Morgunblaðið - 12.09.2004, Blaðsíða 2

FRÉTTIR
2 SUNNUDAGUR 12. SEPTEMBER 2004 MORGUNBLAÐIÐ
HYGGST EKKI HÆTTA
Davíð Oddsson forsætisráðherra
segist ekki vera tilbúinn til að hætta
í stjórnmálum þrátt fyrir erfið veik-
indi. Hann segist á þessari stundu
ekki hafa uppi nein önnur áform en
að bjóða sig áfram fram til formanns
Sjálfstæðisflokksins á næsta ári.
Mannlegi þátturinn útundan
Þrátt fyrir aukna og jákvæða við-
leitni til að skapa betri vinnuaðstöðu
í hátæknifrystihúsum og gera
strangari kröfur um hreinlæti, hefur
mannlegi þátturinn setið eftir og
starfsfólk kvartar undan meira álagi
og óþægindum í hálsi samkvæmt
nýrri rannsókn á samspili hátækni
og starfsánægju.
Innfluttar vörur ódýrari
Nokkur dæmi eru um að inn-
fluttar vörur, sem teknar voru með í
verðkönnun sem gerð var fyrir Sam-
tök iðnaðarins í fjórum matvöru-
verslunum, séu ódýrari en sambæri-
legar íslenskar vörur þrátt fyrir að
þær beri háa tolla, allt að 76%.
Skæður fellibylur
Fellibylurinn Ívan olli miklu tjóni
á Jamaíka aðfaranótt laugardags en
ekki var búist við að hann skylli af
fullum þunga á eynni. Áður hafði
Ívan valdið tugum dauðsfalla og
geysilegu eignatjóni á nokkrum
Karíbahafseyjum, aðallega Grenada.
Gert var ráð fyrir að Ívan færi yfir
Kúbu í dag og Flórída eftir helgina.
Íslam kennt í Danmörku
Hægri-miðjustjórnin í Danmörku
ætlar að setja framhaldsskólum nýja
kennsluskrá á næsta ári og verður
þar lögð áhersla á að kenna nem-
endum aðalatriði íslams í trúar-
bragðafræðslu. Verður þeim gert
skylt að lesa kafla úr Kóraninum.
Kristindómur mun þó aldrei verða
minni þáttur í trúarbragða-
fræðslunni en 30%.
Y f i r l i t
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfull-
trúi, orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@ .is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf
Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl
Í dag
Sigmund 8 Myndasögur 50
Forystugrein 32 Leikhús 54
Reykjavíkurbréf 32 Fólk 56/60
Umræðan 36/41 Bíó 56/60
Bréf 41 Sjónvarp 62
Minningar 42/45 Veður 63
Hugvekja 46 Staksteinar 63
* * *
Kynningar – Með Morgunblaðinu í
dag fylgir auglýsingablaðið Mennt
vika símenntunar.
MIKIL ánægja virðist vera meðal
foreldra með þjónustu Leikskóla
Reykjavíkur. Samkvæmt könnun
sem fór fram meðal þeirra sl. vor
telja 98% foreldra að barn þeirra sé
mjög eða frekar ánægt í leikskól-
anum og 99% segja að barninu líði
þar mjög eða frekar vel.
Í könnuninni segjast 95% foreldra
vera mjög eða frekar ánægðir með
hvernig tekið er á móti barni þeirra
þegar það kemur í leikskólann og
svipuð ánægja er með hvernig börn-
in eru kvödd í lok dags.
Yfir 90% aðspurðra foreldra eru
ánægð með aðra þætti eins og til
dæmis samstarf við leikskólann,
dagleg samskipti við starfsmenn
deilda og samskipti við leik-
skólastjóra. Einnig eru næstum því
allir foreldrar sem þekkja til náms-
áætlunar leikskólans ánægðir með
hana. Í tilkynningu frá þróunar- og
fjölskyldusviði borgarinnar segir
m.a. að kynning nýrra starfsmanna
á leikskólunum sé veikur hlekkur í
starfsemi þeirra en aðeins 63% for-
eldranna voru ánægðir með þann
lið.
