Morgunblaðið - 30.09.2004, Blaðsíða 14

14 FIMMTUDAGUR 30. SEPTEMBER 2004 MORGUNBLAÐIÐ
FRÉTTIR
Jarðvegsþjöppur, hopparar
og keflavaltarar
Sími 594 6000
Til leigu á Selfossi
Um er að ræða ca 150 fm verslunar-
húsnæði ásamt hlutdeild í sameign við
aðalgötu bæjarins. Þetta er húsnæði
sem hentar vel sem verslunarhús-
næði en gæti einnig nýst sem skrif-
stofuhúsnæði. Á sama stað á 2. hæð
er einnig til leigu 20 fm skrifstofuað-
staða ásamt fullkominni nettengingu.
Allar nánari upplýsingar um verð og
leigusamning fást hjá Fasteignasölunni Árborgum á Selfossi í
síma 482 4800
eða á netfanginu arborgir@arborgir.is.
Austurvegi 38 • 800 Selfossi
Sími 482 4800 • Fax 482 4848
arborgir@arborgir.is - www.arborgir.is
við Flugleiðir. Þótt flugliðar Iceland Express
vildu ganga beint til samninga við fyrirtækið
kæmu lög um stéttarfélög í veg fyrir þann mögu-
leika.
„Við erum ekki að skerða kjör okkar starfsfólks
heldur viljum við bara að kjarasamningar komi
ekki í veg fyrir að það geti unnið innan ramma
reglna um hvíldartímaákvæði á Evrópska efna-
hagssvæðinu. [...] Okkar eina lausn er að við
hættum að vera vinnuveitendur þessara flug-
freyja.“
Sautján erlendir og þrír íslenskir flugmenn eru
hjá Iceland Express.
Í hefðbundnu morgunflugi til Kaupmannhafnar
eru tveir flugmenn og þrjár flugfreyjur. Flogið er
til baka síðdegis og næsta áhöfn tekur við vélinni.
Erlendir flugmenn sem stoppa á Íslandi gista í
Keflavík en flugmenn og flugliðar eru ekki ávallt
þeir sömu í hverri áhöfn heldur víxlast hún eftir
því hvernig vaktafyrirkomulagið raðast niður
hverju sinni.
ÓLAFUR Hauksson, forstöðumaður almanna-
tengsla Iceland Express, segir markmið félagsins
með að segja upp öllum flugfreyjum og -þjónum
fyrirtækisins, að samræma vinnuskyldu og vakta-
fyrirkomulag flugliða og flugmanna. Engin áform
séu uppi um að hafa aðra en íslenska flugliða um
borð og núverandi starfsmönnum verði boðið að
ráða sig til Astraeus, sem útvegi flugfélaginu
flugmenn, á sambærilegum kjörum og áður. Þrjá-
tíu og fjórir flugliðar félagsins fengu send upp-
sagnarbréf í gær.
Að sögn Ólafs verður vinnuskylda og vaktatími
aukinn og samræmdur við vaktatíma flugmanna á
Evrópska efnahagssvæðinu en laun, dagpeningar,
söluþóknun, akstursgreiðslur, og lífeyrisgreiðslur
breytast ekki né ákvæði um atvinnuöryggi.
Hann segir heimilaðan vinnutíma í kjarasamn-
ingum Flugfreyjufélagsins mun lægri en á Evr-
ópska efnahagssvæðinu og af þeim sökum hafi
reynst erfitt að skipuleggja vaktir. Heildarvakta-
tími íslenskra flugliða sé styttri en flugmanna og
oft hafi litlu munað að þurft hafi að kalla út aðra
áhöfn flugliða sökum tafa sem hafi gengið nærri
heildarvaktatíma þeirra, en ekki flugmannanna.
Breytt fyrirkomulag feli í sér mikið hagræði hvað
skipulagningu vakta varðar.
Að sögn Ólafs hafa kjarasamningar Iceland Ex-
press við flugliða tekið mið af samningum flugliða
Forsvarsmenn Iceland Express um ástæður uppsagna
Vinnuskylda og
vaktir samræmdar
UMHYGGJA – félag lang-
veikra barna, opnaði í gær
skemmtivef með fræðsluefni og
leikjum fyrir börn og unglinga
á slóðinni www.skemmtivef-
ur.is. Verkefnið er unnið í sam-
vinnu við Símann og Hugsmiðj-
una.
Á vefnum eru 40 leikir sem
fólk getur nálgast sér að kostn-
aðarlausu auk fræðsluefnis, t.d.
lestrar- og stærðfræðiverkefna.
Þá geta notendur vefsvæðisins
sent inn efni á vefinn.
