Morgunblaðið - 22.09.2004, Side 16
16 MIÐVIKUDAGUR 22. SEPTEMBER 2004 MORGUNBLAÐIÐ
MINNSTAÐUR |
HÖFUÐBORGARSVÆÐIÐ
AKUREYRI
Höfuðborgarsvæðið | Starfsmenn
Strætó bs. stóðu í stórræðum í gær
þar sem þeir stóðu vaktina á helstu
skiptistöðvum vagnanna og kynntu
fyrirhugaðar breytingar á leiðar-
kerfi strætisvagna fyrir fólki.
Þar sem Morgunblaðið rak inn
nefið var nóg að gera við að svara
fyrirspurnum almennings um kerf-
ið. Úlfur Einarsson strætisvagna-
bílstjóri, sem stóð vaktina á
Hlemmi við annan mann, segir að
flestar fyrirspurnirnar sem hann
hafi fengið hafi gengið út á að finna
nýjar leiðir fyrir fólk sem er vant að
taka ákveðnar leiðir í gegnum tíð-
ina. Úlfur segir að nú sé mikið verk
fyrir höndum við að kynna nýja
kerfið, og sérstaklega þurfi að
kynna það vel fyrir eldra fólki, sem
notar vagnana mikið.
„Ég á ekki bíl og þar af leiðandi
er ég alveg háður strætisvögnum,“
segir Einar Örn Gunnlaugsson,
sem hafði verið að ræða leiðarkerf-
ið við Úlf á Hlemmi. „Fyrst leist
mér ekki nógu vel á þetta, en ég
slepp nú betur en margir aðrir.
Leiðin með strætó til að komast í og
úr vinnu lengist í mesta lagi um 30
metra, í mínu tilviki, en hún hefði
getað lengst um 700 metra, sem
mér leist ekkert á.“
Vantar norður/suður-leiðir
Einar segir að helsti gallinn sem
hann sjái við kerfið sé að það vanti
eftir sem áður fleiri tengingar frá
norðurhluta borgarinnar til suðurs,
flestar tengingarnar séu milli aust-
ur- og vesturhluta. „Það hefur allt-
af verið of mikið einblínt á austur
og vestur, en það er líka til norður
og suður og það virðist gleymast
eina ferðina enn.“ Hraðleiðirnar
sem eiga að koma á 10 mínútna
fresti á annatíma eru ljósi punkt-
urinn við nýja kerfið, segir Einar.
„Ferðatíminn er of lágur í dag,
þetta var ágætt þegar þetta var á
korters fresti, en síðan var þessu
breytt í að vera á 20 mínútna
fresti.“
Jóna Sigurbjörg Óladóttir vinnur
við Hlemm, og segist vera að vona
að nýja kerfið verði betra svo það
henti henni betur að taka strætó
eftir breytingarnar, enda sé erfitt
að fá bílastæði á góðum stað við
vinnustaðinn.
Strætisvagnarnir þurfa að
hafa forgang í umferðinni
„Ég fékk ágætis svör, en mér
finnst ennþá dálítið furðulegt að
fara í vagninn við Selás, fara alla
Miklubrautina niður á Lækjartorg
og svo hingað upp á Hlemm. Það er
aukakrókur. En ef þeir hafa ein-
hvern forgang í umferðinni og þetta
er hraðferð þá getur það munað því
frekar heldur en að vera að fara
með tíunni og ellefunni eins og
þetta er í dag,“ segir Jóna.
„Vagninn sem ég tek í dag, fimm-
an, sú leið hverfur,“ segir Esther
Karlsdóttir, sem tekur strætó svo
til daglega. Hún segir að nú þurfi
hún að fara á annan stað til að taka
vagninn, og trúlega ganga lengra til
að komast á stoppistöðina. „Þegar
þeir keyptu strætisvagnana þessir
einkaaðilar átti þetta að vera miklu
betra allt. Þetta er örugglega betra
fyrir marga, en fyrir mig er þetta
alveg ómögulegt.“
Esther segir það plús ef vagn-
arnir koma á 10 mínútna fresti.
„Það er plús, það sem ég er óhress
með er hvað ég þarf að labba langt
á stoppistöðina. En það er alltaf
gott í öllu.“
Kynntu fyrirhugaðar breytingar á leiðakerfi Strætó bs.
Skiptar skoðanir
um nýja kerfið
Morgunblaðið/Þorkell
Fulltrúar Strætó þurftu að svara ófáum spurningum um nýja leiðakerfið á
fundum með almenningi á skiptistöðvum víðsvegar um höfuðborgarsvæðið.