Foreldrar ánægð-
ir með þjónustu
leikskólanna
KORNUPPSKERAN gengur vel, að
sögn Jónatans Hermannssonar, til-
raunastjóra Rannsóknastofnunar
landbúnaðarins, en byggi var sáð í
um þrjú þúsund hektara víða um
land í vor. Gerir hann ráð fyrir því
að heildaruppskeran geti orðið um
tíu þúsund tonn.
„Menn hafa verið að skera korn
frá því um miðjan ágúst,“ segir
hann og bætir því við að kornbænd-
ur hafi verið á fullum afköstum síð-
ustu tvær vikurnar. Rigningartíð
sunnanlands að undanförnu hafi þó
eitthvað tafið fyrir. Það breyti því
hins vegar ekki að almennt sé upp-
skeran góð. „Menn nota allar þær
stundir sem gefast,“ segir hann.
Kornuppskeran
gengur vel
GÓÐUR gangur er hjá Suðurverki
við gerð Desjarárstíflu og Sauðár-
dalsstíflu við Kárahnjúkavirkjun.
Gengur vinnan vel og allir verk-
þættir á áætlun, að því er segir á
vef Kárahnjúkavirkjunar. Unnu
Suðurverksmenn m.a. við stoðfyll-
ingu Sauðárdalsstíflu í síðustu viku
og að laga fláa undir grjótvarnir.
Við Desjarárstíflu var m.a. grafið
ofan af grjótnámum og unnið við að
þétta bergið undir stíflunni. Frá-
rennslisgöng Kárahnjúkavirkjunar
eru tilbúin, alls 1.436 metra löng.
Góður gangur
hjá Suðurverki
SLAGVEÐUR og mikil rigning
beið kajakræðaranna fjögurra, sem
róa fyrir suðurodda Grænlands fyr-
ir Blindrafélagið, er þeir litu til veð-
urs í fyrradag á Otteruder-eyju
skammt norðan suðuroddans og var
kalt fram eftir degi. Slæmt var í
sjóinn sem gerði það að verkum að
þeir fóru ekki fyrir stóra höfðann á
föstudag, en þeir þurfa heilan góð-
an dag til að komast í fyrsta mögu-
lega tjaldstæði hinum megin við
hann. Góð veðurspá var hins vegar
fyrir gærdaginn og ætluðu fé-
lagarnir að vakna snemma í gær og
róa eins langt og þeir mögulega
gætu, samkvæmt dagbók þeirra á
Netinu.
Tjaldstaður þeirra er sennilega
gamall tjaldstaður annarra kajak-
manna þar sem talsvert er af litlum
tjaldhringjum við stæðið og fundu
þeir eina óopnaða matarkistu eða
matarhaug. Þeir sögðust hlakka til
að eiga stóran sprett fyrir erfitt
svæði í gær, laugardag.
Talsvert er af ís í sjónum og
segja þeir greinilegt að vetur sé að
ganga í garð. Þeir hafa þó báta sem
reynst hafa vel í ís og eru vel búnir
að öðru leyti.
Leiðangursmenn eru Friðgeir
Þráinn Jóhannesson, Reynir Jó-
hannesson, Baldvin Kristjánsson
fararstjóri og Halldór Sævar Guð-
bergssson.
Söfnunarsími Blindrafélagsins er
907 5100 og geta áhugasamir hringt
inn og látið draga sjálfkrafa af sím-
reikningi sínum 1.000 krónur.
Kajakmenn reyna
við höfðann
NOKKUR dæmi eru um að innfluttar
vörur, sem teknar voru með í verð-
könnun sem gerð var fyrir Samtök
iðnaðarins í fjórum matvöruverslun-
um, séu ódýrari en sambærilegar ís-
lenskar vörur þrátt fyrir að þær beri
háa tolla, allt að 76%. Heildarniður-
staða könnunarinnar var að íslenska
innkaupakarfan með 23 vörutegund-
um var 10,3% ódýrari en karfa með
innfluttum vörum, eins og greint var
frá í Morgunblaðinu á fimmtudag.
