverfi í Innri-
Njarðvík er genginn út. Aukinn
kraftur hefur verið settur í gatna-
gerð og framkvæmdir við fyrstu
íbúðarhúsin eru hafnar.
Tjarnahverfi er milli gömlu
byggðarinnar í Innri-Njarðvík og
Reykjanesbrautarinnar. Þar verða
liðlega 500 íbúðir í fullbyggðu hverfi.
Verið er að byggja nýjan grunn-
skóla, Akurskóla, og tekur hann til
starfa að ári. Þá hefur leikskólinn
verið stækkaður.
Úthlutun lóða hófst í vor og að
sögn Viðars Más Aðalsteinssonar,
framkvæmdastjóra umhverfis- og
skipulagssviðs Reykjanesbæjar, hef-
ur meginhluta lóðanna verið úthlut-
að nú þegar. Aðeins örfáar fjölbýlis-
húsalóðir eru eftir.
Bíða eftir götunum
Framkvæmdir við gatnagerð hóf-
ust í vor og átti að áfangaskipta
verkinu þannig að það myndi ganga
fram í takt við eftirspurn eftir lóðum.
Vinnu við tvo fyrstu áfangana lýkur
á næstunni og þá verða fyrstu göt-
urnar tilbúnar. Búið er að bjóða út
þriðja áfangann og sá fjórði og síð-
asti verður boðinn út á næstunni.
Viðar Már segir að bæjarstjórn hafi
ákveðið að setja meira fjármagn í
þessar undirbúningsframkvæmdir
vegna þess hversu ásóknin í lóðir er
mikil. Vonast hann til að allar göt-
urnar verði tilbúnar næsta vor.
Húsanes hefur hafið byggingu
fyrstu húsanna. Viðar Már segir að
margir einstaklingar bíði eftir að
götur þeirra klárist, ólmir í að hefj-
ast handa og fleiri verktakar en
Húsanes. Viðar segir að menn hafi
trú á því að bjart sé fram undan í at-
vinnumálum svæðisins og telur að
það skýri spennuna að hluta. Þá sé
það að verða sífellt aðgengilegra fyr-
ir fólk sem vinnur á höfuðborgar-
svæðinu að byggja á þessu svæði og
búa vegna bættra samganga. Ein-
staklingarnir sem hyggjast byggja í
Tjarnahverfi eru jafnt fólk sem þeg-
ar býr í bæjarfélaginu og fólk af höf-
uðborgarsvæðinu og einnig eru
dæmi um einstaklinga sem koma
lengra að.
„Það er greinilegt að við þurfum
að fara að huga að skipulagi nýs
hverfis,“ segir Viðar Már og vísar til
þess hvað það taki langan tíma að
skipuleggja nýtt hverfi og undirbúa
það fyrir úthlutun. Fyrirhugað er að
það hverfi verði í beinu framhaldi af
Tjarnahverfi, í áttina að Vogastapa.
Kraftur í gatnagerð í Tjarnahverfi vegna ásóknar í lóðir
Byrjað að byggja
fyrstu íbúðarhúsin
HÚSANES ehf. er að steypa sökkla
að tveimur fjórbýlishúsum í Tjarna-
hverfi og eru það fyrstu íbúðar-
húsin sem rísa í hinu nýja hverfi. Þá
er verið að grafa grunn fyrir tvö
önnur.
Húsanes hefur fengið úthlutað
lóðum fyrir um 100 íbúðir í Tjarna-
hverfi. Húsin, sem byrjað er að
byggja, eru við Skólabraut, rétt hjá
Akurskóla. Halldór Ragnarsson,
framkvæmdastjóri Húsaness, segir
stefnt að því að 24 íbúðir verði til-
búnar á næsta ári. Reiknar hann
með því að húsin verði auglýst til
sölu á vori komanda.
Ljósmynd/Hilmar Bragi
Sökklar: Starfsmenn Húsaness eru að slá upp fyrir sökklum fyrsta íbúðar-
hússins í nýja Tjarnahverfi. Þeir hyggjast byggja 24 íbúðir í vetur.
Verður sett á sölu í vor
SUÐURNES