Morgunblaðið - 30.09.2004, Blaðsíða 17

Dömu öklaskór
FIMMTUDAGS-
TILBOÐ
Verð áður 4.995 kr.
Verð nú 2.995 kr.
Litur: Svart
Stærðir: 36-41
Suðurlandsbraut 54, sími 533 3109
með rennilás
Höfuðborgin | Akureyri | Austurland | Landið
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Skapti Hallgrímsson, skap-
ti@mbl.is, Margrét Þóra Þórsdóttir, maggath@mbl.is og Kristján Kristjánson,
krkr@mbl.is, sími 461-1600. Vesturland Ásdís Haraldsdóttir, asdish@mbl.is, sími 898-
5258. Austurland Steinunn Ásmundsdóttir, austurland@mbl.is, sími 669-1115. Árborg-
arsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Ástarlyf á afslætti | Í Ísafjarðarapóteki
og útibúi þess í Bolungarvík verður frá og
með föstudegi boðinn 30% afsláttur af einni
gerð rislyfs. Á vef Bæjarins besta á Ísafirði
kemur fram að hugmyndin kviknaði hjá
starfsmanni fyrirtækis sem flytur inn lyfið
þegar hann las um ástarvikuna í Bolung-
arvík sem haldin var í ágúst. „Þessi kollegi
minn hafði samband og við ákváðum strax
að taka þátt í þessu, því þetta er alvarlegt
og viðkvæmt vandamál sem þjakar þó
nokkuð marga karlmenn,“ sagði Jónas
Birgisson, lyfjafræðingur hjá Ísafjarð-
arapóteki, í samtali við bb.is.
Úr
bæjarlífinu
HÉÐAN OG ÞAÐAN
Ungur formaður | Máttur Mjóafjarðar er
heiti félags sem þar hefur verið stofnað. Fé-
lagið á aðild að samtökunum Landsbyggðin
lifi.
Á stofnfundinum var Einar Hafþór Heið-
arsson kosinn formaður. Hann er 21 árs og
yngsti formaður aðildarfélaga Landsbyggð-
in lifi. Með honum í stjórn eru Valgerður
Sigurjónsdóttir og Ingólfur Sigfússon.
Félagið var stofnað að frumkvæði íbúa í
Mjóafirði og Sigfúsar Vilhjálmssonar odd-
vita í góðri samvinnu við Fríðu Völu Ás-
björnsdóttur, fyrsta formann samtakanna
Landsbyggðin lifi, segir í fréttatilkynningu.
Framkvæmdastjóri stjórnsýslu | Hjalti
Þór Vignisson hefur verið ráðinn fram-
kvæmdastjóri stjórnsýslusviðs hjá Sveitarfé-
lagi Hornafirði. Hjalti var
valinn úr hópi tólf umsækj-
enda og hefur tekið til starfa.
Hjalti lauk í vetur námi í
stjórnmálafræði. Hjalti er 26
ára gamall Hornfirðingur en
bjó í Reykjavík frá 19 ára
aldri. Á samfélagsvef Horna-
fjarðar kemur fram að hann
hafi þó alltaf komið heim á sumrin, meðal
annars til að leika knattspyrnu með Sindra.
Hjalti hefur síðustu þrjú árin búið í Reykja-
vík og erlendis.
Í samtali við vefinn segir Hjalti Þór að
Hornafjörður hafi verið draumastaðurinn og
fjölskyldan sé alsæl með að vera komin aftur
heim. Hann segist hlakka til að takast á við
starfið.
Bændablaðið og vef-urinn landbún-aðarvefurinn
bondi.is standa fyrir
samkeppni um besta
bændavefinn á þessu ári.
Þeir bændur og aðrir
íbúar sveitanna sem eru
með vefsíðu sem segir
frá lífinu í sveitinni,
búinu eða bænda-
fjölskyldu geta tekið
þátt.
Markmið samkeppn-
innar er að hvetja bænd-
ur til að kynna sinn
landbúnað á Netinu, seg-
ir í frétt á bondi.is. Góð-
ur vefur getur miðlað
verðmætum upplýsingum
um störf þeirra til borg-
arbúa, forvitinna ná-
granna, annarra bænda
og fróðleiksfúsra skóla-
barna.
Keppt er um innihald
vefja og framsetningu. Í
verðlaun er helgargisting
fyrir tvo á Radisson SAS
hóteli.
Frestur til að tilkynna
þátttöku er til 1. desem-
ber næstkomandi.
Bændavefur
Hitabeltisblómjurtinni orkídeu líður vel hjáBlómaborg í Hveragerði. Hún hefur blómstr-að stöðugt frá því í júní í sumar og virðist ekk-
ert lát vera á. Sjaldgæft mun vera að blómin standi svo
lengi. Er þetta sagt vera þriðja árið í röð sem þessi
orkídea stendur í blóma og blómskrúðið eykst með
hverju árinu.
Helga Björk Björnsdóttir, kaup- og blómaskreyt-
ingakona í Blómaborg á heiðurinn af ræktun
orkídeunnar.