Þannig leiddi verðkönnunin, sem
AP-almannatengsl gerðu, í ljós að
meðalverð kartöflusnakks með papr-
ikubragði var 261 kr. í íslensku körf-
unni en 210 kr. í þeirri innfluttu. Inn-
flutt snakk af þessu tagi ber 59% toll.
Sömuleiðis er innflutt hvítlauksbrauð,
sem ber 20% toll, ódýrara en það ís-
lenska. Þá var ekki mikill verðmunur
á frönskum kartöflum frosnum. Þær
íslensku kostuðu að meðaltali 286 kr.
en þær innfluttu, sem bera 76% toll,
kostuðu 302 kr. að meðaltali í þessum
fjórum verslunum. Innflutt maískorn
og rauðkál, sem bera 30% toll, voru
talsvert ódýrari en sambærilegar ís-
lenskar vörur í könnuninni.
Aðspurður segist Sveinn Hannes-
son, framkvæmdastjóri Samtaka iðn-
aðarins, ekki hafa skýringar á reiðum
höndum á þessum mun. Hann bendir
á að tollar af nokkrum varanna séu
ekki verndartollar, líkt og á brauði og
súkkulaði. Þeir séu tilkomnir af því að
í sömu innlendu vörurnar sé notað
innflutt hráefni eins og mjólkurduft,
sem sé á mun hærra verði hér en er-
lendis. Þessir tollar séu því hugsaðir
til að mæta hærri hráefniskostnaði.
Samanburður erfiður
Sveinn minnir ennfremur á að
álagning í verslunum sé mismunandi.
Sumar verslanir leggi t.d. meira á inn-
lendar vörur heldur en innfluttar
vörur, sem þær flytji kannski inn
sjálfar og vilji halda meira fram. Þetta
geti verið ein skýringin á þessum
verðmun, innfluttu vörunum í vil.
Um það hvort þessar vörur í könn-
uninni geti talist fyllilega sambæri-
legar segir Sveinn svona samanburð
ávallt vera erfiðan. Að öðru leyti vísar
hann á þá sem framkvæmdu könn-
unina.
Verðkönnun í fjórum verslunum fyrir Samtök iðnaðarins
Innfluttar vörur ódýr-
ari þrátt fyrir háa tolla
NOKKUR fjöldi Grafarvogsbúa tók
daginn snemma í gær er Grafarvogs-
dagurinn var haldinn hátíðlegur, en
boðið var upp á morgunkaffi í pott-
unum í Grafarvogslaug og vatns-
leikfimi undir stjórn sr. Lenu Rósar
Matthíasdóttur. „Dagurinn fór mjög
vel af stað og erum við afar sátt við
startið. Þannig var mikill fjöldi fólks
sem þáði morgunkaffi í Grafarvogs-
laug í morgun og í kringum þrjátíu
manns sem tóku þátt í vatnsleikfim-
inni hjá nýjasta presti Grafarvogs-
sóknar. Rétt fyrir klukkan hálfellefu
fór af stað fimmtíu manna hópur í
sögugöngu um Keldnaholt og Húsa-
hverfi undir leiðsögn Jóhanns Páls-
sonar,“ sagði Þráinn Hafsteinsson,
íþrótta- og tómstundaráðgjafi hjá
Miðgarði, við Morgunblaðið.
„Greinilegt er að Grafarvogsdag-
urinn er að festa sig vel í sessi. Svo
ánægjulega vill til að aðkoma leik-
skólabarnanna og nemenda grunn-
skólanna og Borgarholtsskóla er
mun meiri og markvissari í ár en
verið hefur áður. Þannig taka skól-
arnir Grafarvogsdaginn inn á dag-
skrá sína og síðustu tvær vikur hafa
nemendur verið að vinna að ákveðn-
um verkefnum í skólunum,“ sem
Þráinn segir að hafi verið sýnd í
skólunum.
Morgunblaðið/Sverrir
Vatnsleikfimi í morgunsárið