Morgunblaðið - 11.09.2004, Blaðsíða 20

MINNSTAÐUR
20 LAUGARDAGUR 11. SEPTEMBER 2004 MORGUNBLAÐIÐ
Borgarnes | Um 400 krakkar úr
10 grunnskólum á Vesturlandi
voru samankomnir í Borgarnesi sl.
fimmtudag til þess að keppa í
frjálsum íþróttum og sundi.
Íþróttamótið skipulögðu íþrótta-
kennarar skólanna og að sögn
þeirra var þetta annað stærsta
mót sem haldið var á Íslandi á
árinu.
Samstarf sveitaskóla á Vest-
urlandi á sér mjög langa sögu eða
allt frá dögum heimavistarskól-
anna. Það hefur þróast í að vera
samstarf nemenda á sviði íþrótta
og annarra skemmtana, en starfs-
fólk skólanna hittist gjarnan á fag-
legu nótunum. Skólastjórar þess-
ara skóla funda einnig reglulega.
Börnin koma úr Andakílsskóla,
Kleppjárnsreykjaskóla, Heið-
arskóla, Varmalandsskóla, Laug-
argerðisskóla, Lýsuhólsskóla, Búð-
ardalsskóla, grunnskólanum í
Tjarnarlundi og Reykhólaskóla og
nú síðast gerðist grunnskólinn í
Borgarnesi aðili að samstarfinu og
er frjálsíþróttamótið hluti af því.
Annað stærsta íþróttamót landsins
Morgunblaðið/Guðrún Vala
Hlaup og stökk: Keppendur úr grunnskólunum sýndu góð tilþrif í langstökki á Borgarnesvelli.
Skagafjörður | Landeigendur að Höfðavatni í
Skagafirði hafa um árabil opnað úr vatninu út
í sjó, á svonefndri Bæjarmöl, til að endurnýja
vatnsbúskapinn og lífríkið í vatninu, og var
þetta gert á nokkurra ára fresti. Haustbrimin
sáu síðan um að loka skarðinu aftur. Fyrir
u.þ.b. fjórum árum var vatnið opnað, en nú
brá svo við að brimin náðu ekki að loka og hef-
ur vatnið á þessum tíma verið opið í sjó fram.
Í haust ákváðu landeigendur að við svo búið
mætti ekki standa og var verktakafyrirtækið
Fjörður, í eigu Jóns Árnasonar, verktaka á
Sauðárkróki, fengið til að framkvæma verkið.
Var hafist handa síðastliðinn mánudag, en
gert er ráð fyrir að verkinu ljúki í kvöld. Að
sögn Jóns voru notaðir tíu til fimmtán þúsund
rúmmetrar af efni til þess að fylla í skarðið,
sem var 136 metra langt og dýpi um það bil 3
metrar, og tók það rúman sólarhring að loka,
en síðan var garðurinn hækkaður í rúma þrjá
metra yfir sjó og síðustu dagana var verið að
þétta og laga garðinn svo hann þyldi þann
ágang sem sjórinn veitir honum yfir veturinn.
Löngum var góð silungsveiði í Höfðavatni
og talin til verulegra hlunninda á aðliggjandi
jörðum, en eftir að vatnið var orðið opið í sjó
fram hefur að mestu tekið fyrir alla þá veiði en
þorskur gengið í vatnið og jafnvel selir gert
sig þar heimakomna. Vænta landeigendur
þess að nú verði aftur unnt að ná upp silungs-
veiðinni.
Morgunblaðið/Björn Björnsson
Perlur: Þórðarhöfði og Höfðavatnið að baki
honum eru miklar náttúruperlur í firðinum.
Ósar Höfða-
vatns lagfærðir
á Bæjarmölinni
LANDIÐ
Skaftártunga | Úrrennsli getur gert mjóar
hestagötur og bílslóða að stórum skorningum
á stuttum tíma þar sem land er viðkvæmt.
Mörg dæmi um slíkt sjást við fjölfarnar ferða-
mannaleiðir, svo sem á Skaftártunguafrétti.
Á Skaftártunguafrétti eru þykk vikurlög og
jarðvegur því viðkvæmur fyrir úrrennsli. Þar
er jafnframt mikil umferð ferðafólks, jafnt
gangandi og á hestum og bílum, ekki síst á
Fjallabaksleiðunum. Þannig hafa myndast
hestagötur meðfram vegunum, oft margfaldar
vegna þess hversu stórir hestahópar fara
þarna um. Einnig sjást för eftir bíla utan vega
og spark eftir gangandi.
Elín Heiða Valsdóttir, starfsmaður héraðs-
seturs Landgræðslu ríkisins á Kirkjubæjar-
klaustri, segir að vegna úrrennslis geti slík
sár orðið að stórum skorningum á stuttum
tíma. Og slík þróun stöðvist ekki svo glatt,
þetta eigi eftir að versna ef ekkert verði að
gerð.
Koma í veg fyrir vandamálið
Sjálfboðaliðar hafa farið í landgræðsluferðir
inn á hálendið á undanförnum árum til að
reyna að draga úr úrrennsli. Þannig notuðu
bændur í Skaftártungu einn rigningardag í
sumar til að setja 80 heyrúllur í slíkar götur
en Elín Heiða segir að það hafi reynst vel að
nota heyrúllur í þessum tilgangi. Einnig hafa
verið farnar ferðir í samvinnu við samtök bíl-
eigenda.
Hún leggur þó áherslu á að þetta séu ein-
ungis viðgerðir. Mikilvægt sé að stöðva
vandamálið, koma í veg fyrir að það verði til.
Gera þurfi samstillt átak til að stýra umferð
ferðamanna um hálendið. Í því sambandi
nefnir hún að gera þurfi reiðgötur meðfram
fjölförnum fjallvegum, reiðgötur sem hrossin
haldi sig við.
Hestagirðingar settar upp
Hún segir að Landgræðslan hafi í samvinnu
við Skaftárhrepp og skálaverðina í Hólaskjóli
sett upp tvö áningarhólf fyrir hestahópa við
Fjallabaksleið nyrðri í sumar. Hóparnir
stoppi því á sama stað og valdi minni lands-
kemmdun. Setja þurfi upp fleiri slík hólf.
Mjó gata getur orðið að skorningi