Morgunblaðið - 30.09.2004, Blaðsíða 31

MORGUNBLAÐIÐ FIMMTUDAGUR 30. SEPTEMBER 2004 31
MINNINGAR
✝ Bragi Gunnars-son fæddist 16.
júlí 1984. Hann lést
18. september síðast-
liðinn. Foreldrar
hans eru Gunnar
Árni Þorleifsson, f.
1956, og María
Bragadóttir, f. 1956.
Systkini Braga eru a)
Unnur Lind, f. 1976,
maki Halldór Har-
aldsson, f. 1968, og
dóttir Helena Rán, f.
2003, og b) Baldur, f.
1978, maki Þórunn
Jónsdóttir, f. 1976,
og börn eru Sóley Björk, f. 1997,
og Sindri Freyr, f. 1999. Gunnar
og María slitu samvistum árið
2000.
Maki Gunnars er Theódóra Sif
Pétursdóttir, f. 1967, og dóttir
þeirra Ólöf Petra, f. 2001. Börn
Theódóru eru a) Fannar Gunn-
laugsson, f. 1984, b) Anna Margrét
Gunnlaugsdóttir, f. 1987, dóttir
Eva Dís Andradóttir, f. 2003, og c)
Berglaug Dís Jó-
hannsdóttir, f. 1992.
Maki Maríu er
Sveinn Hallgríms-
son, f. 1961, börn
Sveins eru Sigurður
og Fannar.
Bragi útskrifaðist
úr grunnskóla árið
2000, eftir það vann
hann við hin ýmsu
störf, fiskvinnslu,
gangstéttalagnir og
sem bílstjóri fyrir
matvælafyrirtæki.
18 ára gamall byrj-
aði hann sem aðstoð-
arverslunarstjóri í Krónunni. Ári
seinna tók hann við verslunar-
stjórastöðu í annarri Krónuversl-
un og starfaði við það fram í ágúst
2004. Jafnframt stundaði hann
fjarnám við Viðskiptaháskólann á
Bifröst frá áramótum 2002–2003.
Bragi verður jarðsunginn frá
Víðistaðakirkju í Hafnarfirði í
dag og hefst athöfnin klukkan
13.30.
Kæri Bragi.
Góðan dreng er gott að muna.
Geymum fögru minninguna
hún er perla í hugans reit.
Kynnin þökkum við af hjarta
þau eru tengd því hreina og bjarta
berst til himins bænin heit.
(I.S.)
Það var alltaf gaman að vera í
kringum þig og ávallt stutt í brosið.
Hlátur þinn gleymist aldrei því þeg-
ar þú hlóst fékkstu alla til að hlæja
með þér.
Við þökkum fyrir tímann sem við
fengum með þér og þær minningar
sem sitja eftir.
Við sendum samúðarkveðjur til
fjölskyldu þinnar og annarra að-
standenda.
Árgangurinn ’84,
Öldutúnsskóla.
Elsku Bragi.
Aldrei hefði ég getað ímyndað mér
síðast þegar ég sá þig að rúmum
mánuði seinna myndi ég setjast nið-
ur til að skrifa þér mína síðustu
kveðju.
Þú varst alltaf svo glaður og hafðir
svo smitandi hlátur sem ég gleymi
aldrei.
Ég vona að þú hafir vitað að mér
þótti vænt um þig þó að við hefðum
ekki mikið samband eftir að grunn-
skóla lauk. Ég er samt ánægð að ég
skuli hafa fengið tækifæri til að
kynnast þér aftur núna á þessu síð-
asta ári. Ég hélt bara alltaf að ég
myndi fá svo miklu fleiri tækifæri til
að kynnast þér betur.
Ég trúi því, í hjarta mínu, að nú
sértu á betri stað.
Nú er sál þín rós
í rósagarði Guðs
kysst af englum
döggvuð af bænum
þeirra sem þú elskaðir
aldrei framar mun þessi rós
blikna að hausti
(Ragnhildur Pála Ófeigsdóttir.)
Ég vil senda öllum ástvinum
Braga innilegustu samúðarkveðjur.
Hvíldu í friði elsku Bragi, þín
verður sárt saknað.
Þín vinkona
Íris Ómars.
Oss er svo léttgengt um æskunnar stig
í ylgeislum himinsins náðar,
og fyrir oss breiða brautirnar sig
svo bjartar og rósum stráðar.
Vér leikum oss, börnin, við lánið valt,
og lútum þó dauðans veldi,
því áður en varir er allt orðið kalt
og ævinnar dagur að kveldi.
Og því er oss erfitt að dæma þann dóm,
að dauðinn sé hryggðarefni,
þó ljósin slökkni og blikni blóm –
er ei bjartara land fyrir stefni?