Að sögn Jóns Kristins Snæ-
hólm, ábyrgðarmanns vefj-
arins, hefur fjöldi aðila gefið
vinnu og efni í nýja vefinn, þ.á
m. Síminn, sem er aðalstyrkt-
araðili Umhyggju 2003–4.
Morgunblaðið/Golli
Það kom í hlut Katrínar Helgu Ágústsdóttur að opna skemmtivefinn í gær.
Umhyggja opnar skemmtivef á Netinu
„VIÐ getum ekki annað sagt en að viðtökur lands-
manna við leitinni að þjóðarblóminu hafa verið
framar öllum vonum og það er greinilegt að leitin
hefur vakið athygli landsmanna á því að líta svo-
lítið vel niður fyrir fætur sér og skoða þau blóm
sem eru í íslenskri náttúru. Búið er að fjalla um
þetta í nánast öllum fjölmiðlum landsins þar sem
málið hefur verið kynnt og leitað hefur verið við-
bragða hjá fólki, sem sumt hvað hefur haft mjög
ákveðnar meiningar um hvað það telur að eigi að
vera þjóðarblóm Íslands,“ segir Níels Árni Lund,
formaður verkefnisstjórnar fyrir leitina að þjóð-
arblóminu. „Vil ég í þessu samhengi sérstaklega
þakka umfjöllun Morgunblaðsins þar sem leitinni
að þjóðarblóminu voru gerð sérstök skil og þar
sem birtar hafa verið greinar einstaklinga er
varða valið á þjóðarblóminu. Einnig vil ég minn-
ast á umfjöllun Steinunnar Harðardóttur í þætt-
inum Út um græna grundu á Rás 1,“ segir hann.
Á morgun hefst skoðanakönnun um þjóð-
arblómið og stendur fram til 15. október, en
stefnt er að því að kynna niðurstöður kosning-
anna 22. október nk., sem er síðasti dagur sum-
ars.
Að sögn Níelsar er leitin að þjóðarblóminu unn-
in að frumkvæði landbúnaðarráðuneytis, eftir
ábendingu frá Ásdísi Sigurjónsdóttur, Syðra-
Skörðugili í Skagafirði, og er unnið í samstarfi
við menntamálaráðuneyti, samgönguráðuneyti
og umhverfisráðuneyti, en Landvernd var falin
umsjón með framkvæmdinni.
Í samtali við Morgunblaðið sagði Ólöf Guðný
Valdimarsdóttir, arkitekt og formaður Land-
verndar, að sér þætti einmitt afar jákvætt að þessi
fjögur ráðuneyti skuli hafa komið að verkefninu,
enda væri þetta mikilvægt verkefni, ekki síst fyr-
ir t.d. ferðamennskuna og umhverfið.
„Leitin að þjóðarblóminu er fyrst og fremst góð
leið til að vekja þjóðina til umhugsunar um allan
þann fallega gróður sem við eigum. Raunar tel ég
að þau markmið sem farið var af stað með í upp-
hafi hafi náðst fram, þ.e. að tekist hafi að vekja at-
hygli á gróðurvernd og umgengni um gróð-
urinn,“ segir Ólöf og bendir þar á þátt skólanna
sem lagt hafi áherslu á að vinna verkefni í
tengslum við leitina.
Á sýningu sem opnuð var á annarri hæð Kringl-
unnar sl. þriðjudag gefur að líta veggspjöld sem
grunnskólabörn hafa unnið í tengslum við leitina
að þjóðarblóminu.
Valið stendur milli sjö blóma
Fyrr í sumar var óskað eftir tilnefningum um
þjóðarblómið og barst að sögn Níelsar fjöldi til-
nefninga, en úr þeim voru valdar tuttugu tillögur
sem skoðaðar voru til hlítar. „Í framhaldinu af því
höfum við síðan valið sjö blóm sem almenningi
gefst kostur á að kjósa um. Blómin sjö sem valið
stendur á milli eru blágresi, geldingahnappur,
holtasóley, hrafnafífa og lambagras auk blóð-
bergs og gleym-mér-ei. Þótt þessi tvö síðast-
nefndu blóm uppfylli e.t.v. ekki öll þau markmið
sem við settum okkur um þjóðarblóm þá var svo
mikill vilji fyrir því hjá skólunum að nefna þessi
blóm, sem eru í huga þjóðarinnar svo vel þekkt
nöfn að við viljum láta þau koma líka fram.
