Morgunblaðið - 22.09.2004, Page 17
MORGUNBLAÐIÐ MIÐVIKUDAGUR 22. SEPTEMBER 2004 17
MINNSTAÐUR
Mýrdalur | „Ég tel að við séum
með ákaflega athyglisvert mál á
hendi en vantar aðstoð til að halda
áfram. Við vonumst til að iðn-
aðarráðuneytið hjálpi okkur af
stað aftur,“ segir Þórir Kjart-
ansson, einn og aðstandendum
Kötluvikurs ehf. sem hyggur á
vinnslu og útflutning á vikri af
Mýrdalssandi. Valgerður Sverr-
isdóttir iðnaðarráðherra var á ferð
í Mýrdalnum í vikunni og kynnti
sér þá verkefnið.
Landeigendur á Mýrdalssandi og
samstarfsaðilar þeirra létu gera
miklar rannsóknir á eðli og mögu-
leikum vikurs úr Kötlu. Kom í ljós
að vikurinn er ágætis hráefni.
Meðal annars er mögulegt að
þenja hann í verksmiðju. Þótt vik-
urinn sé að mörgu leyti ólíkur
þöndum perlusteini myndi hann
keppa á sama markaði, í bygging-
ariðnaði og ræktun. Einnig hefur
komið í ljós að Kötluvikurinn er
tiltölulega hreint hráefni sem talið
er henta vel til ræktunar en sá
markaður skilar betra verði en
byggingariðnaðurinn, að sögn Þór-
is. Hugmyndir hafa verið uppi um
að reisa verksmiðju í Vík í Mýrdal
til að meðhöndla vikurinn. Þórir
Kjartansson segir að verðmæti
vörunnar margfaldist við þensluna
og því sé það mun hagkvæmara
þjóðhagslega að meðhöndla hann
hér en að flytja hráefnið óunnið úr
landi. Þá yrði þetta atvinnuskap-
andi starfsemi en áætlað er að 25
til 30 störf gætu skapast við náma-
vinnslu og vinnslu vikursins.
„Af eða á“
„Við höfum lokið þessu rann-
sóknarferli og safnað miklum
gögnum. Næsta mál á dagskrá er
að kynna hugmyndina fyrir er-
lendum fyrirtækjum og ef jákvæð
svörun fæst frá markaðnum þarf
að leita eftir fjárfestum til að
koma að uppbyggingunni,“ segir
Þórir. Hann fagnar áhuga Val-
gerðar Sverrisdóttur iðn-
aðarráðherra og vonast til að
ráðuneytið geti aðstoðað við að
koma málinu af stað á nýjan leik.
Valgerður Sverrisdóttir fór með
fylgdarliði sínu og heimamönnum
á námasvæðið á Háöldu, austan
Hafurseyjar. Hún segir að það hafi
komið sér á óvart hvað vikurinn er
aðgengilegur þar. Áætlanir gera
ráð fyrir að teknir verði um 200
þúsund rúmmetrar á ári og telur
Skipulagsstofnun að námavinnslan
hefði í för með sér óveruleg áhrif
á umhverfið.
„Ég hef fylgst með þessu máli
og við höfum að minnsta kosti
tvisvar veitt heimamönnum styrki
til rannsókna,“ segir Valgerður.
Hún segir að nú séu ákveðin tíma-
mót í þessu starfi. Kanna þurfi bet-
ur möguleikana á markaðnum
þannig að hægt verði að svara því
af eða á hvort af þessu geti orðið.
Hún segir að svæðið sé veikt at-
vinnulega og fólki fækki og æski-
legt að fjölga atvinnutækifærum.
„Við ætlum að reyna að aðstoða
heimamenn við lokaátakið,“ segir
ráðherra og bætir því við aðspurð
að það muni væntanlega koma í
hlut Fjárfestingarstofu að vinna að
málinu í samvinnu við við-
skiptaskrifstofu utanríkisráðuneyt-
isins og Útflutningsráð.
Þórir Kjartansson segir að ef
niðurstöður athugana sýni að góð-
ur markaður sé fyrir þessa afurð
ætti ekkert að vera því til fyr-
irstöðu að reisa verksmiðjuna.
Áætlað er að hún kosti um 600
milljónir kr. en hún mun framleiða
vörur fyrir 1,5 milljarð á ári.
Iðnaðarráðherra kynnir sér hugmyndir um verksmiðju í Vík og útflutning Kötluvikurs
Morgunblaðið/Jónas Erlendsson
Á námasvæðinu: Þórir Kjartansson sýnir Valgerði Sverrisdóttur vikurbreiðurnar suðaustan við Hafursey.
Aðstoða við að
koma verkefninu
aftur af stað
Aðaldalur | Einbreiða brúin yfir
Laxá í Aðaldal, rétt norðan við Húsa-
víkurflugvöll, hefur oft verið sann-
kölluð slysagildra, en eins og komið
hefur fram í fréttum fóru tveir bílar
með nokkurra stunda millibili ofan í
ána um helgina. Í bæði skiptin mun-
aði ekki nema um það bil tveimur
metrum að farartækin færu út í að-
alstraum árinnar og hefðu þá slysin
orðið mun stórvægilegri þar sem þau
hefðu borist niður Heiðarendaflúð og
út í Mýrarvatn.
Ekki hefur bíll lent áður út af
brúnni miðri eins og núna en áður
hafa dráttarvél, tengivagn og nokkr-
ir bílar lent í óhöppum á brúnni og
ekið hefur verið á stólpana og bílar
eyðilagst. Þá eru ekki mörg ár síðan
að jeppi fór út í ána með sama hætti
og fyrri bíllinn sem nú lenti í óhapp-
inu.
Tvíbreið brú á áætlun
Brúin var byggð árið 1952 og ann-
aði mjög vel þeirri umferð sem þá var
en nú síðustu árin hefur umferð auk-
ist með vaxandi landflutningum og
ferðamannastraumi.
Samkvæmt upplýsingum Vega-
gerðarinnar er það á vegaáætlun að
byggja nýja brú á þessum stað næsta
ár, en hún á að standa nokkru neðar
og vera tvíbreið. Ætlunin er einnig
að lækka veginn í Heiðarenda þannig
að hæðin austan við brúna mun ekki
birgja ökumönnum sýn eins og nú er.
Slysagildra á einbreiðu brúnni yfir Laxá í Aðaldal
Ný brú á vegaáætlun
Morgunblaðið/Atli Vigfússon
Óhapp: Um helgina fór bíll í fyrsta skipti út af Laxárbrú miðri. Hér er búið að draga hann upp á bakkann.
410 4000 | landsbanki.is Banki allra landsmanna
Eru n‡ju
íbúðalánin
fyrir mig?
Skráning: fiú getur skrá› flig á kynningarfundinn
me› flví a› hringja í síma 410 4000 e›a með
tölvupósti á kynning@landsbanki.isÍSLEN
SK
A
A
U
G
LÝ
SI
N
G
A
ST
O
FA
N
/S
IA
.I
S
L
BI
2
57
21
09
/2
00
4
Landsbankinn býður „fjármálastjórum heimilanna“
á opinn kynningarfund um nýju íbúðalánin,
í útibúi bankans á Ísafirði, í kvöld kl. 20.00.