þér foreldrar grátið, en grátið lágt,
við gröfina dóttur og sonar,
því allt, sem á líf og andardrátt,
til ódáinsheimanna vonar.
(Einar Benediktsson.)
Blessuð sé minning þín, ungi vin-
ur, og guð geymi þig ávallt.
Elsku Gunni, Tedda, Mæja, syst-
kin og fjölskylda, guð styrki ykkur á
þeim erfiðu tímum sem þið nú gangið
í gegnum.
Ykkar vinir
Bjarni Ómar, Ásdís,
Magnús og Lára.
Elsku vinur.
Söknuðurinn er mikill en minning-
arnar góðar og í þeim lifir þú með
mér. Þú varst alltaf svo hress og
skemmtilegur og eftir aðeins stutt
spjall við þig fór mig að verkja í mag-
ann og kinnarnar því við hlógum svo
mikið og ég varð oft að biðja þig að
hætta að tala í smástund svo að ég
gæti jafnað mig. Við áttum frábær ár
saman og þú varst svo sannarlega
vinur vina þinna.
Ég hef hugsað mikið um þær dýr-
legu stundir sem við áttum nú ný-
lega. Ég var eitthvað langt niðri og
þú komst strax til mín og hresstir
mig við og gafst mér góð ráð. Við
gátum alltaf talað um allt og þú varst
mér traustur vinur.
Ég veit að þú ert á góðum stað
núna og líður vel, en ég mun alltaf
sakna þín og aldrei gleyma þér. Þú
verður ávallt í hjarta mínu elsku vin-
ur og mun ég alltaf muna eftir hlát-
ursköstunum okkar. Ég vil votta
fjölskyldu og öðrum aðstandendum
samúð mína og bið guð að vera með
þeim.
Mér þykir óendanlega vænt um
þig Bragi minn, þín vinkona
Selma Sól.
Í dag kveðjum við Braga frænda
en hann fór frá okkur langt fyrir ald-
ur fram.
Við sem eftir stöndum erum mjög
fátæk af orðum og vil ég kveðja hann
með ljóði sem sr. Bragi Skúlason orti
og er birt í bókinni ,,Sorg – í ljósi lífs
og dauða“.
Hvers vegna gerist það
að einhver
sem á svo margt að lifa fyrir,
og lífið framundan
og er hvers manns hugljúfi,
deyr svo ótímabært?
Sá sem guðirnir elska
deyr ungur,
lesum við í minningargreinum.
Er það einhver útskýring?
Hvers vegna finn ég til,
eftir allan þennan tíma
og alla þessa sorg?
Gefur sársaukinn missinum tilgang og
merkingu?
Sýnir hann mér hvað er gott og fagurt í lífi
mínu
jafnvel fullkomið?
Það er gott að elska, sárt að missa,
en ég get ekki lifað sem maður án þess.
Elsku Bragi, ég veit að amma Lilla
og afi Bragi taka vel á móti þér á
þeim stað sem þú ert nú.
Hvíl í friði og megi ljósið lýsa þér.
Elskuleg fjölskylda, við eigum öll
um sárt að binda og vil ég senda mín-
ar dýpstu samúðarkveðjur til ykkar
allra, þá sérstaklega Gunna, Maju,
Unnar Lindar, Baldurs og fjöl-
skyldna þeirra.
Kær kveðja,
Kolbrún Þorleifsdóttir
(Kolla frænka).
Í dag kveðjum við ástkæran vin og
frænda, Braga Gunnarsson. Elsku
Bragi, eða heimalningurinn okkar,
eins og við kölluðum þig. Hjartans
þökk fyrir trausta vináttu þína við
okkur og ekki síst hann Ingólf. Þið
voruð ekki stórir þegar þið héldust í
hendur í fyrsta sinn, aðeins nokk-
urra mánaða. Það sem mér er efst í
huga er fallega brosið þitt sem þú
varst óspar á. Þið lékuð ykkur í bíló
alla tíð og ekki svo langt síðan síðast,
en bara með fullkomnari bílum en
þegar þið voruð litlir. Við þökkum
þér fyrir þær góðu minningar sem
við eigum, og enginn getur frá okkur
tekið. Með þessum orðum sem ég
fékk að láni hjá pabba mínum viljum
við kveðja þig.
Hvílík harmafregn
hjartansstrengur hvín.
Dynur dauðaregn,
daprast augu mín.
Lokast birtubrá,
og brosin hlý og skær.
Er vinur fellur frá,
færist myrkur nær.
Hafðu hjartans þökk
mér horfin stund er kær.
Í minni mínu, klökk
er minning hrein og skær.
