Morgunblaðið - 25.09.2004, Blaðsíða 11
MORGUNBLAÐIÐ LAUGARDAGUR 25. SEPTEMBER 2004 11
FRÉTTIR
ÍSLENSK viðskiptasendinefnd,
undir forystu Árna M. Mathiesen
sjávarútvegsráðherra kynnti sér
sjávarútveg í Seattle og Alaska í
Bandaríkjunum í vikunni. Heim-
sóknin, sem hófst á mánudag og
lauk í gær, var skipulögð af Útflutn-
ingsráði Íslands.
Markmið ferðarinnar var að efla
enn frekar tengsl landanna á sviði
sjávarútvegs. Bandarísk sjávarút-
vegsfyrirtæki hafa tekið miklum
breytingum á undanförnum árum
og hafa viðskipti landanna á þessu
sviði verið að aukist jafnt og þétt,
bæði hvað varðar viðskipti með sjáv-
arafurðir og ekki síst með vélbúnað
og hátækni fyrir fiskvinnslu og út-
gerð.
Í sendinefndinni eru fulltrúar 10
íslenskra fyrirtækja sem tengjast
sjávarútvegi á einn eða annan hátt.
Meðal fyrirtækja sem eiga fulltrúa í
sendinefndinni eru Icelandic USA,
E. Ólafsson ehf., Eimskip, Maritech,
Íslandsbanki, Landsbankinn.
Tvær viðskiptaráðstefnur voru
haldnar, sú fyrri í Seattle þar sem
höfuðstöðvar flestra sjávarútvegs-
fyrirtækja eru staðsettar. Einnig
var haldin viðskiptaráðstefna í Kodi-
ak í suðvestur hluta Alaska. Jafn-
framt voru skipulagðir viðskipta-
fundir á báðum stöðum fyrir þau
fyrirtæki sem voru í sendinefndinni.
Í ræðu sinni fjallaði Árni M.
Mathiesen um þær breytingar sem
orðið hafa á íslensku viðskiptalífi
undanfarin ár og um þá miklu og
öflugu útrás sem á sér stað. Vakti
hann sérstaka athygli á þeirri fjöl-
breyttu þjónustu sem fyrirtækin í
sendinefndinni hafa upp á að bjóða
og nefndi sérstaklega bankþjón-
ustuna sem táknræna fyrir þá miklu
umbyltingu sem íslenskt viðskiptalíf
hefur gengið í gegnum.
Á fréttavef IntraFish er haft eftir
Árna að bjart væri yfir íslenskum
sjávarútvegi um þessar mundir og
útlitið gott á næstu árum. Sömu
sögu væri að segja af sjávarútvegi í
Seattle og Alaska. Íslendingum væri
kunnugt um að sjávarútvegur á
þessum slóðum væri einn sá öflug-
asti í heimi og fiskistofnar vel á sig
komnir. Þess vegna myndi fiskiðn-
aðurinn þar halda áfram að dafna,
rétt eins og á Íslandi.
Árni sagði að íslensk fyrirtæki
væru ekki aðeins að leita nýrra
markaða fyrir tækni og búnað á
Norðvestur-Kyrrahafssvæðinu,
heldur væru íslenskar fiskvinnslur
einnig að leita nýrra leiða til að afla
hráefnis. Núna væri rétti tíminn til
að færa út kvíarnar, því nýir mark-
aðir væru að opnast og nýjar þjóðir
að hasla sér völl í fiskiðnaði heims-
ins, einkum í fiskvinnslu.
Íslensk sendinefnd í Seattle og Alaska
Möguleikar fyrir
íslensk fyrirtæki
ÚR VERINU
ÖRYGGISVIKA sjómanna var sett
í gær en hún er nú haldin í annað
sinn í tengslum við alþjóðasigl-
ingadaginn. Þema öryggisvik-
unnar er að þessu sinni „For-
varnir auka öryggi“.
Öryggisvika sjómanna var fyrst
haldin árið 2002 en er orðin hluti
af verkefnaáætlun um öryggi sjó-
farenda. Ákveðið hefur verið að
halda hana annað hvert ár í
Reykjavík en hitt árið verða
haldnir málfundir víðs vegar um
land þar sem öryggismál sjó-
manna eru rædd og yfirfarin.