Reykjavík | Rúmlega helmingur
nemenda í Hlíðaskóla, Langholts-
skóla, Grandaskóla og Álftamýr-
arskóla fer gangandi í skólann á
morgnana, en ríflega fjórðungur er
keyrður með einkabíl í skólann.
Þetta eru niðurstöður úr könnun
sem nemendur í 6. og 7. bekk úr skól-
unum fjórum gerðu á samgöngu-
venjum samnemenda sinna í öllum
bekkjardeildum, og starfsmanna
skólanna, í tilefni af Evrópskri sam-
gönguviku.
Í niðurstöðum könnunarinnar, sem
náði samanlagt til 1.654 einstaklinga,
kemur fram að tæplega 56% barna í
skólunum fjórum fóru fótgangandi í
skólann, en um 27% fengu far með
einkabílum. Stór hluti, eða um 14%,
hjólaði í skólann, og rúmlega 1% fór
með strætó.
„Það voru rosalega margir sem
komu gangandi, og furðulega margir
sem komu á einkabíl fannst okkur,“
segir Örvar Hafþórsson, nemandi í
7.B.H. í Hlíðaskóla. Hann segir þó
hægt að finna skýringar á fjöldanum
sem kemur í skólann með einkabíl.
„Það voru sumir sem áttu heima svo
langt í burtu að þeir þurftu ann-
aðhvort að koma á einkabíl eða með
strætó. Það voru reyndar ekki marg-
ir sem komu með strætó.“
Kynningu frestað
vegna verkfallsins
Hann segir að ætlunin hafi verið að
kynna niðurstöðurnar formlega í
Ráðhúsi Reykjavíkur í gær. Sú kynn-
ing féll þó niður vegna verkfallsins en
sem betur fer höfðu hóparnir hist
fyrir verkfall til að bera saman nið-
urstöður sínar.
Sumir hóparnir könnuðu líka hvort
fólk tæki mark á umferðarreglunum,
og segir Örvar að þeir hafi séð að allt
of fáir noti hjálma á reiðhjólum, og að
margir foreldrar sleppi því að láta
börnin sín spenna bílbeltin þegar þau
eru keyrð í skólann.
Þau Katrín S. Antonsdóttir, Eysteinn Gunnlaugsson, Örvar Hafþórsson,
Kristjana Pétursdóttir, Anna M. Sigurðardóttir, Arna Björt Bragadóttir,
Dagur Jóhannesson og Rakel Kristinsdóttir kynntu niðurstöðurnar úr mis-
munandi skólum í heimsókn til Höfuðborgarstofu.
Fjórðungur skólabarna
keyrður í skólann
#$
!
% #%
""'"(
)%' ( ' (
'( * +
'(
,
-
$.
"
%
/0$
KB BANKI ætlar að auka umsvif bakvinnslusviðs bank-
ans með því að stofna nýja deild á Akureyri sem mun
skapa allt að 15 ný störf í útibúi bankans á Akureyri.
„Bæði er um að ræða ný störf en einnig er að hluta til
verið að færa störf frá höfuðstöðvunum í Reykjavík,“
sagði Hilmar Ágústsson, útibússtjóri KB banka á Ak-
ureyri, þegar tilkynnt var um áformin í gær.
Hann sagði ýmsar ástæður fyrir því að ákveðið var að
færa út kvíarnar á Akureyri, „hér er gott og stöðugt
vinnuafl, húsnæði bankans var vannýtt og þá ætlum við
að blása til sóknar á Akureyri með það fyrir augum að
auka markaðshlutdeild KB banka í bænum,“ sagði Hilm-
ar. Þar væri verk að vinna, markaðshlutdeild KB banka
á Akureyri væri heldur lakari en hinna bankanna
tveggja. „Við stefnum að því að stækka okkar markað
hér í bænum.“ Þá nefndi hann að aukning starfa á vegum
bankans á Akureyri væri einnig liður í þeirri stefnu að
efla Akureyri og Eyjafjarðarsvæðið með því að skapa at-
vinnu á svæðinu.
Starfsmennirnir nýju munu annast ýmis bakvinnslu-
störf fyrir höfuðstöðvar bankans og útibú hans, m.a. við
frágang ýmiss konar, samningagerð, eftirlit, störf sem
tengjast frágangi á nýjum íbúðalánum að sögn Einars
Más Hjartarsonar, framkvæmdastjóra baksviðsdeildar
KB banka.
