Morgunblaðið - 30.09.2004, Blaðsíða 19

MORGUNBLAÐIÐ FIMMTUDAGUR 30. SEPTEMBER 2004 19
MINNSTAÐUR
SPÁSTEFNA
DAGSKRÁ
Kl. 8.30: Skráning og afhending gagna.
Kl. 9.00: Spástefnan sett.
Geir Haarde fjármálaráðherra: Árið 2005 - Fjárlögin og fyrirtækin.
Róbert Wessman, forstjóri Actavis: Útrás Actavis og aðstæður næsta árs.
Benedikt Jóhannesson, framkvæmdastjóri Heims:
Árið 2005 - Væntingar og örvæntingar.
Kl. 10.00: Kaffihlé í 30 mín.
Arnór Sighvatsson, aðalhagfræðingur Seðlabankans:
Aðstæður í þjóðarbúskapnum á næstu árum; spár Seðlabankans í ljósi
könnunar ParX á meðal forstjóra stærstu fyrirtækja landsins.
Þröstur Sigurðsson, fjármálaráðgjafi hjá ParX:
Virðisauki til hluthafa í stærstu fyrirtækjunum. Verðfall hlutabréfa á næsta ári?
Jón G. Hauksson, ritstjóri Frjálsrar verslunar:
Listinn 300 stærstu - og líklegar sameiningar á árinu 2005.
Fyrirspurnir í 15 mínútur.
Lokaorð leynigests: Þekktur rithöfundur spáir í spéspegil viðskiptalífsins.
Kl. 12.00: Létt hlaðborð - pinnamatur - í hádeginu í lok spástefnunnar.
Spástefnustjóri: Ingimundur Sigurpálsson, formaður Samtaka atvinnulífsins.
Dagurinn er útgáfudagur bókar Frjálsrar verslunar, 300 STÆRSTU.
Verð hennar er 2.500 krónur og fá gestir spástefnunnar bókina að gjöf.
Verð á spástefnuna er 7.500 krónur á mann.
Skráning er í síma 580 4300, hjá Kristjönu Vilhelmsdóttur.
Skráning á Netinu: www.parx.is
ParX VIÐSKIPTARÁÐGJÖF OG FRJÁLS VERSLUN HALDA SPÁSTEFNU
Á NORDICA HÓTELI FIMMTUDAGINN 7. OKTÓBER NK.
Geir
Haarde
Ingimundur
Sigurpálsson
Róbert
Wessman
Benedikt
Jóhannesson
Arnór
Sighvatsson
Þröstur
Sigurðsson
Jón G.
Hauksson
?
Leynigestur
ÁRIÐ 2005
AUSTURLAND
AKUREYRI
Reyðarfjörður | Það er ýmislegt fleira um að vera á Reyðarfirði en upp-
bygging íbúðarhúsnæðis, verslunarkjarna starfsmannaþorps Fjarðaáls-
Alcoa og stóriðjuhafnar.
Þannig er nú verið að hlaða myndarlegan steinvegg við kirkjugarðinn
á Reyðarfirði og er það sóknarnefnd kirkjunnar sem stendur fyrir fram-
kvæmdinni. Steinveggurinn verður tæplega hundrað metra langur og
stendur neðan kirkjugarðsins.
Benedikt Björnsson skrúðgarðyrkjumeistari sér um verkið og hefur
ráðið til sín reynda hleðslumenn úr Suður-Þingeyjarsýslu, þau Guðrúnu
Friðriksdóttur og Harald Karlsson, sem hafa undanfarin sumur ein-
göngu unnið við hleðslu. Þrátt fyrir að miklu sé lokið er umtalsvert verk
óunnið, en að mati Benedikts þarf að leggja tæpt ársverk til viðbótar í
vegginn.
Hlaða vegg við kirkju-
garðinn á Reyðarfirði
Morgunblaðið/Kristín Ágústsdóttir
Hleðslumenn að störfum Benedikt Björnsson skrúðgarðyrkjumeistari
með hleðslumönnunum Guðrúnu Friðriksdóttur og Haraldi Karlssyni.
„ÞETTA hefur gengið alveg ótrú-
lega vel,“ sagði Oddur H. Oddsson
byggingarstjóri við byggingu
Rannsókna- og nýsköpunarhúss við
Háskólann á Akureyri, en Íslenskir
aðalverktakar, ÍAV, byggja húsið
og skila því fullbúnu á morgun, 1.