Þú gengur um gleðilönd,
Þér glampar sólin heið
og við herrans hönd
þú heldur fram á leið.
Elsku Gunni, Maja og fjölskyldur.
Við vottum ykkur okkar innilegustu
samúð, og vonum að Guð geti hjálpað
ykkur í gegnum sorg ykkar.
Guð í alheimsgeim
geisla sendu þinn.
Til líknar ljáðu þeim
ljós í myrkrið inn,
er harmar þungir þjá
og þjaka hjartasár,
styddu og styrktu þá,
strjúktu votar brár.
Drottinn ljósa og lífs
ljáðu huggun þeim,
er líta í kvölum kífs
kaldan og dimman heim.
Láttu helga hönd
harma lækna sár,
sefa sjúka önd,
sviða þeirra tár.
(P.J.Þ.)
Kær kveðja,
Jón, Sigrún og fjölskylda.
BRAGI
GUNNARSSON
Kársnesbraut 98 • Kópavogi
564 4566 • www.solsteinar.is
Ástkær eiginkona mín, móðir okkar, tengda-
móðir og amma,
ÁGÚSTA MARGRÉT ÓLAFSDÓTTIR
húsfreyja,
Úthlíð,
Biskupstungum,
verður jarðsungin frá Skálholtskirkju laugar-
daginn 2. október kl. 14.00.
Blóm og kransar vinsamlegast afþakkaðir.
Stofnaður hefur verið minningarsjóður Úthlíðarkirkju til minningar um
Ágústu Margréti Ólafsdóttur. Þeim, sem vilja minnast hennar, er bent á
minningarsjóðinn, reikningsnúmer: 5712923009-152-15-371865 í Lands-
bankanum á Selfossi.
Björn Sigurðsson,
Ólafur Björnsson, Inga Margrét Skúladóttir,
Sigríður Björnsdóttir, Ólafur Ingi Sigurgeirsson,
Hjördís Björnsdóttir, Þorsteinn Sverrisson,
Jónína Birna Björnsdóttir, Hjörtur Freyr Vigfússon
og barnabörn.
Okkar ástkæra,
AÐALBJÖRG SIGNÝ SIGURVALDADÓTTIR,
Eldjárnsstöðum,
Blöndudal,
lést á heimili sínu mánudaginn 27. september.
Jarðarförin auglýst síðar.
Fyrir hönd annarra aðstandenda,
Sigurjón E. Björnsson,
Sigurvaldi Sigurjónsson, Guðbjörg Þorleifsdóttir,
Kristín B. Sigurjónsdóttir, Guðbergur Björnsson.
Systir okkar,
GUÐRÚN PÁLSDÓTTIR ULLSTEN
tannlæknir,
lést í Västerås í Svíþjóð miðvikudaginn 8. september síðastliðinn.
Jarðarförin hefur farið fram í kyrrþey.
Fyrir hönd aðstandenda,
Kristín Pálsdóttir
og Jóhann Pálsson.
Elskulegur eiginmaður minn,
ALAN D. STENNING,
35 Roberts Ride,
High Wycombe,
Englandi,
er látinn.
Ingibjörg M. Blöndal Stenning.
Móðir okkar og tengdamóðir,
JÓHANNA JÓHANNSDÓTTIR,
Byggðavegi 99,
Akureyri,
er látin.
Róshildur Sigtryggsdóttir, Baldvin Jóhannes Bjarnason,
Margrét Sigtryggsdóttir, Jón Aðalsteinn Baldvinsson,
Sigríður Kristín Sigtryggsdóttir, Guðmundur Stefán Svanlaugsson.
Elskulegur faðir okkar, tengdafaðir, bróðir,
mágur, afi og langafi,
ENGILBERT ÞORVALDSSON,
Heiðarvegi 57,
Vestmannaeyjum,
sem andaðist á Hraunbúðum sunnudaginn
26. september sl., verður jarðsungin frá
Landakirkju í Vestmannaeyjum laugardaginn
2. október kl. 10.30 fyrir hádegi.
Sigurborg Engilbertsdóttir,
Guðbjörg Engilbertsdóttir, Jóhann Jónsson,
Elín Þorvaldsdóttir, Ágúst Jósefsson,
barnabörn og barnabarnabörn.
Morgunblaðið birtir minningar-
greinar alla útgáfudagana.
Skil Minningargreinar skal senda í
gegnum vefsíðu Morgunblaðsins:
mbl.is (smellt á reitinn Morgun-
blaðið í fliparöndinni – þá birtist
valkosturinn „Senda inn minning-
ar/afmæli“ ásamt frekari upplýs-
ingum).
Minningar-
greinar