Meðal þess sem við lögðum til grundvallar vali
okkar var að viðkomandi blóm þyrfti að vera vel
sýnilegt um allt land og einkennandi fyrir gróð-
urfar landsins. Það þarf einnig að eiga tiltölulega
langan blómgunartíma og vera þess eðlis að auð-
velt sé að teikna það og útfæra á skýran og ein-
faldan máta.“
Níels segist binda miklar vonir við það að þjóð-
arblómið verði nýtt á margvíslegan hátt sem tákn
fyrir landið, t.d. á umslögum flugfarseðla og sem
tákn á hinum ýmsu framleiðsluvörum.
Allar nánari upplýsingar er að finna á vef
Landverndar, www.landvernd.is.
Val á þjóðarblómi góð leið til
að vekja athygli á náttúrunni
Morgunblaðið/Kristinn
Ólöf Guðný Valdimarsdóttir, formaður Land-
verndar, og Níels Árni Lund, skrifstofustjóri
landbúnaðarráðuneytisins og formaður verkefn-
isstjórnar um þjóðarblóm, við opnun sýningar á
tillögum skólabarna í Kringlunni.
ÞINGMENN úr Evrópumálanefnd tékk-
neska þingsins heimsóttu utanríkismálnefnd
Alþingis en þeir áttu sjálfir frumkvæði að
komu sinni hingað. „Þetta
eru auðvitað mjög gagn-
leg samskipti. Það var
fróðlegt að heyra þeirra
sjónarmið og mikilvægt
að koma sjónarmiðum
okkar Íslendinga á fram-
færi,“ segir Sólveig Pét-
ursdóttir, formaður utan-
ríkismálanefndar.
Hún segir ýmis mál
hafa verið rædd á fundinum, s.s. Evrópumál
og öryggis- og varnarmál. „Tékkland er ný-
lega orðið aðili að Evrópusambandinu og
varð aðili að NATO 1999. Ísland er eitt af
stofnríkjum þess og bandalagið skipar mik-
ilvægan sess í utanríkismálastefnu landsins.
Við höfum hins vegar kosið að standa utan
ESB en erum í nánu samstarfi við sam-
bandið og þar með Tékkland í gegnum EES-
samninginn. Við ræddum sérstaklega um
Evrópska efnahagssvæðið og stækkun þess
og hvernig reynslan hafi verið af því sam-
starfi. Þar fjölluðum við sérstaklega um
vinnumarkaðinn, þ.e.a.s. við stækkun EES
stækkar sameiginlegur vinnumarkaður gríð-
arlega,“ segir Sólveig.
Evrópumálanefnd
tékkneska þingsins hittir
utanríkismálanefnd
Gagnleg
samskipti
Sólveig
Pétursdóttir
500 SJÁLFBOÐALIÐAR hafa
skráð sig í fjáröflunarátak Rauða
kross Íslands á laugardaginn
undir kjörorðinu Göngum til
góðs. Markmið Rauða krossins
er að fá 2.500 sjálfboðaliða til að
ganga í hús með söfnunarbauk
og safna fé til styrktar stríðs-
hrjáðum börnum. Starfsmenn
fyrirtækja hafa verið iðnir við að
skrá sig og síðast heyrðist af
a.m.k. 30 sjálfboðaliðum frá ræst-
ingafyrirtækinu ISS á Íslandi,
sem ætla að ganga með söfnun-
arbauka í Fossvogshverfi.
Meðal annarra fyrirtækja sem
ætla að leggja fram krafta sína
eru Landssíminn, Radisson SAS,
Íslandsbanki, Landsvirkjun,
Margt smátt auk hinna ýmsu
íþróttafélaga.
Að sögn Þóris Guðmundsson-
ar, sviðsstjóra útbreiðslusviðs
Rauða krossins, er stefnt að því
að fá nógu marga sjálfboðaliða
til að unnt verði að heimsækja
hverja einustu íbúð á landinu, en
til þess þarf 2.500 manns. Árið
2002 tókst að fá 1.800 manns í
söfnunarátakið og söfnuðust þá
30 milljónir króna. Féð var not-
að til að koma í veg fyrir hung-
ursneyð í sunnanverðri Afríku.
Þess má geta að alnæmisverk-
efni sem safnað var fyrir í fyrstu
söfnun undir sama kjörorði árið
2000 eru nú komin á laggirnar í
Mósambík og Malaví.
Á mánudag höfðu 350 manns
skráð sig til söfnunargöngunnar
og voru þeir komnir í 500 í gær
eins og fyrr gat. Rauði krossinn
hvetur foreldra til að ganga með
börnum sínum á laugardaginn.
Um er að ræða tveggja klst.
göngu í hús með bauk frá Rauða
krossinum. Hægt er að skrá sig
á www.redcross.is
Söfnunarátak
Rauða krossins
500 sjálf-
boðaliðar
hafa
skráð sig