Morgunblaðið - 11.09.2004, Page 53

MENNING
MORGUNBLAÐIÐ LAUGARDAGUR 11. SEPTEMBER 2004 53
DANSLEIKUR
Dúndrandi harmonikuball í Auðbrekku 25,
Kópavogi, í kvöld frá kl. 22:00.
Fjölbreytt músík fyrir dansáhugafólk.
Aðgangseyrir kr. 1.500.
Harmonikufélag Reykjavíkur.
debenhams
S M Á R A L I N D
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
D
EB
2
56
74

09
/2
00
4
E-kortshafar fá 2,5% endurgreiðslu
af því sem keypt er í Debenhams.
Esprit fyrir krakka
Nýtt í Debenhams
Enn bætast ný merki við frábært úrval merkjavöru
í Debenhams. Barnafötin frá Esprit auka enn á glæsilegt
vöruúrvalið. Þau eru sérlega litrík, falleg og vönduð.
EINHVERN tíma var sagt að mun-
urinn á ljósmynd og málverki væri sá
að meðan málverkið drægi upp ein-
hvern hugarheim málarans, sannan
eða loginn, – alltaf þó séðan með
hans augum og túlkaðan með hans
aðferðum, þá væri ljósmyndin eins
og frosin sneið af raunveruleikanum.
En er það svo? Auðvitað hefur sjón-
arhorn ljósmyndarans áhrif á það
hvernig við sjáum þá frosnu sneið.
Og hvað er svo sem raunveruleiki? –
ef við viljum fara út í enn dýpri
sálma.
Danski ljósmyndarinn Astrid
Kruse Jensen veltir þessum hug-
myndum fyrir sér í verkum sínum á
sýningu sem nú stendur yfir í Gall-
eríi Skugga á Hverfisgötunni, en
sýninguna kallar hún „Imaginary
Realities“ – sem hægt væri að kalla
ímyndaðan raunveruleika. Meginvið-
fangsefni hennar eru hversdagslegir
staðir og aðstæður en í ljósmyndum
sínum ljær hún slíkum stöðum and-
rúmsloft sem kveikir með áhorfand-
anum hugmyndir um annars konar,
og ímyndaðan, raunveruleika.
„Það er rétt, í myndunum sem ég
sýni í Skugga er ég einmitt að varpa
fram spurningum um „raunveruleik-
ann“ í ljósmyndinni og um leið að
varpa fram efasemdum um þá hug-
mynd sem þú nefndir að ljósmyndin
sé tæki til að sýna raunveruleikann.
Það sem ég er að ýja að er að það sé
enginn „alvöru“ eða raunverulegur
heimur í ljósmyndum, heldur sé það
sviðsettur veruleiki, jafnvel í ljós-
myndum sem okkur þykir mjög
raunverulegar.“
Óvenjulegt samspil ljóss og
skugga einkennir margar myndir
Astrid Jensen. „Ég nota eingöngu þá
lýsingu sem er til staðar á tökustaðn-
um, nema í einni mynd; – mynd af
stúlku í skógi, en þar nota ég flass, til
að draga fram ákveðin rýmishughrif.
Ég mynda hversdagsleg augnablik,
eins og af strætóstoppistöð, – augna-
blik sem allir þekkja – stúlka situr á
bekknum og bíður eftir strætó, og er
í djúpum þönkum. Við vitum ekki að
öðru leyti hvernig þetta augnablik
er, hvort það snýst um dagdrauma,
um eitthvað stórt drama, eða hvort
þetta er sindur úr einhverju æv-
intýri, – gæti verið hvað sem er; – og
þá margræðni annarra heima reyni
ég að draga fram.“
Astrid Kruse Jensen lauk námi frá
Gerrit Rietveld-akademíunni í Amst-
erdam og frá Glasgow School of Art
en hún er nú búsett í Kaupmanna-
höfn. Skuggi er opinn kl. 13–17
fimmtudaga til sunnudaga.
Myndlist | Gallerí Skuggi
Astrid Kruse Jensen: Bus Stop.
Ímyndaður
raunveruleiki
HJÁ Máli og menn-
ingu er Njála kom-
in út á ensku –
The Saga of Njáll
– í endursögn
Brynhildar Þór-
arinsdóttur með
myndskreytingum
Margrétar E. Lax-
ness.
Brynhildur hlaut Vorvinda, við-
urkenningu Barna og bóka, Íslands-
deildar IBBY fyrir bókina árið 2002.
Bókin er prýdd glæsilegum mynd-
um eftir Margréti E. Laxness og að
auki yfir 60 ljósmyndum. Jafnframt
eru í bókinni fjölmargir fróðleiksmolar
um sögusvið Njálu og sögutímann.
Bókin er 61 bls.
Þýðandi: Þóroddur Bjarnason
Verð: 2.490 kr.
Njála á ensku
HJÁ Máli og menn-
ingu er komin út
Egla, sem er saga
Egils Skalla-
Grímssonar, í end-
ursögn Brynhildar
Þórarinsdóttur
með myndskreyt-
ingum Margrétar
E. Laxness.
Egla er æsispennandi saga sem
segir frá víkingum og bændum, kon-
ungum og drottningum, einvígjum,
göldrum og gersemum.
Brynhildur Þórarinsdóttir gerir sögu
Egils aðgengilega fyrir börn og ung-
linga í spennandi endursögn og með
fjölmörgum fróðleiksmolum.
Bókina prýða glæsilegar myndir
Margrétar E. Laxness auk tuga ljós-
mynda og listaverka.
Brynhildur hefur sent frá tvær aðrar
barnabækur, Lúsastríðið (2002) og
Njálu (2002) sem er endurritun á
Njálssögu, einnig með myndskreyt-
ingum Margrétar Laxness. Fyrir þá
bók hlaut Brynhildur Vorvinda, við-
urkenningu Barna og bóka, Íslands-
deildar IBBY. Hún er nú einnig fáanleg
á ensku.
Bókin er 61 bls. Verð: 2.690 kr.
Egla fyrir börn
og unglinga
Fréttasíminn
904 1100