Sturla Böðvarsson samgöngu-
ráðherra setti öryggisvikuna
formlega í gær þegar hann þeytti
lúður Sæbjargar, skólaskips Slysa-
varnafélagsins Landsbjargar. Í
setningarræðu ráðherrans kom
fram að hann telur að öryggi sjó-
farenda verði alltaf best tryggt
með góðri og stöðugri þjálfun sjó-
manna og samstilltu átaki stjórn-
valda, útgerðar og sjómanna á
sviði öryggismála. Hluti af þeirri
stefnu væri undirritun þjónustu-
samnings á milli Slysavarnaskóla
sjómanna og samgönguráðuneyt-
isins sem var undirritaður að
Gufuskálum í gær.
Á Alþjóðasiglingadaginn, nk.
sunnudag kl. 13.00, hefjast hátíð-
arhöld á Miðbakkanum í Reykja-
vík. Þar verða til sýnis varðskip,
hafrannsóknaskip og fiskibátar,
auk þess sem skólaskipið Sæbjörg
verður opið gestum. Þar verður
m.a. kynning á áætlun um öryggi
sjófarenda og kaffisala slysavarna-
kvenna. Eins mun Landhelg-
isgæslan sýna björgun úr sjó með
þyrlu og keppt verður í flotgalla-
sundi.
Öryggisvikunni lýkur svo með
ráðstefnu um öryggismál sjó-
manna í hátíðarsal Sjómannaskól-
ans í Reykjavík föstudaginn 1.
október.
Öryggisvika sjómanna var sett í annað sinn í gær
Forvarnir
auka
öryggi
Sturla Böðvarsson samgönguráðherra þeytir lúður Sæbjargar með aðstoð
Hilmars Snorrasonar, skólastjóra Slysavarnaskóla sjómanna.
PORVOO-guðfræðiráðstefna stend-
ur nú yfir í Skálholti og lýkur henni
næsta mánudag. Þátttakendur eru
um 40 biskupar og prestar frá bisk-
upakirkjunni í Bretlandi, Eystra-
saltsríkjunum og lúthersku kirkj-
unni á Norðurlöndunum.
Að sögn Sigurðar Árna Þórð-
arsonar, prests í Neskirkju og
skipuleggjanda ráðstefnunnar, er
umfjöllunarefnið að þessu sinni nú-
tímamaðurinn og þau „trúartæki
sem hann þarfnast til að trúin virki“.
Af því tilefni komu nokkrir bisk-
upar og þátttakendur í ráðstefnunni
saman við Hallgrímskirkju áður en
haldið var í Skálholt með verkfæra-
tösku sem tákn um þau „verkfæri“
sem kristin kirkja þarf á að halda.
Að sögn Sigurðar má rekja sam-
starf kirknanna til fyrrihluta 20. ald-
ar en Porvoo-sáttmálinn, um gagn-
kvæm samskipti, opnun og stuðning
þeirra í millum, var undirritaður um
miðjan tíunda áratuginn í hinum
forna kirkjustað Porvoo í Suður-
Finnlandi, og dregur sáttmálinn
nafn sitt af honum. Að sögn hans var
hugmyndin sú að aðilar að sáttmál-
anum gætu m.a. tekið þátt í kirkju-
starfi innan hinna kirknanna og
skipst á prestum.
Morgunblaðið/Sverrir
Karl Sigurbjörnsson biskup, John Neil, erkibiskup á Írlandi, og Ragnar
Perseníus, biskup í Uppsala, bregða á leik með verkfæratösku.
Ræða nútímamann-
inn og ýmis trúartæki
MIÐFJARÐARÁ og Langá hafa nú
farið yfir 2.000 laxa markið, veiði er
lokið í Langá og endaði hún með
2.242 laxa, en veiði lýkur í Miðfjarð-
ará í dag, en á fimmtudaginn var
tala hennar 2.020 laxar. Þá er
Eystri Rangá búin að sprengja af
sér öll fyrri met og er komin yfir
3.000 laxa og Ytri Rangá er skammt
undan og gæti sem hægast farið yfir
3.000 laxa markið á næstu dögum.
Að sögn Ingva Hrafns Jónssonar
leigutaka Langár veiddist 71 lax
síðasta daginn í Langá, m.a. fjórir
sem voru grálúsugir. Laxarnir
veiddust svo að segja frá neðsta stað
og upp í þann efsta. „Þetta er 21 laxi
minna en í fyrra, en það er þó tals-
vert meira af laxi nú, t.d. hafa 1.700
laxar farið um teljarann í Sveðju,
eða 10% meira en í fyrra. Þurrk-
arnir hafa haldið veiðinni niðri, en
eigi að síður hefur þetta verið frá-
bært sumar,“ sagði Ingvi.