október. Nú á lokasprettinum hafa
allt að 80 manns verið að störfum í
húsinu, iðnaðarmenn af öllu tagi,
það er verið að mála, leggja síma,
vinna í rafmagni, smíða, þrífa,
helluleggja utanhúss og ganga frá
lóð svo fátt eitt sé nefnt af þeim
verkum sem menn sinna í kappi við
tímann. „Við skilum alltaf á réttum
tíma, erum ekki þekktir fyrir ann-
að,“ sagði Guðmundur Jóhann-
esson sem einnig er bygging-
arstjóri. „Við brettum upp ermar
og spýtum í lófa, þetta mun ganga
upp.“
Fyrsta skóflustunga að húsinu
var tekin 10. júlí í fyrrasumar og
síðan hefur verið unnið sleitulaust
við að koma húsinu upp. „Það voru
að jafnaði 25 og upp í 50 manns að
störfum við bygginguna á liðnum
vetri, en nú undir lokin, und-
anfarna tvo mánuði hafa 70 til 80
manns verið hér í vinnu,“ sagði
Oddur. Einkum er um að ræða und-
irverktaka ÍAV, heimamenn á
svæðinu. „Við leggjum gríðarlega
áherslu á að skila á réttum tíma,“
sagði Oddur, en þó vel hafi gengið
setti eldur sem upp kom í sumar
nokkurt strik í reikninginn. „Það
varð töluvert tjón af hans völdum
og vissulega urðu nokkrar tafir á
verkinu en við höfum náð að vinna
þær upp og nú er komið að loka-
sprettinum.“
Fyrsta flokks aðstaða fyrir
kennslu og rannsóknir í raunvís-
indum verður í húsinu en Oddur
nefndi að t.d. í rannsóknastofum
væru öll tæki af bestu gerð, „þetta
er sjálfsagt það flottasta í heim-
inum,“ sagði hann. Gera má ráð
fyrir að í húsinu verði miðstöð
rannsókna- og þróunarstarfs á
Norðurlandi.
ÍAV, Landsafl og ISS Ísland urðu
hlutskarpastir í útboði sem efnt var
til um byggingu Rannsókna- og ný-
sköpunarhúss með hæstu sam-
anlagða einkunn fyrir boðna lausn
og verð, en fjögur tilboð bárust í
verkefnið sem unnið er í einka-
framkvæmd fyrir mennta-
málaráðuneytið. Tilboðið hljóðaði
upp á 1,5 milljarð króna að núvirði
fyrir 25 ára afnot af húsinu og allan
daglegan rekstur þess. Húsið er um
5.500 fermetrar að stærð á fjórum
til sjö hæðum.
Fjöldi stofnana mun hafa aðstöðu
í húsinu, s.s. Auðlinda- og upplýs-
ingatæknideild háskólans, Mat-
vælasetur HA, Rannsóknastofnun
HA, Byggðarannsóknastofnun Ís-
lands, Ferðamálasetur HA, Nátt-
úrufræðistofnun Íslands, Akureyr-
arsetur, veiðistjórnunarsvið
Umhverfisstofnunar, skrifstofa
PAME á Íslandi, skrifstofa CAFF á
Íslandi, Stofnun Vilhjálms Stef-
ánssonar, útibú jarðeðlissviðs Veð-
urstofu Íslands, útibú Rann-
sóknastofnunar fiskiðnaðarins á
Akureyri, útibú Hafrannsókna-
stofnunar á Akureyri, útibú Orku-
stofnunar, Jafnréttisstofa, At-
vinnuþróunarfélag Eyjafjarðar og
Impra/Iðntæknistofnun frum-
kvöðlasetur á vegum iðnaðarráðu-
neytisins. Þá verður skrifstofa
rektors á efstu hæð í turnbygg-
ingu, einnig skrifstofa fjármála- og
rekstrarsviðs sem og Alþjóða- og
rannsóknarsvið.
Ólafur Búi Gunnlaugsson, fram-
kvæmdastjóri Háskólans á Ak-
ureyri, sagði að búið væri að ráð-
stafa öllu rými í húsinu, „það er
fullnýtt, ekkert pláss laust,“ sagði
hann. Búast má við að allt að 100
manns muni í framtíðinni starfa í
hinu nýja Rannsókna- og nýsköp-
unarhúsi.
Fyrstu stofnanirnar hefja flutn-
ing í húsið strax á morgun, m.a.
Jafnréttisstofa og Auðlindadeild
háskólans, auk starfsmanna veiði-
stjórnunarsviðs og fleiri. Áfram
verður haldið um helgina og alla
næstu viku, en 12. október næst-
komandi ættu allir að hafa komið
sér vel fyrir í húsinu og starfsemi
að komast í fullan gang. Húsið
verður svo formlega tekið í notkun
22. október næstkomandi.
Íslenskir aðalverktakar eru að ljúka við rannsókna- og nýsköpunarhús við Háskólann á Akureyri
Morgunblaðið/Kristján
Glæsileg bygging Rannsókna- og nýsköpunarhúsið er mikil bygging á fjórum til sjö hæðum.
Morgunblaðið/Kristján
Byggingarstjórarnir Guðmundur Jóhannesson og Oddur H. Oddsson hjá
Íslenskum aðalverktökum á efstu hæð, þar sem útsýni er til allra átta.
Skilum alltaf á réttum tíma