Friðrik Halldórsson, framkvæmdastjóri viðskipta-
bankasviðs KB banka, sagði að bankinn væri sífellt að
stækka, umfang starfseminnar hefði aukist jafnt og þétt
undanfarin misseri. Vart hefði verið pláss fyrir þessa
auknu starfsemi syðra, húsnæði væri takmarkað og
einnig mun dýrara en á Akureyri. „Það var hægt að
koma þessari starfsemi fyrir með góðu móti á Akureyri
og því var sú lausn valin,“ sagði Friðrik.
Starfsmenn KB banka á Akureyri eru 26 talsins þann-
ig að starfsemin mun vaxa mjög að umfangi með tilkomu
nýju starfanna. Þegar hafa menn hafist handa við að
breyta húsnæði bankans við Geislagötu á Akureyri, en
starfsemin verður á 2. hæð hússins.
Morgunblaðið/Kristján
Einar Már Hjartarson, framkvæmdastjóri bakvinnslusviðs KB banka, Friðrik Halldórsson, framkvæmdastjóri við-
skiptabankasviðs, Hilmar Ágústsson, útibússtjóri á Akureyri, og Geir Gíslason aðstoðarútibússtjóri.
Skapa allt að 15 ný störf
KB banki færir út kvíarnar á Akureyri
Myndlist og miðlar | Myndlist
og miðlar er heiti á fyrirlestri
sem Hannes Sigurðsson, for-
stöðumaður Listasafnsins á Ak-
ureyri, flytur á Félagsvís-
indatorgi í dag, miðvikudaginn
22. september, kl. 12 í Deiglunni.
„Í gegnum tíðina hefur íslensk-
um myndlistarsöfnum oftast
gengið erfiðlega að laða til sín
gesti.
Á þessu hefur þó orðið nokkur
breyting á liðnum árum og er
það ekki síst að þakka því fram-
taki margra listamanna að sýna
hvar og hvenær sem tækifæri
gefst,“ segir í frétt um fyrirlest-
urinn.
Í erindi sínu gerir Hannes
grein fyrir hugmyndafræði sinni í
sýningarhaldi og viðhorfi til fjöl-
miðla.
Mötuneyti opin | Skólamötu-
neyti við grunnskólana á Ak-
ureyri eru opin fyrir þá nem-
endur sem hafa skráð sig í mat,
að því er kemur fram í tilkynn-
ingu frá skóladeild Akureyrar.
Nemendur geta komið í skólana á
matartímanum sem stundaskrá
þeirra segir til um.
Þetta á ekki við um nemendur í
5.–10. bekk Lundarskóla á mið-
vikudögum og fimmtudögum, þar
sem þá daga eiga kennarar að
vera við gæslu.
Þeir sem ætla ekki að nýta sér
þessa þjónustu á meðan verkfall
stendur þurfa að hafa samband
við skólana og láta vita af því til
að fá kostnaðinn dreginn frá
næsta reikningi.
AKUREYRARBÆR hefur ákveðið
að breyta kjallaranum að Bjargi,
Bugðusíðu 1, alls 630 m² brúttó, í
þjónustu- og tómstundastöð fyrir
eldri borgara og aðstöðu heima-
hjúkrunar og heimaþjónustu.
Starfsmenn verða alls tíu en aðeins
einn starfsmaður mun hafa fasta
viðveru á staðnum. Þetta kemur
fram á vef bæjarins.
Fasteignir Akureyrarbæjar sjá
um framkvæmdina og er útboð á
verkinu að fara í gang. Fram-
kvæmdir hefjast í október og mun
ný og glæsileg þjónustumiðstöð
verða tekin í notkun 1. mars 2005. Í
þjónustumiðstöðinni verður m.a.
fjölnotasalur sem nýtist til ýmissar
starfsemi tengdrar þjónustu við
eldri borgara. Þar verður borðsal-
ur, tómstundastarf, leikfimi, sam-
verustundir, fræðslustarf og ýmis-
legt fleira.
Í tengslum við salinn verður eld-
hús starfrækt þar sem framreiddir
verða léttir réttir og aðkeyptur
matur. Einnig verður tómstunda-
salur sem mun nýtast fyrir tóm-
stundir eldri borgara, t.d. knatt-
borðs- eða keilusalur eða annað
sem fólk kýs að stunda. Í þjónustu-
miðstöðinni verður einnig gert ráð
fyrir aðstöðu fyrir hársnyrtistofu
sem starfrækt verður nokkrar
klukkustundir á viku.
Þjónustu-
miðstöð
í Bjargi