Hjá Lax-á, leigutaka Miðfjarð-
arár, fengust þær fregnir að menn
vissu vart í hvorn fótinn þeir ættu
að stíga, svo mikil hefðu umskiptin
verið í ánni, en hún stekkur frá
rúmum 500 löxum í fyrra upp í yfir
2.000 laxa. Þó var slæmt ástand á
vatnsbúskap árinnar mestan hluta
veiðitímans vegna þurrka.
Í Eystri Rangá hafa verið að veið-
ast um og yfir 50 laxar á dag að
undanförnu að sögn Valgerðar
veiðiumsjónarmanns og enn veiðast
margir nýgengnir laxar. Það er í
raun ógerningur að spá um hver
lokatala árinnar verður.
Ýmis tíðindi
Reykjadalsá í Borgarfirði hefur
verið með mjög góðan sept-
embermánuð og hollin gjarnan að
landa 10 til 20 löxum. Eitt var meira
að segja með 37 laxa sem er með
ólíkindum í Reykjunni. Mest er um 5
til 7 punda lax að ræða, en slatti hef-
ur veiðst af 12 til 14,5 punda fiski að
undanförnu.
Síðasta holl í Tungufljóti var með
11 fiska, 8 birtinga og 3 laxa, þá
voru komnir alls 335 birtingar/
urriðar úr ánni, 18 laxar og 63
bleikjur. 129 birtingar/urriðar
veiddust þar af í vor. Stórir fiskar
hafa verið í aflanum að undanförnu,
slatti af 8 til 16 punda fiski og enn
stærri tröll sést.
Það hefur líka verið góður gang-
ur í Geirlandsá og Fossálum, nýlegt
holl í Geirlandinu var t.d. með 34
birtinga, allt að 15 punda og holl í
Fossálum var með 15 fiska, allt að
11,5 punda.
Morgunblaðið/Golli
Ríkarður Hjálmarsson með lax úr Vonarskarði í Breiðdalsá.
ERU
ÞEIR AÐ
FÁ’ANN?
Komnar
yfir 2.000
laxa markið UTANRÍKISRÁÐUNEYTIÐ hefurtilkynnt ýmsar breytingar á utan-
ríkisþjónustunni. Þær fela m.a. í sér
að Sigríður Á. Snævarr, sem lætur
af sendiherrastörfum í París í nóv-
ember, muni ganga til liðs við al-
þjóðaskrifstofuna hér á landi og
hún muni þar einkum sinna und-
irbúningi og kynningu á framboði
Íslands til Öryggisráðs Sameinuðu
þjóðanna. Nýr sendiherra í París er
Tómas Ingi Olrich.
Kornelíus Sigmundsson sendi-
herra, sem einnig mun starfa á al-
þjóðaskrifstofunni, mun bera
ábyrgð á Eystrasaltsráðinu og und-
irbúningi formennsku Íslands þar
til 2005.
Þá er m.a. greint frá því að Krist-
ján Andri Stefánsson, sem starfað
hefur í forsætisráðuneytinu, verði
sendifulltrúi í utanríkisþjónustunni
frá 1. október og muni starfa á við-
skiptaskrifstofu.
Að auki hefur Sighvatur Björg-
vinsson verið gerður að sendiherra,
en mun áfram veita Þróunarsam-
vinnustofnun forstöðu.
Undirbýr
framboð til
öryggisráðs SÞ
ENGIN merki fundust um málm-
þreytu í byggingarkrananum sem
féll á fjölbýlishús í Hafnarfirði í lok
ágúst. Orsök slyssins er talin vera
sú að í sterkri vindhviðu hafi kran-
inn hallast upp að steyptum kanti á
fjórðu hæð hússins en við það kom
brot í burðarvirki kranans, að sögn
Hauks Sölvasonar, deildarstjóra
hjá Vinnueftirlitinu. Fjöldi manns
var við vinnu í og við bygginguna
þegar þetta gerðist.
Ástæðan fyrir því að kraninn var
í notkun var sú að hætta var á tjóni
á þaki byggingarinnar vegna foks.
Hugðist verktakinn hífa járnabúnt
þangað upp til að fergja það niður.
Haukur segir að kraninn hafi
verið nýlegur og í góðu lagi en ekki
þolað vindálagið. Slíkir kranar séu
gerðir fyrir vindstyrk upp að um 20
m/s en í hviðum hafi rokið farið
upp í 30 m/s.
Vindhviða lagði
kranann að velli