Danskur orkídeuræktandi sem skoðaði undrið í sum-
ar kvaðst ekki hafa áður séð annan eins blómafjölda á
þessari tegund orkídeu og er þó að jafnaði með tíu þús-
und orkídeur í ræktun. Lét hann þau orð falla að
orkídean í Hveragerði ætti sennilega Evrópumet ef
ekki heimsmet á þessu sviði.
Blómstrandi orkídea
Hreiðar Karlssonheyrði af því aðaðilar í kenn-
aradeilunni hefðu lofað
því að koma á næsta fund,
án þess að hafa nokkuð til
málanna að leggja:
Kennaraverkfallið treinist í
talsverða stund
og tímana langa nemendur mega
þreyja.
Deiluaðilar ætla að koma á fund
án þess að hafa nokkuð frekar
að segja.
Fundurinn verður allur á eina
lund;
Ásmundur hlustar á samn-
ingamennina þegja.
Einar Kolbeinsson
frétti af því að Kristinn H.
Gunnarsson hefði verið
sniðgenginn þegar Fram-
sóknarflokkurinn skipaði
í nefndir þingsins:
Framsóknar í fjölmörg ár,
forðast hefur óminn,
og nú sleikir öll sín sár,
eftir sleggjudóminn.
Að kulda en ekki kærleiksyl,
Kiddi sleggja hljóti,
innan flokksins aldrei skil,
þó oft hann væri á móti.
Í ástarviku Bolvíkinga
er afsláttur af rislyfi. Er-
lingur Sigtryggsson orti:
Það sem áður yfirleitt
á mér lafði visið
fyrir næstum ekki neitt
nú mun geta risið.
Í ástarviku
pebl@mbl.is
Djúpivogur | Veðrið hefur leikið við Djúpavogs-
búa undanfarna daga. Eins og annars staðar á
landinu er enginn skóli starfandi í þorpinu en
börnin hafa nýtt tímann til útiveru í blíðviðrinu.
Margrét Vilborg Steinsdóttir og Sandra Sif Karls-
dóttir voru að sulla í sandinum í fjöruborðinu þeg-
ar fréttaritari Morgunblaðsins átti leið hjá og var
ekki annað að sjá en að þeim líkaði lífið vel.
Morgunblaðið/Sólný
Börnin nota tímann til útiveru
Haustblíða
Keflavíkurflugvöllur | Þrír af þeim fjórum
starfsmönnum sem flotastöð varnarliðsins á
Keflavíkurflugvelli segir upp um þessi mán-
aðamót eru í starfi hjá slökkviliði vallarins.
Alls hefur sautján starfsmönnum slökkvi-
liðsins verið sagt upp á þremur mánuðum.
Varnarliðið hefur sagt upp fjölda fólks á
um það bil ári. Fyrstu uppsagnirnar hjá
slökkviliðinu urðu 1. júlí þegar sjö mönnum
var sagt upp störfum þar. Síðan hefur sjö til
viðbótar verið sagt upp og þrír fengu upp-
sagnarbréf nú fyrir mánaðamótin.
Samkvæmt upplýsingum Friðþórs Ey-
dal, upplýsingafulltrúa varnarliðsins, eru
þessir menn í ýmsum störfum hjá slökkvilið-
inu og við flugvallarþjónustu, svo sem snjó-
ruðning. Segir Friðþór að uppsagnir hjá
slökkviliðinu endurspegli þann samdrátt
sem orðið hafi á umsvifum varnarliðsins.
Um 120 menn störfuðu hjá slökkviliði
Keflavíkurflugvallar og verða þeir því rúm-
lega eitt hundrað þegar þessar uppsagnir
eru allar komnar til framkvæmda.
Sautján hafa
hætt á þrem-
ur mánuðum
Uppsagnir hjá slökkviliðinu
á Keflavíkurflugvelli
Víðidalur | Ferðaþjónustufólk og bændur í
Húnaþingi vestra bjóða gestum að upplifa
stóðréttarstemningu í Víðidal dagana 1. og
2. október næstkomandi.
Á morgun, föstudag, verður stóðið sótt á
Víðidalstunguheiði. Farið verður frá
Hrappstöðum kl. 10.30, eftir vegi 715 fyrir
innan Kolugil, að Fosshóli. Þar verður grill-
að. Gangnamönnum verður síðan fylgt nið-
ur að Kolugili þar sem kaffi og meðlæti
verður á boðstólum. Eftir að menn og
skepnur hafa hvílt lúin bein verður haldið
áfram með stóðið í nátthaga á milli Dælis og
Ásgeirsár.
Stóðið verður rekið til réttar í Víðidals-
tungurétt kl. 10 á laugardeginum. Ýmislegt
er um að vera á réttardaginn, meðal annars
haldið uppboð á hrossum dregið í happ-
drætti þar sem folald er í aðalverðlaun.
Um kvöldið er stórdansleikur í Víðihlíð
með hljómsveitinni Von.
Stóðréttarhelgi
í Húnaþingi
♦♦♦